龍城冰室

营业中

休息中

今日咁岩去開觀塘覓食，聽朋友講呢間冰室個質素唔錯，所以就約埋女朋友一齊去試吓。呢間冰室個位置距離地鐵站都一段路，不過都幾多人食，因為喺工業區入面，咁岩今日星期六，所以唔駛等好耐，如果係星期一至五肯定好多人。食物嘅選擇都幾多種類，價錢都幾抵食。叫咗個雞扒鐵板餐，雞扒好嫩滑，個焗薯配埋芝麻醬好好食，個雞扒配埋蒜蓉汁，新鮮熱辣上菜，一流。個餐配埋個餐湯。佢哋個炒通菜都好入味，腐乳炒通菜，腐乳味好重，啲菜都好新鮮。