龍寶酒家

营业中

休息中

知道有懷舊點心，所以我兩人都叫多好多。星期日，每樣加3蚊。無發覺原來加13%服務費。但我不上國內消費的母親大人覺得食物還可以。我也滿意也許到你去，你會覺得性價比不及北上。

這一間有多年歷史嘅酒家，機緣巧合之下與朋友一起飲茶，竟然給我搵到極致好味嘅傳統小吃 - 蛋散。由於蛋散手工較為繁複，所以很少酒家可以吃到這一款點心。它是我兒時最喜愛。這碟厚厚的、有重量級的甜點。被端上枱的時候看見它沾滿了甜甜的麥芽糖的賣相，已令我垂涎三尺。而且他充滿了懷舊的味道，真係越吃越開心，很有滿足感。它的口感又鬆化又爽脆，相對一些薄身的，我較為喜愛這種厚厚的，口感豐富的。整個組合簡直回味無窮。吃過返尋味，勁推介。至於其他點心，就與很多酒家也大同小異。

🥢首先，我要介紹嘅係皮蛋瘦肉粥。一碗熱騰騰嘅粥，配上滑嫩嘅瘦肉同埋香濃嘅皮蛋，簡直係完美嘅早餐選擇。粥底煮得非常細膩，米粒同水融合得恰到好處，口感順滑。而皮蛋帶來嘅獨特風味，更加提升咗整碗粥嘅層次感。每一口都令人感受到溫暖，無論係寒冷嘅早晨定係疲累嘅午後，都係一個好選擇。🥢龍躉飯。呢道菜用新鮮嘅龍躉魚片，肉質鮮嫩，配上香米飯，簡直係一絕。龍躉魚片煮得剛好，不油膩，魚肉入口即化，加上少許醬油調味，更加突顯咗魚肉本身嘅鮮味。🥢牛肉球。呢啲牛肉球外脆內嫩，每一口都充滿咗牛肉香氣。佢哋用新鮮牛肉製作而成，經過精心調味，再加上適量嘅香料，令到牛肉球味道更加豐富。搭配上特製醬汁，更加提升咗整體風味，非常適合做小食或者開胃菜。🥢呢度嘅燒賣真係唔可錯過！每一件燒賣都包住咗豐富嘅餡料，包括豬肉同蝦仁，口感層次分明。外皮薄透，蒸得剛好，不會過於乾燥，而裡面餡料則鮮嫩多汁，每一口都令人陶醉。而且佢哋仲會加上一啲香菜點綴，唔單止好睇，更加增添咗香氣。另外，我特別鍾意牛肉燒賣。相比起傳統燒賣，牛肉燒賣帶來另一種獨特風味。牛肉質地較為緊實，但經過蒸煮後依然保持住多汁感，加上特製醬油，更加令到每一口都充滿咗驚喜。而

第一次寫食評，估唔到就係要寫幫襯過好多次嘅老鋪，真心幫佢唔落喇，年廿九晚都仲可以book倒枱，都知咩料，叫個新春套餐，份量同味道都ok嘅，不過上菜速度同態度真係迫我提早同佢開年。炒個班球要炒兩個鐘，唔發爛渣都唔黎，最衰嘅係叫套餐，想取消都唔得。唔知以為食緊法國大餐添，乜心情都已經冇晒，阿經理親自拎碟魚黎嗰時，我已經同佢講叫佢送埋個盒黎，我食唔落喇，係送呀😡，唔係加錢呀！佢話冇問題，但最後呢！張單都係加兩蚊。我都未試過為咗兩蚊力爭到底😂唔知以為我孤寒到咁

就嚟中秋節，屋企人今年想早少少一齊做節✌🏻屋企人今年想係酒樓食見到龍寶做緊八人套餐優惠，仲有乳豬食，就決定喺呢度book枱🐷鴻運乳豬全體呢個價錢食到咁大隻乳豬真係抵食又好味乳豬嘅皮燒到脆卜卜脂肪同埋肉嘅比例都啱啱好🤤一陣就已經全部食晒🙌🏻🐷上湯珍寶蝦球長壽麵蝦球份量十足，每隻都好大隻每隻蝦都掛晒啲湯汁好入味麵嘅份量都好足夠同台小朋友都好鍾意食呢一碟🐷杏香百花釀蟹鉗每粒都好大粒 蟹肉味好出口感十足 🐷星洲胡椒花膠雞煲呢個湯真係飲到停唔到口同每個人都飲咗起碼兩碗唔單止個湯好飲，仲要好足料好多雞同花膠，仲有好入味好好食🐷翡翠玉環瑤柱脯食咗咁多碟肉，即刻上返碟菜啲瓜幾清甜加埋瑤柱幾好食，唔錯！最後當然唔少得有壽包同埋水果因為做節嘅關係成層都坐滿晒人真係區內嘅平民食府 想食記住早啲留定枱😗😗

由細到大都會去唔同嘅龍寶酒家食晚飯因為爸爸係龍寶嘅super fans貪佢又平又抵食而今日食嘅晚餐完全係平靚正我哋叫咗乳豬半隻送到出嚟個皮仲係脆卜卜搞到我都忍唔住一舊接一舊咁食跟住就係燒鵝燒鵝肥瘦均勻食落唔會好肥膩而且價錢實惠我哋仲叫咗個炒通菜呢碟菜炒出嚟好有鑊氣色水又靚之前食過好多餐廳嘅炒通菜一係就一味得個辣字一係就好似冇乜味咁但係呢一碟完全搞到唔係好鍾意食菜嘅我都會大大啖咁食可以想像佢嘅味道係點去到今晚嘅重頭戲就係上湯龍蝦伊麵呢一碟餸我哋每一次嚟都必定會叫除咗份量夠多之外佢嘅味道都一流完全食到龍蝦嘅鮮甜大家下次嚟都一定要叫嚟試吓佢除咗可以上湯咁整之外仲可以芝士焗龍蝦伊麵又係另一番風味最後我哋仲叫咗個薑蔥炒蠔因為爸爸同哥哥都係蠔精就咁睇相都見到啲好幾咁大隻師傅仲炒得好有功架完全唔會過熟搞到啲蠔韌晒如果你哋鍾意食蠔嘅話不妨都叫嚟試下

平日12點去到，唔使等位，直入自己搵位。酒樓有兩層，不過要行樓梯，座位多，餐具都算乾淨。午巿點心由$18.8至$29.8不等。茶芥$10一位，下午2點開始下午茶。金絲脆蛋散 $16.8蛋散超鬆化，蛋散面淋上糖漿，灑上椰絲，少少甜，好好食燒鵝單拼 $29.8大大碗，燒鵝夠肥美，可選配米粉、河粉、生麵或飯醬汁蒸鳳爪 $22.8醬汁味濃，有花生墊底，鳳爪淋得黎唔會爛晒家鄉煎咸薄撑 $22.8薄撑有咸甜供選擇，薄撐雖厚身，但出奇地香脆。味道夠，啖啖蔥花火腿味。金牌流沙包 $26.8趁熱食有流沙效果，奶黃味香原隻鮮蝦腸 $29.8軟滑既粉皮包住原隻鮮蝦，加入少量菜葉，每條有兩隻蝦，大大隻，蝦肉爽脆鮮甜，推介👍整體食物味相當唔錯，粉量十足，上菜時間亦算快。

【深水埗區】【龍寶酒家】今晚呢餐係同一班長輩食嘅，所以都唔係咁方便喪影食物相，求其影吓就算。不過由於呢間酒樓喺香港都算出名，而家有五間分店，咁就講吓啦。呢餐飯係因為有人想食 $328 嘅「鴻運脆皮乳豬」一隻，係「席上自剪乳豬」，佢唔包切，不過酒樓會提供較剪。由於佢要九位或以上先可以叫「一隻」，所以我先掹車邊出席到。而味道上又真係唔錯，唔怪得啲長輩搞到咁大龍鳳叫人都要食。而我哋亦都有叫其他小菜嚟食，例如「瑤柱扒豆苗」、「西芹腰果炒蝦仁」同「砵酒焗日本生蠔」，佢哋嘅味道都可以嘅。仲叫埋「米酒雞孖寶」嘅「藥膳米酒雞」一隻配「上湯焗大蝦球伊麵」，又叫咗「大龍躉斑兩味」嘅「翡翠炒斑球」配「蒜香雲耳蒸頭腩」，質素都係可以嘅。加多碟「生炒糯米飯」就個個都飽晒，收埋「開瓶費」之後，其實我都唔知幾多錢，總之多謝啦。。。（地址：長沙灣元州街280-288號地舖）

買完嘢突然間落大雨，最好就搵個可以hea得耐嘅地方，揀咗去龍寶飲茶。下午十二點左右嚟到，勁多人等位，夥記話二樓唔使等自己入去搵位搭枱就得，想坐得舒服就等位上三樓。等咗大半個鐘終於有位，拿拿林畫落單紙先😋⭐香煎蓮藕餅同預計中不同，呢度係用兩張餃子皮中間夾住少量鯪魚肉混蓮藕碎餡，炸得香口，味道都ok嘅。⭐鮮蝦炸雲吞呢個新鮮炸起，比上面嘅蓮藕餅香脆，不過餡料極少。⭐蘿蔔絲春卷又係炸野，正如其名，春捲入面淨係得蘿蔔絲。⭐叉燒包拼雞包仔兩款拼埋一齊都好嘅，一次過可以有兩款包食唔使怕太飽，不過蒸到啲餡漏曬出嚟啫。⭐鮮蝦菜苗餃雖然個皮爆曬，但係我覺得佢係全餐最好食嘅，菜苗多汁蝦肉爽口，不過個餃子皮就笠口啲。⭐順德魚滑釀虎皮椒虎皮椒好細條，魚滑亦都好薄，一分錢一分貨。⭐蘿蔔清湯牛腩蘿蔔清甜牛腩炆得入味，雖然賣相不佳，但好食喎。⭐椰香芝麻卷最後係朋友心心念念嘅芝麻卷，上次去糕點舖想買但買曬，茶樓竟然有就試下啦。三條芝麻卷粗幼不一，長短亦不一，雖然灑上大量椰絲同花生碎，但味道冇提升到。芝麻卷口咁硬實，亦冇芝麻香，失望。兩個人食八碟點心都唔覺飽，呢間啲點心份量畀一般茶樓細碟，雖然價錢平，都係嗰句啦～一分錢一

服務員最重要係落場，埋單，個客唔走就熄埋灯，冇晒啲人情味，服務咁差真係迫香港人北上消費。點解香港會變成咁。乜都識得賴，老闆請呢啲伙計真係等執笠。難得假期食一餐，結果食到一肚火。

6月5日靚媽，罕有揸主意，到呢間酒樓食，與佢嘅外家親人，食端午節飯，因呢間酒楼喺，附設加1點3服務費，茶位又要$14蚊位，再加兩碟花生，呢啲消費加埋都，幾喺嘢，所以精打細算嘅，靚媽，决定叫咗一席八位全包宴，就可免却咗上述，所講費用，而此席全包食物水準，最好味喺，嗰隻自行堂剪乳豬及蒸大龍，兩者都有A級評分，而個蝦球燴伊麵和鮑片生菜鵝掌，都有B+水準，而此席重頭戲之一食品，花膠雞湯及櫻花蝦蟹拑，嘅味道就唔多啱，揾食肥華口味，分列為B-及C級食品，不過以$1388價錢，食到10人份量嘅餸，重有壽桃，生菓和兩枝啤酒，今晚食到呢席，低食全包宴，喺靚媽英明，嘅選擇👍👍👍

該員工態度極差，裝聾作啞，黑口黑面，問咩都唔應，腸粉無鼓油，小籠包無喼汁，好聲好氣問佢「阿姐，可唔可以俾啲鼓油？」佢dup低頭扮聽唔到，擰轉頭走。我一開始以為佢真係聽唔到，又行到佢面前問佢，都係扮聽唔到，前後問咗五次，佢最後至望下我張檯，講咗句「好麻煩」，跟住又低聲講咗幾句粗口，推架車仔走咗，卒之都係無俾我。該酒樓員工態度一向麻麻，不過咁嘅極品員工都係第一次見。食物價格質素環境等整體OK，不過個別員工態度需改進，倒老細米，非常影響進食心情。

今年無同細佬妹食團年飯，因為細佬嘅生日好近過年，所以，索性改為食開年飯加生日飯，等我慳番一筆。就返佢哋都喺搵深水埗區，不過今次行遠少少，落到近長沙灣嘅「龍寶」，再者，佢哋一向對食無乜要求，反而呢類街坊酒樓仲啱佢哋。內裡嘅格局喺好傳統嘅街坊酒樓樣，但估唔到二樓堂座坐到好爆，我哋就被安排上三樓，晚市初段都好鬆動，但坐吓坐吓都差唔多八九成滿。菜式幾版紙就睇晒，有好多晚市優惠，但啲特價嘢當然就有限制啦，補充一句，餐前小食收$12、茗茶收$14，另外，服務費唔止加一，喺加13%。特價紅燒乳鴿 $20.8雖然個優惠喺可以每人叫一隻，不過我哋都喺過吓口癮，叫兩隻分嚟食就夠。乳鴿原隻咁上，不過酒樓會提供鉸剪，輕易剪開，味道都幾唔錯，香口好食，只喺嫌比較細隻少少，無咁好肉地，但話晒只喺廿蚊你仲想點。深海大龍躉兩味 $288「兩味」分別喺「翡翠炒班球」以及「蒜香雲耳蒸頭腩」，計落好似廿划算，但食過又另一回事，因為份量比預期中少。先講講碟班球，單睇外觀其實幾好樣，啲西蘭花好翠綠，不過，啲西蘭花切到成半個拳頭咁大，再加埋大量燈籠椒，已經無咗一半空間，所以，班球其實得嗰5、6件左右，真喺一人分得一件多啲，至於肉

各位網友，今日帶大家去食個地道好嘢，搵到間食肆，正宗街坊風味，勁過隔離！試咗佢哋嘅海鮮套餐，蟹蓋炒粉絲真係好過癮🦀，粉絲吸滿咗蟹味，咬落有勁。炒蜆嗰啲汁，咸香得嚟又唔膩，正！斑球炁菜仲有嗰種"彈牙"嘅口感，簡直要流福氣！另外，佢哋個乳豬，真心唔算最正，但抵食度依然高，肉質適中，皮唔夠脆🐖，但價錢平，都唔好意思咁多要求。至於嗰啲小菜，要讚下個炒飯，粒粒分明又唔油膩，屋企人都話好食。最後個甜頭，單純但清新嘅橙🍊，賞心悦目，完美緊扣呢頓緊意飯。簡單講呢間食肆，就係一個輕鬆唔洗斟數嘅選擇。食物質素，有啲掂，有啲普通，但係價錢公道，環境就唔使講，熱鬧！啫喱跟埋街坊們嘅笑聲，食個飽，唔係單單填肚，仲好過left大家都滿足啦！下次可能再試下佢哋嘅其他招牌！🍢

出嚟食飯想要實在又滋味，真係要有啲運氣同好眼光。今次我去咗間食府，幾上心水。一入門就點咗幾樣招牌📜。首先，上湯龍蝦伊面湯底好鮮，龍蝦鮮甜彈牙，伊面吸滿咗上等高湯嘅精華，入口即化。藥膳米酒雞嘅香氣圍繞全場，雞肉嘅入味同質感都算得上係一流，一啖肉，一啖酒香，真係過癮到不得了。再講下蒜蓉蒸腩骨，啲粉絲蒸得啱啱好，入口時粉絲嘅香滑同腩骨嘅肉汁完美結合，幾滋味。做實味評，飲茶嘅究竟點少得壽包，佢哋個壽包甜度啱哂，蓮蓉餡兒香甜細膩，伴隨住啲師傅手藝真係令人回味無窮啊。不過啲服務係有點急促，催食有啲抵死，食得匆匆忙忙嘅感覺會影響心情。總體來講，食味同性價比牛哥一流，服務就需要加把勁啦！啲食物整體滿足咗我對味道嘅要求。同大家分享一轉，下次尋找美味平民飯局嘅時候，可以考慮呢間食府嘅。🍽️🎉