鼎泰豐

营业中

休息中

小病初愈，拉了朋友陪我吃清淡一點的菜色。▶️小籠包外表精緻，有好細緻的摺纹。皮夠薄，幾乎吹彈即破。內裡的豬肉餡料都不錯，幾新鮮。▶️蟹黃小籠包🦀除了豬肉，加了少少蟹黃。其實味道不重，性價比一般啦，不過總算為小籠包加添一份層次。▶️蝦肉 雲吞 湯麵 🥟🍜湯頭很清，喝得好舒服。▶️菜肉 雲吞 湯麵 🥟🍜湯頭很清，喝得好舒服。菜肉餡調味正常，未算很出色。▶️台式紅燒牛肉麵 🐮🍜▶️蒜泥白肉蒜香很重，很惹味。

全家入沙田食飯, 順便做冬. 商場內有多家餐廳, 最終選擇鼎泰豐. 早已安排在聖誕元旦去台灣玩, 如今又係鼎泰豐!! 誰叫星期六晚, 難得餐廳有位, 就要盡快入座.   點了一桌的主菜和小食, 可是大家仍覺得不滿足, 還要來個糕點甜品作完美的句號. 千層油糕 48元/2件   這種神奇的糕點, 聽說是有豬油, 糖, 麵粉製作, 但層層相間共九層, 感覺有如千層蛋糕一樣.今天就要試試!  一籠只得2件的油糕, 米白色, 有多層. 每層掀開, 看到多個小粒粒. 再單單食一層, 軟綿綿, 夠鬆軟, 而那些白色粒粒, 感覺似伍仁月餅裡面半透明的肥肉, 甜中帶滑. 一層層的撕下來, 很快就消滅了千層油糕了. 赤豆鬆糕 56元/2件    除了紅豆蓉, 還有原粒紅豆, 加上綿密的鬆糕, 打造多重口感. 而且甜而不膩, 真想再來一份. 可是56元/2件, 即是每件28元!  可能台灣當地鼎泰豐的價格會更抵食!!!!!!   

晚飯時間過去但唔使排隊，趕住睇戲是但啦。以一餐普通便飯來講，味道算係正常。但若果以米芝蓮一星嘅標準來講，sorry，沙田店嘅小籠包就變得好普通，好似是但一間中菜都做到好過佢嘅水準：細粒、皮厚又唔juicy。唔值呢個名、唔值呢個價。另外，我比較鍾意貨真價實、入邊好多豬肉/鮮蝦餡料嘅雲吞，所以鼎泰豐細細粒嘅上湯雲吞就唔係我口味：味精湯底。碟蒜蓉炒菜炒得幾好，唔會太油。紅燒牛肉份量不大，但肉太淋了。名氣過大。

食物質素還可，就是分量少得好可憐，好似超市試食咁，食左成千蚊5個人都唔知食左咩，如果開試食，應該算負責任，總括唔會再核一次，睇嚟都只可以做遊客一次性生意，希望會有多點一次性遊客啦，因為多次回頭都幾難。

2019年1月5日約左成年。終於約到出黎食飯啦。明明我都一早食飯。都好多人。都等左兩個字。茶位。叫左三個前菜。三個都冇乜特別。最好食都係個個醋木耳。酸辣湯。不過不失。小籠包。我覺得鼎泰豐嘅小籠包真係唔錯！但係香港嘅鼎泰豐同台灣嘅鼎泰豐比較。我都係鍾意台灣嘅鼎泰豐多啲！呢個係我哋全台都同意嘅意見。同行友人係咁話酸菜肉絲湯麵好食，咁我就叫個酸菜肉絲拌麵試吓。唔係好夠味嘅菜。下次要叫佢後上凍左唔好食。都係台灣好🤣🤣🤣🤣🤣台灣又好食又抵食。香港唔可以話唔好食。但係冇台灣咁好食。仲要又貴過台灣喎。

鼎泰豐於香港立足已經有一段時間，位於沙田新城市廣場這分店一般都有人排隊，進食時間只限1小時15分鐘，今日午飯時間晏咗少少，唔算多人，等一陣間就被安排座位，等嘅時間唔算多，唔緊要，趕住去睇戲，最緊要快，食得快。馳名的上海小籠包，皮薄餡靚， 記得加醋吃，錦上添花。蔥油撈麵，小小辣，麵質爽口。炸排骨，大大件，炒飯底好香口，正！酸辣湯夠辣，落咗豆腐醉，喝的時候要小心，非常搶喉。仲有上海前菜~四喜烤麩，醃製味道唔錯。整體來說，食物水準係keep到嘅。

由於係中餐Fans，諗起一年前去台灣朝拜過，食過總店鼎泰豐的味道，香港又有分店，特意去食下佢地個小籠包（畢竟人家跟大人物見面也喜歡秀師傅包小籠包的手藝）。海外分店管控有難道，又需要適應當地人口味及習俗，服務質素好難照搬總店那套來港，但多少在員工培訓及餐設安排方面看到影子，可能食客關係，多少滲了香港大茶樓飲茶的感覺。兩人個人叫左四個送，味道水準有台灣總店所食的八成，小籠包皮特別簿，用白楊布托底避免黐底而失去肉汁，淡濃適中，雖然知道醉雞是冷盤，但入口仍有雪櫃拎出來的凍感，稍稍扣分，其他菜式雖not my tea但其實味道唔差，整體感覺不錯，是一家大小餐聚之選！

鑱咀萬萬歲!🙌🏻ChamZeoiLongLongLife!!!🙌🏻但呢餐一啲都唔萬歲...🤨小籠包 $64賣相👅👅👅味道👅👅👅口感👅👅份量👅👅性價比👅👅🐭同台灣差好遠，個「頂」啲皮硬嘅，份量細粒菜肉紅油抄手 $64賣相👅👅👅味道👅👅👅口感👅👅👅份量👅👅性價比👅👅🐭咪道正常，個皮幾滑，又係好細粒油炸排骨湯面 $68賣相👅👅味道👅口感👅份量👅性價比👅🐭面既份量少，湯底啖塊排骨望落似老麥塊漢堡扒，咬落係「柴皮」乾爭爭，食落只有濃烈胡椒味糯肉燒賣 $56賣相👅👅👅👅味道👅👅口感👅👅份量👅👅性價比👅👅🐭塊皮幾薄幾滑，入面只有糯米沒有肉，冇乜味，好齋蝦肉煎餃 $88賣相👅👅味道👅👅口感👅👅份量👅👅性價比👅🐭煎得不夠香，蝦肉肉質還可以，不值這價錢雜蔬蛋炒飯 $85賣相👅👅👅味道👅👅👅口感👅👅👅份量👅👅性價比👅👅🐭最正常的一味🐭食神鼠到此最後一遊，拜拜你條尾👋🏻👋🏻👋🏻

今日嚟到呢間位於沙田嘅鼎泰豐，一入門口招待員非常有禮貌，安排位置之後，服務員馬上遞上袋套感覺非常貼心。本人非常喜歡食上海野，其實鼎泰豐嘅係台灣傳入來架，今次試咗佢最出名嘅小籠包，豬扒飯，蒜蓉炒白菜仔！ 豬扒飯即係同平時嘅炸豬扒呢口感好唔同，用嘅飯底呢都係炒飯底，但一啲都唔油！個豬扒你個肉質呢拗口非常充足，啖啖肉有別一番滋味。個小籠包果然係本店招牌菜，可以話係皮薄餡靚同上一次都係介紹過食小籠包方法一樣不過呢依家呢比起上一次既小籠包，更加多湯每一次來都會點一點蒜蓉白菜味道唔算太濃，適合呢一班鍾意食蔬菜嘅朋友！價錢同食物質素係成正比啊， 都值得經常嚟幫襯啦附近返工嘅朋友都不妨下午過嚟啦，不過都多人排隊㗎！

鼎泰豐喺我必食上海菜館排頭位，雖然佢個menu好少選擇，但每次食都唔會失望，真係好好食。每次都會例牌叫小籠包、酸辣湯、蘿蔔海哲、菜肉雲吞。小籠包每次都做到perfect好好食唔會失水準。唔知大家有冇食佢既酸辣湯呢?佢裡面啲豆腐切得好幼細好考刀功，真係要俾個叻佢，味道方面都唔錯㗎。而蘿蔔海哲既配搭真係好match,好爽好正菜肉雲吞佢整到好滑入面啲菜好多肉少，啱晒鐘意少肉多菜既朋友但我之前忘記影相食到一半先記得，所以份量冇咗一半，哈哈

好耐都冇入過沙田食飯今晚入沙田搵朋友於是佢就帶咗我哋食鼎泰豐四個人一共叫咗以下食物：兩籠小籠包一碟醉雞一碟四季豆一碟炒菠菜一碟紅油炒手🌶🌶一碗酸辣湯🌶一碗清燉牛肉兩碗紅燒牛肉先講呢度嘅服務員態度都好好，亦都好細心，值得一讚！食物方面小籠包基本都是每次必點！今次食都系一樣有水準 多汁多湯肉碎四季豆得整得唔錯！對於一個唔鍾意食四季豆嘅人來講呢到整得好食所以可以接受醉雞都做到好入味，而且好夠酒味最後埋單$200一個人左右

次次黎沙田拜山，阿媽一定encore 鼎泰豐我地一開門就入去食，所有侍應都會係門口列隊歡迎，估唔到甘好招呼，有少少嚇親基本上d 大路野都試過哂今次叫d 特別少少面頭d 豬肉片好薄，甘樣薄薄地帶少少肥肉，無甘滯個汁酸辣甘，好惹味，可惜d 粉皮太碎啦！同埋粉皮係偏透明個種，一咬即斷，口感缺乏絲瓜蝦仁小籠包，皮夠薄，可惜一咬入去，好大陣草腥味，影響食慾但入面都仍然係好多汁，係陣草味我唔鐘意菠菜炒得夠香，唔錯素菜炒飯飯粒粒分明，所有配料口感都岩岩好，又唔會炒得好油，只係略嫌濕左少少，唔夠香口

可能因為示威關係，今日午膳時間客人不多，不用等位，還可以選近窗的位置。（示威照片與餐廳無關，無上載)食小籠包，自己鐘意醋和醬油比例1比1。鼎泰豐没有豪華菜式，吃得清淡。食物水準保持，屬"吃飯"餐廳，用膳時間1小時15分內。.

小籠包好多人都鍾意食 啖啖肉 一啖湯汁 岩岩好，我本身鍾意食啲皮薄既餃子/小籠包 就連蝦餃都希望皮好薄🤭🤭呢間出哂名食上海野，唔少得就係去排隊啦，排咗半個鐘多啲就有得食（已經餓到即刻叫豆漿飲）兩個人去食叫咗一籠小籠包 一碗牛肉麵 再叫咗兩個小食 一個係青瓜一個係木耳估唔到小籠包好快就上菜 名不虛傳，小籠包真係幾好味皮薄多汁配埋薑絲咁食一流一啖一舊好快就食哂🤩🤩 涼拌青瓜同出面食個啲差唔多無乜特別話好好味，另外個涼拌木耳就幾好食同出面食個啲唔同，佢係用甜醋醃架諗起就流口水🤤牛肉麵令我諗返起台灣個款牛肉麵，個湯好清 我叫咁半筋半肉

The whole restaurant was full of diners and predominantly were of Chinese and local origin.Service was sometimes slightly affected because of the rush. All the staffers were having a walkie-talkie type internal communication machine with them. They were trying hard and polite, but didn't have much time to wait and explain the dishes to the customer.As usual in chinese restaurants, they had a brief chart of items on which you are supposed to mark the items you want to order and they serve them on