龍城冰室

营业中

休息中

之前都試過係到買啲包，都係好多人食過佢地蛋韃都覺得好正今次入去食，兩個人，around 1300 到，等左兩三分鐘就有位，啲侍應都好醒目入到去坐，都好full,但係位置都闊落，坐得幾舒服野食有好多揀，港式又有，咖哩，西餐，扒餐都有今次，我地叫左兩個都係意粉，一個係蒜香三文魚一個係野菌帶子我地都有啲驚訝，上到尼咁靚，估唔到冰室都有尼個水準！份量非常足夠，好足料，比平時食$60-70 嘅意粉都多好多，女仔尼講，食7-8成可能已經飽個三文魚超有蒜香味，好惹味唔少帶子！好入味！兩個意粉都好creamy,好重cream味，但又未至於over,我本身好鍾意食意粉，所以好岩食！（隔離見到我地個碟咁靚都跟我地叫左意粉）

上次去過龍城（銅鑼灣分店），晚市已經覺得非常美味。今次途徑九龍灣又見到佢的足跡，正值下午茶時份人流相當多，而且被店外的麵包櫃吸引著。店外的麵包多不勝數，由$6-$10不等。每個都漲卜卜，每樣都有興趣添。其中菠蘿包都有三款，有原味、紅豆或是牛油。另外奶皇墨西哥及蛋撻等亦是搶手貨，一個麵包一杯茶走，簡直完美。入內全院滿座，多人到不得了。好不容易安頓下來，下午茶的餐牌種類由麵包、粉麵、焗飯應有盡有。上次吃不到龍城的常餐，今次決定一試。常識亦有幾款選擇，決定點下「瑞士汁雞翼」。瑞士雞翼的常餐 $47 凍飲+$2一份常餐，二人同吃。肥都可以share.瑞士雞翼以瑞士汁製作，味道可以更濃。喜歡那麵底煙韌，不會煮得太軟身與瑞士汁拌勻美味。另外旁邊的炒蛋🍳炒得軟滑及喜愛脆脆豬仔包，大滿足。邪惡的芝士西多士$29 久違了的西多士味道，真的需要與人分享。少吃多滋味，大片芝士夾在兩塊炸過的麵包，添加少許蜜糖已經相當美味。另外還有蛋撻$5、奶皇墨西哥$9及菠蘿油。酥皮蛋撻略嫌未夠酥化，但蛋味足夠。墨西哥包喜歡它的味道，但奶皇味有點遜色。反而最後的菠蘿油相當出色，原片牛油，夾在大大個脆皮菠蘿皮$9，確實令人回味

有時口淡淡冇胃口食飯，好似這夜唔知食乜嘢好，所以有呢啲餐廳可以夜晚食麵就最good，我入去有位坐，看了一會叫了這常餐有沙爹牛肉麵、占醬厚多士、炒蛋及飲品，整體好吃，欣賞麵不淋不硬，爽口，牛肉有啃勁，唔會碎濕濕，沙嗲辣辣地幾好，厚多士未係脆但夠香，搽埋我鍾意嘅花生醬同占醬，就啱晒心水，仲有一份煎蛋，仲要擺得好企理好得體唔馬虎，媲美一啲高級餐廳，只係味淡淡地唔會太多蛋味，加埋一杯熱奶茶就非常之滿足了。

和太太回她娘家，便到她家樓下新開業不久的龍城冰室食午餐。外母之前已多次強調這家新開的龍城冷室食物水準不錯，這次便特地來嚐鮮。餐廳環境：裝潢很舒適，座位也很寬敞，環境乾淨，相當不錯！服務質素：來到餐廳的時間已快下午3點，但仍然是全院滿座，門口也站滿了人，相當墟冚。這邊取票排隊相當落後，仍是用傳統人手取票叫號方式，我們取票後就站在門口等了，結果叫號的小姐居然直接跳過我們的號，還說叫了沒人回應，幸好最後還是給我們進去了。食物質素：脆皮雞排薯菜：正常水準發揮，味道不錯，份量正常，口感頗嫩，但不是脆皮！咖喱牛腩飯：很好食！咖哩味很足，有淡淡椰奶味，牛腩很淋。西多士(食奶)：一般般，奶醬偏少！牛仔骨：很肥膩，沒甚麼肉。奶醬多：正常水準，醬多。

懶懶地唔想煮飯，又唔想去咁遠食飯，落街去「龍城」食晚餐，方便、好味、又抵食😎 真係唔錯嘅選擇，兩個人叫咗三樣嘢，已經飽曬～香辣炒貴习 $47貴习唔算好辣，都幾多配料，有火腿絲、蝦仁、叉燒、炒蛋，一啲都唔油膩，味都唔錯👍🏻咖喱吉列魚柳飯$49有兩大件吉列魚柳，炸得非常好，外脆內軟，咖喱真係值得一讚👍🏻 非常香濃好味，送飯一流😋 蒜蓉拍薑炒芥蘭 $39份量都唔錯，芥蘭好新鮮，爽口，炒得有鑊氣，味道唔錯～

九龍灣淘大出面開左好多新野，其中一間係龍城冰室，兩口子普通食個晚飯入去試下，好多人，好似好受歡迎咁，不過人海呢家野呃唔到我既😏。我地坐底見到佢做緊一個$138兩個小菜的晚市優惠，當中竟然有鼓汁蒸倉魚！🐟🐟😱😱平時茶記正常都做緊差唔90幾100蚊條，宜家除番開70有找，咁又真係好扺wo🤤🤤🤤不過我個fd唔食魚，同埋蒸魚應該會等好耐，所以無食到。最終叫左三樣野1.柚子蝦球🦐2.川味茄子🍆海鮮煲🦑🐙3.鐵版龍蝦海鮮伴意粉🍝呢個柚子蝦球真係好推介同好出色👍🏼👍🏼👍🏼👍🏼👍🏼酸酸甜甜，岩岩好，唔會過酸，好開胃。同埋佢每隻蝦都好大隻！.同埋佢佢係連殼炸，炸到可以一齊食埋，真係好好食。.平時大部分的做法都係用咕嚕或者茄汁，比人的感覺會好酸，今次用柚子汁真係好適合，好正！.呢個川味海鮮煲，個汁真係用來送飯一流！🍚入面有蝦仁、魷魚、茄子、大姊等，有煲仔菜的味道，都好好食。由於太肚餓的關係，我叫了一個半隻龍蝦海鮮鐵板意粉。很少在茶餐廳食鐵板，本來期望不高，但出乎意料之外的好食。.材料很豐富，有半隻龍蝦（雖然細隻啲，但勝在配埋個鉗。）、仲有魚柳、青口、帶子、兩個小棠菜。個龍蝦就係成碟鐵板嘅特色呢個價錢都OK

九龍灣新開咗呢間餐廳，我同朋友8點周圍揾緊有咩食嘅時候，就見到呢間排咗好多人，湊熱鬧又想試下餐廳環境光猛，大部分都係卡位，坐得十分舒適見大部分人枱面都係兩個餸嘅呢個優惠餐湯有中，白，紅湯俾你揀，我要咗中湯，冇味精添加，呢個係牛蒡粟米湯第一個菜係20柚子蝦球，甜酸岩岩好，有少少連殻，不過脆得可以成個食，蝦肉爽口😍呢個係38 川味茄子海鮮煲，材料十分豐富，有蝦、茄子、青口、魷魚，茄子入味，令人即刻想食咗碗白飯嘩，呢個係成隻龍蝦上，鐵板好吸引，真係貨真價實，配菜可以自選意粉、飯薯菜見門口有個新鮮麵包櫃，入邊有各式各樣嘅麵包，食飽都忍唔住叫咗個榴槤菠蘿包，估唔到入邊啲榴槤真係咁足料但價錢又便宜，麵包又新鮮

呢晚收工有d攰，約左個住附近既朋友一齊食個快既晚餐，朋友話想食冰室type既餐廳，跟住我地就係淘大見到有龍城就入去食，之前都有食過龍城既其他分店，不過呢間就第一次食。餐廳餐牌:餐廳既餐牌都無咩特別，同其他分店既基本上都一樣咁濟，選擇其實真係幾多，不過我個人就覺得食冰室都真係鍾意食常餐果d。常餐 $49:雞翼撈丁不過不失，雞翼算係幾入味，肉嫩好味，略嫌個面味道唔算好夠，不過整體上都唔錯。炒蛋同奶油豬就真係正，奶油豬既脆度係岩岩好，配上份量岩岩好既牛油同奶油，真係好正，炒蛋都炒得好滑。蝦仁炒滑蛋飯 $47:另外叫左一份蝦仁炒滑蛋飯，蛋真係炒得好滑，蝦仁都爽既，成個餐係唔錯。

龍城冰室近年氣勢如虹, 不停開分店, 今次開到去牛頭角, 我都唔執輸去食呀!! 星期六晚特登早啲去, 差唔多七點去到都見有人等, 好彩流動率都高。餐牌點餐選擇好多, 睇黎有排試, 想叫二人餐, 但朋友想加一蚊鮑魚雞煲, 叫套餐就無呢個優惠, 所以我地單叫小菜。 叫左最經典既蒸瘡魚, 見隔離有幾枱都有叫~ 蒸完都幾大條, 份量足夠兩人食!!! 魚豉油唔會太油或者過咸, 幾易入口, 而魚肉蒸得恰好夠滑身, 啖啖肉, 連唔太食飯既我都食多幾啖飯~~~ 加錢可以跟埋湯同埋白飯一碗, 湯有少量湯渣, 唔係味精湯。一蚊鮑魚雞煲來了, 估唔到無厄人, 真係有三隻鮑魚仔同埋幾件雞肉, 唔係好滿但以呢個價錢就真心抵食, 而且調味好惹味如果有大煲版用黎撈飯都應該唔錯。

九龍灣真係多餐廳到自己都唔識揀, 晚飯時間又到, 今晚唔知食甚麼, 諗起新開左無耐的龍城冰室, 就和老婆去了食. 餐廳嚮淘大商場附近, 算係幾方便, 不過就成日滿座, 最好預鬆動D時間.一坐低我地就叫了小菜孖寶餐, 事關真係好抵食, $138 任選兩個送, 而且有成 40 樣送可以慢慢揀.於是乎我的就叫左西蘭花炒班片, 同埋沙嗲金菇肥牛煲.首先講講個西蘭花炒班片, 小弟多年很怕魚的腥味, 但是老婆話想食就無計啦. 碟野一上檯, 我對這碟菜的香味沒有抗拒之餘還帶點欣賞. 班片入口肉質是比較實也帶些爽口, 而且不失滑口的感覺，一般街上吃的都是偏散的班片, 但系呢度處理得唔錯，西蘭花亦炒得好翠綠，這道菜實在有驚喜呢！而個沙嗲金菇肥牛煲就系我很愛吃的，所以點了~ 整體來講沙嗲味夠濃，亦帶點花生香，我反而覺得佢可以煮得再"杰"D，金菇索晒沙嗲味用來送飯一流，而肥牛肥膏多也和曬大男人的口味至於粉絲和菜的份量都好多, 而且都幾入味. 果 d透明獻汁亦都可以用來撈飯, 真係超正!食完咁豐富既一餐, 下次一定會再去食下其他野. 另外, 我留意到現場d 座位都不會太擠擁. 員工都幾有禮貌下, 講好多唔該和

龍城冰室的西冷牛扒水準不錯, 推薦! 今天晚上OT到7點多, 打算在外面吃些東西便算. 同事阿姐說淘大果邊有間美味的餐廳叫龍城可以當飯堂. 因此便過條天橋去試試才回家.幸運地, 剛好有一台食客離開, 我坐下後便點了鐵板套餐內的招牌美國西冷牛扒配燒汁.跟餐我 order 了白餐湯和凍檸茶. 另外, 原來加$8可加配牛油豬仔包, 不過怕太飽, 所以沒有點到.說真, 這裡的西冷牛扒確是好味, 燒汁的濃度也很夠. 西冷牛扒我們叫了7成熟, 上桌時我可以用餐刀把肉切開, 內裏有紅肉但沒有血水, 而且更保留有肉汁. 整體來說這個鐵板餐我會讚好呢, 邊位有些煎肉的香味令我覺得很滿足.另外, 雖然是屬於快餐廳的種類, 這裡的餐湯和餐飲也毫不馬虎. 餐湯的質感很 rich 很 creamy 也夠熱. 而凍檸茶則甜度適中, 沒有刻意落太多的冰塊, 再加上有少少苦澀, 所以真係好正.最後, 剛才在餐廳門口看到有斑蘭瑞士卷, 心想可以第朝早當早餐, 於是便買了回家. 系咁易拿了一片來吃; 蛋糕質感算系好鬆軟, 斑蘭味都夠香, 值得推薦.整體說, 這裡的食物都在大多港式餐廳的水準以

呢間龍城冰室係淘大附近開左都一段時間，每到食飯時間都會有人係出面等位😳，相當受歡迎。今日咁岩約左朋友食飯，就黎呢到試試。😋入面嘅裝修幾乾淨企理，都幾大，所以翻桌率都幾高，等左三4分鐘就已經可以入去。👍🏼餐牌非常之厚😳，有好多種類嘅食物。除咗茶餐常餐之外，仲有中餐嘅小菜，西式嘅意粉同埋鐵板，中式粉面，例如牛腩河、魚蛋粉嗰啲都有⋯⋯全日供應麵包，我食晚飯嘅時間仲見到佢有新鮮出爐嘅麵包食。😳🤤最令我感到意外嘅係佢有宵夜餐牌❗️會做到凌晨兩點😍住喺附近嘅人真係有口福😋。我哋一行二人，所以叫咗個小菜孖寶套餐。有成38款小菜俾你揀🤤，除咗揀兩個小菜之外仲會有餐湯同兩碗白飯。餐湯佢有中湯青紅蘿蔔煲豬骨，西湯佢有紅湯同白湯。⭐️兩碗湯都好好飲，中湯非常清甜，有埋蘿蔔同豬骨。⭐️蝦醬通菜炒鮮魷蝦醬足夠令到通才好夠味，魷魚好鮮滑。正❗️⭐️沙嗲金菇肥牛煲個沙嗲汁好味，辣辣地又帶啲甜，肥牛絕對唔會少。下面有啲粉絲，粉絲浸左好耐，所以亦都好入味。👍🏼唔怪得知咁多人幫襯，真係有返啲水準。侍應都忙個不停，不斷有食物係廚房送出嚟。睇到啲賣相都幾好，似幾好味。其實價錢都唔貴一個二人套餐都係$138。絕對係可以encore。😋尤

昨晚，跟朋友一齊逛街，行經牛頭角道一間 好有懷舊感覺嘅冰室，於是我就跟朋友一齊入去啦。這裏裝修都好懷舊、好親切、好有街坊嘅風味 ，令人有一種懷緬過去嘅感覺 。好快侍應生就安排好位置畀我們，侍應都效率好高呀! 餐牌有好多嘢食㗎喎，西式鋸扒、鐵板燒，中餐又有雲吞麵，又有啲小菜， 任君選擇種類很多。朋友揀咗個套餐，呢個係一個西式套餐:洋蔥汁雞扒拼漢堡扒意粉，又配一個周打魚湯，這個湯非常之好味，好有海鮮嘅味道，加上蘑菇帶出魚的香味，非常恰當個配搭。意粉啲洋蔥汁有洋蔥味，雞扒煎得不錯，唔會太魯，食起上嚟非常之恰當 。另外一個嘅中式嘅套餐:椒鹽豬扒飯，伴個中湯粟米筍煲豬骨湯，份量好多啲豬扒椒鹽味道 好香。飯後再加杯餐飲，真是無限可擊。如果大家有時間經過不妨來品嚐一下，我相信一定揀到你喜歡嘅菜式。

我作為淘大街坊多年～～覺得呢頭樣樣都幾好，係一直欠一間多選擇而且有質素的茶記~等到頸都長終於俾我等到喇~龍城冰室終於終於在九龍灣開店了~~~!!!HORRAY!!!門口有好靚仔的新鮮麵包~入到去覺得勁大勁寬敞~~但係座位是常滿的~~~好在D伙記手腳快~~等5分鐘就入得了~焗飯睇落好正，叫左個菠菜汁焗豬扒飯試試~~又估佢唔到~幾有HEART WOR!個碟咁似LE CREUSET嘅~豬扒有做到吉列~~幾厚肉，食落鬆軟而唔UN，菠菜汁幾香同CREAMY，D菠菜唔會焗到好老，是剛剛好咁~焗飯入面是炒飯底黎架~~有炒蛋喺入面，唔好睇佢51蚊一碟, 其實係超級有誠意架!!跟餐加左個茶記小見的冰鮮果茶，即係ICED FRUIT TEA LA~ 平時只係在貴價西餐廳先有得飲，我見MENU話叫左主食叫特飲可減10蚊，老虎蟹都叫啦~~! 都幾大杯WOR~~入面仲要真係勁多新鮮生果!!!實在太好飲了~~又夠凍，咁大杯我都好快飲到落底，仲有好多生果食下~~~然後食食下到下午茶時間，我個FD 叫左份炸脾薯角下午茶餐，隻炸脾勁香，我試左D，都唔差呢區附近的某某名物炸脾遠~~3十幾蚊有咁的質素，又坐得舒服~~算係咁

親愛嘅 龍城 冰室老闆， 你可否知道我在等你開張嗎。 淘大附近 有幾十間食肆， 可以話係應有盡有。但係就少咗一間平民百姓嘅茶餐廳冰室， 為咗等呢間茶餐廳冰室 開張 真係等到頸都長埋。茶餐廳 來說 他的面積算非常之十分大， 等於一間酒樓。 裝修 好有特色! 好似70年代但係有附魔登年代。 門口放住好多個菠蘿包， 一睇落去就知道係香港人嘅茶餐廳。menu上面可以為應有盡有魚蛋粉麵/ 早餐/ 午餐/ 晚餐/焗飯 /鐵板餐， 真係咩都有。 價錢仲好平民化添!港式茶餐廳， 點會少得 一杯新鮮滾熱辣嘅絲襪奶茶! 絕對係香港人精神 , 小港灣代表之所!大K 好唔容易先至 選擇 到美國西冷扒餐， 因為款式實在太多啦。 但係塊鏡美國西冷扒， 又送嘢飲又送餐湯 重要鐵板新鮮滾熱辣正常， 只係收88蚊! 老闆會唔會蝕本㗎。另外加八蚊仲要可以要有個 奶油豬， 唔使考慮 , 夥記加單!上到枱， 大大塊嘅美國西冷扒 放喺面前真係好吸引呀! 七成熟 切開佢 新鮮嘅肉質剛剛好咁樣諗出嚟。 好啦我唔講咁多喇。