龍城冰室

营业中

休息中

今日去觀塘thug barbershop 剪頭髮💇🏻‍♂️，剪完見肚餓就同朋友去左附近間「龍城冰室」食晚飯。冰室嘅發光牌匾閃閃發光，非常搶眼。晚上九點，餐廳入面仲係人頭湧湧，非常熱鬧! 餐廳嘅座位數目眾多，空間感非常充足。翻開餐牌，餐廳食物種類非常多，諗左一陣，決定据個靚扒！招牌美國西冷牛扒餐配有餐湯同餐飲（轉特飲就需要補錢），價錢都只係＄78！好抵食飲品方面就叫咗綜合水果茶，原價＄28，跟餐配就加＄14就飲到！水果茶非常足料，水果亦鮮甜，不錯不錯!西冷牛扒牛味香濃，肉質鬆化！配上惹味蒜蓉汁，味道即時再Lv up! 之後仲叫咗個蒜蓉牛油煙肉焗青口！一上枱香氣撲鼻，口水都流埋出嚟！青口蒜味逼人，五隻價錢$29，性價比幾高！我諗下次去觀塘嘅時候呢間龍城冰室就會係我嘅飯堂！

今日係某超市大減價日，梗係去掃貨啦，掃完貨餓餓哋又要搵嘢食，係APM商場裏面食來食去都係嗰啲，突然間想食鐵板餐喎，即刻上嚟搵下睇下有咩餐廳有鐵板餐食。咁就搵到佢喇9點幾都仲要等位，都幾多人幫襯喎，等咗10 分鐘就有位喇比咗卡位我地裡面都幾多卡位，我最唔鐘意撘枱，啱晒我第一件事梗係叫野食啦，餓到暈喇！鐵板餐都算多選擇，有成9款野揀～我就叫咗個羊架食，我老婆話要食意粉喎，佢就揀咗煙三文魚白汁意！仲叫咗d小食。野飲呢，佢都多選擇，唔係剩係得奶茶咖啡，竟然有水果茶同士多啤梨奶 野飲好快就到，士多啤梨奶飲得出係即打，水果茶就普通，我以唔夠茶味，但係就算多果肉之後都小食出場，我哋叫咗個避風塘茄子，同埋牛仔骨一嚟到我同老婆都嘩咗聲，咁大份嘅咁都叫小食，跟本就係小菜嚟嘅，但係價錢真係小食價，茄子炸得唔會太淋，個粉漿都薄，牛仔骨都正正常常，夠入味，唔會咬唔開，合格。到主菜嚟啦，個意粉都可以，係賣相可以再提升一下，又係好大份鐵板餐一攞埋嚟就滋滋聲，再淋個汁上去，嗰陣香味即刻飛埋，兩舊羊架唔係細細舊果d，有少少蘇味～但係食得羊就係要呢陣味！條香草腸都大碌煎得幾香～總括嚟講大件夾抵食，仲要幾好味！可以返兜

搵食飯團最鍾意食平靚正嘅食品，觀塘區有好多工業大廈，都造就左唔少商機，無論係工業大廈還是地舖都有唔少好嘢食。今次同朋友嚟到呢間龍城冰室，俾佢個招牌吸引左， ＋10幾蚊就已經有鮑魚雞煲，感覺上好似蝕本做。但係因為陣間要做運動，所以冇辦法底下都唔敢食太豐富嘅晚餐，我哋一個叫咗星洲炒米，另一個就叫咗常餐。常餐價錢合理，因為而家周圍都貴，基本上食個常餐都要＄40架啦。我個常餐係番茄牛肉通粉，個番茄味道濃郁，我個朋友就話有少少似蕃茄汁。啲牛肉都唔錯，分量不會太多。另外同時有個炒蛋，都算小小滑，但質感偏乾，如果更香就更加吸引。奶油豬係同時包埋嘅！不過我嫌唔夠喉就問店員攞煉奶，店員都好樂意俾我。飲品加錢叫左個水果茶，紅茶味道香濃，質素唔錯，快靚正。我個friend嗰本水果茶同我唔同！佢嗰種就比較似橙汁，不過味道亦唔錯。星洲炒米好大碟，我冇食，不過我朋友食唔晒，睇嚟份量真係好多，絕對不欺場⋯

今日公司係觀塘舉行一個活動，所以我就係觀塘到收工，順便係附近同朋友食埋晚餐先返屋企我哋見到一間冰室幾吸引，好快就入左去坐低啦呢間冰室除咗有普通茶餐廳嘅常餐同小菜外，仲有西式燴飯意粉同鐵板餐，真係好多元化$18避風塘茄子茄子熱辣辣，作為餐前小食簡直一流而且價錢都好抵！招牌美國西冷牛扒配蒜蓉汁西冷牛扒肉味濃郁，而且好大塊好厚，超有咬口，口感好豐富，好好味鐵板餐可以選擇配飯，意粉或薯菜，正常鐵板餐嘅薯菜都係薯條黎，但呢度嘅薯菜係整個焗薯，令到我非常驚喜餐湯羅宋湯都好好飲叫滿＄80就可以加＄18選擇鮑魚雞煲或者蝦煲，真係好抵有好多粒粒鮑魚，而且雞件比想像中大件，份量亦都好多味道完全唔辣但好惹味飲品都有好多選擇架綜合果茶有蘋果橙檸檬同火龍果，味道同台灣嗰啲飲品舖有得揮！好好飲薄荷朱古力咖啡都唔錯，幾好飲架兩個人都係食咗$150，有牛扒又有雞煲真係好抵！食物又有多元化，中西合璧都得真係間唔錯嘅餐廳

一直都幾支持呢間餐廳，覺得食物唔差，價錢相宜👍一向知道佢地繁忙，所以從來無期望過有好好嘅服務。但今次真係嬲到要上嚟打食評話說我地一行四人叫嘢食，有個頭髮略白，扎辮嘅大叔同我地落單，我地一路叫嘢食，叫左你個餐，我地叫嘅期間佢無反應無回覆，我地無從知道自己有無叫漏，又或者佢寫唔寫得切，而且佢全程黑面。到我地叫哂之後，佢以極差態度問，你叫左一個湯咋嘛，咁另外三個要咩湯呀！大佬，我地無熟讀你餐牌，唔會知道哂你咩餐有湯跟架嘛，我地睇漏左，你可以好聲氣啲提下我地。老實講，無期望有好服務，但都無理由差到，好似我地前世欠左佢咁嘅語氣囉落單都落到一肚氣，嘢食幾好食都無用！補充：其實平時啲員工都係正常，算係有禮貌，係唯獨呢位叔叔好似唔休做咁

Weekend訓到晏一晏去觀塘食個晏順手去扮靚靚點幾左右到居然排曬長龍好彩流量都算快好快就有位餐牌成呎厚眼花繚亂選擇困難症又發作簡左個常餐櫻花豬柳公仔麵配3.6牛乳炒蛋，奶油豬仔包用3.6牛乳炒蛋果然夠滑奶油豬香脆， 奶油夠多櫻花豬柳夠入味又 juicy麵應該用左福字麵另外叫左蒜蓉炒雜菜出奇地用心菜都有3種，西蘭花，菜心，椰菜菇都最少有2種，仲要配上雲耳真係估佢唔到一碟都有甘豐富配搭蒜蓉味香唔怪得間野甘多人食喇

此店在舊年開業了。已經光顅十多次裝修雅致，坐得舒適！店員殷勤友善，菜單方面，除套餐外！還提供多款廚師推介。今晚點了兩款餐牌上的廚師推介，香煎西冷牛扒跟意粉，西冷比我預期中熟，還算嫩，味道不錯。配菜用心，$45收貨了。意粉軟硬適中醬汁恰到好處！晚餐除了意粉配飯或及菜這次我們選擇配意粉。若果套餐可配餐湯及飲品。雖然店子是設在工廠區內！晚上沒有人流而且附近又多食肆....但若食物質素穩定。絕對不愁沒有生意。

今日夜晚去咗觀塘嘅工廠區食dinner，諗住工廠區嘅夜晚應該會冇乜人，點知成間餐廳都差唔多坐滿晒人，好彩都未洗等位，去到就可以即刻坐低食😋😋不過我哋係七點半去到，如果再遲少少可能就要等啦🤣我哋首先食咗個避風塘豆腐（$23），平時通常都係要食小菜先食到，但係竟然俾我哋係小食嘅Menu度見到佢，所以毫不猶豫咁就點左嚟食😛佢嘅份量唔算太多，做starter就啱啱好！最重要係味道一流！粒粒都炸得好香脆，咬落去嘅豆腐又夠晒滑，個size仲啱啱好一啖食晒，我哋一路傾計，唔覺唔覺好快就食晒成碟🤣🤣🤣跟住就到卡邦尼意粉，一睇幅相就知佢放到滿一滿，完全唔使驚唔夠飽！雖然佢唔算話好足料，但係勝在卡邦尼醬夠晒多，食落依然滿足到味覺😆😆我哋仲叫咗個鐵板黑椒牛柳拼薯菜，牛柳有兩塊，我哋選擇咗七成熟，佢嘅軟硬度適中，而且肉質鮮嫩，配埋個帶有微辣嘅黑椒汁食，簡直係絕配！薯菜方面，本身以為係薯條，不過最後原來係一個完整嘅焗薯仔，特別得來又唔會好似平時咁熱氣，認真唔錯😜飲品方面，因為呢度真係有太多唔同嘅選擇，所以我哋兩個人一共叫咗成四杯飲品咁多！！平時一般都係飲開凍檸茶凍奶茶嘅我哋，今次可以喺呢度試到好多唔同種類嘅飲品

搵唔多又要去旅行，出發前仲要約朋友觀塘交收，朋友話帶我到佢公司附近窮食，膚淺既我原本以為係觀塘廣場食車仔麵，點知佢帶我行入工廠區，話要試下佢公司附近食晏時間排到打蛇餅既龍城冰室。餐牌成本小說咁厚，除咗茶餐小炒鋸扒小食，連飲品選擇都多過人，花多眼亂下我地叫咗一份扒，小食仲有小菜。招牌美國西冷牛扒餐（$78）- 大大塊成吋厚既牛扒，茶記鋸扒仲可以揀五成熟，煎出嚟中間紅色又唔會見血，正!焗薯雖然唔係舖滿忌廉芝士嗰款，但食落都充滿薯香，跟餐仲有湯同飲品，果然夠超值避風塘茄子（$18）- 係街邊檔燒條茄子都幾十蚊，呢個價錢就食到炸到鬆脆既避風塘茄子邊度搵呀？蒜蓉炒雜菜（$48）- 菜芯、芥蘭、椰菜、西蘭花、菇同雲耳，最怕出街食成棵菜一大碌咁炒出嚟，菜全部擇過晒，又唔會炒得過淋熱情果飄香（$24）- 跟餐叫咗杯柚子蜜，朋友就揀咗杯特飲，佢話飲落唔會死甜，淡淡熱情果香

做運動之前食個常餐，附近都有啲冰室，呢間裝修比較新穎所以就選擇這間。$41 常餐生滾牛肉茄湯通粉估唔到個番茄湯， 生滾牛肉質感唔錯比較滑，整體味道都比較濃郁，食完都飽左一半。3.6牛乳炒蛋，牛油豬仔包牛乳炒蛋味道香滑，吃起來口感非常鮮，加上旁邊的牛油豬仔包外皮非常香脆，口感一流的，也不會過於肥..綜合果茶加＄14原本以為飲品選擇很少，誰不知原來不同的特飲也至少有30款選擇！最後選擇了組合果茶，味道有點像果汁先生有很多橙肉，不過同時也有數款不同的水果在中間，跟餐原來只需要半價，比起街邊單點都要便宜！

觀塘尋寶搵好野食，行過幾條街，見到大排長龍既冰室，當然要望下有咩好野，見到個餐牌有好多唔同款式幾吸引，所以就入左去試下啦。一坐底就嗌左個常餐，櫻花豬排麵。等都唔洗等，好快就黎左啦個餐。首先講下個 豬仔包，一流同翠x差不多，咬落去好鬆化，完全唔痴牙。美中不足既係醬就少左d。炒蛋好滑，蛋味濃郁！正呀豬排，雖然細塊，但係炸得唔錯。咬落去仲會有汁滲出黎。個麵就普通啦，彈牙有咬口既。湯就無太大特別既。整體而言，

上次同朋友食過之後一直話要同老公嚟食，今日老公終於放早！好野食好野晚餐好抵食！不過我已經想好要試其他野！唯有下次再食過啦水果茶，餐飲＋10幾蚊就有啦！抵上次飲過中湯，覺得唔錯，今次試埋啲白湯，好好飲啊！好濃郁嘅牛菌味！依家好健康每次我會order菜食！帶子炒西蘭花！啲帶子仔好味！今日食重點推介呢個咖喱羊架！加$8就有個豬仔包，咖喱點豬仔包真係好好味！果粒咖喱薯仔超好味！下次唔知可唔可以要求多薯仔呢！鐵板西冷！依家好少仲有咁大煙咁樣上抬！蒜蓉汁啊係畫龍點睛！我個配菜薯仔！個🍠係好特別！薯仔食落去好甜有番薯嘅質感但係佢真係薯仔！其實睇相就知道好味啦都唔使點樣形容！大滿足我打咗個芝士流心西多士作為完美嘅一餐總結！呢個甜品非常好！可能好耐冇食個西多士啦依度嘅西多士嗰個糖漿係韓國嘅！食咁多嘢都係二百幾蚊咋真係好抵食啊！

CP值非常高的一家餐廳呢！又到了星期三，又是我帶媽媽出外吃飯的日子。這次來了家附近的觀塘，尋找便宜又好吃的東西。在門外見到$18能吃到一個鮑魚雞煲或者花膠雞煲，立即狗衝進來！由於要惠顧滿＄80以上，才可以用優惠價購買雞煲。所以我們點了兩個餐，另外＋1個鮑魚一品雞煲。媽媽選了鐵板餐，美式海鮮大餐。裡面包括一隻大蝦、一塊魚柳、兩隻青口、三粒帶子，可以選飯、意粉、薯菜。我們選了薯菜，有一大個焗薯！焗薯非常軟熟，而且超級甜，味道有點像番薯～吃完鐵板餐，再來一個套餐！原來炒菜會配送一個白飯，還有湯，所以這個時候，其實我們已經半飽了XO醬西蘭花炒雞柳份量很多，XO醬味道較淡，吃不到辣的也能吃。除了雞柳和西蘭花，還加了洋蔥、辣椒等添加風味附送的湯可選紅湯、白湯、或者中湯。羅宋湯用料豐富，酸甜適中～重頭戲當然是優惠價換來的＄18鮑魚雞煲！雖然價錢超級便宜，但是一點也不馬虎。鮑魚雞煲裏面都有四至五隻小鮑魚，迷你樣子可愛～雞件份量大概有三分之一至半隻雞，惹味濃郁！吃了那麼多東西，當然要喝一口冰涼的水果茶。這家餐廳裏面有兩種果茶，一種是以茶作基底；另一種則以橙汁做base。我選擇了後者。果然橙味很出，裏面也

黎開觀塘搵食,離遠就已經見到龍城冰室既招牌啦! 好搶眼阿!入到去,發覺佢原來中西野食都有,好多樣化!西式意粉有焗飯都有!飲杯野先!呢杯唔係凍檸茶黎架, 叫做菠椰飄香! 飲落,真係好重椰子味阿.......幾特別另一杯係冰鮮果茶~ 好似檸檬茶加左D生果落去咁~蒜蓉牛油煙肉焗青口~ 好香牛油味~青口雖然係冰鮮,但都無雪味,配埋面頭既蒜蓉同煙肉一齊食, 口感好豐富牛肝菌帶子意粉~帶子明顯有用牛油煎過,好香牛油味! 兩邊煎得好香! 而個汁亦都有好香忌廉味~意粉都索哂個汁既味道,算唔錯同埋佢好鬼大碟!蒜蓉拍薑炒芥蘭! 個蒜蓉同薑既味道好重阿!每一條芥蘭都有香既薑味! 不過D芥蘭稍為老左D, 有D硬蒜香菠菜三文魚意粉!  呢個反而同上面既唔同,食唔到太多蒜香味、而已個汁既味道唔太特出, 不過D三文魚都係幾好味既~ 同埋真係好大碟....最後都食唔哂@@係一間餐廳可以有機會食到中西式既美食, 種類咁多而已質素又唔差, 算唔錯架, 都黎得過~

當天晚上六點左右便到了，因此能坐在四人的卡位，環境挺大的，坐得舒服。食物選擇也挺多的，有不同的中西餐，當天選擇了食中式小炒叫了：黑椒牛仔骨煲 （送白飯+中湯）$68醬汁惹味，牛味香濃，十分厚切，並且沒有太多的脂肪，肉量多，值得推薦菠蘿咕嚕肉 （送白飯+中湯）$48較失望，不夠香脆，味道一般，但肉質不鞋，勝在肉厚份量足炒蒜頭雜菜 $48有菜心芥蘭椰菜香菇，蒜味香濃，夠鑊氣，但稍咸檸檬熱情果梳打 $24味道清新總消費：$188這間餐廳的價錢合理，分量多，餐廳裝修也花了點心思，採用鎢絲燈光 營造溫馨懷舊風格，值得推薦