龍城冰室

营业中

休息中

星期六夜晚同阿肥喺德福廣場睇完一套戲已經差唔多就嚟夜晚十二點,本身因爲晏咗食lunch所以睇戲前都未餓所以冇食到晚飯,不過睇完戲肯定已經肚餓啦,但係到咗呢個點數商場就已經冇晒嘢食㗎喇,所以就同佢行咗落嚟淘大呢邊睇吓有冇啲乜嘢餐廳未閂門喇見到原來牛頭角呢邊都有一間龍城冰室喎,仍然仲係燈火鼎盛,人也不少,我同阿肥講我公司樓下嗰間都幾好食㗎,所以佢就話：「咁就入去啦」估唔到呢度由夜晚十點開始到凌晨兩點係有宵夜套餐㗎,仲要全部款式都十分之邪惡,令人流晒口水我咁大個女都未試過食芝士流心西多士所以就叫咗嚟試啦～呢份芝士流心西多士($34蚊),價錢唔算話好貴,嚟到嘅時候見到佢已經落咗牛油仲差唔多溶晒,證明份西多士啱啱炸起熱辣辣,賣相成件金黃色都好吸睛。切開之後發現裡面充滿芝士,原來同西多士夾埋一齊食都好match,件多士亦都炸得好鬆軟,食完十分滿足跟餐加($8蚊)就可以飲紅豆冰,呢杯嘢真係不得之了,超級好味道如果鍾意花奶味嘅你就一定唔可以錯過,因為佢同出面啲傳統紅豆冰唔同造法,好多地方都係用少少花奶加啲啲椰汁咁,如果有啲差啲嘅仲會加水,但係呢度就全杯都係花奶......對我嚟講簡直就係恩物呀阿肥就左

悶悶哋又唔想煮飯，同家姐落街搵野食，行行下，見到開咗間龍城冰室。望落去裝修都好似幾靚，就入去試下。好耐冇去過茶餐廳，一入去遠望就見到個"牛雜專家"招牌，真係充滿本土特色。明顯係一間港式茶餐廳啦。打開menu，見到一個抵食兩小抄套餐， 兩餸加白飯，有湯，飲品半價。 所以就叫咗呢個套餐試下， 揀咗兩個餸:一個係蒜香骨，另一個係豉汁蒸倉魚。倉魚上面有啲豉汁同埋蔥，攞嚟撈飯都幾好味㗎。蒜香骨件數都算多， 兩碟加埋都食得好飽。餐湯要左一個牛肝菌忌廉湯，牛肝菌食落都幾好味，就唔會好似出面啲茶餐廳咁，淨係得麵粉開水。 至於，中湯就一般一般姐。唔知點解去茶餐廳，唔叫個飲品，就覺得好似有啲失落咁。所以就叫咗兩個紅豆冰，做法好傳統，奶味好重 。紅豆亦都夠淋。不過不失啦

天天經過龍城冰室總是有人龍等買面包或西餅今日下午茶時光有點時間就入內坐下來好好吃蛋撻叫了一個特別凍飲朱古力咖啡很難得一見的濃醇凍啡朋友見狀，也來不及要杯熱鴛鴦叫一個50 幾元的咖哩蝦以8$ 換一個豬仔包兩隻蝦手掌般大小一人一個：咖哩味美好過飯；鮮蕃茄汁焗傳統豬扒飯都幾和味-完全是古老茶餐廳那裏的口味，特別是因為那樣多包點-⋯⋯菠蘿麵包、墨西哥、捲蛋糕、雞尾、鮮牛肉包，茶記式干炒牛河、星洲炒米粉-⋯⋯我們也不介意來一道龍蝦海鮮大拼我的香濃朱古力冰啡隨一個飯餐-只要19$很大杯：好一頓懷舊風情下午茶敘！

淘大商場附近呢間龍城冰室自開業以來晚晚都排晒長龍，今晚就決定同女友一齊嚟試吓係咪真係咁好食先！一坐低睇一睇餐牌俾呢個小菜孖寶套餐吸引住，$138有兩飯兩餸兩湯，算幾抵食除咗傳統茶餐廳食品，呢間冰室仲有牛扒及意粉等西餐食物，都幾多元化。店內裝修尚算簡潔舒適。小菜孖寶揀嘅其中一個餸係柚子蝦球。甜甜酸酸嘅柚子醬包滿晒成隻蝦球，非常惹味及開胃！海鮮雜菜煲份量唔少，雜菜包括菜心及芥蘭，面頭鋪滿左蝦、魷魚及青口等海鮮羅宋湯濃味足料紅豆冰簡直係兒時嘅回憶，好飲！值得一提嘅係餐廳外售賣嘅新鮮麵包大大個，十分吸引！

之前已經試過觀塘的龍城冰室，感覺平靚正！ 第一次來到牛頭角的龍城冰室吃下午茶，點了一個下午茶餐熱狗加熱奶茶$29 和自選麵餐$36加凍檸茶$3。 首先講講價錢，相比起其他的冰室 這間龍城冰室都算是比較平的。 雖然價錢比較平但是食物質素有水準， 記得上次在觀塘的龍城冰室叫了鮑魚雞煲價錢非常平，味道還相當之唔錯。 估唔到今次來到牛頭角這一間的下午茶都是有水準的。熱狗有大大條的熱狗腸，腸還是脆皮的配上新鮮的番茄和生菜， 好味！沙爹牛肉腸蛋公仔麵， 超大塊厚切的牛肉配上 香濃的沙爹汁， 還有腸仔和蛋都是只是36蚊， 平民價的享受！凍檸茶消暑解渴配公仔麵一流。熱奶茶有香濃的茶味。總括來說龍城冰室性價比高，食物質素唔錯， 是一間值得再去的餐廳。

今晚屋企又係無飯之日！諗起屋企附近新開左一間龍城冰室，就心血來潮帶埋屋企兩老去試一試菜餐廳門面雖小，但入面原來好大！鍾意据扒既老豆二話不說就點左個招牌黑椒牛柳餐，跟餐仲有餐湯同飲品添。羅宋湯十分足湯夠味！真係茶餐廳先飲到呢個味道！牛扒有兩大塊，同埋超厚切！估唔到個肉勁淋！有驚喜！連老豆都大讚好味我同呀媽就叫左個晚飯孖寶～$138有兩飯兩湯兩送！好抵食！我地先叫左個柚子蝦球，甜甜酸酸咁好好食，蝦球又大隻另外想清淡啲，叫左個海鮮雜菜煲～又係十分足料，不錯

尋晚10點去食宵夜餐結果食到一肚氣真係好不幸地㨂中晒啲伏野定係全部野都係將貨就價之作呢？睇下個宵夜餐牌第15項36蚊兩餸麵以為無寫咩餸，即係牛腩竹根之類一問先知，原來係跟16號40蚊三餸麵啲野既然係同一類餸做乜唔放埋一齊？無得食根腩，求其㨂左6號菠蘿油點知轉頭再睇番麵包餐牌妖！仲伏！原來菠蘿油只係9蚊個即係加杯野，多左15蚊！再望下宵夜7號，有手指話正既沙嗲牛肉包嘩原來只係8蚊個，咁杯茶咪24蚊？大佬點定價架？亂Q嚟囉！咁其他啲野食又點呢？我地另外有個31號焗豬扒飯由於肚餓關係，好快速地食晒每人有兩啖咁大把...無計，實在太迷你睇個兜同啲餐具的比例就明白比起這些令人失望的經歷我杯麻油味鴛鴦已經不是重點了我地一人叫左一杯，我杯有麻油味，老婆杯無，老婆同我交換左兩啖飲証實的

究竟有什麼吸引力，令到新開的牛頭角龍城冰室朝朝晚晚都排隊呢？舖頭樓面偌大，仍然座無虛席。新鮮出爐麵包陳設非常吸晴，包類蛋糕類選擇多元化，吸引不少途人註足停留審視一審。$138孖寶套餐最啱孖住一齊食。例湯一d都唔heh。羅宋湯味道不錯，濃郁微酸，有滿碗雜菜。是日中湯是粟米甘荀煲豬骨湯，鮮甜少油，有湯渣超甜粟米和蘿蔔，很足料。沙爹金菇肥牛煲，有巨量粉絲，用上典型的茶餐廳沙爹汁，上碟近乎滿瀉了，真誇張！薄切牛肉很入味，還有吃之不盡的配菜：青椒、洋蔥、菠蘿，此餸真可以送兩碗飯啊！滑蛋粟米班腩，即叫即煮很大碟，留意用料是「真」班腩，不是隨便的魚塊。每件魚都是結實厚肉，份量多得誇張，都夠兩餐吃了！

街坊至愛@龍城冰室 牛頭角牛頭角道55號利基大廈地下C舖 係屋企附近新開，多人到那窄小的行人路都迫滿等位的人，假日唔煮飯，又遇上風球山竹快吹到，醫肚及到超市買乾糧。避開最多人時間才來， 但依依多人，是因為typhoon. $29 香煎豬扒包加杯凍檸茶（$3）做tea ,扒豬扒醃得幾入味架，大大塊，夾上生茶蕃茄擠上沙律醬，yummy 又飽足。個飽焗得微脆卻不會似厚豬包那麼乾同𠝹口。因街市無茶賣了$47 蒜蓉沙雜菜，一向是最愛架家常菜，用少量蒜來提味，唔會太多調味健康，但略油膩。$10 cheese tart，純粹想食點甜做high tea ,曲奇皮比較厚但算酥化，但芝士味未算明顯。門口麵包好吸引，又唔貴可以直接買走。但可能人多，服務很一般。將垃圾紙把弄到未食的cheese tart 碟上

叫左圖中幾樣野食 意粉係常餐之一 仲食左個焗飯 加左錢換鮑魚 意粉同塊扒都係勁凍 唔知擺左幾耐焗飯好普通 無咩特別 唯一可能鮑魚係加$18換 都冇咩要求架啦 擺到入口就得 要俾咁既價錢食呢個質素食物其實都唔抵九龍灣要食茶餐廳都大把選擇最值得一提既係佢衛生環境勁差 餐廳入面對地污糟 又擺晒D需要冷藏既食物出巷 都唔知有冇壞 垃圾又擺晒出黎 夜小小已經會見到有老鼠 對周圍環境造成咁大破壞 叫街坊點幫襯你以後都唔會再幫襯 基本水平都達唔到

淘大一向都好多野食 所以今日就同朋友嚟咗呢頭食嘢🥢 過馬路嘅時候 見到呢間餐廳好多人排隊 然後去咗睇吓 見到好多人排隊買麵包 再望到裡面幾別緻 而且餐牌又幾啱我地胃口 所以就入咗去食啦😼 我地一入到去有好多侍應招呼我地 叫我地坐卡位 都坐得幾舒服餐牌上面都有好多唔同嘅選擇 本身都諗住叫個晚市小菜孖寶 因為好似幾抵食😮 但係我朋友好想試常餐 咁就冇叫到啦 最後我哋嗌咗常餐 咖喱牛腩飯同炸髀一隻🍗啲嘢食好快就到啦 咖喱牛腩飯好好味 食得出有椰汁好香 牛腩肥瘦比例適中 唔會太肥 又唔會太瘦 都幾林 口感幾好⭐️常餐有瑞士雞翼撈公仔麵 配牛油脆豬同3.6牛乳炒蛋 雞翼好入味 瑞士汁份量啱啱好 個撈麵唔會太乾身 豬仔包幾香口🤤炸髀有我隻手掌咁大 拎到嚟仲熱嘅 個皮脆卜卜 切開見到裡面肉汁飽滿 食落口仲好juicy添😻冰室嘅奶茶質素好有保證 奶茶唔澀 係高質嘅港式奶茶👍🏻食完個正餐有返個甜品就Perfect啦 出咗門口就俾佢個麵包櫃吸引咗😛 見到酥皮蛋撻就好想食 酥皮好鬆化 蛋味好濃 我就覺得幾好食啦 下次會想試下佢個菠蘿油😋 望落好似好正 可惜今晚食得太飽😭 個肚冇位裝個包

呢排好多野搞無咩心情煮飯，直接放棄然後同我男人一齊落街搵野食，見到呢間到咁夜都仲咁多人就食呢間啦雖然多人但都好快入得去，種類都真係幾多下，晚市套餐都唔錯，不過我男人想食扒多啲咁我都陪佢食啦我就叫左個是日晚餐日式照燒鰻魚雞扒拼薯菜，佢就叫左個美式雜扒鐵板套餐啲員工都幾快手好快就拎左兩個湯來，中湯蓮藕煲豬骨湯夠濃味亦唔會好肥膩，白湯華盛頓忌廉湯有粟米葫蔔火腿，夠曬足料主菜登場-日式照燒鰻魚雞扒，雞扒大塊到成塊面咁大，肉質又嫩口又多汁，雞皮都煎到香脆，鰻魚比較爽口，燒汁味濃，薯角又多又好味男人個個美式雜扒鐵板套餐分量超級十足，有雞扒，牛扒，豬扒，香腸，煙肉同埋薯菜，本身有幾個汁揀最後揀左蒜蓉汁，用左白酒調味令味道幾香更濃，用來點肉定薯角都一樣咁好味奶茶係一貫咁甘香奶濃，少少茶澀味好正阿華田唔會水'了了'夠濃夠甜

在香港 茶餐廳和冰室也是香港飲食的重要文化 而我這次選擇了龍城冰室 而最近在九龍灣也有了新的分店 因此令我想吃龍城冰室的時間 這麼方便的分店配套 也能夠隨時到訪嘗試 而我當日到訪的時候 只看見店舖人山人海 也要輪候大概10分鐘的時間才有枱安排入座 不過繁忙時段的晚上 10分鐘確確實實不算太長 相返 不知不覺間時間便過去了 首先 從我當日點選的食物與大家分享 一份7成熟的西冷牛扒鐵板餐 一份瑞士汁雞翼 一碗羅宋湯 以及一杯凍奶茶 可能當日點選的食物會比較少 然而 從份量方面 這些食物總數的份量 絕對足夠一個人的份量有餘 從西冷牛扒 牛扒的肉質很鮮甜 多汁 配上薯菜絕對為整個鐵板餐昇華 而蒜蓉汁的味道也相當適合配上鐵板餐 瑞士汁雞翼也令我滿意 雞翼也非常入味

由細到大，最中意就係食Old School 嘢！特別係冰室，一來選擇夠多，二來有濃濃地道港式味道，真係食極唔厭！今日同媽媽嚟到九龍灣龍城冰室食晚飯，未入到餐廳入面已經比佢門口既麵包櫃吸引住！麵包大大個，香噴噴，正呀！店內人頭湧湧，好熱鬧！打開餐牌，媽媽叮囑一定要叫個菜😂！好啦就叫「瑤柱金菇扒西蘭花」，另外叫一個「鮑魚雞煲」同「靚仔」-白飯，再加多個綜合水果茶！ 等一陣，野食就上枱啦！西蘭花大大棵，口感爽脆唔會太腍軟！鮑魚雞煲非常惹味，雞件肉質嫩滑，抵讚！綜合水果茶水果量十足，味道唔會過甜，解暑止渴！總結嚟講，龍城冰室性價比高，食物種類比一般冰室多，值得再去！

早前喺淘大見到龍城冰室新開 ，啱啱開張嗰陣好多人排隊 ，所以都冇點樣幫襯。但今日見人流好似少咗啲，就同朋友兩個人嚟食喇！餐牌都算幾精緻同埋幾新淨， 見到有出二人餐睇落幾吸引， 不過我哋唔算太肚餓所以都係散叫就算了。有方型大枱，六七個嚟食都應該可以。「別樹一幟」我諗常餐應該係呢度嘅招牌，我見好多人都叫呢個餐嚟食。 炒蛋個賣相就比較普通，但估唔到食落入面都幾嫩滑，我估應該落咗少少牛奶落去炒。脆豬本身唔跟煉奶，但同店員講完之後加既！ 原本搽咗牛油焗完之後已經好香，再加埋煉奶真係更上一層樓！ 瑞士雞翼顏色好夠，淨係睇個賣相都已經好吸引，而且醬汁一啲都唔吝嗇，畀咗好多夠哂撈個面。 覺得唔會太甜，仲帶有少少麻油香，個人覺得如果有小小辛辣味會更加正！「貨真價實」黑松露蝦仁炒蛋配料好足、非常豐富，成碟餸超過廿隻蝦，一嚟到已經俾佢個樣嚇親！炒蛋同埋黑松露估唔到都幾夾，黑松露個量都唔少，佢係啖啖都有。但係我覺得蛋方面可以唔使咁熟，稍為炒得嫩少少會更加啱口味，不過可能落得太多蝦，導致個炒蛋嘅水份略嫌偏多，失左滑蛋個口感。但整體而言都係幾唔錯嘅！