龍城冰室

营业中

休息中

喺附近反工，經過諗住入去食早餐，但太多人怕等得耐於是叫外賣，早餐款式都好多，今次揀咗早餐B！沙嗲牛肉麵配牛乳滑蛋牛角包，凍奶茶！($35) 反到公司打開，個沙嗲牛肉麵，牛肉份量都多，每件 size 比出面D大一倍有多，湯底夠濃，唔錯但麵冇辦法一定淋D架喇，！至於個蛋係炒得幾滑，但份量太少同太碎，扣分！至於個牛角穌 (冇影) 可能外賣關係攤凍咗，但味道ok，奶茶就正常茶餐廳水準! 整體黎講，早餐質素叫幾好！價錢都合理！店內環境裝修都幾好，下次試下堂食先！

放工原本約咗媽咪行街，遇上突然大雨，媽咪話有啲肚餓，就入咗呢間冰室醫肚。中餐西餐常餐乜都有，簡直係選擇困難症嘅大敵。媽咪揀咗西餐，我就想食中餐，冇黎錯喇！晚餐A（照燒鰻魚拼豬扒意粉，紅湯，熱咖啡）- 估唔到呢個價錢可以有呢個份量同埋呢個質素。鰻魚係日式風味照燒，豬扒係西式煮法，配搭鮮茄醬意粉，味道唔錯～紅湯湯料好多，味道同一般西餐廳有得揮～熱咖啡好香咖啡豆味～XO醬西蘭花炒鮮魷 - 估唔到冰室嘅小菜都幾有水準，XO醬味道唔錯，餸菜炒得好均勻。鮮魷同西蘭花炒得熟度剛剛好，仲有少少鑊氣添。杯熱檸茶都唔求其，檸檬片新鮮而且紅茶香濃。價錢實惠，回頭指數⭐️⭐️⭐️⭐️

星期六，我哋出發去觀塘海濱公園之前，去咗呢間冰室食午餐。我哋唔跟當日嘅set lunch叫， menu裏邊有好多款式，如果散點飯麵嘅都可以加錢配飲品。紅卜卜嘅蕃茄通粉，湯底非常之濃郁。通心粉配茄蓉嘅湯，加埋牛肉一齊非常之好味。炒蛋都炒得好香滑，豬仔包外脆內軟，整體來講係間唔錯嘅常餐。我哋好鍾意食蕃茄，再點嘅食物係有蕃茄（haha😊）, 又係紅卜卜嘅焗豬扒飯。面有少少微燶，但係好香口，炒飯底粒粒分明，豬扒鬆軟，加埋茄汁同埋芝士溶一齊食好幸福。最後嘅午餐甜品係芝士西多士😊 西多士新鮮熱辣，切開嘅時候芝士溶出來，加入楓糖漿食非常之香口但係邪惡。食完熱氣野，飲柑桔蜜喉嚨好舒暢😊香滑嘅茶餐廳奶茶☀️店內嘅裝修有現代感，有別於一般茶餐廳，整體來說依間觀塘工廠區嘅冰室都真係唔錯！下次去開呢邊，一定會再光顧☀️

觀塘發現一間茶記冰室😚😚 茶記晚餐最鍾意係懷舊鐵板餐⭐️招牌美國西冷牛扒配蒜蓉汁有一整個焗薯仔 預先切開左 有千島醬係上面味道酸酸甜甜 薯肉綿滑 男仔唔怕唔夠飽🙈🙈牛扒好厚而且幾大塊 頗有驚喜 肉質都軟 呈粉紅色😎餐湯係紅湯⭐️ 羅宋湯 番茄味道濃郁 蔬菜份量幾多 有紅蘿蔔 椰菜等等係比較油膩 一層紅油🤔仲叫左⭐️蒜蓉炒西蘭花 蒜蓉香好重 西蘭花好大碟 炒得剛剛好 爽脆 無草青味👌🏻————————————————🌟龍城冰室觀塘駿業街56號中海日升中心地下A號舖————————————————、

今晚屋企無飯食, 出左官塘同屋企人簡單食個晚餐, 見官塘廣場行前d多左好多野食, 見到依間冰室門面靚靚仔仔, 於是就入去試下~ Dragon city cafe 龍城冰室 6點幾入到都幾乎半滿座啦, 入面裝修又幾靚仔幾企理除左主餐牌之外, 仲有是日晚餐, 寫明幾月幾號, 睇黎係日日都唔同既~ 岩哂啦, 呀爸話想食小菜, 呀媽又話想食西餐, 一人一個唔洗爭跟餐餐湯, 可揀菠菜忌廉湯, 羅宋湯同埋中湯, 我地每樣揀左一個, 我就最中意中湯! 唔咸唔淡, 媽媽就中意羅宋湯話夠辣海陸空什扒意粉是日晚餐A~大堆頭! 62蚊有齊豬扒雞扒魚柳, 意粉上面仲有蕃茄蓉, 仲包埋餐湯同飲品, 真係不錯鳳梨咕嚕肉依個係係主餐牌度揀既, 十分足料, 咕嚕肉同配菜既比例幾乎係1比1, 唔會得幾粒肉比你, 最驚既厚粉咕嚕肉無出現到之餘仲幾香口添!招牌黑椒牛柳鐵板鐵板上枱一刻既滋滋聲永遠都係最吸引架估佢唔到個牛柳咁厚, 仲有兩塊咁多牛柳軟腍無根, 有厚度所以口感好好, 另外配既黑椒汁辣辣地勁惹味屋企人都對依個鐵板餐好滿意呀~京蔥醬汁爆牛肉是日晚餐B~ 平時食飯都食一半only, 但係依個餸攪到我食下食下撈左成碗飯

事緣今日放假冇事做就同朋友係觀塘海塝吹水，吹到咁上下大家都肚餓了，聽朋友介紹附近有間餐廳平靚正，而且十分近海塝，果然不出所料，只需要5分鐘路程。一坐入去座位間隔幾好同幾舒服而且服務員既態度都很好，睇一睇餐單每樣小菜都好抵食，小菜加6元就有白飯加飲品（凍飲+3），於是我地就點左一個海鮮雜菜煲，川味辣雞煲，避風塘炸豆腐海鮮雜菜煲海鮮種類好多有青口蝦魷魚義賽方面有娃娃菜菜心木耳等等海鮮好新鮮又足科 正！川味辣雞煲個汁做得好 啲雞好滑 食得出雞煲嘅麻味 同埋唔算太辣避風塘炸豆腐呢個真係勁好食 個炸皮好薄豆腐好滑 炸皮原本就有調味 鍾意重口味嘅朋友點埋啲避風塘碎 真係好正好推介呢間 CP值好高

Just tried this restaurant with friends in Kwun Tong last week. The location is so convenient that it is close to the main street. Staff was quite nice and attentive.The cream soup with tomato was really tasty. Cream and tomata is a good match! I also ordered tofu and spaghetti with truffle sauce. The portion of both of the dishes was pretty large.Full of creamy truffle sauce and mushroom. Yummy!Fried tofu is the best healthy snack for everyone.Attractively presented. Generally speaking, this re

之前黎過龍城冰室食早餐覺得好抵~今晚就同屋企人過黎試一試晚餐正唔正~我地4個人叫左4個餐~其中3個餐包餐湯，我地就紅白中湯各叫一碗~餐湯味道唔錯，尤其是中湯，係老黃瓜湯，好鮮甜又唔會一浸油係面~讚!海陸空雜扒配意粉呢個係是日晚餐其中一款，媽咪好鍾意鋸扒~尤其是雜扒，因為貪佢咩都有~見$62仲包埋餐湯同野飲就9秒9決定要點呢個~😂雜扒有豬扒、雞扒同炸魚柳，每塊扒都唔稱得上厚身但3塊疊埋一齊再加埋意粉同配菜，成個餐既份量都唔野少!味道唔錯係炸魚柳炸得較乾身~意粉份量亦足夠而且唔會淋哂。招牌黑椒牛柳配黑椒汁爸爸都唔執輸話要食扒，仲話要食鐵板，於是點左招牌黑椒牛柳配黑椒汁。牛柳有兩大塊，幾厚身肉質夠嫩冇乜筋位，容易切又容易食!而且本身已有調味，加埋D黑椒汁好香濃好惹味!黑椒汁淋落塊扒度然後散落係鐵扒上發出咋咋聲真係好吸引!D意粉撈埋黑椒汁真係冇得頂~鳳梨咕嚕肉呢個+$6做SET有野飲及一個白飯~咕嚕肉唔算脆口但肉質爽口唔硬，甜酸汁既濃度剛好，每件咕嚕肉都均勻沾到D汁，撈飯食一流!京蔥醬爆牛仔柳跟白飯呢個係是日晚餐另一款，同樣有餸有飯有餐湯同野飲，超抵~~初頭上檯只係見到一堆京蔥以為牛仔柳好少，

前幾日約左個朋友，係觀塘返工，所以識得係觀塘揾到啲平靚正的餐廳，佢就帶左我去龍城冰室，餐廳都幾多人幾爆，不過都好快安排到位比我地。餐廳會推出是日晚餐，而且仲有好多其他嘢食，樣樣都好吸引，不過我最後都揀左食鐵板餐，食美式雜扒，貪佢咩都有，有牛、豬、雞、煙肉、腸仔，仲可以配薯菜、飯或者意粉，我見薯菜係焗薯，所以就揀薯菜了。另外飲特飲都係加5元，所以我都揀左特飲什果冰。鐵板餐除左有飲品送之外，仲有湯跟，可以揀紅、白、中湯，佢的紅湯今次係羅宋湯，唔會過酸，而且都有唔少雜菜，味道又不會太鹹，個湯真係不錯。我同我朋友唔想唔夠菜蔬食，所以都叫多一個薑汁炒芥蘭。先講下雜扒餐，真係超大份，賣相又靚，份量多到可以搭到好高，見到都好開心。而且啲扒全部都好入味，好正，特別係牛扒又唔會煮得過熟令到太靭，鐵板餐仲配有牛油粟米，令到成個鐵板餐更香，而個薯菜真係無揀錯，真係好好味，薯仔好入味，就算食其他食物飽左都想繼續食，而且食薯菜比起食飯、意粉更能試到間餐廳功力。薑汁芥蘭就真係好正，一來薑味夠，二來真係好夠獲氣，三來芥蘭真係炒都係好爽脆，真係一個不錯的選擇。

將近糧尾, 食飯只好搵返D平價野食, 距離APM大約3分鐘路程, 呢間冰室富有時代感, 對比"傳統"冰室, 呢度非常整潔, 更有部份卡位, 座位坐得舒服, 除左有唔少港式炒粉麵、小菜, 就連鐵板扒餐都有, 價錢大眾化, 全日冇加一, 抵!扒餐配搭選擇多, 我就揀左【黑椒牛柳配黑椒汁】HK$89套餐包括餐湯同埋野飲有三款是日餐湯選擇, 我就揀左羅宋湯個湯幾多料, 個湯酸味味, 愈飲愈開胃鐵板熱辣辣上檯, 當倒上黑椒汁時, 香氣撲鼻, 落Order時要求牛柳5成熟, 雖然未有滲出血水, 但肉質粉嫩夠林, 肉汁都幾豐富, 沾上微辣黑椒汁, 更加惹味, 自選配菜就揀左薯菜, 原來係開左十字既焗薯, 焗薯偏林, 加左芝麻醬, 食落唔會寡。加左HK$5 轉特飲【菠蘿賓治】冰凍涼快, 有甜甜地菠蘿味, 仲有幾粒菠蘿肉食, 幾清甜【椒鹽鮮魷】HK$42外表帶點濕潤, 略帶香脆, 魷魚偏林, 易咬開, 稍嫌炸皮有d油食物款式選擇多, 價錢物有所值, 下次要試埋呢度港式炒粉麵同小炒先! 

今日放工好大雨 所以就同同事嚟咗公司附近嘅餐廳食晚飯 貪佢夠方便 同埋之前食過佢嘅lunch覺得啲食物大舊夾抵食 上菜速度又快 啱晒好趕住返上去做野既working dog🐕 我同同事一人嗌咗一個晚餐 晚餐包咗一碗餐湯同熱飲 幾鍾意佢個餐牌有打埋白湯同中湯係咩 唔駛下下問店員咁麻煩🤕白湯 菠菜忌廉湯 未試過飲有菠菜嘅忌廉湯 佢唔係搞到爛晒啲菜嘅湯 賣相幾好😬中湯 老黃瓜煲豬骨湯 都幾足料👍🏻 而且唔會太鹹 碗湯細細碗 唔會太飽海陸空什扒 有雞扒 豬扒 同吉列魚柳 每件扒都有返一定份量 如果係用鐵板上應該會更正😋京蔥醬爆牛仔柳 牛仔柳唔會太韌 有啲椰菜 京蔥同辣椒炒埋一齊 非常惹味 鍾意重口味嘅朋友一定會好鍾意🙊餐飲叫咗 凍奶茶 凍檸茶 凍飲要加三蚊嘅 所以都幾大杯

約了姊妹到觀塘行街， 首先當然要醫肚啦， 中午大約兩點鐘的時間，天氣超級熱， 我們見到龍城冰室有位就立即衝入去。 點了兩個常餐， 我的番茄牛肉通粉份量比較少，但蕃茄湯味濃郁，滑蛋好香好滑， 奶油豬脆卜卜好好味， 奶茶的茶香奶滑， 都算是有質素的常餐。一向都有到龍城冰室食飯， 晚上的小菜也不錯。 不過今次餐廳比較熱， 好似沒有空氣的非常焗促，應該是冷氣不夠， 一路食一路出汗好辛苦。 希望下次來的時候可以改善一下， 讓客人可以有一個舒適的環境用餐。

行經觀塘搵到呢間冰室見裝修幾靚就一於試吓餐牌實在太多選擇最後我哋鎖定左食鐵板餐餐牌設計得幾好清楚又易睇圖文並茂，大大增加左落單意慾最後我地揀左招牌美國西冷牛扒（五成熟）配蒜蓉汁同焗薯同板燒和風嫩牛柳配照燒汁同意粉好快記上左個湯白湯好濃滑，同個分量岩岩好成個鐵板餐嘅賣相非常之好塊西冷牛扒亦都好完整最欣賞嘅就係佢會將蔬菜放喺牛扒後面咁就唔會驚塊牛扒過熟另外醬汁亦都用咗個兜分開唔會好似其他扒房咁將一次過倒晒落去塊鐵板由於我個人唔識得咁所以佢咁嘅安排好滿意焗薯個質地加埋個日式芝麻醬出奇地夾另外個牛扒叫五成熟又真係keep到啲肉仲做到粉紅色同冇咩根位整體黎講鐵板餐嘅水準都十分高加埋環境乾淨同店員服務速度迅速可以再食

工作關係經常在觀塘出沒，可惜從未吃過這間冰室，因為這一帶的餐廳每逢午飯時間都總是大排長龍！這天和朋友短聚，我順便吃晚餐，朋友有點飽，所以決定去冰室點餐款式都較有彈性。叫了一個常餐，瑞士雞翼撈公仔麵加豬仔包滑蛋，餐飲可加錢轉特飲，想不到種類非常多，所以叫了一個熱情果梳打消暑一番。另外竟發現菜單有非常多種類的小吃，眼花撩亂下選了很久叫了一個酥炸洋蔥圈。這間冰室選擇非常多，除一般茶記常餐，連鐵板燒、咖喱、小炒、連西餐也有，種類之多實在茶記少見。這裏的瑞士雞翼撈公仔麵連麵條也會先撈上瑞士汁， 十分細心。瑞士雞翼非常入味，但也不會過淋，有時很怕有些雞翼老得太來肉質已經很霉，這裏的卻不會，仍保持着口感。熱辣辣的豬仔包加煉奶很不錯，烤得金黃；加上滑蛋，其實份量十足已經很飽。巴利熱情果梳打味道也不錯，不過偏甜一點，幸好有檸檬片中和一下。另外很欣賞這裏竟然有酥炸洋蔥圈，忍不住加了一個。炸漿應加了很重蛋汁，所以添加一點香氣，炸得也不會太油，才23元一大份也很抵。這間冰室食物質素看似穩定，種類又夠多，難怪即使我非繁忙時間去到人也很多！

係觀塘番過工既人都知，觀塘放lunch既時候係超多人，而好食既餐廳更加要攞籌排隊入坐。今晚要OT，我同同事又黎到我地lunch最愛去既龍城冰室食晚餐，諗住夜晚會無咁多人啦，點知都好full。。鐘意呢度既其中一個原因，係覺得呢度既裝飾時尚簡潔，環境比一般茶餐廳企理乾淨，有卡位坐得舒服。是日晚餐，龍城既lunch set通常都好有水準，晚餐應該都不錯，就A啦！散叫左個菠菜汁焗海鮮飯，見到只係加$3有個湯，無理由唔加。平時都飲開蘿宋湯，今次就叫黑松露忌廉湯，點知好有驚喜，好香黑松露既味道。再叫多杯綜合果茶，加左$18，超大一杯，裏面有橙、蘋果同火龍果，果汁同茶味比例岩岩好。🍴板燒雞扒伴海蝦球: $62雞扒燒得外皮脆、雞肉嫩滑。海蝦肉質彈牙，仲要配上好多燒汁，下次要配飯食仲正。🍴菠菜汁焗海鮮飯：$53同事食既，不過都試左幾口，發現好多大大隻海鮮，有青口、帶子、蝦、鮮魷同魚柳。成個飯個source 好creamy好好食😋。以茶餐廳黎講，食物環境都係水準以上，難怪由早到晚都咁多人幫襯。