龍城冰室

营业中

休息中

十年難得一遇 放工成班FD去左游水估吾裝修後既觀泳池咁大咁正講番正題 游完梗係要開餐朋友仔帶路 第一次食呢間大概晚上9點 餐廳仲係人山人海等左10分鍾先有位 不過咁多人食一定係正野喇首先一選食物選擇好多由焗飯,扒餐,常餐,小菜到麫包類 應有盡有價錢都幾抵喎 扒餐最都$100有找一般粉飯餐平均$4-50我揀左個羊架餐配白飯估吾到羊架有2件 仲都幾大份肉質嫩滑 入口好香羊味但又吾算酥飲品我揀左特飲-士多啤梨鮮奶堅好飲吾係一般化學水 飲得到好香奶味真係用鮮奶沖出黎 推介除此之外 常餐都吾錯特別中意佢個奶油脆豬 夠香口個牛乳滑蛋好高質 超順滑不過略嫌公仔麵過多瑞士汁好咸淡口味人士要注意 朋友仔杯鮮檸熱情果梳打都幾正入口先有淡淡檸香 再有微微熱情果甜味梳打即係7喜汽水 成件事好夾好gur由於堅係太肚餓 我地仲加多個芝士流心西多士芝士吾算做到好流心效果 食落咸咸地配合西多士既糖漿 一咸一甜感覺幾特別食咁多野人均$100有找 勁抵下次收工可以再黎 而且距離觀塘地鐡站又吾遠 夠方便

近年係觀塘食野多左好多選擇 作為觀塘之友 當然不乏係觀塘區覓食啦!! 觀塘工業區除左有好多樓上CAFE之外 宜家仲多左好多冰室既餐廳縱使當日係星期六中午時分 冰室都已經坐滿晒食客   知道呢道啲瑞士汁雞翼好出名 所以已經急不及待嗌左個常餐果然 雞翼好大隻 唔係普通既雞翼 而且相當入味瑞士汁份量都唔小 絕對足夠撈到成個公仔麵常餐除左主菜之外 仲包一份 3.6牛乳炒蛋同埋奶油豬仔包3.6牛乳炒蛋好香滑 蛋味亦不會太淡奶油豬仔包脆卜卜 配埋奶醬同牛油簡直係絕配啊!!常餐仲包埋一杯熱飲添另外 我地仲嗌左碟芙蓉蛋飯上枱時 我地都非常驚訝 因為係好大碟啊!不論飯定係芙蓉蛋既份量都非常有誠意芙蓉蛋炒得好金香 而且不會太油配搭火腿 芽菜等食材 配上豉油汁 係餸飯既好選擇!!整體黎講 食物 CP值好高 價錢便宜 味道好食! 怪不得星期六都坐滿食客!!平日LUNCH可以再戰!!!!!!

龍城冰室的牛柳水準不錯, 推薦! 晚上找父親吃飯時, 他的同事阿姐說工廠區內有間美味的餐廳叫龍城冰室的可以當飯堂. 因此便和父親走去試試才回家.幸運地，剛好有一台食客離開, 我們坐下後便點了招牌黑椒牛柳鐵板餐和是日晚餐. 是日晚餐也是牛, 那是和風牛柳粒拼飯意粉或薯菜. 跟餐我們也 order 了有餐湯和餐飲, 我們只是隨便叫了兩杯凍檸茶.說真，這裡的牛柳湯確是好味，黑椒汁的濃度也很夠.黑椒牛柳鐵板我們叫了7城熟, 上桌時我可以用餐刀把肉切開, 內裏有紅肉但沒有血水, 而且更保留有肉汁. 整體來說這個鐵板餐我會讚好呢. 而另外的那份和風牛柳粒也是美味, 牛柳本身十分鬆軟, 邊位有些煎肉的香味令我覺得很滿足.整體說，這裡的食物都在大多港式冰室餐廳的水準以上，而且餐廳內的環境都很整潔。雖然今晚只是普普通通的晚餐, 原本只是隨意找間餐廳, 不過卻出奇地在龍城冰室感到驚喜呢。

觀塘工廈區有好多美食，今次決定試試日昇中心地下的龍城冰室～ 見到餐廳裝修不錯，食客多，但不用等位～ 食物選擇多，而且價錢合理，絕對值得一試～ 我地兩個人食，揀咗一個鐵板餐，蒜蓉羊架并香草腸配薯菜，同兩個小菜，黑松露蝦仁炒滑蛋，茄子斑腩煲，鐵板餐跟餐湯和飲品半價，小菜跟白飯同湯，飲品我哋揀咗冰鮮果茶，同綜合果茶～ 餐湯可以選擇羅送湯、忌廉湯或者中湯，我地揀咗忌廉湯，味道也不錯～蒜蓉羊架并香草腸配薯菜嘩～鐵板餐真係好正呀～ 熱辣辣～ 香噴噴～ 有兩件大大件羊架，一條大大條香草腸，同一個焗薯～ 羊架肉質鮮嫩淋身，充滿羊肉香而不羶，不用配蒜蓉汁都已經覺得好好味！讚👍🏻但蒜蓉汁都做得好好，好多餐廳的醬汁都係凍嘅，但係呢個蒜蓉汁係熱辣辣嫁，而且味道亦很香濃，值得一讚～ 香草腸香草味十足，焗薯味道正常，不過不失～ 黑松露蝦仁炒滑蛋未食已經聞到黑松露香～ 用料十足～ 差不多每啖蛋都有蝦仁～ 滑蛋真係勁香滑～ 而且整碟的份量也很多～ 大満足～茄子斑腩煲茄子斑腩煲亦係另一美味小菜～ 因為用熱窩上，餸菜可以保持熱度～ 茄子煮得剛好，軟硬適中而入味，斑腩大大塊，而且亦係份量多，唔會好似其他餐廳咁，得幾塊～ 味

聽講呢度係平靚正之選，今次決定慳下荷包黎呢度食！好多鐵板扒餐㨂呢度呢D冰室類既餐廳，當然要試下佢既瑞士雞翼啦呢個瑞士雞翼好好味，個瑞士汁較得好好，首先個汁係鹹既，鹹之中食到佢既瑞士甜汁，好有層次，實屬必食之選瑤柱金菇扒西蘭花西蘭花好爽，爽得黎唔會硬，配埋個瑤柱汁真係好正，仲好過係酒樓食。蒜蓉牛油煙肉焗青口青口好大粒呀！原來有煙肉做伴又幾好食，因為佢整煙肉整得好香，令到成件事增添色彩。北海道帆立貝雞扒餐呢塊雞扒真係好正，重點：皮要脆。佢做到了，皮要脆先夠香，咁樣先稱得上係好食既雞扒。其次就係本身塊扒要夠滑，對呢塊雞扒真係好滿意，食完仲想食多塊！帆立貝好大粒！估唔到呢度既帆立貝都可以咁鮮甜。鮮檸熱情果梳打＋冰鮮果茶

今日一家人喺觀塘食晚餐，揾到龍城冰室。餐廳面向大街，夜晚加埋地上既射燈招牌，內裏是傳統冰室格局，有特色又易揾到。我們叫左幾道菜，其中一道是咖哩雜菜羊架。咖哩味濃郁同不太辣，好啱鍾意咖哩又唔食得辣的朋友。羊架肉汁豐富，生熟適中，加上蕃茄、青椒等開胃雜菜很美味。另一道菜是時菜斑腩的配料簡單，炸粉適中平均，保持炸皮薄，帶來香脆感覺，而且不會太油膩，值得一讚。我們仲叫左海鮮雜菜煲。綠色蔬菜很多，很健康，海鮮冇腥味，做得不錯。

自翠X茶餐廳搞到有聲有色後，依家愈來愈多新派港式茶餐廳，食既嘢就係普通茶餐廳或冰室有既嘢，不過就整得更為好睇又好食又乾淨啲咁既樣。咁岩友人經常出入觀塘，仲話依間龍城冰室很不錯，就跟佢黎試試我通常去茶記都鍾意叫下鐵板扒食就叫左個板燒和風嫩牛柳配照燒汁而友人就叫咖喱雜菜羊架飯兩個餐都包飲品及餐湯先上餐湯👇西湯揀左羅宋湯，味道可以，菜夠多夠健康而個老火湯亦很不錯到鐵板扒上場啦👇一上枱，就聽到鐵板既咋咋聲味道好香，而塊牛柳真係好嫩滑，輕輕用刀就砌得開，所用既牛柳質素好過一般茶餐廳講番伴碟，鐵板扒可配飯、意粉或薯菜，我揀左薯菜。至於咖喱雜羊架飯都好靚👇佢既咖哩味好濃，帶輕微椰汁味，同羊架真係最佳配搭而羊架亦好滑，略帶羊穌味送飯一流講番餐茶，由於餐廳飲品選擇多，我專登加錢叫左個冰鮮果茶茶味夠，果味濃，推介至於友人叫凍檸七，佢俾足成個青檸架飲住杯咁爽既嘢飲，口癢癢想叫多個小食，就叫瑞士汁雞翼啦甜甜地既瑞士汁配雞翼都好味最後俾大家睇下佢晚上既門口，專登放埋射燈落地下，茶餐廳來講我真係第一次見

星期六的晚上係附近的工廠大廈傾完 big day 攝影已經係8:30 pm, 準備搵餐廳醫肚就俾呢間裝修別緻, 高雅現代的冰室所吸引, 於是就試試看。餐牌的選擇有很多, 除了茶餐廳的碟頭飯,鐵版餐, 焗飯,常餐外, 仲有西式歐陸 菜, 飲品仲有café的選擇好似各類的生果梳打, 果茶, 乳酸等... 簡直花多眼亂。兩個人叫了以下食物避風塘豆腐  - 炸得可口 唔油膩 , 少辣過癮, 不過細碟左d。蒜蓉拍薑抄芥蘭-  份量適中, 不過不失。招牌黑椒牛柳鐵板-  牛柳Juicy , 很淋 , 有兩大塊 >>推介。蒜香菠菜大蝦炒意粉- 蝦有兩大隻. 配蒜蓉炒可口美味. 不過油左d。綜合果茶-有好多生果係入面, 如火龍果, 香橙, 蘋果, 健康之選>>推介。鮮檸益力多綠茶-清新, 好味。綜觀黎講 , 環境舒適, 食物也ok, 有空會再來。

好耐冇同老公出去食早餐 突然好想食港式早餐 星期六朝早決定同老公去龍城冰室嘆番個港式早餐香港嘅冰室真係越來越少 間中都想幫親下回味下又係我同老公最鍾意嘅好多窗既環境多啲自然光 人都舒服啲早餐都有好多選擇我揀咗B餐 要招牌沙嗲牛肉米粉 正仲有3.6牛乳炒蛋同奶油豬仔包d蛋炒到軟綿綿好滑 好味道奶油豬都好好食老公叫左歐陸早餐 要吉列魚柳仲有煎雙蛋、茄汁豆同埋奶油豬仔包老公都食得好滿足我哋兩個都加$8叫咗3.6牛奶真係好濃郁奶味 好香好好飲今餐早餐真係好滿足

因為上星期在觀塘有香水開倉, 所以星期六就拉着老友要她陪我去掃貨!攪惦後大家都滿載而回, 又適逄到了下午茶時間所以就在附近看看有什麼茶記填肚子~ 走着走着, 忽然看到一間很大的店子 - 叫龍城冰室 裝潢好像西式CAFE, 但看看餐牌原來是港式茶記來的 價錢又夠貼心, 食物選擇很多, 而且看來客人非常多 質素應該不錯吧 所以就推門入內坐了~ 很快地找到沙發位, 又坐正近門外, 有着滿室陽光, 令人心情大好! 我們女生二人都非常肚餓, 所以就點了二個扒餐, 朋友點了蒜蓉羊架拼香草腸 而我的是招牌黑椒牛柳, , 二款都是餐來的, 跟了紅湯(羅宋湯), 另外亦有飲品~ 很快送來湯了, 羅宋湯比我想像的高質, 因為內裡肉很多!! 而且非常嫩滑又有咬口, 好吃! 另外湯的味道酸甜適中, 很開胃, 很合我的心意~~ 太口渴的闗係, 先點了飲品- 朋友的熱檸水和我的冰水菓茶 值得讚還有好味解渴的冰水菓汁, 這裡的水菓茶份量十足, 單點只是廿八元, 但是杯的SIZE不少, 內裡有着不少菓肉, 例如火龍果, 蘋菓, 西袖等, 果香四射, 清香解渴, 不比坊間的台式飲品店差! 好喝! 朋友

大表哥遲些去日本自由行，想請教我這個日本達人， 我當然非常樂意，由於大表哥星期六仍需返工， 為了方便他，相約他公司附近的龍城冰室傾談。雖然我係第一次嚟到觀塘嘅龍城冰室， 但它的地點位於觀塘地鐵站附近，非常易找。龍城冰室有別於一般餐廳，門面及室內既裝修得似現在的新穎cafe，尤其餐廳嘅門牌整得好靚，即使置身於灰灰黑黑嘅工廠大廈，仍然好顯眼。這裡嘅員工禮貌ok， 而且好勤快地執拾檯面。看一看餐牌，除了食物種類非常豐富之外， 連飲品嘅選擇都非常多，仲有是日晚餐選擇，值得一讚。大表哥鍾意中式菜餚，於是我哋點了三個小菜:1. 西蘭花炒帶子($72)， 西蘭花炒得剛剛好，不會過硬不會過腍，而且帶子非常鮮甜。2. xo醬西芹炒鮮魷($60)， 鮮魷煮得唔會過老， 西芹鮮嫩翠綠,配合xo醬香香辣辣,非常惹味。3. 鳳梨咕嚕肉($48), 這個餸是我的至愛，必叫的， 甜酸汁煮得剛剛好，咕嚕肉完全冇肥肉，炸得好脆，啖啖肉，好正 ，完全符合我的標準。除了西蘭花炒帶子，其餘兩個小菜都包送一碗白飯及一碗中湯 ， 好過某些餐廳(它們是需要加錢的)。另外我倆叫咗兩杯特飲， 一杯係冰柚桔茶($28)另外一杯係菠椰飄香

觀塘區的冰室唔多，試過好幾間，呢間算唔錯！今日星期六收工得一個鐘時間食飯，近近地就選擇左龍城，去到要等5張台好彩5分鐘就入得～最愛都係常餐，同友人都係叫常餐～熱檸茶都咁大杯脆豬都幾脆，牛油好均勻，奶都唔同你慳，成個都好夠味，炒蛋好滑！瑞士汁岩岩好，無好咸，或者雞翼入面唔夠味，整體都好滿意朋友叫左番茄牛肉通粉，（忘記影相）番茄湯好濃，牛肉都唔un,試食左一啖者，哈哈！埋單$87好值～有機會行過可以再試既，算係唔錯咁！

約左嗰就翻加拿大既朋友係觀塘見下面，但佢又唔肚餓，所以隨機揀一間餐廳飲下野，行行下見到龍城冰室，就入左去。冰室有各式各樣既食物，特式飮品都有二十款左右，叫野食補翻差價就有杯特式飲品。入面環境傾向西式風格，上菜速度快，職員好快手。我叫班尼迪卡邦尼意粉，份量係一般西式餐廳既一倍，但味道唔輸蝕！芝士味重，意粉煮得啱啱好，嗰汁都唔錯，食落好creamy。我哋每人都叫左熱情果梳打冰，之前未食過熱情果，飮落去甜甜地，係幾新鮮嘅嘗試。我見佢餐牌其他食物都好吸引，所以一定會再encore試埋其他食物。

小女生上完堂，又係找地方吃午餐的時候。走到附近的龍城冰室，見到門面不錯，就走進去吧！ 星期六的二時半，冰室 人頭湧湧，餐廳差不多滿座。 幸運地我們仍有4人卡位坐下 ，打開厚厚的餐牌，估不到有這麼多食物的選擇 ！冰室除了有常餐供應外，也有各式焗飯、 咖哩、西式燴飯、意粉、鐵板、港式炒粉麵、惹味小食、還有大排檔小菜………飲品方面更多達五十款，相信總有一款啱心水！小女生愛吃香口的食物，就選了皇牌吉列豬扒配薯菜。 吉列豬扒很厚，炸得香脆，又腍又juicy,薯菜是原隻焗薯，加入芝麻醬，味道頗特別，粟米也很甜,小女生一口一口地吃進肚子裡！因為不想吃紅肉，所以就選了一份美式海鮮大餐。果然是海鮮大餐，鐵板上放了大蝦、帶子、青口和魚柳。 熱辣辣的，吃時小心燙嘴啊！薯菜也是原隻焗薯配日式芝麻醬及超甜粟， 這個配搭和份量剛剛好，也不覺膩滯！特飲半價， 我們選了鮮橙乳酸和菠椰飄香。鮮橙乳酸就是橙味益力多，而菠蘿椰子飄反而是椰子香味的檸檬茶，不過還是傳統的冰檸茶好喝呢！

朋友和我一直喜歡搵隱世美食，而朋友又是正宗的觀塘友，一直想食呢個餐廳，這次終於有機會在這裡晚餐，果然沒有令人失望!「蒜香菠菜大蝦炒意粉」（$72）大蝦真心鮮甜，而且非常大隻抵食，意粉本身軟硬適中，配上菠菜簡直是perfect match！「蒜蓉拍薑炒菜心」（$32）對於無菜不歡的朋友，這道菜真的是超水準！難得菜心爽口，而且蒜味濃郁，好快就清曬啦！「巴利青蘋果梳打」（$24）有清甜的青蘋果味，而且又非常爽口，酸酸甜甜非常開胃呀！整體上，我和朋友一行三人，吃到滿載而歸！而且店鋪的裝修精緻，坐得好舒服，可以和朋友relax地談天，真是個晚餐好地方呢！