龍城冰室

营业中

休息中

朋友同自己都係觀塘友，難得佢地生日，所以要搵間平靚正，又環境舒適的餐廳慶祝啦！所以揀左裝修精美的龍城食晚餐！主菜方面，我們選了「泰式菠蘿海鮮炒飯」（$47），因為朋友十分喜歡吃炒飯，我們一致認為，個炒飯非常好味，一方面飯粒有咬口，而且料好足，有好多海鮮同菠蘿，好抵食！另外，我們還叫了一個「蒜蓉牛油煙肉焗青口」（$29），青口難得好鮮甜，牛油味濃郁，煙肉配上青口真心好夾！而且非常大片，真係令人好驚喜！整體而言，餐廳的食物質素幾高，重點還要坐得舒服，價廉物美，真係難得既好味又抵食！而且店員好友善，會主動跟我們聊天呢！如果下次有機會經過呢頭，一定會再黎食飯！

今日早上颱風帕卡襲港，是一星期內第二次 懸掛八號風球。幸好至下午二時許八號風球也除下了， 星期天下午的羽毛球活動沒有因為天氣惡劣而需要取消。 但卻令我和友人非常煩惱，因為八號風球下很多餐廳有沒有開門。 我們便來到觀塘工廠區附近碰碰運氣。在旁陀大雨中，我們遠遠看見一間裝修非常型格的餐廳， 有如在沙漠中尋到綠洲的我們決定進去試一試。嘩! 這麼型格的餐廳居然是一間冰室? 龍城冰室的復古格調裝潢加上皮梳化座位，讓人非常感覺舒服。裝潢不單型格，也非常貼心， 餐具和用餐時的必需品都整齊地放在 抽屜內， 供客人使用。我和友人每人點了一個他們的招牌常餐。 雖然說是常餐，但驚喜一浪接一浪。瑞士雞翼撈公仔麵餐(HKD 43): 這一個茶餐內容非常豐富， 包括瑞士雞翼撈公仔麵、牛乳炒蛋及奶油豬仔包。 還有隨餐附送的飲料。全部也時大大碟的。瑞士雞翼撈公仔麵: 雞全翼以自家秘製的瑞士汁滷至全熟。雞翼外皮完整，吸收了微甜的瑞士汁，非常可口。 雞翼肉厚，既嫩滑，而且肉汁多。 公仔麵亦非常爽口彈牙。 推!3.6 牛乳炒蛋配奶油豬仔包: 這個牛乳炒蛋 確實“唔講得笑”! 蛋味濃，蛋汁多， 質感軟綿綿的，真的是入口即溶。

近期，放棄了樓上cafe，轉戰到地舖小店開餐。 這天中午，來到觀塘日昇中心地下的龍城冰室吃飯，開始時，我確實以為 這間餐廳是西式的cafe，但查看個餐牌後，發現菜式中西合璧，除了有鐵板及意粉外，還有中式小炒，非常 fusion。 我們大概230pm到達餐廳， 內裏的人客已經擠滿了， 個人認為這裏的午餐選擇多，而且非常抵食，不過，周六就是希望大吃大喝，所以，放棄了set lunch，散叫吧。冰室脆炸大雞髀 - 雞髀超級大隻，而且外層炸至金黃色，入口超級香脆，入口啖啖肉的，越吃越惹味。 西蘭花炒帶子 - 西蘭花入口帶有濃濃的蒜香味道，而且口感爽脆，配上味道鮮嫩的帶子及 草菇，令口感層次變得更豐富，個人認為非常好吃。我揀的是紅湯，亦即是羅宋湯，湯內放了大量的配料，如牛肉及紅蘿蔔等 ，感覺真材實料。我點的是招牌美國西冷牛扒配蒜蓉汁配薯菜，西冷扒大大塊的，入口鮮嫩，肉汁豐富，加上牛肉味香濃，不會粗糙感。有別於一般餐廳，這裏的薯菜不是草草的放數條薯條便算，而是放上原隻烤焗過的薯仔，內裏還加入了味道甜甜的沙律醬，個人認為薯仔的醬汁如果是鹹味，並加上煙肉粒，相信會更加好吃。 綜合果茶 - 果茶內

星期六日係官塘食晚飯，我自己都偏向係工廠區搵食，因為商場實在太多人。.今晚就揀呢間冰室試下，7點黎到，門口都有人排隊，等左陣就入得去坐。入面係新式冰室既裝修，企理乾淨仲幾靚添！.我地叫左招牌黑椒牛柳，椒鹽鮮魷，瑞士雞翼，冰柚桔茶同本來叫香芒椰子奶，但賣哂，轉左斑蘭椰子奶！.椒鹽鮮魷: 新鮮即炸，幾大件，炸粉唔會好厚，$38抵食！.瑞士雞翼: 連埋雞翼尖既雞翼，我好喜歡，雞翼夠入味，唔錯！$27有3隻雞翼，都真係抵食！.招牌黑椒牛柳配薯菜: 用鐵板熱辣辣上，2件牛柳好大件，配原個焗薯係茶記鐵板餐好少見，所以都幾驚喜！切開牛柳，可以見入面仲有啲粉紅色，証明佢唔係全熟，所以牛肉一啲都唔韌，👍🏻2件牛柳都好厚身😻。.冰柚柑茶:估唔到柚子茶加柑桔蜜都順口，幾好飲！.斑蘭椰子奶:我自己好鍾意呢杯，本身我好鍾意斑蘭味，真係唔知同椰子奶咁夾！用椰子奶呢個想法好正！👍🏻👍🏻.呢間餐廳真係抵食，對比對面街既街市大排檔，乾淨舒服好多！！

女人都愛網購，收工仆去觀塘拎之前網購左既枕頭，既然去得觀塘，就順便接埋男人收工。男人問女人想食咩，係永遠得唔到答案既。所以佢好聰明咁話今日佢決定，帶左我黎呢間龍城冰室茶餐廳價錢，但裝修一啲都唔輸蝕，行型格路線，餐廳座位多以卡位為主，坐得都算舒服餐牌選擇10分多元化，由茶餐廳小食，到西餐再到中菜都有。成日食西餐食到好熱氣，今日突然間好想食中菜，於是就決定清清地三餸一湯。跟餐嘅有兩個中湯，係木瓜雞腳湯，好甜而且抵讚嘅係冇乜味精。西蘭花炒帶子落咗酒去炒，帶子完全冇雪味，大大粒仲幾彈牙，西蘭花爽口新鮮，調味得宜，無過重嘅味道搶咗食材本身嘅鮮味，唔錯。黑松露蝦仁炒蛋一上枱已經聞到黑松露味好香，雞蛋炒得好滑，半生熟啱啱好，蝦仁亦都鮮甜爽口。送飯一流黑椒牛仔骨煲牛仔骨超大塊，難得牛仔骨完全唔過老，一咬超淋口，而且鑊氣十足！煲仔份量太多，兩個人都差啲食唔晒凍檸賓同熱情果梳打唔會太甜，酸酸地，夏天飲一流茶餐廳價錢，但有cafe嘅裝修同食物，而且最估唔到嘅係佢連中菜都可以整得咁好，仲咁有鑊氣，真是意料之外既好

其實呢間龍城冰室響觀塘都開業左一段時間，之前一直想去食，但都因為唔夠時間同冇位所以冇入去食，午餐時間實在太多人，今次終於有機會黎試下。冰室裝修得幾靚，兩面大玻璃窗，卡位梳化坐椅坐得舒服；餐牌大大本，都幾多選擇，有選擇困難嘅我都係揀是日午餐算，是日午餐兩款中餐、兩款西餐選擇，我就揀左焗牛肝菌汁牛扒意粉，朋友食番茄海鮮意粉。是日午餐附送餐湯，有白湯、紅湯或者中湯選擇，我揀左紅湯羅宋湯，味道酸酸地幾開胃。焗牛肝菌汁牛扒意粉送上黎已經聞到好香濃嘅芝士味，啱啱焗起，真係熱辣辣架，攞嘅時候要小心，上面舖左厚厚嘅芝士，雖然邪惡，但真係極滋味，牛扒大大塊，竟然仲有成兩塊咁多，牛肉味香，肉質軟，口感嫩，意粉份量又多，配芝士牛肝菌汁非常好味。午餐送餐飲，凍飲加$3，凍檸茶大大杯，甜度剛剛好。番茄海鮮意粉海鮮意粉賣相非常靚，大大隻大蝦好吸引，仲有青口同元貝，朋友分左隻青口俾我，青口唔止大隻，仲好鮮甜，番茄汁酸酸甜甜好好味。朋友嘅熱齋啡都只係加$3，朋友話咖啡味道香醇好飲。呢間冰室都幾抵食，份量多，價錢合理，食物味道唔錯。

觀塘食飯地方選擇好多，特別開左好多樓上cafe~今次見呢間好多人幫襯, 通常應該係好野呢~其實呢間係一間茶餐廳，但格局裝修一點也不茶記~我同朋友每人叫左個鐵板餐，好豐富~紅湯白湯各有特色紅湯蔬菜夠豐富，白湯則好濃郁~我個人選了個美式海鮮大餐$88有好大隻蝦，青口，帶子~ 完全係酒店級大隻蝦又新鮮, 帶子大大粒肉爽, 青口又係好大隻~ 滿足左食海鮮的要求~仲有成隻焗薯，超級抵食~至於朋友就點了個美式什扒$68朋友說雞扒最好食，肉夠滑又腍~配菜豐富~我地仲叫左個菜西蘭花炒帶子$72炒得好有穫氣, 西蘭花炒得恰到好處，帶子鮮甜肉爽~我地跟餐加錢轉左特飲~好冰涼又夠凍, 為炎熱的夏天消暑降溫~雜果賓治鮮檸熱情果梳打

講真，人越大時間感覺越來越少，工作忙碌，想一個人安靜地享受一個晚餐也是很困難，冰室係我一直好想再回到的地方，慢慢地享受一個常餐，最近我終於停下來去享受一頓冰室的常餐，點了這個真的太好味!先來個美味牛油豬仔包及3.6牛乳炒蛋豬仔包香脆，炒蛋香滑生滾牛肉茄湯通粉湯濃，味道適中，生滾牛肉好嫩，通粉唔會過腍而且入味，夠曬茄湯味茄湯完全將通粉及牛肉滲透，而且唔會好酸或過甜，到現在還記掛牛肉，唔會過韌，有口感但又嫩又滑，且帶有茄湯的微酸，簡好吃到不得了，而且價錢大眾化最後當然少不了冰室的奶茶，茶味濃，奶香滑，整個冰室常餐就是這麽簡單美味!

觀塘工業區向來係個卧虎藏龍既地方，隱藏住好多美味食店， 今次就試左係公司附近既裝修走懷舊路線既龍城冰室。餐廳從內到外都係走懷舊路線， 幾有gimmick.菜式方面選擇亦非常多，有港式炒粉麵有懷舊冰室常餐， 瑞士雞翼，茄牛通，奶油豬等亦有西餐鐵板選擇，(款式唔止一頁)！而每晚都會有是日晚餐， 鐵板雞扒只係$57！簡直係抵食 最後同友人叫左兩個鐵板餐味道尚算濃郁的餐湯呢個係美國燒雞扒配帶子， 餐既份量夠哂大，岩哂meat lover另外友人叫左鐵板牛柳， 值得一讚係跟既薯菜， 唔係平時西餐既薯條， 而係成隻焗薯焗薯冇特別調味， 但有醬汁係面，非常健康， 讚!最後仲叫左個牛仔骨小食， 量好多整體黎講，呢間冰室既cp 值都算高， 可以再番啅

每次去見保險經紀 在日升中心對面 望到地下個間龍城冰室 成日好想試 今日終於有時間～人頭湧湧 咁好彩又坐到卡位～ 餐牌眼花撩亂 種類多到有點嚇親 哈哈! 小菜 鐵扒 焗飯 茶餐 咖哩 多不勝數 最後 我決定食好多年冇食過既鐵扒。招牌鐵扒黑椒牛柳配薯菜*坦白講 我原本對茶記鐵扒沒什麼期望 只是因為兒時回憶先試。但食了一啖牛柳之後 發現自己錯左。七成 牛柳厚切 肉質堅。軟熟 而且肉味不錯 比起百零二百蚊既扒房 質素絕對有得揮！但呢度只是$78 性價比很高～焗薯帶點牛油香 亦都幾甜 健康d 好過食薯條～老公食吉列豬扒飯 豬扒勁大塊。熱辣辣炸起 炸粉好薄 豬扒唔會太老 配上茶記燒汁 間中食下其實幾過癮 配埋紅或白湯 加杯鮮檸熱情果梳打都咪話唔爽。避風塘系列我至愛 點了茄子 大大件 茄子幾新鮮 好juicy $18 份量唔少 好抵食！以茶記來說 確實係大件夾抵食！

觀塘有一間蠻岀名的冰室，裝修非常新派，相信很多觀塘之友都聽過這間龍城冰室 是日晚餐都是$52，算是非常超值平日的晚上也是坐無虛席，好多附近的寫字樓客光顧，而且外賣也一直無停過，非常好生意點了咸檸七走冰另一杯餐飲則點了熱檸水這裡的小食性價比很高，一大碟避風塘豆腐只需 $23 呢炸得外脆內軟，口感非常特別，咬開裡面的豆腐好香滑扒餐附的餐湯蒜蓉羊架拼香草腸配蒜蓉汁，好大一份。羊架肉質鮮嫩又不羶，非常不錯朋友點小菜配白飯，這道是椒鹽腰果鮮魷，也是送飯一流這冰室菜牌內的食物款式很多，常常來吃也會發現一些新驚喜！

收工去左觀塘行下街，去左呢間龍城食飯，很喜歡佢嘅裝修，客人都好多，同埋食物好多元化，好多選擇，有鐵板，焗飯，小炒，常餐等，價錢仲非常合理，都好平。我點了鐵板雜扒餐，超大碟，有雞扒，豬扒，仲有兩塊牛扒，又有腸仔同，煙肉，仲有少少菜，上碟時炸炸聲，熱辣辣好香好惹味，有醬汁跟上，不過就咁食都好入味，可以配薯蓉，意粉，飯等，我配左意粉，份量好多大食嘅我都食吾晒。朋友都點了鐵板餐，佢嗌了西冷五，成熟，岩岩好，好香牛味，又吾un，好淋好好食，上碟同樣炸炸聲好香好吸引，牛扒仲超大塊，正丫，超值。朋友貪心點了炸雞脾，好大隻，即嗌即炸，好香脆，好好食，先23蚊都好平，超值丫。飲品點了巴利青蘋果梳打，比較甜，不過好靚嘅紫色，朋友點了龍鳳檸樂，係可樂加左檸檬同青檸，吾錯丫，正丫。食左兩個鐵板扒餐，又點了炸雞脾，兩杯特飲，晚餐都吾洗兩百，吾洗加一，超平丫，又好食，大力推介。

附近食店多，試試這間新開的買個早餐回公司吃，首先，早上10點黑面惡氣收銀阿姐說500元無得找，你摷下自己有無😱然後叫你熱欶欶出街等唔好響舖頭。其實堂食又係咁多錢，外賣又咁多錢，又唔阻人，點解咁悪趕人出街？算！講食物，牛油飽淋了水一樣，軟弱無力，難吃，最好吃是煎雙蛋，雪菜麵乾水（因為放置一段時間才有人包）一貫茶餐室毛病，先照顧堂食的，外賣已比錢，可以等下先…失望！！！

今日同兩隻野去觀塘行街街同玩，左行行右行行，發現到呢間茶餐廳，都好乾淨企理，價錢又唔貴，所以就入去試下。6點幾7點已經坐八成滿，好少工業區嘅茶餐廳夜晚放工後仲咁多人。我地食完走個陣8點零，門口仲開始要等位。好犀利😂叫咗兩個鐵板，一個豬扒，一個牛仔骨。再叫多個小食椒鹽茄子。首先到嘅係兩碗餐湯，估唔到有驚喜。忌廉湯好滑，有濃濃嘅香味。厚厚嘅口感。唔似係罐頭湯。而碗羅宋湯都唔錯，好足料，唔太辣。淨係飲碗湯都飽飽地。鐵板豬扒配意粉。一見到眼都凸埋......個意粉大碟到......豬扒仲要係有兩塊。根本無可能食得哂😂😂塊豬扒有一定嘅厚度，出到黎熱辣辣，唔會煎到好乾唔會似柴皮。呢碟鐵板我地最終係食唔哂......鐵板牛仔骨配薯菜。牛仔骨唔太特別，但好淋好軟，唔會起哂渣。相對黎講個焗薯較特別。個焗薯係原個焗，無落其他野變薯蓉，岩哂我。上嘅醬酸酸甜甜，好開胃。總括黎講呢間茶餐廳唔錯，有驚喜。價錢合理，份量又多。下次再過開呢頭，試下呢間餐廳嘅咖哩同小菜，我見好多人食好吸引😍😍

行過見到晚市好多人同價錢幾吸引就入左去食，2個人叫左2個主食2個小食同野飲食到飽到上心口🙈⭕️羊架香草腸鐵板餐 $88羊架有2件，好大件！好香羊味，食落有小小un但接受到。腸好大條仲有d膿邊，同個汁好夾！薯菜係焗薯黎，焗得唔算淋但好香味⭕️咖哩雜菜蛋飯 $43雜菜總類算多，五顏六色又新鮮，份量又多！咖哩唔算辣，好香椰汁味，撈飯一流😍⭕️奶油脆豬 +$8好大塊，唔算太脆，食落有d檸檬味😂點咖哩幾好食⭕️瑞士汁雞翼 $27有3隻，瑞士汁好入味，雞翼好滑唔柴，必食！⭕️綜合果茶 $14都幾大杯算平，生果亦多，略嫌茶底太淡⭕️Apple Cider $18茶記有cider飲，正！