影片
更多
2013-05-10
352 浏览
食呢方面一向同男朋友出街都係我話事，因為我太得閒，成日鍾意找d新餐廳去試，佢就變成陪我食飯的白老鼠，哈哈。今日我地一齊4週年，所以由佢話事，佢選了the live house ，見到d食評都係一致向好，當然放心啦。6點半去到，餐廳一個人都冇，心諗唔通去錯，不過應該係冇人好似我地咁早食飯就真。現場環境一流，有點像cafe，有一組band set 係台上，又有電子飛標，電視等，總有一樣滿足到你，你唔會覺得悶的。懶懶閒的我地就選了精選2人晚餐，原價$368，現在優惠價$298，都算抵食。頭盤有4選2 (鴛鴦大蝦卷、豬仔骨配蜜糖雞翼、蟹餅牛肝菇，日式炸雞卷) ，我地就選了中間2選 -- 豬仔骨配蜜糖雞翼、蟹餅牛肝菇。主菜就6選2 (香辣蜆肉意粉、夏威夷薄餅、卡邦尼意粉，香草牛仔骨，蜜糖芥末子烤半雞及香煎龍俐柳配黑松露汁) 我地就選了牛仔骨和夏威夷薄餅。個餐仲包左餐湯+甜品+青蘋果花茶。另加$38可轉酥皮海鮮湯。 或可用半價優惠轉飲餐牌上任何飲品。胃食的我，d野未上枱已經話要加芝士薯條，另外加錢轉了飲品，選了Latin 和Melody。先上枱的是餐湯- 西蘭花忌廉湯，用料充足，每一淡都有西蘭花，
6點半去到，餐廳一個人都冇，心諗唔通去錯，不過應該係冇人好似我地咁早食飯就真。
現場環境一流，有點像cafe，有一組band set 係台上，又有電子飛標，電視等，總有一樣滿足到你，你唔會覺得悶的。
懶懶閒的我地就選了精選2人晚餐，原價$368，現在優惠價$298，都算抵食。頭盤有4選2 (鴛鴦大蝦卷、豬仔骨配蜜糖雞翼、蟹餅牛肝菇，日式炸雞卷) ，我地就選了中間2選 -- 豬仔骨配蜜糖雞翼、蟹餅牛肝菇。
主菜就6選2 (香辣蜆肉意粉、夏威夷薄餅、卡邦尼意粉，香草牛仔骨，蜜糖芥末子烤半雞及香煎龍俐柳配黑松露汁) 我地就選了牛仔骨和夏威夷薄餅。
個餐仲包左餐湯+甜品+青蘋果花茶。另加$38可轉酥皮海鮮湯。 或可用半價優惠轉飲餐牌上任何飲品。
胃食的我，d野未上枱已經話要加芝士薯條，另外加錢轉了飲品，選了Latin 和Melody。
先上枱的是餐湯- 西蘭花忌廉湯，用料充足，每一淡都有西蘭花，忌廉湯亦很滑，味道濃郁，還附送2條芝士餅乾條，都好脆身的。
之後Latin同Melody一齊出現。Latin 其實係橙汁、菠蘿汁、石榴汁加檸檬水混合已成，所以味道酸酸甜甜的，好味。Melody是蔓越莓汁、菠蘿汁、青檸、薑味麥酒，不會覺得有酒味，反而蔓越莓汁和菠蘿汁好特出，2種味道好夾。藉得加錢試下。
芝士薯條上枱，有點失望，因為味道有點燶，而且有點太乾，芝士已經乾到不能拉起，可以不試。頭盤的蟹餅牛肝菇和豬仔骨配蜜糖雞翼都不錯。蟹餅牛肝菇份量剛好，牛肝菇好大隻，好juicy，正，蟹餅亦啖啖蟹肉。豬仔骨配蜜糖雞翼因為2份量，所以每人一隻蜜糖雞翼及每人一條豬仔骨，雖然眼看覺得有點寒酸，但其實佢的份量剛量剛好，因為還有主菜。蜜糖雞翼算中上的貨色，香甜的。豬仔骨的醬汁野味，而骨肉亦算易分開，肉質軟滑。
主菜夏威夷薄餅真係足夠2人份量，食完都好飽，薄餅係薄身的脆餅底，食落好香口，而用料十足，芝士滿滿的，有菠蘿同火腿做料。 香草牛仔骨可分6份，每人3份骨，還有一份好大的薯蓉，加上少許配菜和蜜桃，中和一下肉的油膩應覺，但這份牛仔骨不是我喜歡的，因為有根，好難切及唔算稔。
最後送上甜品是home made 的杏仁雪糕，超正，整球雪糕滿滿杏仁，好香，有咬口，喜歡果仁的應該都會喜歡此雪糕，但因為男朋友對果仁敏感，所以又加錢轉了酥皮蘋果撻配雪糕，雪糕只得一款，所以又歸我所有，哈哈, 酥皮蘋果撻亦不錯，蘋果好香甜，但酥皮有點稔，不夠乾脆。最後亦因為我地用openrice 的table map book 枱，所以又送多一個live house 鐵板冰火朱古力軟餅，好好味，個朱古力軟餅同心太軟有d似。live house 鐵板冰火朱古力軟餅都值$68架，又可以儲分，又有甜品送，可說是一箭雙雕，哈哈。
题外话/补充资料：
8點之後有live band表演, 但我地已經要走了
(以上食记乃用户个人意见 , 并不代表OpenRice之观点。)
张贴
