龍城冰室

营业中

休息中

同一條街兩間冰室響隔離中午時間兩間都會排長龍，不過食常餐始終都係揀番呢一間，有生滾蕃茄牛，不過最吸引還是沙嗲牛肉，夠入味，個麵軟硬適中，喜歡比較濃味的話可以試試

呢排返工比較多野要煩, 收工要食啲特色野慰勞吓自己, 所以黎到咗呢間Dragon City Cafe，餐廳環境優美，裝修精緻，座位也比較寬敞。酥炸洋蔥圈忍不住加了一個。炸漿應加了很重蛋汁，所以添加一點香氣，炸得也不會太油，入口好香脆，味道可以！避風塘炸豆腐呢個真係勁好食 個炸皮好薄豆腐好滑 炸皮原本就有調味 真係好正菠蘿賓治冰凍涼快, 有甜甜地菠蘿味, 仲有幾粒菠蘿肉食, 幾清甜这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

觀塘工廈商廈林立，又有大型商場，不乏美食，但如果想搵啲大件夾抵食嘅餐廳，可以試下龍城冰室。冰室，茶餐廳，大排檔都係香港人醫肚勝地，而喺觀塘能夠五六十蚊食個晚飯，有湯有野飲，價錢算公道。叫小菜轉套餐都只係加$6。餐廳環境唔係玩懷舊路線，而係摩登風格。黑松露蝦仁炒滑蛋。黑松露足料，香味濃，蝦仁亦夠多，蛋略嫌炒得較老，如果滑啲就更好。帶子雜菌西蘭花。西蘭花唔會太生太硬，帶子數量亦無呃秤，正常水準。煙肉芝士焗青口。雖然芝士唔算多，但調味足夠，而且$35有5隻青口，幾抵食。作為冰室，飲品選擇都多。凍檸七，凍檸樂，凍檸賓都有，甚至有香橙賓賓梳打。

週日去觀塘很多茶餐廳都沒開門啊剛好經過日昇看到這家有開，看看餐牌覺得好抵食就走進去了！茶餐廳走新式風。裝潢新淨企理不會坐得很逼～我這次選了早餐E：叉燒意粉🍜+煎雙太陽蛋🍳（原本是3.6牛乳炒滑蛋，好吸引！不過怕肥人仕還是選擇吃少油很多的太陽蛋🙈）+烘多士🍞（走牛油走煉奶）+凍齋啡☕️走甜少冰（怕肥人士之選🤣）這樣才$31+$2凍飲=$33叉燒不會很肥而且給得很大方。早餐蠻多選擇的，麵包感覺配搭有用心不會好hea只有牛油方包早餐A會有芝士火腿牛角酥 早餐C是脆豬仔包下次來觀塘會再encore!!

我同朋友都好中意食茶餐廳同冰室，中意啲野食新鮮熱辣夠鑊氣。今日收工就黎觀塘嘅龍城冰室食飯，佢每日都有晚市套餐，送湯同野飲都好抵食，不過今日嘅套餐唔係好岩胃口，所以我地嗌餸食飯。黑松露蝦仁炒滑蛋睇得出佢完全冇吝嗇、放好多黑松露，每啖蛋都食到好香濃嘅黑松露。蝦仁嘅份量都好多而且口感彈牙，唯獨係個滑蛋可以再滑啲就更好。帶子炒西蘭花落左好多薑絲一齊炒，西蘭花吸左啲薑汁非常香。帶子都算新鮮，上菜時熱辣辣非常吸引。芝士煙肉焗青口其實有5隻，不過我地一上菜已經急不及待食左，淨返一隻迷你青口比相機食，芝士焗青口從來冇得輸，配埋煙肉粒口感更加豐富。

係觀塘返工，就算想求其搵間茶餐廳都Full哂🤯咁岩早左D 就試下龍城冰室其實入面都幾多位 而且來去得都快門口餐牌 午餐跟湯同野飲，感覺上價錢都Ok, 4-50蚊都算正常既🤔佢個外賣自取快線更加係好抵tim我覺得叫左個牛扒配薯菜牛扒都幾大塊，味道唔差， 但估唔到薯菜完來係薯蓉 加芝麻醬咁 有D失望白湯係海鮮湯都幾足料但係整體黎講唔係好夠飽😂如果食得多既人 唔好好似我咁伏左咁薯菜喇~值得一提既係 佢上菜速度奇快😂落完單幾分鐘已經上到菜，就算我外賣3個飯佢都同我10分鐘內包好，都幾適合附近返工想外賣既人，唔駛等好耐~

是次中午，約了一位朋友到觀塘的這家冰室吃飯，這家也算是挺大的一家冰室。 我和朋友2點到達，不用排隊，他們安排了一張4人座。 我們選擇了一份午餐，然後叫了小菜。本來想叫特飲，不過要2點半之後，唯有等等吧。午餐我叫了西冷牛排，紅湯，中湯，白湯選了中湯。很快就送湯來了，是冬瓜豬骨湯，不錯挺好喝。然後西冷牛排來了，雖然有點薄，但挺嫩的。我選擇了配薯菜。剛開始以為是薯條，來的是焗薯有點意外，也不錯哦配上那個沙律汁我們也叫了牛仔骨，火候很夠，很香。也來了一份避風塘豆腐，這個很出色，外皮有點咬感，裏面很鬆軟，外面鹹鹹的，裏面淡淡的剛剛好。時間到了2點半也叫了一杯菠椰特飲，夏天喝下去特爽！最後也有一份炸洋蔥圈，非常香脆。 總的來說，這家是不錯的～

下午茶時間要醫肚自己一個人最緊要就快靚正因為食完野就要返公司搏殺🔥平時同事都成日黎依間冰室所以今次就一於試試佢哋嘅下午茶選擇都幾多，由於肚餓嘅關係，所以想食啲飯😁😁就叫左佢哋嘅鰻魚炒飯鰻魚炒飯係Menu上面仲要有個👍🏼廚師推介就咁經過都見到有幾個食客食緊應該唔錯掛～嚟到嘅時候，嘩，都幾大碟炒飯落咗好多鰻魚汁所以好好味～少少甜甜地而且鰻魚都幾多仲有好多新鮮洋蔥啦～椰菜～令到啲飯識落冇咁寡飲品方面就要左熱鴛鴦，都唔錯$45 埋單 抵啦

去開觀塘覆診，睇完就去食個下午茶，龍城冰室都食過幾次，永遠都無失望，４點幾都仲係咁滿場～下午茶餐都幾多選擇，乾炒牛河都係３０幾蚊，幾抵食，不過食唔落我地叫左１個常餐，１個芝士西多士同埋１個菠蘿油～常餐會跟一個奶油豬，好多奶油好好味呀！而瑞士雞翼都好入味，又大隻！芝士西多士好似好邪惡，但其實芝士味唔太濃，我地都係加糖漿食～不過最推介既係菠蘿油，超大個超大個！而且個包係熱辣辣，牛油有淡淡檸檬香，無咁膩又好味！

黎到下午茶時段先食晏，諗住平平地所以去左食茶記，估唔到啲野食咁高汁～鮮茄焗雞扒飯 |通常睇一間茶記質素高唔高，就係睇佢嘅鮮茄焗豬扒飯做成點，不過朋友唔食豬就叫左雞扒。估唔到真係好好食，炒飯底夠乾身，茄汁唔太酸，雞扒微燶而且唔鞋口！推介！常餐：沙爹牛肉公仔麵 |呢個沙爹湯又係出色，非常濃味，牛肉又多。而且成個餐仲有配奶油豬同炒蛋，抵食！不過奶油豬奶就夠多，但唔夠脆口喔。下午茶：西多士 |呢個完全係滿分，炸到金黃色咬落香脆，西多士夠厚而且入面花生醬夠多，一啲都唔孤寒，下午茶必叫！多豆的紅豆冰 |足料紅豆，而且椰汁好香，叫左少冰所以味道無變淡，好飲！唯！一！唔！滿！意！係拎啲碗想Share野食個陣，啲碗仲有飯乾，用水沖又沖唔走，換左好幾個碗都仲有，最後放棄拎碗，直接夾朋友個啲算～

一個人既晚餐。難得有日放工無排時間表, 咁咪hea下周圍食個dinner. 就來到日日都行過既呢間野到食。茶記, 始終係我既最愛。唔想咁heavy 食排, 我就選擇常餐。 奶油多真係好好味, 好脆, 奶正又香。雞翼夠滑口, 加埋公仔面係有幸福既感覺。有時去旅行, 都會掛住食茶記既感覺。見沖緊奶茶, 我就叫茶走, 最飲得出佢地既功架。真係好香唔太甜, 仲會健康過奶茶。我誠心推介佢既茶走, 作為一個奶茶控。睇尼我以後放工食dinner又多個option! 可以同同事吹陣水, 反正佢上菜好快又好味。仲要, 係觀塘食野, 好易撞到朋友。如是者, 又可以傾好耐, 大家都想update近況吧! 茶記聚腳吹水最方便。

來到觀塘的龍城冰室，雖然地方不算寬敞，燈光較為灰暗，但是勝在多卡位，坐得舒服。時間剛為下午茶時間，而我肚子也餓扁了。決定叫了個飽肚的下午茶-鰻魚炒飯。下午茶的鰻魚炒飯，色香味並不失望，未吃前，已經感受到這碟炒飯鰻魚汁的香味。吃下去第一口，飯粒口感軟軟綿綿，炒得比較軟身，水份較多，和鰻魚味道較為配合，飯中也夾雜菜絲，而鰻魚份量也不過不失，不會覺得太少。在一餐下午茶餐，價錢45元也較為滿意。最後就是凍檸茶我就不加介紹了。

近年流行港式懷舊情懷各式各樣既冰室都好似雨後春筍咁冒起裝修加入少少復古元素同設計但設施就新淨企理 令人感受懷舊氛圍之餘都可以坐得舒舒服服咁食飯尼間冰室就係其中一個例子餐廳內部可以見到有張貼啲舊香港既相而對住行人路個邊卡位既窗亦用左復古窗花既設計 渲染住一種老香港既情調至於食物既部分 menu選擇豐富同一般既茶記一樣 食物種類中西合璧 包羅萬有上至鐵板扒餐 下至中式小炒當然唔少得港式茶記獨有既粉麵常餐就連東南亞啲既印尼炒飯都有供應Menu太豐富😂睇多我花多眼亂於是就咁嗌左每日唔同既晚餐推介 晚餐既菜式一共兩個 通常一中一西跟湯同餐飲 湯可以揀中湯 白湯 紅湯選擇豐富我地個日既選擇係海陸空雜扒 以及 蔥爆牛肉前者個名聽落夠曬威其實姐係豬扒雞翼同龍脷柳 伴以燒汁係熟悉既茶記大件夾抵食滋味後者亦唔簡單 食落超有鑊氣牛肉分別用洋蔥同大蔥爆香 索左醬汁既蔥同牛肉食落惹味 聞起身亦係香味四溢餐湯分別揀左白湯同中湯中湯飲落足料 而且飲完唔會覺得太咸應該冇點落味精之類整體尼講係非常不俗 諗唔到食咩應該就會再食而間

位於觀塘同牛頭角嘅中間，e間龍城冰室可以話係我暫時食過最好味最多款式，性價比又高嘅冰室，本身諗住求其揾間醫肚，點知就比我發現咗間potential成為我飯堂嘅餐廳，先睇個招牌就知佢地採用新格調嘅設計，睇埋內龍裝修，真係一d都唔失禮，店入面仲好乾淨，真係加曬分。咁佢本身個menu係超多choice, 你諗得出都有得食，而我地就叫咗是日晚餐，唔洗諗。先係e個剁椒魚片粉絲，鐘意食辣嘅一定唔可以錯過，只可以話無得彈，魚夠滑，粉絲好多汁，一d都唔乾，更加唔會痴埋一pat野。然後係個豬手，真係無諗過冰室可以做出咁嘅水準，夠曬稔，食每一啖都係啖啖肉，仲要唔洗一百蚊，真係邊有咁大隻夾乸隨街跳，係龍城就真係有。最後就係e個避風塘茄子，多d碎就好喇，整體都好好味，叫咗咁多樣，每一樣都好滿意，一定會再嚟！仲有，臨走見到坐係我地隔離枱嘅係supper moment 嘅Sunny, so surprise!! 粉絲們可以考慮嚟碰運氣！

今日同男友行apm，行完之後就去左附近的工廠大廈睇嘢，行過駿業街個邊，見到有間龍城冰室入面都幾多客人幫襯，而且望左個menu價錢又不貴，所以我地就揀左食呢間餐廳了。我地見到都幾多人剧扒而且又好大份，所以我地都叫左扒嚟剧，我地見到雜扒餐咩都有，有豬有牛又有雞，所以就揀左呢個，我想食薯菜但男友唔想食，佢始終鍾意食飯，所以佢叫左個焗飯。叫呢啲餐會有飲品，我就揀左熱奶茶，但男友就貪得意揀左什果冰。龍城呢個雜扒真係好大份，又好多嘢食食，雖然豬扒不算太鞋，但就無敏x咁好食，但係雞扒都幾好食，表皮脆卜卜，而且雞扒都幾入味，牛就唔會煮得太靭，都叫啱啱好，不過成個餐都正係個燒汁，有少少鹹鹹甜甜，點食物係幾好食。不過值得一提，男友貪得意叫個杯什果冰就唔係太好飲，佢唔知加左咩紅色入去，但就好似藥水味，當然唔知係咪顏色影響味覺啦，同埋入面的什果唔似係地捫什果，有少少梅梅地，係菠蘿會好少少。