龍城冰室

营业中

休息中

今日星期六，中午落雨落到好大🌧🌧⛈，不過去到三點幾下午茶嗰陣，就冇落雨啦🌤🌤。咁岩行到觀塘龍城冰室，喺嗰度食咗個下午茶。以下是下午茶餐牌：首先，點左 仿鮑魚火腿絲通粉+ XO 醬炒蘿蔔糕（$43）同埋 自選雙拼（3.6 牛乳炒蛋&漢堡）烏冬 （$34）各跟一杯野飲， 熱檸水唔使加錢，紅豆冰要加$8。最後我地仲點左 奶油豬（$17），同埋煎豬扒包（$22）。由佢哋嘅餐牌可見，選擇的確好多，單是下午茶餐都超過20款，未計早餐、午餐、晚餐同其他鐵板燒、海鮮煲、炒粉麵飯等等。豬扒包應該係最好食嘅食物之一，值得一讚，麵包烘烤過、脆口，豬扒亦都係即煎嘅，裏面咬落去裏面是充滿肉汁，仲要熱辣辣，高度評價。👍🏻👍🏻總結，兩個人點咗兩個下午茶餐，都係粉、烏冬，另單點左兩個包，食到好飽，埋單唔駛$130。

大約黃昏六點嘅時間就去到餐廳唔需要等位叫咗一個二人套餐再加一個晚餐同一個菜總共都好似係二百幾蚊性價比係超級高仲有三碗湯，三杯嘢飲，三碗白飯咕嚕肉揸得好香脆個汁又較得啱啱好其他嘅配菜都好多肉係冇骨嘅，所以方便小朋友食呢個係鮑魚雞煲，一共有四隻罐頭鮑魚雞方面就比較鹹但係都好惹味最後一個係豆腐斑腩煲佢入邊仲有一啲大隻嘅冬菇佢嘅魚同豆腐係一比一所以係非常之抵食而且每一舊都幾大佢嘅餸普遍來講份量都比較多價錢又唔貴真係超級抵食最美係一個炒西蘭花咁其實佢好似只係加$48就會有一個菜咁佢呢個菜係有用櫻花蝦落去炒所以感覺好鮮味，唔會淨係蒜蓉咁悶啦

今日拎份文件去觀塘比個客簽名，因為天氣熱，行到去都成身汗，客人好客氣，佢請咗我入餐廳坐低先慢慢傾，重話呢間龍城冰室食物多元化，有港式常餐，中式小炒，西式燴飯和意粉，及鐵板扒餐。味道唔錯。鐵板海鮮炒烏冬：上檯時熱騰騰，鐵板重發出滋滋聲，烏冬炒得夠味又夠鑊氣，海鮮有蝦、鮮魷、魚柳、青口，都好新鮮，烏冬彈牙惹味！凍檸茶夠凍夠味。焗芝士蝦球意粉：蝦球爽口，芝士醬汁撈埋意粉食口感creamy,十分惹味！紅豆冰奶味香濃，紅豆林甜。

做完GYM同朋友去左附近茶餐廳食Tea, 餐廳有唔少卡位, 坐得舒服, 大熱天時有得坐下, 食下tea同朋友傾下計幾寫意。Tea-set供應到下午6點, 再跟熱飲,款式由輕食至主食都有, 價錢平均$40左右, 全日無加一。【花生醬西多士】HK$32西多士烘至金黃, 面層薄牛油慢慢因熱而溶化, 多士中層有花生醬, 糖漿額外自行加上 (甜度能自己控制), 西多士鬆軟, 咀嚼時食到花生醬濃郁味, 正! 【乾炒牛河】HK$44 很喜歡佢炒得唔會過油, 又夠穫氣, 牛肉林而且冇筋, 下午茶黎講都幾大碟。 【焗鮮茄豬扒飯】HK$44同樣有份量, 大大塊又有厚度嘅豬扒整整覆蓋成個飯, 飯底以蛋炒過, 面層加上芝士同蕃茄焗, 撈埋一齊食, 令個飯底更多一份蕃茄甜。豬扒肉質有彈性, 唔會太硬太乾。跟餐餐飲就叫左熱華田同熱好立克, 沖得幾濃, 另外一杯就加左$8轉特飲紅豆冰, 紅豆軟糯, 甜度剛剛好

其實我真係好中意食茶餐廳，周不時就想食當我喺觀塘要食飯嘅時候龍城都會係我嘅不二之選，佢地招呼真係好好，成餐飯會食得好開心好耐冇食海鮮喇所以今日叫咗一個咖喱雜菜蝦球意粉。本來係跟白飯，但可以改意粉我加咗$3 要埋個羅宋湯。羅宋湯好多料！味道偏酸，我覺得幾好飲，好開胃我已經叫少意粉，但都係好多，茶餐廳真係好闊氣。咖哩少辣，味道濃郁，如果唔係我要戒口我應該可以成碗飯撈汁食。最開心係入面有兩大舊薯仔，好糯好入味蝦球有五個，而且好大嚿，睇得出餐廳冇偷工減料對得住呢個價

假日行開觀塘工廠區呢頭睇傢俬 見到時間差唔多到傍晚就喺附近搵一間茶記開餐 咁啱就見呢間龍城冰室 見到佢門口到食飯時間都有人係度等位就行過去睇睇 見到餐牌上面好多選擇 晚飯時間嘅小菜餐牌有好多小菜供選擇 除咗有小菜選擇仲有唔少款式既焗飯 今次我地叫左一個一人餐小菜： 一品鮑魚雞煲只能說雞煲好入味 仲有數隻小鮑魚喺入面 性價比高 套餐包括一個小菜+飯+湯 熱飲要加3蚊另外想試埋成既焗飯 我哋就叫左一個芝士焗蝦球飯 佢入面既蝦都係大大隻 幾彈牙 芝士都係蓋滿成個表面 正！另外加多杯紅豆冰 入面既紅豆都係多總括而言呢一間茶餐廳 可以用一個*多*字去形容 佢地份量真係多 好足料 唔係求求其其去做 而且，茶餐廳來講佢嘅環境質素可以話係中上 干淨整潔 喺疫情底下坐喺呢度食嘢唔會覺得好壓迫 如果你哋行開呢邊 建議可試！

之前食開隔離果間。然後專登試下這間既早餐，早餐水準對一間冰室來講，好緊要（當然仲有炒飯）。 早餐味道冇失望，但隔離果間好似略勝點，至於午市後菜色反而更值一試。咖哩飯正。

星期六同屋企人出觀塘行街，時間啱啱好，兩點半鐘可以去食下午茶🕝。我哋去咗幫襯位於中海日升中心地下嘅「龍城冰室」，餐廳人氣好高，長期都坐滿人，要等位先入得。冰室行新派路線，環境正正常常啦，起碼都算光猛同企理，而且座位之間亦唔逼夾😊。服務方面，店員講嘢雖然大大聲，但其實都幾有禮貌同交帶。我哋三個人都揀選咗必食自選下午茶餐，價錢介乎$39至$43，一個價錢，兩份美食，實在太抵了👍👍👍！1️⃣第一份要咗(3)海鮮湯鮮蝦球湯河($43/迷你版)拼(A)咖哩三寶，配熱杏霜。海鮮湯鮮蝦球湯河🍜雖則係迷你版，但都唔算太細碗。河粉偏粗身，每條都好長，唔會碎濕濕。餸料好豐富，有兩隻大蝦球🦐、雜菇同絲瓜，而海鮮湯底口味比想像中清淡，因為見佢橙橙哋色，以為會偏鹹，甚至辣。咖哩三寶🥘即使係跟餐小食，不過份量好多，有五粒魚蛋、四塊豬皮同兩大件蘿蔔，而且每件都浸到好入味。咖哩味道超濃郁，辣辣哋好鬼正，唔知餐廳嘅馬來咖哩系列係咪都係依隻味呢🤤。2️⃣第二份要咗(4)秘製香辣魷魚公仔麵($43/正常版)拼(H)越南春卷併薯角，配凍檸水(+$3)。秘製香辣魷魚公仔麵係餐廳招牌之一，過多半個鐘就經已售罄。🦑玻璃魷魚有好多件，口感好

今日係觀塘附近做完瑜珈就諗住去附近食個茶仔下午茶喇淨係個下午茶餐牌都好多選擇, 仲可以A+B, 啱哂D鍾意每樣食物都有少少, 賣相好豐富既人友人話一入黎就聞到好大浸魷魚味, 所以佢就叫個秘制香辣魷魚烏冬, 再加個咖哩三寶落完單即刻聽到職員話魷魚沽清, 好在嗌得切魷魚好煙UN, 亦都好入味, 辣度剛好另外個咖哩魚蛋都有驚喜好彈牙, 估唔到茶仔既魚蛋都可以咁好食而我就最鍾意就係食常餐, 所以叫左個瑞士雞翼撈出前一丁, 配炒蛋腸仔加芝士牛角酥, 今日天氣真係好熱, 要左個凍檸賓降一降溫先瑞士汁浸哂入雞翼入面, 但肉質似舊有彈性本人比較重口味, 所以如果個出前一丁可以多番少少瑞士汁就會更好喇炒蛋真係好嫩滑亦有蛋香芝士火腿牛角酥個SIZE啱啱好, 牛角酥好鬆軟

今日遲咗收工，好肚餓，決定直接食埋飯先返屋企。同朋友仔點咗幾款野食share，簡簡單單但開心滿足！聽講呢度嘅常餐幾受歡迎，點返個試吓先瑞士雞翼撈公仔麵🥢好入味嘅雞翼，𥚃裡外外都充滿瑞士汁，又唔會太鹹。3.6牛乳炒蛋拼腸仔個蛋炒得好滑滑，份量又多芝士火腿牛角酥🥐呢個真心正，個牛角酥咬落去係有層次嘅空氣感，牛油味香濃，加埋鹹鹹哋嘅芝士火腿，巧巧味！海鮮湯龍躉泡飯真係龍躉黎架喎，有菇同菜(因為無絲瓜所以轉咗菜芯)，個湯比較清淡，下次試吓韓式湯底果款先。韓式炸雞雖然唔多似真正嘅韓國炸雞，但都炸得ok，唔會太乾身。飲品我點咗蜂皇柑桔蜜🍊有驚喜，原來係鹹柑桔，潤下喉，唔會太甜。朋友就點咗杯龍鳳檸樂。

喺觀塘AIA 隔離，都唔算好遠地鐵站行過去慢慢行10分鐘就一定到🤣原來嗰邊都好多嘢食，有2間茶記添呀！！不過今日見佢排隊好多人，就羊群心理諗住試吓啦~~入面都好光猛，而且唔似一般舊式茶記，坐嘅卡位亦都好舒服！餐牌都好多嘢揀，最正係佢有紅中白湯比你揀，好少茶記有成3款你揀！重口味梗係揀白湯啦🤣瑞士汁雞翼撈公仔麵常餐 $48雞翼十分之淋嫩，好入味有2隻中翼！撈公就略厭個汁唔夠重口味，值得一提佢唔係配方包，而係牛角包with火腿芝士！而且炒蛋好好食，好黃，好嫩！去茶記當然叫奶茶，朋友話好正好飲！龍城炒米粉 $49Very goooood!!!佢用蛋去炒米粉，仲要好多料，叉燒火腿蝦九黃芽菜蕃茄都齊哂，公司炒米粉咁樣。味道十分夠獲氣，咸味適中，油水夠，唔會太油！正！椒鹽豆腐見好多人食，就試下！超大碟🤣🤣🤣啲豆腐好滑！！而且椒鹽個味好出！都唔錯！2個人食到飽哂先150蚊唔洗！好抵~~~~

觀塘真係好難搵食架，一到12點左右就開始排隊，呢間龍城冰室lunch都係日日有人排嘅以前我好鐘意食呢度個早餐，因為佢早餐係配牛角包，而唔係一般嘅多士，所以經常黎食早餐，以前牛角包係其他時段係冇架最近發現佢常餐跟埋牛角包喎，所以我lunch都有黎食啦，雖然係要排隊，但都算好快有位常餐有4款，而嗰4款都好食架，不過我多數叫常餐2 -瑞士雞翼撈公仔麵＋啡走我鍾意瑞士味夠濃，公仔麵煮得啱啱好，唔會淋，當然我最鍾意就係牛角包火腿配炒蛋啦，個包包係最好食嘅，另外個蛋都炒得好滑😋 其實食完都幾飽架呢度嘅下午茶都唔錯架，多選擇，我地有時tea time會whatsapp落單，真係好方便

早上去行山出門前去了龍城冰室食早餐地點位於觀塘地鐵站步行5-8分鐘非常方便由於早上食客很多所以建議早少少去早餐非常便宜而且份量多吃一份早餐連午餐也不用食我點了五香肉丁公仔麵餐另加沙爹牛肉（+$8）有3.6牛乳炒蛋和火腿配上牛油脆豬另加紅豆冰（+$8）一份早餐如果不另加沙爹牛肉或紅豆冰才$32五香肉丁和沙爹牛肉份量很多加上公仔麵軟硬度剛好吃起來不會太飽肚紅豆冰很大杯甜度剛好紅豆軟軟但很有咬口美好的一天在於早餐吃完早餐很滿足充滿力量去行山！

24/4/2021 開心星期六 今早約左朋友仔觀塘等，食個靚早餐之後行街街，之前經過這間《龍城冰室》很多人，就黎試下先 🙂🙂🙂一黎到，好快有位，估唔到早餐餐牌很吸引😋😋😋從來未見過會有～咖哩魷魚公仔面😍😍😍，呢個配搭，真係與眾不同🥰，老闆好有諗頭， 仲有可以我最愛既牛角包包😍，配埋高質黑咖啡，一個早上，滿足左我3 個願望💕💕💕朋友仔食沙嗲牛肉麵，都話好好味，價錢仲好平民化，下次有機會帶埋屋企人來先😋😋😋

眾所周知 觀塘出晒名塞車 放工時間 已經好肚餓所以決定同老公去駿業街食埋個晚飯先搭車閃我地揀左食龍城冰室餐牌好多野揀 有中式小菜套餐同埋港式西餐揀仲心大心細食咩好一見到鐵板就心心眼😍細個覺得食鐵板餐 係好開心既事因為聽住zizi聲 係廚房拎出黎上枱沿路既人都會聞到香噴噴到左大個都一樣 🤣 覺得食鐵板好開心我揀左招牌美國西冷牛扒配蒜蓉汁 可以揀飯/意粉/薯菜$98 包湯包野飲見到塊扒就好開心 大過我隻手掌 仲要係好厚架🤩呢個份量真心好抵食大慨5成熟 好好 咬落一d都唔韌食到最尾都唔會話熟晒乾淨淨 至於個汁 梗係要黎撈飯😋湯有3個選擇 除左紅白湯 仲有中湯好耐無飲過白湯 都幾滑 老公就食乾炒牛河鑊氣👍🏻 👍🏻上枱都係出晒煙 香噴噴牛一樣都唔韌會再返黎再試其他鐵板餐🤤