影片
更多
2017-12-21
205 浏览
平時去觀塘工廠區以為冇乜嘢食，點知喺駿業街呢度俾我搵到一間冰室，所有傳統嘅美食同埋基本嘅下午茶粉面，都會喺呢度搵到。一見到朋友我哋揀咗卡位坐，由於太肚餓嘅關係我哋叫咗四樣嘢食。分別有鹹牛肉炒蛋潛艇、芝士流心西多士、板燒黑椒牛仔骨、生滾牛肉茄湯通粉等。其實成個餐牌都睇到花多眼亂，真係太多選擇了。冇幾耐，第一樣到嘅係我嘅餐湯，冇諗到我點嘅餐竟然會附送餐湯，而呢個湯係中湯，係用菜乾煲成。湯嘅份量都算多，而且裏面嘅湯渣亦都好足料，好多菜乾，飲咗一碗之後都飽左一半。之後出場嘅係黑椒牛仔骨！真係好耐冇食過牛仔骨啦，其實喺其他食扒嘅地方，都比較難搵到好食嘅牛仔骨。伴隨着呢個牛仔骨嘅係黑椒汁，黑椒汁好濃郁，好似黑椒醬咁。一到啲汁落去嘅時候，由於個鐵板好熱，啲汁倒落去嘅時候會有「吱吱渣渣」嘅效果。仲有啲汁彈出嚟添，黑椒伴隨牛肉嘅味道芬芳四散。一共有五件嘅牛仔骨，平時最多只有3塊，今次真係食到你飽。呢個黑椒牛仔骨真係好大塊，而且佢嘅肉唔會好硬咬不爛，所以我一口氣已經食咗3大件。唔記得咗講佢嘅鐵板上面，仲有個用錫紙包住嘅焗薯！焗薯好大隻而且真係太惹味啦，薯仔嘅核心都好熱好軟好諗，食落去好似薯蓉，慢慢慢慢咁食
一見到朋友我哋揀咗卡位坐，由於太肚餓嘅關係我哋叫咗四樣嘢食。分別有鹹牛肉炒蛋潛艇、芝士流心西多士、板燒黑椒牛仔骨、生滾牛肉茄湯通粉等。其實成個餐牌都睇到花多眼亂，真係太多選擇了。
冇幾耐，第一樣到嘅係我嘅餐湯，冇諗到我點嘅餐竟然會附送餐湯，而呢個湯係中湯，係用菜乾煲成。湯嘅份量都算多，而且裏面嘅湯渣亦都好足料，好多菜乾，飲咗一碗之後都飽左一半。
之後出場嘅係黑椒牛仔骨！真係好耐冇食過牛仔骨啦，其實喺其他食扒嘅地方，都比較難搵到好食嘅牛仔骨。伴隨着呢個牛仔骨嘅係黑椒汁，黑椒汁好濃郁，好似黑椒醬咁。一到啲汁落去嘅時候，由於個鐵板好熱，啲汁倒落去嘅時候會有「吱吱渣渣」嘅效果。仲有啲汁彈出嚟添，黑椒伴隨牛肉嘅味道芬芳四散。一共有五件嘅牛仔骨，平時最多只有3塊，今次真係食到你飽。呢個黑椒牛仔骨真係好大塊，而且佢嘅肉唔會好硬咬不爛，所以我一口氣已經食咗3大件。唔記得咗講佢嘅鐵板上面，仲有個用錫紙包住嘅焗薯！焗薯好大隻而且真係太惹味啦，薯仔嘅核心都好熱好軟好諗，食落去好似薯蓉，慢慢慢慢咁食，真係好嘆。
之後要講下呢一個芝士流心西多士，西多士大家就成日食，裏面可能大多數都係用花生醬，但係今次師傅就用咗芝士做內寵，一切落去嘅時候，糖漿、牛油同芝士混為一體，入口好滿足，甜咸交替，互相配合，非常出色。西多士份量好足夠，有一隻碟咁大。
最後講埋呢杯榛子咖啡，底部嘅咖啡配上又香又甜又滑嘅奶，冰嘅比例啱啱好。飲落去第一啖咖啡唔會太重味，有點兒似金莎朱古力嘅味道，涼透心嘅感覺直逼喉嚨，感覺好舒暢。
最後結帳每人都唔使＄100，食到超飽，今次真係捧腹大笑了。
张贴
