龍城冰室

营业中

休息中

夜晚響觀塘甘啱開去AIA大廈嗰度，見到呢間冰室就試吓啦！首先講吓室內環境先，寬敞同乾淨所以幾好坐，我同我朋友兩個人都可以坐到卡位，最後仲傾計傾到啲人差唔多走晒我哋先走，多謝員工嘅包容冇黑面由於我哋兩個人都比較麻甩同埋大食，所以叫咗咕嚕肉好耐都冇食嘅乾炒牛河，黑椒牛仔骨煲同埋一碟炒雜菜。樣樣野都好好食呀媽咪，個牛河勁有鑊氣而且夠味都唔會淡，又多餸下次經開都可以再食！咕嚕肉亦都好多肉好足料，唔會太厚粉，加上味道真係好好送飯一流，推薦！另外黑椒牛仔骨煲，極度健康嘅朋友可能會覺得肥少少啦，但大大份好抵食一家人嘅話可以嗌，好夠黑椒味好多肉！菜就都係菜啦冇乜特別，幾新鮮同唔會太乾！總括嚟講，鍾意食香港野嘅你會鍾意，係一間唔會中伏唔會唔飽嘅餐廳

呢期朝早都係觀塘番工唔食飽飽又有力工作搵錢😂😂😂知道觀塘係一個人口密度高嘅地區一朝個個黑面神咁係地鐵觀塘站出入行到去巧明街見到龍城冰室就入去試一試相信好多人朝早都係嗌沙嗲牛肉公仔麵呢次等我又試吓先呢份早餐特別之處係有送啲個牛角包🥐裏面係有芝士同火腿塊芝士仲要溶埋正連買杯凍飲都係$35我就覺得牛肉嘅咸咗啲大家不妨可以試吓

觀塘兩大冰室，紅茶同龍城冰室。上次講完紅茶，今次就講下龍城，龍城嘅早餐同紅茶非常相似。同紅茶一樣，我都叫咗沙嗲牛肉麵配炒蛋。唯一唔同，係龍城早餐可以揀芝士火腿牛角包，紅茶就係多士。麵包來講龍城比較好食，芝士火腿牛角酥夠脆，至於炒蛋方面，兩邊都炒得好滑，味道都好接近，所以平分秋色，沙爹牛肉麵就龍城贏，除咗牛肉多啲，沙嗲味道重啲。不過環境方面，龍城啲位比較窄相反紅茶就闊落好多。而效率方面，龍城嘅職員會入錯單，紅茶就未試過。如果兩間都唔需要排隊，我會偏好紅茶多啲。

咁啱係觀塘區有啲嘢搞，又肚餓喺附近搵嘢食，見到呢個商場有幾間唔同嘅餐廳！就揀咗試吓呢一間龍城冰室，因為裏面真係好多人，算係好旺，下午時間都係爆曬！生滾牛肉蕃茄湯通粉$45配3.6牛乳炒蛋，煎奶油豬仔包生滾牛肉啲質地唔錯，個番茄湯底比想像中出色，蕃茄味香濃一啲都唔假，分量十足。加上個3.6牛乳炒蛋香滑又香甜，配以充足煉奶嘅那又豬仔包真係好夠食！牛肝菌帶子意粉$69朋友揀嘅呢個帶子意粉，我哋都估唔到冰室竟然可以食到西餐意粉，牛肝菌味道香濃，帶子味道較有鹹香，意粉個份量都好大，一個女仔真係未必食得晒。冰鮮果茶$28減$10朋友跟意粉叫咗個水果茶，裏面有好多唔同款式嘅水果，都好足料，唯一美中不足就係冇茶包，如果有茶包就更加美觀！我就揀咗普通嘅熱檸檬茶，成餐飯食到超飽都係百零蚊已經OK。

呢間龍城冰室已經唔係第一次嚟幫襯㗎啦，成日都見到佢好多人於是呢就決定今晚再嚟食一次。餐廳嘅裝修都幾摩登feel嘅， 坐得都覺舒服燈光亦都光猛望個餐牌發覺佢真係好多好多唔同嘅選擇中西式都有得你揀，而每一日嘅晚餐套餐都一定會包含一個中餐同埋一個西歺。當日我就揀咗一個豬扒鰻魚飯而朋友就帶咗通菜鮮尤。個豬扒鰻魚飯份量非常之大而且鰻魚好香個醬汁亦都做得唔錯食落去非常可口。超級抵食而個通菜鮮尤都炒得好有鑊氣，配飯簡直一流呢一間餐廳早餐午餐下午茶晚餐都真係好抵食

晚上來到觀塘區辦理一些事務, 完成後和朋友經過這間冰室, 見到很多人光顧, 就選擇吃這間吧。店員給我們的感覺很快速很有效率, 很有香港精神。落單是快而準的, 食物亦隨即很快送上。紅豆冰, 奶的比例較多, 因此入口奶味較濃, 附上匙更撈紅豆來吃, 份量也不少, 紅豆也煮到夠淋。聽到不少人選吃今晚的晚餐A, 是金銀蒜T 骨牛扒$62, 我們也來一個分吃, T骨扒肉薄薄的, 軟嫩易咬, 蒜香幾重, 不過個人覺得牛扒調味稍重, 如果拌飯吃比較好。 但我們叫了薯菜, 欣賞這薯菜不是炸薯條是焗薯, 比較健康, 無油, 薯仔焗得好香, 配上少少芝麻沙律醬很好吃。留意到牛扒底有少少蔬菜, 令這個晚餐營養均勻, 快餐來說幾有心的做法。喜歡喝羅宋湯, 蕃茄味很濃又有蔬菜可以吃, 少少辣夠惹味。這個秘製馬來咖喱雜菜蛋飯$48, 簡簡單單的一個晚餐, 雜菜有薯仔、西蘭花、青椒、紅椒、洋蔥等, 菜量比想像中少, 不過有大量咖喱汁, 拌飯吃也夠滿足, 咖喱有椰奶味, 味道香濃, 蔬菜也煮得剛好, 而薯仔可以煮腍一些更好。蠻有水準的冰室, 吃到港式風味晚餐, 價錢也不貴, 如果在這附近上班, 吃過飯才回家也不錯,

今晚去觀塘接朋友收工，佢話lunch time 食過呢間冰室覺得唔錯，成日都好多人要等位。知道晚上嘅觀塘比較靜，所以我地就黎呢度碰碰運氣。入到黎我地剛好坐到最後一張卡位。睇睇menu，有好多選擇，我地三個人決定叫小菜一齊食。介紹下野食先。鳳梨咕嚕肉酸酸甜甜好開胃，啖啖肉黑松露蝦仁炒滑蛋色彩繽紛好靚，蛋炒得好滑，黑松露嘅香味好濃，非常好嘅配搭。沙嗲金菇肥牛煲份量都幾多，沙嗲香濃惹味，最啱送飯。粉絲吸收哂d沙嗲味，好正！蒜蓉拍薑炒芥蘭芥蘭翠綠新鮮，配上薑汁炒非常夾，唔錯！避風塘豆腐一粒粒金黃色嘅小豆腐磚，好吸引呢！急不及待試試，口感外脆內嫩，避風塘口味好惹味由於每碟餸嘅份量都好多，我地三個人食完都好飽，非常滿足

呢排做野有啲忙，決定食餐好少少既你慰勞下自己，唔好成日都食啲幾十蚊嘅嘢。所以就決定搵番之前食過好幾次、都幾好食既冰室食啲鐵板餐。入到去，其實都坐滿曬（因為都真係幾好食），好彩剛好有張空枱。入面依然乾淨企理。其實我坐低已經2:15左右，真係好肚餓⋯決定食佢最貴既鐵板餐：蒜蓉羊架拼香草腸。等左大概3-5分鐘左右，我叫既紅湯就到左。其實都幾足料，味道夠濃，鹹鹹酸酸，唔會淡茂茂。跟著我叫既凍檸茶就瞬間送咗上枱啦。檸檬都切得幾多，都有半個，唔會得一兩塊。而且唔會太甜。然後，我既鐵板餐就上啦。（我個紅湯已紅瞬間比我飲完，太肚餓）腸呢，就正正常常啦，但都幾大條。而啲羊架就要俾高分。佢唔會煮到老晒，咬都咬唔開。重點係佢唔會太過多肥肉，令到成塊羊架好肥、無咩肉食咁。而調味同啲蒜蓉汁都幾好，啱我口味。總括嚟講，呢間餐廳依然係一貫嘅水準。如果大家想食扒餐都可以嚟食。不過小心食牛扒嘅時候唔好叫得太熟，如果唔係喺鐵板燒多一陣之後，就會咬唔開。（我之前有一次就係咁，喊出黎）當然啦今次個羊架嘅水準就唔錯。

由於剛來這邊上課，看中了上課附近一間叫龍城的餐廳，店外裝潢吸引，於是便與幾位朋友來到餐廳晚餐後才上課。一進店內，裝潢都時尚，座位間都很寬敞，環境整潔。我們三個人點了4個菜、2碗白飯、2碗例湯。他們有些菜式是套餐，包飯和湯或飲料，很划算，而且湯的選擇除了中湯，還有紅、白湯選擇，但由於我們吃的菜式都中式，所以飲中湯好了。一般茶餐廳例湯都沒太多料，但這裡一碗小湯都有頗多料的，看得出很用心，湯也不會很味精。而4道菜我最愛的是西蘭花炒帶子，味道很入味，濕濕地，配飯一流。而這裡的黑松露蝦仁炒滑蛋，當時看到菜單就想一定點來試試，未吃過黑松露口味炒蛋，果然配上黑松露味道很不錯，喜歡黑松露不要錯過。我見有廚師推薦的大澳蝦醬骨，又看到名字很特別，我們喜歡挑戰新的味道，所以便點了，原來類似是炸排骨，上台也保持熱辣辣的火氣，口感也不錯，喜歡香口的你不要錯過，同時也不要錯過避風塘豆腐，必須要趁熱吃，才保持風味。值得提一提，店員也很有禮貌，我還留意到每位服務員都帶手套，頗衛生！上菜也不會等很久。

今日剛好在觀塘去學拉花，而學習地點剛好在龍城冰室附近。本身係附近睇下有咩好食，但遠處就見到龍城冰室四隻好大既字😂甘就去睇下咩料道啦！係店內睇果menu都幾抵食下，就決定入去試下！.一入店面吾似舊式冰室感覺，比較似西餐廳感覺！但都坐得舒服又夠寬敞！黑松露滑蛋炒蝦仁 🍤 （$62）因為我地吾知食咩好，我都係睇OpenRice 有咩必點，見到呢個係好多人都點呢個，就試一下！首先，黑松露味非常香都很濃郁！蝦仁也很好吃，如果滑蛋多一點會比較好！但其實我們一行三人也吃不完😂用來撈飯食係一流！西蘭花炒帶子 （$72）裡面除左有西蘭花🥦、帶子，仲有菇嫁！！我仲以為佢只會俾幾粒帶子，但帶子數量也太多太佛心了吧！因為沒預期這碟會很好吃，但比我們預期好吃，有驚喜！椒鹽豆腐 （$32）嘩嘩嘩！呢個先係必點！信我😂除非你是不喜歡重口味的人剛上菜時我們已急不及待地放在口裡但熱死左我果嘴😂😂😂但剛剛上菜時外來脆脆的還熱熱的可是，裡面的豆腐超級滑的！！超好吃！但我朋友比較嘴叼，他說放久一點比較沒那麼好吃，大家就趁熱吃吧🤣🤣大澳蝦醬骨 （$72）這個如果你不喜歡蝦醬味，就未必喜歡吃了！但這款是比較乾身一點，所以如果你是

間唔中係呢個出沒找吃，雖然這店在當眼處，但就一直沒有試味，或許給他的「冰室」名字嚇怕，因為近來太多冰室湧現了。但今天真係找不到更想食的，於是走進去。先被鄰桌的炒飯吸引，打開餐牌才發現很多選擇，常餐，扒餐，小菜都有。最後跟著鄰座叫印尼炒飯，加一份常餐。先來炒飯，有鑊氣，但原來都幾辣，最後食對頭慕汗，所以不吃辣的朋友小心，因為餐牌未有註明是辣的。常餐改煎蛋，竟然給我兩隻，脆豬大又脆，蕃茄牛肉通認為湯底過濃，牛肉份量偏少。今餐出品味道冇乜驚喜，反而欣賞其多選擇及價格合理，考慮試多一次。

常餐-瑞士雞翼撈公仔麵 ($43)3.6牛乳炒蛋，鮮油奶豬仔包通常食常餐都係食沙爹牛肉麵 一有瑞士雞翼撈公仔麵我就會好開心雞翼都幾入味 而且撈丁唔過太腍 另外豬仔包同炒蛋都中規中矩咁多野食價錢都好合理Whenever I eat “all day sets” from “cha chan tengs” I tend to go for the satay beef noodle option. But if the place offers swiss soy sauce chicken wings with noodles that immediately becomes my first choice.The chicken wings were quite flavorful and the sauce had just the right amount of sweetness to it. The scrambled eggs and the buttered “piggy” buns were also decent.For quite a reasonable price

夜晚約友人喺觀塘食飯，諗起駿業街一帶的茶餐廳-其中一間的龍城。依家龍城有三間分店，而呢間就係元店。當年來呢度要排隊，但依家可能附近多左競爭，依家即刻有位坐。餐牌花多眼亂，有碟頭、西餐鋸扒、大排檔小菜、常餐等等。呢度地方唔大，但就揉合左香港中西文化，靈活多變的拼搏精神。嗌左餐5分鐘，唔使等好耐，已經上臺。大牌檔風味的菜遠斑腩炒河，熱辣辣，好地道。斑腩外脆內軟，仲有一個冬菇蠔油芡。美中不足的係河粉就無咩鍋氣。常餐瑞士汁雞翼，份量就比較少d。食開瑞士茶餐廳會多一個雞槌。味道都唔錯!

觀塘工廈區其中一個最有名氣嘅餐廳，大家都一定會諗到龍城。呢度由朝到晚都經常滿座，但食物質素、上菜速度完全唔會慢，保持到水準！今晚一個人嚟到毒食，叫咗一個小菜跟餐，但都算大食嘅我都幾乎食唔晒。呢個黑松露蝦仁炒滑蛋有超多蝦同黑松露😍一啲都冇慳皮！蛋亦都超級滑，火喉啱啱好，唔會炒得好老，冇乜得點挑剔😋跟餐嘅例湯都好好味，唔會有太多味精，亦都唔會太油膩。另外叫咗最愛凍檸賓🤤肥仔得嚟又好滿足！一定要會再嚟食！

每次經過呢間冰室同隔離果間, 都係坐滿人, lunch時排隊條人龍長到以為排隊買演唱會飛, 實在多人得誇張, 其實都係靚少少的茶記啫, 而且附近都不乏地踎茶記, 為咗試下係咪真係咁值得大排長龍, 於是嚟試下佢個早餐, 因為lunch真係冇時間同心機去排隊.............早餐雖然唔駛排長龍, 但間中都要等下位, 同埋差不多一定要搭枱, 好彩我地夠人數可似坐哂成張卡位, 唔駛同人搭枱啫~早餐款式都算唔少, 價錢都算合理, 當然份量唔夠地踎果d咁大, 但都夠我飽到中午唔駛食零食~ 熱檸茶平時飲開熱檸水的, 今次專登叫熱檸茶, 就係想試下佢個茶夠唔夠濃, 但原來係唔係好夠茶味, 而且檸味都唔係好夠~ 芝腿牛角包+炒滑蛋估唔到迷你到咁樣, 不過都未至於細到好mini, 都有小朋友只手咁大左右~ 牛油味唔濃, 中間好空心, 好彩夾咗芝士火腿增加飽肚感~ 由於已經夾咗芝士火腿, 所以冇位再夾滑蛋, 唯有將滑蛋潑去米粉, 當加餸咁食, 不過佢個滑蛋唔算滑, 又唔夠香, 雖然話係用3.6牛乳去炒, 而且賣相都好一般, 似係炒碎蛋多d囉~  瑤柱粒榨菜肉絲湯米果d瑤柱粒都預咗係超迷你, 但都唔好