龍寶酒家

营业中

休息中

服務態度差，货不对板，巧立名目的收費，還要收百份之十七的服務費。一家五口開開心心去晚餐。點了幾個菜後叫了一個特價菜，五人可叫燒鵝半隻。來到的是貴妃雞半隻，要求更换後。已口黑面黑，最後來了的半隻燒鵝比平時的燒鴨還細了很多。其他菜色都已貨就價，份量少又不好吃

食物唔差，但係服務態度勁差，撳住嚟搶，一入嚟畀啲花生我，我話唔要，話公司規矩，唔可以唔要，一定要收錢。 冇消費者權利真係撳住嚟搶。 唔係錢嘅問題係 消費者的權利都被剝削。 真係嬲嬲豬。 整到成晚個氣氛都冇，千祈唔好早過六點鐘到食晚飯，因為唔畀入坐檯，要出面等，只六張凳坐著等，多過六個人就要企喺度等入座。

經常去呢間酒樓飲茶,但係晚飯就實在少之又少,對上一次嚟呢度食晚飯已經係4,5年前.最近飲茶見到宣傳單張晚餐小菜好似幾抵食,咁咪約親戚嚟食囉.兩支公叫咗三個餸,兩支啤酒,一碗白飯,302蚊又幾抵嘅,不過食物質素就認真麻麻.優惠嘅菜式有五種但係只可以5揀1,就叫咗1/4隻燒鵝.由落單至到上第一樣從用咗半個鐘,如果食物係熱辣辣嘅都冇乜所謂.我都唔會強求係明爐燒鵝,但係最先上嘅燒鵝竟然係凍嘅,真係令人髮指.凍嘅燒鵝皮就自然唔會脆,亦都理所當然唔會有乜野油香,而且肉鞋颯颯,真係唔知係因為隻鵝本身質素差定係因為凍晒先攞出嚟嘅關係.蠔皇北菇炆水魚煲,其實水魚份量都幾夠.最重要既皮雖然未至於好肥美,但係起碼唔算瘦先啦.但係都係相同問題,未至於好似一開始果碟鵝咁凍,但都係有少少涼嘅.明明如果熱辣辣食嗰層皮既話咬落會好甘香,因為溫度問題又浪費咗一種食材.最後一味餸係香辣茄子生蠔煲,有少量冬菇,極多茄子,幾隻生蠔.所謂嘅生蠔比蠔豉大少少啦,好彩一啲都唔腥,每人都分到大約兩,三隻既.不過香辣就欠奉喇.呢個價位嚟講唔算太差,比較平嘅價錢忠實咁樣反映到比較低嘅質素.但係出面物超所值嘅餐廳何其多,我又洗乜再嚟呢一間

間唔中都會同舅父飲早茶,因為去開嗰間太子嘅酒樓執咗笠,呢半年就改咗去深水埗嘅龍寶酒家.呢度唔算太就腳,搭地鐵嘅話比較近長沙灣站.茶樓有兩層,面積都算大,劃分為搭枱同埋非搭枱區.如果唔太晏去嘅話基本上都唔使等位. 講真,呢度嘅食物質素真係麻麻.嗰日叫咗腸粉,先唔講腸粉本身嘅質素,豉油完全完全冇鹹味,開頭以為只係落得唔夠,但係加到好似洪水氾濫之後都仍然係冇味,終於確定係豉油問題.另外腸粉嘅皮冧到一夾就爛,裏面嘅叉燒同豉油保持一致,都係冇味嘅.蘿蔔糕淨係睇個樣都知道煎得唔夠透,裏面仲有麵粉嘅質感.而且因為煎得唔夠嘅關係,外面仲係油淋淋.最後仲因為唔夠熱而令到口感更差.蓮藕餅嘅獨特之處係冇蓮藕個種爽口嘅感覺,或者因為已經將蓮藕磨成粉啦,但如果連蓮藕嘅味道都冇嘅話就實在太過神乎其技喇.另一個特別之處就係佢係將三塊比較薄嘅"蓮藕餅"疊起當成一塊,即係好似三塊餅乾夾埋一齊咁樣.要好味嘅話點樣整都冇問題,可惜呢碟實在好難叫做蓮藕餅.雞包仔除咗餡料比較少之外都冇乜問題,同棉花雞一樣都做到其他茶樓嘅一般質素.另外仲叫咗鹹菜豬骨粥,都係非常清淡.鳳爪排骨飯既鳳爪淋到入口即溶.以價錢嚟計,呢度嘅點心係比較平既

已經有一段時間無黎龍寶食晚飯，好掛住佢嘅乳鴿同埋翅，梗係即刻過黎食啦，近近地，又唔駛排隊等位。坐低馬上叫隻乳鴿食先乳鴿成隻上，無切開，要自己剪，唔太方便乳鴿皮脆肉嫩不過內臟清得唔太乾淨金銀蛋上湯莧菜上湯浸到啲菜好入味，菜夠嫰，賣相一般，估唔到有驚喜元貝螺頭燉鮑翅，好足料，翅多，湯夠鮮甜，真係想食多碗黑椒牛骨煲，牛肉嫰滑，撈飯食一流豉椒炒蜆蜆肉細粒，不太新鮮，有啲失望整體來說，有進步空間，有部分菜式失準，希望可以保持返水準啦！

$124可以食得幾豐富？平時午餐豪好少少都要100以上⋯龍寶居然推出套餐1488供12位用!每人只需$124咋!加一都唔使你一定會諗劣食啦!事實上又唔差喎！套餐包括⋯有原隻乳豬! 肥瘦適中! 花膠湯仲幾正喎!濃郁冇味增!蒜蓉蒸腩骨!啲粉絲超好味!食到飽飽!仲有熱辣辣壽包!除咗講抵食！同埋好鬼抵食！但如果喜歡食環境氣氛嘅食客就可能唔啱啦!環境係略為嘈左少少！啤酒妹又煩左少少!嚟緊中秋可能再同屋企人黎食多餐仲有12個橙打包返屋企!

一間街坊，平民，老派，平價的酒樓，一間網評負面多的食店，令我在晚餐感到驚喜。是親人建議選此店，以遷就老人家。在星期五下午5:45已頗多人輪候，出乎我所料。樓下和大堂都貼滿很多宣傳海報。我心想只有幾間分店，何需大費周章，但都感覺到酒家圖強的誠意。今晚部份優惠不適用，來捧場的街坊仍不算少。6:00前封場開會，帶位入場都做得嚴謹，一改我在午市看見到「市井」現象。原先不打算寫食評，免有「鱔稿」之嫌，事隔多時，後來漸漸覺得如實評述便可以。當晚自編筵席菜式如下:話梅乳豬是堂剪式，是話梅豬手的概念延伸，創意值分，半隻價格是88元，比其他酒樓便宜20元。全隻是168元。脆卜卜，話梅可去油膩感，並自行用剪，對我來說，是首次，帶來新意。熱葷是雙蠔。酥炸韓國生蠔是比不上美國貨，酥脆但欠鮮味。薑葱生蠔則有鑊氣，惹味得多，全靠汁獻。此店多少屬爆炒店，食此類餸菜，質素較有保障。濃雞湯煲鮑翅賣268元，6個人夠分享，香醇濃香，價格比大集團酒樓便宜。海鮮類正式登場，上湯焗蝦，經濟實惠，高湯汁令中蝦提鮮。蒸老虎斑和炒斑球兩味共198元，亦是比其他酒樓廉價。大家都說炒斑球較好味。早一代人慣食大牌檔風味，成長時嚐到的味道是

母親節去左龍寶食晚飯，因為只有呢間仲有得預約，預約時段係6:15pm / 8:30pm, 而6:15 pm 時段一定要6:30pm 前落單同7:45交枱（唔通佢地要45分鐘執枱？）。5:40pm 去到，服務員話太早，連入去坐都唔俾，結果有好多人塞晒係門口，其實入左去坐左先都應該唔會太阻佢。雖然今日係母親節，但龍寶都仲有做特價海鮮五款小炒set,乳豬全體都只係$218。上菜速度好快，乳豬係新鮮燒出黎，俾把較剪你自己剪黎食，d 皮都幾脆，啖啖肉但唔中食食肥膏既人就唔好order 喇，因為有部份都幾多肥膏。 海鮮小炒略嫌太油同有d 咸，最有驚喜係炒蟹d 粉絲，好入味。飯後甜品係美國蘋果仔，幾甜，又估佢唔到喎。食物唔算超好食，但母親節黎講咁既價錢都可以接受。

上午11時前，食中式早餐大力推介龍寶酒家，鳳爪排骨飯、鹹魚肉片飯、滑雞飯，由上午7時至上午11時正供應，每款$9.8另外還十分喜歡他們有搭枱區及不搭格區，如果你不想跟其他陌生分一張枱的話，可以自成一角， 茶錢方面個人需付多$2龍寶還有有另一個特色，就是當你坐到下午茶時段，即星期一至五兩點正，星期六日或假期一時正，便可享受下午茶特價時段的食物，其他酒樓需要由入座起計算，這一點龍寶比較優惠街坊。龍寶需要上樓梯，但是亦提供輪椅升降機。

長沙灣龍寶酒家，中午飲茶食物及服務都是麻麻地，食質素更是一般，點知晚餐是另一個世界，經理及伙計都好醒目，差足電，不要這麼大差別好嗎！點了薑蔥肉蟹粉絲煲，燒鵝，美極煎焗海中蝦，豉椒炒蜆🌶️五福臨門，頭斑腩，炒老虎斑球。薑蔥蟹粉絲煲估唔到粉絲咁好食下肉亦都非常之正美極煎焗海中蝦，本身我唔識美極做既餸，點知呢個蝦，整得都幾好味，有驚喜，雖然我對呢個䭛改觀左，但抗拒美極不變。豉椒炒蜆中規中矩。老虎斑兩食，我估唔到老虎斑個煮法非常之好食，魚亦都好新鮮，各種小菜以老虎斑兩食最為精彩！！燒鵝，比我想像中更加好食，外皮夠脆肉地夠嫩。

現今要搵一間好食既酒家已經唔容易，又要抵食又大碟簡值是非份之想😌， 不過深水埗呢個地方其實是可以搵到😝，好似東京街有好多間都好好食😋，唯獨今次真是中左六合彩😇，應該是中伏先岩😧。 首先是門口張貼好多特價野都不在話下😍，張相影得好鬼死靚😘， 不過食物同張相可以話強差人意😵， 一睇餐牌要收13%服務費😱真是被佢嚇一跳😩，原來得淡笑😰，服務得好都無所謂， 我知道佢服務得最好是好快收哂我食完個隻碟😲， 叫人來點菜反而是十問九唔認😒， 相我都廢是影，以免我部手機中毒😖，點左個菜叫 <每日生劏老虎班> 兩味， 點知是被人劏到出血😭。 再order左隻1蚊雞，其實都沒咩要求，味道似超級市場或街市貨色。 最攪笑送左兩個沒切的蘋果， 望一望唔敢食😞， 以免食完今晚訓唔著😷。 謝謝收看。 希望唔好肚瀉🙏

開年飯之發財海鮮九大簋約左一班朋友食新年開年飯，有人提出食不如食酒樓小菜，於是大家都OpenRice一下，又有人提出在長沙灣深水?一帶食，其實這個區要找一間好食又乾淨?酒樓真的不容易。於是，根據本人之前食過?經驗，就提出不如食龍寶酒家，本人之前都飲過早茶，午市，晚飯小菜都有食幾次，覺得環境來講，比起其他同區酒家算唔錯，食物質素又唔差，大家食完都話好。於是我地一行１４人就早一日預定，來到拎位，都係等左一陣，好快就安排好台比我地。而我地入坐時大約７點半，酒家兩層都差不多坐滿了。一坐低，我地都驚上菜要等，就同侍應講定要一個套餐：發財海鮮九大簋有咩食呢？有堂剪乳豬全體、生財好市大元蹄、上湯焗大中蝦伊麵、碧綠彩鳳海中寶、櫻花蝦蛋白大蠔餅、蟹肉魚肚燴燕麥片羹（二選一）、富貴香妃雞、清蒸生猛大龍躉、蠔皇花菰翠鮮蔬、原籠臘味糯米飯、湯圓紅豆沙、同合時鮮果。不如我講我有記得影相的菜啦：＜堂剪乳豬全體＞首先，講講隻乳豬：因為原隻上，所以要自己落手剪，初時我地都覺得好麻煩咁，之但係剪落又好易喎！仲好好玩添！我地１４人每人仲有一大件，比平時去飲食得少少差好遠。皮都算幾脆，唔太鹹，味道剛好，不過係有少少肥。整體

一間性價比高的酒家，位於深水埗元州街，地理位置不錯，地鐵步行八分鐘就到，週六晚多人排隊，七點半四人位拎飛時要14張台先到我們一家🤦🏻‍♀️可惜沒有留座的服務。入座後慣例問你飲咩茶，然後落單，我們叫了四個菜，上湯龍蝦伊面、藥膳米酒雞、一魚兩餸，魚塊好好食，藥膳米酒雞推介給大家，好香藥材味，雞也不錯，行過的人都話好大陣味，好香！☺️因為慶祝爸爸生日，叫了半打壽包，是傳統壽司，甜甜蓮蓉味，收埋禮物心滿意足！！

群主吹雞，傾個同生死有關嘅大 project，約去龍寶酒樓一邊打邊爐一邊傾詳情，好！即到！今次聚會大家重點係一齊開會，所以約係平平地打邊爐嘅地方，打邊爐配料張選單，你唔會見到生蠔和牛哩d貴價配料，每位百令蚊任食街坊價，唔會有咩期望係常識吧！去到雪櫃囉飲品，汽水選擇唔多，但原來旁邊有酸梅湯橙汁等其他飲品，醬油選料都有成十幾款，好多火鍋餐廳得四款咋！算係咁啦！海蝦同鯇魚新鮮，唔係霉嘅，牛肉，雞肉係普通貨色但新鮮，滿意！走果時係樓下見到將海報，先知道有68蚊嘅大鮑翅，下次試吓！

本身都對舊酒家服務冇期望架喇，不過拜完山附近冇選擇先黎。要左個芋絲餅一碟3個，個上菜阿姐整跌左1個，跟住話要比過碟我，然後就咁走左。然後等左勁耐都冇黎到啦當然，咁我見到個部長諗住問佢啦，我揮手叫佢黎佢連行過黎都廢事。個紅呔部長。就咁離遠話「係等下啦就黎」。黎條毛嗎？未遇過有部長連個客叫佢，都會廢事行過黎架囉！😡