更多
2022-09-02
98 浏览
依間龍城新開左一段時間, 地理位置方便, 一上旺角站就直到門口, 趕時間之選。今晚黎整番個快靚正晚餐, 懶得諗多數睇佢是日晚餐menu, 都有成7款你揀。晚餐包埋湯同飲品, 依度既中湯都唔錯, 唔係例水~係有料煲出黎既湯, 味精感亦都唔重。紅燒豆腐枝竹炆薑蔥龍躉斑頭腩煲上枱聞到香味, 煲仔菜最緊要熱辣辣, 份量都好多下! 斑頭腩有5件以上, 件件都大舊, 骨肉均秤。欣賞佢調味好惹味, 加入左蒜, 芹菜等等更加香。豆腐同枝竹索哂d汁同樣惹味, 撈飯一流!!飲埋杯凍檸茶, 快靚正!
张贴