龍城冰室

营业中

休息中

呢日中午12點左右黎到龍城大約8成滿座好彩仲唔使搭枱🤣午餐價錢大約$50有湯 有飯 有野飲都算係咁畢竟越來越多茶餐廳只可以湯或餐飲二揀一🤔湯我揀左中湯 金銀菜煲豬骨味道唔錯 清清地仲有一小塊豬骨🤣鴛鴦扒餐份量都唔細！豬扒煎得夠香脆邊位少少燶食落香口有肥膏既位食落好香 好邪惡🤣牛扒就都大塊既 薄薄地預期之中 配埋黑椒汁食都好滿足😋仲有幾舊西蘭花以茶餐廳黎講菜量都俾得幾鬆手🤣奶茶控如我餐飲梗係揀熱奶茶！果然都有水準！50蚊埋單 一定有下次😋快靚正

見到下午茶到6pm，仲有15分鐘。食左先。吸引之處：1. 冰室既設計同以往既冰室唔同。以摩登有氣氛既設計，好吸引人，有氣氛既燈光。靓又有情調既冰室無收加一。2. 雜果冰。雖然出邊落雨好凍。但叫左炸野食。一定要配埋雜果冰。好多生果。杯野飲都好靓。唔會好多冰。食生果時唔會食到好多冰，體貼。3. 炸雞腿。估唔到炸雞腿咁大。下午茶真係抵食。雞腿食落好香，獨特既業材料好濃。食落個皮又脆又香。雞腿有業左既香料味，好好味。雞腿肉有水份，食落好高汁。4. 下面仲有好多薯角食。薯角炸得好脆。呢個下午茶好似快餐咁，但好味過快餐店好多。因為雞腿味道真係好特別。5. 芝士鹹牛肉豬仔包。豬仔包咬一啖原來整得好鬆軟。表皮脆，入邊鬆軟。牛油滲透入去豬仔包，成個豬仔包都好香。鹹肉有加芝士係好好既配搭。又香芝士味，又有牛肉既鹹香味。好脆好好食。30問都唔洗，真係好抵。整體黎講，冰室有咁新穎既設計，價錢又合理。份量多，服務態度好。食物種類真係好多。其實係一個好好既選擇。唔知食咩好既話黎呢度揀，一定揀到啱口味既野。

小妹今日去咗龍城冰室食下午茶睇下佢個menu啦 咁就見到有一個叫鰻魚炒飯嘅賣緊45蚊 係最貴嘅下午茶餐咁小妹咁岩最想食鰻魚 於是就叫咗喇食完嘢感覺就係鰻魚唔係好多但係個飯都幾油下試過就算數啦

龍城冰室 (觀塘). 觀塘咁近我倆，龍城冰室我地都已經食過好多次，未試過嘅要介紹比大家試下！環境舒適又幾乾淨，門口連地下都有個名我覺得好有心思hahahah所以我地都常來幫襯(⁎⁍̴̛ᴗ⁍̴̛⁎)⚜️法式黑椒T骨牛排🥩配焗薯⚜️ $62.是日晚餐竟然咁啱係我地喜歡嘅T骨啊(⁎⁍̴̛ᴗ⁍̴̛⁎)之前都係食lunch多，醬汁好香🤤，貼住骨嘅肉又非常嫩滑，而薯菜係焗薯！ $62真係好抵！跟餐仲有湯送，有白紅中三款任你揀！.⚜️大蝦🍤菠菜炒意粉 ⚜️.好少見冰室會有歐陸餐食，仲要有好多選擇！ 我就揀左個大蝦菠菜意粉，份量勁多！ 菠菜都好多🤓而大蝦有兩隻，係爆香過嘅蝦！兩個人share都非常夠食！店員嘅服務都好好，下次再黎食晚餐可以試下佢地嘅中式小炒，好似都好唔錯！—————————————————————-環境：⭐️⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️.📌龍城冰室 (觀塘)觀塘駿業街56號中海日升中心地下A號舖

嗰晚約咗個friend觀塘一齊食飯，去咗呢間新潮冰室，而家D新派茶記，都鐘意叫自己冰室，米講笑，裝修好揼本，好多舒服大卡位。打開餐牌，款式實在非常多，真的選擇恐懼症了，我地揀了鐵板羊架配香草腸配蒜蓉汁跟焗薯，口痕叫埋避風塘茄子和豆腐呢D香口野，跟餐加$要檸樂。先講下個鐵板䬸，論價錢90幾蚊，熱辣辣上，食到羊架，OK的，羊架好食在醃得入味，有香䓍的味道，吃時微羶，也有肉汁。香草腸煎得香脆，肉味不俗，彈牙肉汁多，另外配了焗薯蓉，飽肚香口，那蒜蓉汁做得很惹味，加咗喼汁，更醒胃，唔錯嘅鐵板餐，好味道。避風塘菜式，做得夠鑊氣，蒜香濃郁惹味，豆腐和茄子都做到外脆內軟嘅口感，呢D大排檔菜式，冰室都做到水準，要讚。

今日同朋友係觀塘行街，四圍行見到呢間冰室好多人等，睇落餐牌又幾吸引，甘就試下啦😬😬其實我地2點9左右去到，又可以揀午餐又可以揀下午茶。而且入面好多卡位，有6人大卡位添，所以多人食都可以自己成班一齊坐，幾好👍🏻呢個係午餐但最後我地都係揀下午茶，因為份量吾洗好多，每樣可以食小小多啲款式，坐低飲杯野，傾下計就可以。我地揀左以下食物👇🏻👇🏻炸雞脾🍗拼沙律🥗：雞脾好大隻！一切落去脆卜卜，真係好邪惡👿雞脾肉質好嫩滑，有肉汁，吾係乾巴巴既。而且雞脾係有醃製過，但吾會過份好咸咖，味度岩岩好炸脾真係無得輸🤤所以食完炸脾拼個薯仔沙律🥗，令自己罪惡感下降✌🏻✌🏻咸蛋牛潛艇包：一向好中意食蛋牛治，呢度有得配潛艇包，又可以試下啦。潛艇包餐廳係有烘過，入面有牛油，之後煎好蛋牛就夾入去！睇下👀個蛋牛好大份，夾係包係滿滿的！蛋牛煎得好滑好香，大份量大滿足🤩🤩勝瓜什菌班片泡飯：呢個真係餐廳健康之選，泡飯材料好多，湯好濃味，班片都有4大件，啖啖肉。勝瓜切到一粒粒，可以一路用🥄食！泡飯好好食，湯飲完吾會覺得口渴，應該無加味精，夠清淡又無油冰鮮果茶：估吾到呢度都有果茶，所以點左杯試下。哇！好多生果丫，我諗有半杯生果，有橙，蘋

星期六中午係觀塘上課後搵野食上網搵到呢間冰室決定同朋友一試一去到見到環境不錯新派冰室格調餐牌好多選擇我們一行二人點了個常餐及蕃茄海鮮意粉常餐是瑞士雞翼撈公仔麵秘制瑞士雞翼汁配上超入味的雞翼雞翼入口嫰滑配上彈牙爽口的撈麵常餐另有3.6牛乳炒蛋及鮮奶油豬仔包用牛乳炒蛋夠香夠滑鮮奶油豬仔包夠香脆成個餐味道不錯另外點了蕃茄海鮮意粉海鮮有大蝦丶青口丶魷魚丶帶子等海鮮配料分量超級豐富配上香濃蕃茄汁超級開謂超好食整體上冰室既食物及環境都不錯常餐$47好抵食海鮮意粉味道好味加上海鮮配料份量豐富性價比高觀塘區不錯冰室之選👍🏻

去年一年都在附近跳舞，每次都会过来吃下午茶☕️超级赞！今天，正好在附近跳，就跟朋友又一次一起去哦！店里面的小姐姐都认识我们了，刚进门就立马招呼我们坐，跟其他茶餐厅完全不一样的服务哦！卡位坐着超级舒服😌每次我都跟朋友坐下来，聊聊天，分享一下跳舞的喜悦，以及最近发生的事情。超级推荐03号常餐！每次都点这一个。我原来在茶餐厅从来不知道常餐可以这样好吃😋去年朋友推荐下，一尝试，就爱上了！真爱！今天也是依然常餐啦！热奶茶☕️我朋友的最爱！我点了水果茶！超级赞👍女生就要多吃水果，这样才会皮肤好，才会美美的！哈哈看到隔壁桌的羊🐑架，真的跟图片上一样哦😯可惜今天不是很饿，下次晚上来，一定要尝试！临走时，我朋友还特意买了鸡翅带回家给儿子👦开心。谢谢美好的一天。

究竟有幾得閒先可以由早餐時間食到晏就呢？｛ 早 餐 歐 陸 A 餐 $38 ｝吉列魚柳、炒蛋煎腸、茄汁焗豆、鮮奶油豬仔包最愛最愛的奶油豬！每次食都會憶起細個個陣第一次第一口的奶油豬豬，係青春嘅味道呀！ ｛ 雙 拼 三 文 治 - 咸 牛 肉 炒 蛋 $27｝㨂左鹹牛肉炒蛋，哎呀！唔記得叫烘底，好失策！不過個包都鬆軟好食嘅，咸牛肉可以輕輕加多啲！｛ 茶 走 ｝自從認識左茶走呢樣野，就愛上了！茶底味濃，配上煉奶，恰到好處，香甜幼滑！｛ 焗 芝 士 海 鮮 飯 $53 ｝焗飯面有拉絲芝士好吸引！唯白色忌廉味唔夠濃郁，但整體都還可以喔！{ 凍 檸 賓 少 冰 ｝真係少冰左 (?)Overall 奶油豬：★★★★☆ 茄汁豆：★★★☆☆ 炸魚柳：★★★☆☆ 炒滑蛋：★★★★☆ 咸牛蛋治：★★★★☆ 茶走：★★★★★

首先講服務 -這是一間切切實實的港式茶餐廳，毫無服務水準可言。最常遇到的就是長舉高手，個個員工都會齊齊看不見。我們見鬼嗎？然後收銀是黑臉員工。論食物 -餐單的而且確讓人花多眼亂，款款都很吸引，比起隔離“紅xx"吸引很多。這亦是一個原因令我們來完又再來。不過並非款款好吃。切忌在這兒食蕃茄湯類粉麵，完全難食到害我浪費食物，完全不是湯而是芡汁。但好吃的菜式亦不少，沙爹牛河，沙爹牛肉麵，魚湯飯，西多士… …講店面 -店內店外裝修格局算別樹一格，我們都是這樣被引進去。不過作為常客，我們發現收銀位附近的檯是沒有冷氣，非常悶焗，因為大門長開。而入面角落那張檯亦迫窄得可憐。衛生整潔程度亦一般，隨意看便見雜物或一袋袋豬仔包。整體just ok. 行過順路醫肚是可以的，專程來就冇必要。

📍🇭🇰 龍城冰室 (觀塘店）.觀塘呢度有兩間冰室，一間係紅茶冰室，另一間係龍城冰室。龍城呢個名，係旺區成日見，例如有間叫做龍城中西大藥房，睇落好似好霸氣咁，但應該就無關連的！今次想介紹的係冰室，叫龍城冰室！今次有朋友邀請，一起去吃返個branch，充滿精神去返工！💪🏻 我們兩個人叫左三個餐，埋單找數130元都唔駛。.餐牌十分詳細，有好多食物選擇，真係可以日日吃不同類型都得！.📌 早餐歐陸A {HK$35}🥗 吉列魚柳，炒蛋配茄汁焗豆，鮮油奶豬仔飽，奉送熱飲：揀左熱奶茶正常的英式早餐的味道！.📌 鹹牛肉三文治配熱飲 {HK$29}唔記得叫烘底，配熱朱古力，幾濃味幾好飲！鹹牛肉蛋治就整得普通。.📌 焗芝士海鮮飯 {HK$53}幾足海鮮材料，包括：魷魚、青口、蟹柳、蝦、鮑魚仔及蔬菜及蛋炒飯底，配合剛好份量的芝士，配上忌廉汁，幾入味！.🍷 另叫左杯特飲加{HK$8} 檸檬利賓納.Total: HK$125.來開觀塘都可以早餐/午餐/下午茶/晚餐來試下呀！

同朋友一齊食飯，諗住隨便食一餐，又唔係好想搵新餐廳，就黎左龍城冰室啦。同上次無咩分別。今次決定平平地試下佢既蒜蓉汁西冷牛扒。因為都唔係好諗到食咩，就兩個人都一齊選左食呢個，我紅湯凍檸茶，佢白湯凍檸水。埋單108蚊。紅湯味道正常，酸酸咸咸。白湯我無試到，但我見朋友都飲曬，味道應該都幾好。朋友既凍檸水。跟著就到個蒜蓉汁西冷牛扒上菜啦。首先，分量十足，足足有兩大塊，塊塊都大過手掌。其次，醬汁分量都足夠，味道唔錯但稍為有啲咸，重口味既人士相信會相當鐘意。而牛扒本身煮熟既程度相當唔錯，軟硬適中，口感良好。見到啦，攤翻開佈滿左成個碟，份量十足，啖啖肉，肉食動物最愛。基本啲飯最後都無咩食過，淨係食兩塊牛排已經飽到傻左。

今日去左觀塘APM 行街，行到夜晚，又係食野既時間。APM入面啲餐廳我覺得又貴又吾好食，所以上網搵下有咩好食。原來公廠區果頭好多野食，我地選左一間茶餐廳，叫龍城冰室，因為離APM吾遠，幾分鍾就去到。到步後，就坐底。間餐廳都算多坐位，我地坐左一陣就坐滿晒客....full 左，要等位，好在早幾分鍾到😂😂佢地本餐牌好厚，好多野食😂😂我只係影左我地晚餐會叫既餐牌，其他都無影，多到呢👍🏻👍🏻 鐵板牛排都有得食，但我地決定叫小菜。我地叫左3個餸，3杯野食。第一個餸係西蘭花炒帶子，帶子無煮過火，好好味。西蘭花都無煮到黃晒，爽口，吾錯吾錯👍🏻👍🏻第二個餸係椒鹽豬排，佢地好細心，剪開晒一偰件，易入口，而且咸度同辣度都適中，好有港式茶餐廳的風味👍🏻第三道餸係咸魚雞粒豆腐煲，呢個非常推介，好野味，頭腐切到一粒粒，再炸過，口感好好，而且個汁整得好好味，送飯一流，我食左兩碗飯😂😂，真係好好味👍🏻野飲方面，我地叫左兩杯香橙青蘋果梳打，一杯鮮檸士多啤梨梳打，兩杯都好好飲，但比較甜，如果大家都無咁甜，記得少甜。🥰食左咁多野，都係2百幾蚊，抵到呢，重要好好食，大家留意下，每碟餸既份量都比較大，三五知幾一齊食小菜，一定

突然落大雨又到食飯時間，就係附近搵個地方，見到呢間龍城冰室好似唔錯，入去前睇睇OpenRice 既comment 都唔錯，就決定揀呢度餐廳裝修似西式既cafe，座位設計都以卡位為主，所以坐得好舒服餐廳食品選擇好多，有中式，西式，港式，仲有馬來咖哩，而我地最後揀左食小菜，小菜可以加$6配埋飯同埋飲品，特飲+$5，cafe飲品減$10首先黎既就係椒鹽豬朳，熱辣辣，餐廳好細心將佢切碎上菜，方便進食，醬汁有椒絲，蒜蓉同蔥，少少辣，好惹味，份量都幾多跟住就係西蘭花炒帶子，估唔到有咁多粒帶子，帶子既質素都幾高，西蘭花🥦煮得岩岩好，整體調味都唔錯最後就係咸魚雞粒豆腐煲，呢個餸可以話係我由細到大既至愛，豆腐輕輕炸過，雞粒係用雞朳而唔係果d淡而無味既雞柳，醬汁好香，撈飯岩哂呢度既飲品都幾有特色又好飲，我地叫左香橙青蘋果梳打，個橙汁仲有粒粒果肉，加埋青蘋果🍏同檸檬中和個甜味，幾好味3個人食完埋單都係$260左右，仲要叫埋特飲，除返開都幾抵食，而且又好食！下次要再黎試其他野！

因為公司起附近，之前已經成日來食lunch, 今晚約朋友食飯試埋佢地既小菜，發現都有好多選擇！！有焗飯，鐵板，小菜，炒粉麵食飯等等，應該總有一款岩食椒鹽豆腐飯前小食，一上菜已經feel到熱辣辣食落果然外脆內軟，豆腐仲好滑，食到停唔到，如果多d椒鹽就仲正！金菇肥牛粉絲煲送飯一流，好足料，粉絲同肥牛索曬d汁，食小菜必點！咕嚕肉都係送飯一流既小菜，酸酸甜甜好開胃，同埋份量仲好多。套餐有跟餐湯或者飲品，坐得舒服，值得試下。