龍城冰室

营业中

休息中

午餐要找地方醫下肚先。在遠遠已看到龍城冰室的招牌。那就選了這裏醫肚先午飯時間，二人去到。店員好快就安排到座位入座。四款午餐都唔啱心水！餐牌內選精選的炒粉麵。求其叫了兩碟...銀芽肉絲炒麵-份量足。麵多，芽菜，菇絲，肉絲都好多麵炸到脆卜卜 而麵條雖然經過油炸。但十分乾爽沒有一點的油份。完全不覺油膩，十分爽口多多的醬汁，令麵唔熱氣之餘，尚保留脆嘅感覺。韭黃芽菜夠嫩時菜班腩河，又好似幾好食咁.班腩係不知名魚肉,相信係即炸,相當可口,皮脆肉滑,雖然雪藏魚肉雖然冇咩魚味,但並唔會鞋口或有腥味,算炸得香口,唔錯.個汁亦做得相當好,唔稀唔杰菜心夠爽嫩，河粉多油其實就意料中事但是夠哂滑，而且份量佊多！成餐都叫做食得好開心！

環境好大,裝修好,今次坐卡位,好舒服,又係冇時限,好正。同好友傾左好耐計。服務員好笑容,友善。好快就落到ORDER,野食都好快上。試左好多樣野食,樣樣都想食。樣樣都好足料,最中意牛河,好熱咁上,好多牛肉。咕嚕肉都唔錯,啖啖肉,岩晒我呢D肉食獸,食左咁多肉要食返多D菜,菜都好多元化。杯野我走左甜,冇咁油膩。估唔到而家冰室都咁潮,有咁健康既果茶,見到火龍果肉嫁。我食晒D火龍果肉。下次想試佢D鐵板餐,會再抵食D,因為佢跟埋湯。其實我好想食奶油豬,但叫左太多野食啦,都係下次先啦! 樣樣野食都好有穫氣,好好味呀!價錢方面都係實惠,平過同類型既冰室。好抵食呀,叫左咁多野食都係二百幾,唔太貴呀真係!一定再黎。

放假又去觀塘搵朋友食下午茶上次見佢就帶左我去食華嫂今次朋友就推介去食依一間龍城冰室話佢都係常客黎 今日帶我去試一試坐低第一時間緊係睇下有咩食先黎既時間有下午茶餐 都吸引最後我就揀左常餐 鍾意佢夠豐富04 生滾牛肉茄湯通粉蕃茄湯底濃郁 牛肉新鮮炒滑蛋 以牛油炒 十分香滑 跟餐點鮮果茶 有半價優惠茶底配上大量檸檬 檸茶為主仲有火龍果同菠蘿 唔錯唔錯朋友就揀左下午茶27 瑞士雞脾伴沙律雞脾好大份 瑞士汁甜甜鹹鹹 夠入味好味道沙律係中式 以薯仔、櫻桃、菠蘿同蜜桃製作再加上甜甜既沙律醬跟餐點左杯熱奶茶 上枱冒晒煙 好夠熱 讚另外點左份芝士流心西多士糖分開上 根據自己喜好而落 夾心芝士十足 多士外脆內軟 價錢抵食 食物水準唔錯放假簡簡單單黎食個下午茶同朋友傾下計都唔錯

好少去觀塘個邊，今次去攞嘢，當然要係個邊搵好嘢食啦! 呢間冰室啲嘢食幾好喎。好多選擇~ 我地叫咗個沙嗲牛通粉餐同番茄通粉餐。跟餐轉咗個包做奶油脆脆，真係好脆 😋😋跟餐個滑蛋用咗鮮奶炒，炒得幾靚幾香講咗咁耐都未講到主菜 😅 番茄通粉酸酸甜甜，好開胃。仲有好多番茄，唔似淨係用茄膏架.. 另外個沙嗲牛通粉都濃沙嗲味架! 冰室啲奶茶唔知點解真係特別好飲，搞到我都想自己學吓，得閒沖黎飲... 🤔 有無邊到有得學架呢? 點先可以沖到又香又滑，比例仲岩岩好呢

放工去行apm，然後同朋友會合再一齊黎龍城食野。係出面睇感覺好大😂入到去坐都真係比平時去開既冰室闊落，坐得幾舒服。夜晚去食好full呀，成間餐廳都好多人。打開餐牌，見到有好多選擇，中西式都有，有扒仲有咖哩，好吸引啊！我地今晚決定叫中式既野食，我地叫左菠菜三文魚意粉、蒜蓉拍薑菜心同避風塘豆腐。三文魚意粉好香奶油味，意粉既質感亦都軟硬適中，三文魚亦都好香。菜心好新鮮，唔會好老，用黎送飯一流。呢度既小菜整得唔錯，鑊氣好夠。最後，避風塘豆腐整到外脆偏軟，而睡完全唔油，入面既豆腐好嫩滑，份量亦都有好多，好抵食。味道方面，佢好有蒜香味，夠哂惹味，一次過可以食好多粒啊！今餐總共食左$126，唔算好貴，但食得好飽啊！

餐廳係公司附近，成日都見到佢好多人。今日見帶充裕d時間就黎食番個下午茶，原本諗住要排隊，點知咁好彩，黎到就剛剛好有位。但其實入面已經坐滿左人。佢環境好舒服，d座位又唔會好迫，十分乾淨企理。坐低睇下餐牌，發覺佢真係有好多選擇，有鐵板鋸扒餐，炒粉麵飯，小菜咩都有。佢下午茶都有好多選擇，包類、多士、焗意粉、泡飯。我一行二人分別叫左焗芝士腸仔意粉同埋鰻魚炒飯再加個焗青口。佢下午茶好抵食，如果唔想飲一般既奶茶咖啡，可以飲佢既cafe推介或者啤酒，原價減$10。佢既焗芝士腸仔意粉，好多芝士，有我最鐘意既拉絲呀，份量都唔細架，好夠飽。鰻魚炒飯十分香口，入面仲有勁多鰻魚架。焗青口佢仲有煙肉同洋蔥配料係上面，隻隻青口都好飽滿，食落去啖啖肉。特飲冰鮮果茶佢入面有好多生果架，茶味又夠，只係加$18。鮮檸熱情果梳打見到有兩層顏色，同埋真係有好多檸檬。食左咁多野都係$139埋單，真係唔算貴。餐廳服務又好，員工做野快手又有禮貌。

一間令你有選擇困難症既冰室？！有人可能覺得多野食代表質素一般 但我試過幾次都好掂👍🏻有常餐、鐵板餐、小菜、歐陸意粉、多款焗飯、咖喱、碟頭飯、避風塘小食😆重點價錢唔貴而且好好味，飲品種類亦好多（水果茶、草莓奶、梳打！）😍💕牛肝菌帶子意粉 $69一上枱見到勁大碟😳份量超多的🤣黎個陣意粉仲噴煙 熱辣辣而且非常香🤤帶子有成6粒 煎過黎好香😋仲有好多新鮮菇菌🍄每條意粉都沾上白汁 口感軟硬適中👍🏻同出面好多西餐廳都有得揮架😝唯一略嫌白汁煮得太杰身 好快就會覺得好滯😣招牌黑椒牛柳 $82原本對佢冇太大期望 點知食落有驚喜😍牛柳面頭煎得非常香/靚仔🥰但切開牛柳仲係7-8成熟 咬落去牛柳非常軟稔又帶點咬口 牛肉味重🤤係少有係冰室/茶記食到咁高質既牛柳👍🏻有兩舊份量啱啱好😋可配意粉/白飯🍝🍚跟餐仲有白湯/紅湯/中湯飲🥰避風塘茄子 $25上次試過呢到既避風塘豆腐好香口惹味👍🏻今次試下茄子！炸得外脆內軟 炸粉唔厚😍但重口味既我略嫌唔夠味 如果落多啲椒鹽會大大加分🤤😋👍🏻呢個價錢有咁大碟又即炸真係好抵食！但茄子咬開比較油 我會推介豆腐多啲😝草莓鮮奶 跟餐$14士多啤梨味濃郁 好好飲😋👍🏻菠蘿冰 跟餐$5味道正常

今日同朋友嚟到呢間龍城冰室食晚餐，叫左是日晚餐：八味豆豉雞煲配白飯、例湯同熱飲（$56）、咖喱牛脷飯（$45）加$3配熱飲同菠蘿油（$14），兩個人share食。八味豆豉雞煲有八種香料作為調味，帶點微辣，非常惹味，送飯一流，雞肉嫩滑，我同朋友兩個人食，份量都綽綽有餘，$56有個雞煲、有飯、例湯同熱飲，非常抵食！咖喱牛脷飯，牛脷足足有四大塊，師傅首先將牛脷煎到脆香，裏面牛脷肉好軟嫩，外脆內軟，再淋上秘製馬來咖喱，香口好食，以呢個價錢來講絕對係物超所值！口痕就叫咗個菠蘿油食，熱嘅菠蘿包夾住凍嘅牛油，兩者非常合拍～可惜嘅係，我落單嘅時候較遲，淨返最後一個菠蘿包，菠蘿包放耐左，脆皮已經變得淋身，如果想食外脆內較嘅菠蘿油，最好趁佢剛出爐嘅時候食。最後要讚一讚哩間餐廳嘅奶茶，茶味夠香濃，配埋淡奶，口感柔滑，係配餐之選～

龍城冰室 紅茶好多人排隊 見到龍城都係少d人就試下點知就中伏🔹#番茄鮮牛通粉配3.6牛乳炒蛋 加奶油脆豬炒蛋唔滑過老  牛奶香味欠奉豬仔包軟身唔脆 奶油塗得唔均勻 好彩有煉奶加牛油味道正常d🔹#櫻花豬柳公仔麵配3.6牛乳炒蛋 加奶油脆豬fd叫呢個公仔麵正常出前一丁味道櫻花豬柳即係有櫻花味道？！炸豬柳得半塊豬排size  ————————————————  💡 龍城冰室 觀塘駿業街56號中海日升中心地下A號舖  ————————————————    

呢日陪fd買喼，行到腳仔軟既時候，見到呢間冰室燈火通明，幾旺場咁，所以拉埋個fd入黎食少少野攤抖下對腳。好多卡位，幾好坐，傾計岩哂。水果冰茶大大杯，茶味偏濃，冰粒呈錐體鑽石形，溶咁d冰濃度就岩岩好。水果一d都吾馬虎，吾係罐頭既，有火龍果、蘋果、檸檬……一粒一口，櫻桃小咀既fd都好易入口。呢杯係北海道牛奶，香濃得黎奶膻味吾重。夠熱，冬天飲好暖身。粟米班腩可算係冰室既基本菜。呢度賣相同味道都有誠意，魚係即炸既，外皮脆口有口感。粟米汁加左蛋絲，無咁單調。焗芝士魚柳飯整體中上。就咁睇都見到有最少兩種芝士，份量恰好，有少少拉絲既效果。魚柳有3大塊，雞蛋炒飯底，四十幾蚊黎講絕對抵食。牛肝箘帶子意粉個白汁份量多而且香滑，牛肝菌無臭清味，煙韌度適中，加埋4粒微微煎香既帶子，好豐富滿足。意粉份量充足，大食既人都吾驚吾夠飽。焗飯同意粉選擇應有盡有，價錢$4X至7X，份量女仔來講偏多，可以share，抵食之選。

觀塘近年有好多工廠大廈開倉，是日黎呢度行街街同行outlet，於是順便同friend係附近食飯。原來呢頭都幾多食肆。兜左一陣見到呢間餐廳都幾多人就決定入去啦～本來以為呢度都係食小菜同碟頭飯多，點知都幾多選擇。叫set好似幾抵，不過我地都係散叫，朋友話曾經食過呢個牛肝菌帶子意粉好食，於是我地share試下啦！等左一陣啲野食好快就到估唔到又幾好食喎，意粉醬好濃牛肝菌味又creamy，帶子都唔錯！呢個份量都幾大，夠哂兩個女仔share！清清地都叫左個薑汁蒜蓉炒芥蘭，好綠喎，食完都覺得健康左！仲試左呢個粟米班腩添，送飯唔錯，因為岩岩整起，所以班腩個炸漿皮仲係脆既！呢個識食一定要堂食，外賣一定焗到冧啦！

今日又係拍拖日，不過係同老媽子撐下枱腳，好日都唔係觀塘呢頭食飯，岀黎周圍行下，再搵下有咩好食，老媽子唔想係APM食，覺得貴，我就搵下附近有冇啲平靚正既餐廳，搵到呢間龍城冰室，記得之前行過銅鑼灣都見過，連鎖店既新式冰室就同老媽子試下。餐廳內外係熟食街市對面，跟地圖行又唔算離APM好遠既，10分鐘左右，餐廳都幾大而且好新淨，晚市時間幫襯全場爆滿。食物選擇多不勝數，茶記有既野呢到有，茶記冇既野，呢到都有，講緊係有西式食物，例如潛艇、西式燴飯、歐陸意粉等等，真係總有一款岩你口味。餐湯餐飲一白一紅，其實有中湯可以揀，不過食鐵板配中湯好似有啲奇怪，相比下白湯比較好飲。佢包餐飲，凍飲加$3。照燒鰻魚豬扒配照燒汁 $76日式既照燒鰻魚配港式豬扒同港式鐵板餐真係少見，老媽子中意食鰻魚就毫不猶豫地揀左呢款鐵板，配薯菜。鰻魚份量比較少，得一小塊，但豬扒就有成兩大塊咁多！鰻魚燒汁味夠重，好惹味，但可惜份量太少，而豬扒都有醃過，唔算太韌，仲打孖2塊上，超級抵食。招牌美國西冷牛扒配蒜蓉汁 $82點左Medium well，西冷夠厚身同大塊，刀切落去既時候感覺到肉質唔算好稔，但估唔到食落去又唔錯啵，有嚼口唔會太乾，

如果你識得由APM行去觀塘海濱花園，相信對呢間冰室唔會陌生，皆因係必經之路，每次經過都好想試下，今日本身同另一半行去觀塘海濱花園，反正一直想試，就入去醫左肚先！環境新式冰室設計，與其話冰室，其實係Cafe(英文名都係叫做Dragon City Cafe)，樓底好高，舒服企理，好彩坐到卡位。餐牌好多選擇，意想不到係有西式意粉食，仲有水果茶添！難怪叫自己做Cafe，真係估唔到咁多野食咁多款式揀，港式菠蘿包、焗飯、煲仔小菜，以至西式意粉、小食都有，仲要價錢十分相宜，好有驚喜！蒜蓉牛油煙肉焗青口(5隻) $32木板裝住錫紙兜上，賣相比起餐牌上差左少少，煙肉碎唔係每隻都有，以$32/5隻而言，價錢抵食，食落有微微蒜香冇腥味，叫做同價錢成正價比。今日我地2個都鋸扒，鐵板餐可以揀跟飯/意粉/薯菜，同埋奉送熱飲及紅/中/白餐湯，亦可加$8配牛油豬仔包。奉送餐湯要左兩碗紅湯，味道係港式茶餐廳果種，比較淡，但都冇渣有肉粒食下。招牌美國西冷牛扒配蒜蓉汁 $82點左七成熟，配薯菜，西冷牛扒都幾大塊而且厚身，不過上枱都唔止七成熟，但慶幸冇影響肉質，食落好有咬口而冇渣，頗為鬆化，牛味都足，但個蒜蓉汁太濃味，如果將

果日因為公司要OT，所以就一個人想找回附近餐廳快快脆吃完就繼續OT，最近的就是龍城冰室啦。八點几來到，幸運的不用等位，二話不說就點左個套餐，鳳梨咕嚕肉配白飯一碗、例湯一碗，一杯凍檸賓，例湯是青紅羅卜湯料足清甜，不錯👍，鳳梨咕嚕肉來啦，哇！原來甘大碟，炸至金黃色的咕嚕肉配上三色椒和新鮮波蘿颜色十分鮮艷亮麗賣相相當吸引，咕嚕肉吸收左秘製的甜酸汁入口外脆甜酸，內里肉嫩汁鮮，非常惹味！吃吃鮮鳳梨、三色椒，好醒胃，送飯一流，結果吃曬整整一碗飯。飲番杯凍檸賓，舒服曬！開頭本想是想快快脆攪掂就OT，結果變成滿足的一餐，價錢又平民化，上菜速度快，不得不贊侍應服務好，見到我地打工仔工作辛苦，就推介時令的菜式給客人，八點几都人山人海，真是長做長有！

係附近工作 成日都會叫呢間既外賣但次次唔係比錯野食都算好幾次食到有一塊綠色膠 鐵線都有試過打返去餐廳投訴 個啊姐重要笑騎騎話係咩咁樣 然後係完全冇諗住換過份比你不知所謂 會推薦食附近其他餐廳都唔食呢間