鼎泰豐

营业中

休息中

在台灣時，沒有光顧過，因太多人，在香港剛開店時，也沒有光顧過，因人也是太多，現在因疫情關係限制人數，及我來的時候剛過了午飯時間，不用等太久就可以進內。一行三人點了:-小籠包-蒜香粉皮肉-蘿蔔絲拌海蜤-排骨蛋炒飯小籠包，皮真的很薄，可看到包內的湯汁，湯汁不錯，濃而不膩，但肉餡比較淡味一點，會更好些。蒜香粉皮肉，肉很薄，蒜很濃，很好下飯，不錯的前菜。蘿蔔絲拌海蜤，沒有什麼驚喜，海蜤比較彈牙。排骨蛋炒飯，排骨很酥不油膩，很有肉汁，和蛋炒飯的蔥香味很配，不錯。台灣的味道，但來到香港的味道是一樣嗎?總括來說，是不錯吃的，回頭再試。

家人想食鼎泰豐，這天早上十一時多便到達餐廳十一時半才開門門口已經開始有人排隊鼎泰豐在香港開了這麼多年，想不到仍然要排隊整間餐廳內有很多侍應我們在看餐牌時，有個侍應會在旁邊等候令人好有壓力. 小籠包 | $66 6個我們四個人點了兩籠小籠包，基本上一落單食物便準備好，小籠包皮很薄，多湯汁，但肉的味道較淡。點一點醋希望加添一點味道，但醋的味道更加淡比以往食的小籠湯包，感覺差了。快快手吃完三件，愈食愈覺得好淡味。台式擔擔撈麵 | $56擔擔麵撈勻後湯麵汁都掛滿在麵條上，由於湯汁不多，花生碎都成功沾在麵上。擔擔湯味道不太香。 台式酸辣湯 | $58下單時有點期待酸辣湯，但試了一啖超失望味道真的得淡，很淡酸味，幾乎沒有辣味，只有胡椒粉味酸辣湯內比較多豆腐絲，有些蔥花，如果只當是普通的豆腐湯，是美味的；如果說這是酸辣湯，完全沒有相乎合的味道。 香菇素餃 | $66 6個素餃菇味很香，菇切粒，整個餃子很有咬口，皮亦夠薄，多餡料，菇味齒頰留香另外要提一提，茶葉加第二壼水唔已經沒有什麼味道，可以請侍應加茶葉。食完這一次後對鼎泰豐的好感減少，除了環境舒適外，食物強差人意... 服務方面，多侍應，但態度一般

紅燒牛肉麵湯底入味，喝得出是真材實料熬出來，不是加味精，喝完也不口渴。麵質煙韌，牛肉煮得腍，中間的筋像啫喱一樣。排骨蛋炒飯飯底加入蔥和蛋炒後更香，排骨一大塊已起骨，肉質鬆軟。兩款我也覺得不錯，但麵的份量比較少，男生可能不夠吃。

因工作關係去到沙田新城市廣場，不如嚟呢度的鼎泰豐醫肚。它位於一期地下的角落頭，在戲院附近，不算容易找。因為已經過了一點半，開始多位，我同同事被安排在窗邊位置，可以看到街景。👍🏻鼎泰豐其中一特色是乾淨企理，這𥚃也是。餐牌方面，選擇不算很多，不過亦比以前豐富。我們點了原味水晶肉（$64）丶小龍包（$66）丶菜肉蒸餃（$60）及清燉雞湯麵（$90）。這個水晶肉亦即餚肉，晶瑩通透，樣子已勝一籌。食落亦美味，香濃的豬肉絲帶有少少咸香，被滑溜的水晶（即果凍）緊緊的包裹著，2種味道和口感，yummy! 😋😋😋小籠包是到鼎泰豐必叫之選。包的外皮做得很薄，睇落都有19摺。內裏餡料足，加埋湯汁，味道亦不錯。但整體感覺，無以前咁鮮甜好味。🤔菜肉餃子有很多餡，見每隻都漲卜卜。其菜肉比例啱啱好，食落有蔬菜的清新，及豬肉的鮮甜，健康美味。👍🏻👍🏻👍🏻清燉雞湯上枱時不夠熱，湯亦沒有之前燉雞湯般鮮甜，幸而麵質保持水準，十分之軟滑。整體而言，覺得食物水準比以前下降了，若加埋價錢作考慮，其CP值一點也不高。

呢個時勢日日都要食外賣，見到鼎泰豐外賣自取有節就試一試啦！其實平日都有食開堂食，每次品質都好穩定。明白外賣會影響食物質素，如果有折都可以彌補番既。今次一共叫左三款食物，睇下質素如何先！取外賣到家歷時: 30分鐘1. 台式紅燒牛肉湯麵而家嗌外賣多數都會分湯，經過30分鐘個牛肉湯仲熱，即刻飲一啖先，同堂食個味一模一樣好令人懷念，裏面有一舊牛筋同埋四至五舊牛腩，牛筋好入味好香，牛腩好淋有肥有瘦，好食個面分開放但係都擺得好靚，呢個麵質係避免唔到痴埋一舊既命運，揚開晒再加埋浸左湯一陣，都係有d痴埋，無辦法整體而言都有堂食八成既感覺。2. 香蔥拌麵一打開個盒就聞到好香嘅蔥油味，個麵都係放得好靚好整齊，拌有青蔥同埋香蔥油。呢個麵會比牛肉麵痴得無咁埋，可能因為有油嘅關係。食落去好香，啲蔥都好夠份量，每一條麵都可以沾到蔥油整體來講有堂食九成嘅感覺。3. 紹興酒醉雞欣賞佢個酒分開放，咁啲雞就唔會浸酒浸得太耐影響個味道。冷盤同堂食一定做到一模一樣，個擺盤都好靚，值得一讚。今次外賣好滿意會再幫襯！

台灣享負盛名的過江龍「鼎泰豐」總是其門如市，為了應乎此起彼落的人潮，餐廳實施限時管制。於不同的時段會因應繁忙程度而調較用餐時間，由四十分鐘到句半鐘不等。有次大伙兒到沙田吃生日飯，一行六人居然都規定於一小時內完成，壽星女不高興，結果咱們退而求其次地揀了一家限時長一點的鐵板燒。這趟小的晨早飲畢早茶，拜過神以後未夠十一時便抵達沙田新城市廣場。只是由於時間尚早，大部份商舖食肆均未啟業。小的與老伴百無聊賴地隨意行逛，自己因早茶吃了太多仍是非常飽，老伴卻開始肚子打鼓起來。咱們上山下海於不同的餐廳溜澾，最終又回到底層食肆林立的地段。一家牛肉麵排著長龍，老伴說那該是何家千金所開的台灣麵店。然而見鼎泰豐居然毋須等位，老伴二話不說投入之。十一時多，碩大的廳堂雖不至高朋滿座，卻仍坐上不少食客。以為這個時段沒有規限？少年，你太年輕了！樓面咨客先看一看鐘，然後於咱家的餐紙上寫上須離座時間，再跟咱們說是次用餐限時一小時十五分。相比之下咱們兩小口子吃午飯，這個時段算是慷慨了！小的與老伴施施然地入座，侍應們有禮地奉上香茗。老伴率先選了個排骨湯麵。為甚麼不挑咱倆至愛的擔擔麵？原來餐單裡只有擔擔撈麵，沒有熱湯。記得老伴很

由於政府抗疫關係 三樣野都係外賣-小籠包汁 皮 味道都唔錯 有水準既-原味水晶肉一定要 快少少食哂 唔係啲水晶（透明物體）會溶哂偏咸 唔送酒 送飯的話-醉雞睇呢到啲圖本身 有啲期望唔知我唔好彩定點好大陣雪味 啲雞肉又 梅哂讚既係啲 酒夠哂入味整體來講，不過不失但對唔對得起呢知價錢真的見人見志老字號最緊要保持到水準

以前覺得鼎泰豐好好食，但今日再食大不如前😥今日三人行，叫咗9樣嘢：花雕雞-花雕味同以前無分別，但碟雞唔滑，有種霉咗嘅感覺。蒜蓉通菜-成餐飯最正常的一道菜，菜炒得適中，味道合格。清雞湯-真真正正清湯，都可以嘅。鮮蝦煎餃-好明顯係煎定的，原本脆的變成硬實實。鮮蝦蛋炒飯-個飯淡到無法形容，師傅忘記落鹽嗎？紅燒牛肉湯-1舊牛筋淋得過份，胡口嘅，3舊牛𦟌夠厚嘅，不過又係淋到完全無晒口感。小籠包-一啲都唔熱，唔知係咪太旺，無人出餐放咗好耐，失望😞酒糟鴨舌-因為我唔食鴨舌嘅，所以我唔知，但囡囡話不過不失。涼拌黑木耳-ok嘅，木耳夠爽，天氣咁熱都幾開胃。總括嚟講：大不如前！七百幾蚊我有好多好選擇。

一口1個的小籠包，不僅是中港台受歡迎的美食，連米芝蓮指南和外國報章的美食推介也常有它的蹤影。來自台灣的鼎泰豐，是《紐約時報》寵兒，又有米芝蓮加持，現時在世界各地的分店不少，香港店也經常大排長龍， 因為台式小籠包一向比上海的皮薄。評價:肉餡有咬口，湯汁充沛用白醋令味道十分嗆口，不及台灣

第一次試鼎泰豐，一間非常傳統的江南美食小館招牌小籠包確實係出色，見到啲師傅一個一個咁包，自己再試埋個味道，視覺及味覺的享受都一流什錦豆乾絲清涼爽口，微酸...一道令人感動嘅開胃前菜紹興酒醉雞🐔酒量很適中，淡淡的酒香浸透每一塊嫩滑的雞肉，圍繞著您整個口腔，令人不禁一塊接一塊蝦肉餛飩湯🍲湯底清甜，餛飩皮夠薄，手工一流台式擔擔撈麵🍜優質嘅麵底好彈牙，配搭上濃郁嘅花生醬料，一試難忘不過呢間餐廳價錢嚟講係貴架啦，名氣大嘛不過整體來講服務、環境、衛生同食物質素都係合格嘅

記得對上果次食鼎泰豐已經係 N 年前既事，記得當時質素普普通通，所以之後就無嘜點幫襯，今日朋友提議去食，見咁耐都無幫襯，所以就再試試，入座無耐待應就好快手擺放餐具同斟茶，餐牌好似同當年無咩點變過，叫咗原味水晶肉、蘿蔔絲拌海蜇皮、小籠包、蝦肉紅油炒手、紹興酒醉雞、台式酸辣湯、排骨蛋炒飯。原味水晶肉 ($64) : 一碟十二件排得好整齊咁上枱，肉味清清地之剩肥而不膩。蘿蔔絲拌海蜇皮 ($62) : 呢個比我預期中好食，蘿蔔絲同海蜇皮肥嘟嘟好飽滿，而且爽口彈牙。小籠包 ($64/6粒) : 小籠包晶凝通透，夾起又唔易爛，餡料足，而且價錢又合理。蝦肉紅油炒手 ($68/6粒) : 第一次食用蝦肉做既紅油炒手，醬汁味道甜甜地幾特別。紹興酒醉雞 ($78) : 酒香味幾濃郁，雞肉幾嫩滑，雞皮亦幾爽口。台式酸辣湯 ($55) : 味道麻麻地，可能因為唔夠酸同唔夠辣既關係。排骨蛋炒飯 ($90) : 呢個炒飯炒得超出色，啲飯炒到粒粒分明之剩重好香口 🤤 不過排骨就遜色咗啲，雖然好大塊，但口感有點梅，同無咩肉香味。👍🏻 👍🏻 👍🏻 👍🏻 👍🏻 👍🏻 👍🏻 👍🏻 👍🏻 👍🏻 👍🏻 👍🏻 👍🏻 👍🏻 👍🏻

今日同女朋友係沙田行街行行下肚餓又見到依間鼎泰豐無乜人排隊好耐之前係台灣食過唔錯就入左去試下啦食得上海野一定要叫既一定係小籠包啦不過小籠包皮比我食過既厚肉餡都唔係話特別juicy 有點點失望之後仲叫左一個紅油抄手因為女朋友唔係好食辣所以差唔多我食哂依個夠香而且餡料十足算係唔錯仲有個四喜烤麩係女朋友叫食落鹹鹹香香都唔錯係我平時少食既一道最後叫左個排骨麵充下肚豬扒有d乾 湯麵既湯底亦一般總括來說係平平無奇既一餐

好久沒有吃了。😀當然叫我最愛的酒釀鴨舌，蒜香粉皮，凍肉。開下我的胃口，整😀菜肉雲吞皮靚餡正😂糯米燒賣加一點醋吃果然香味濃郁，野味可口海蜇頭白蘿蔔，清爽香口，吃落爽歪歪蝦春卷熱辣辣脆卜卜正煎餃子脆卜卜，野味仲有當然叫了一籠小籠包忘記影相，吃下正

今日同老公去食小籠包，我自己就第一次喺香港既鼎泰豐食野，即管睇下佢拍唔拍得住台灣總店既水平先。下午茶時間，店內客人唔多，座位舒服，我地兩人唔算太餓，所以就冇嗌粉麵飯。先上菜既係酸辣湯，記得攪勻左先食，味道比肉眼望落淡少少，木耳絲偏淋，爭左d口感，因為個湯淡味，所以反而令豆腐味幾突出，好唔好就見人見智啦。之後係熱辣辣既小籠包，薑絲係由店員送上，而醋就本身放左喺枱面，小籠包個皮好薄，但唔會一夾就散，識食一定係成粒放入口，湯汁味濃，亦食得出肉餡新鮮，唔錯。呢個紅油抄手都幾失望，一上枱就心諗: 份量咁少既，其實佢都有6粒，但感覺唔太抵食，味道非常非常一般，同小籠包差距幾個level，唔推薦。總結，除左小籠包比較好食，其餘兩樣我都覺得屬中下 (考慮埋價錢)，綜合黎講俾個OK佢啦。

都有一段時間冇食鼎泰豐，今日反正唔駛等，就同屋企人入去食lunch.蒜香粉皮肉蒜頭夠多夠晒香，豬腩肉唔會過肥，好林，粉皮好夠滑。什錦豆乾絲豆腐乾木耳粉絲等，加上好香嘅麻油同陳醋等調味，極佳配搭，必食之選👍🏼四喜烤麩上海菜好常見嘅前菜，雖然唔係咩特別菜式，但味道的確唔錯香酥蝦餅就如其名，香香軟軟，唔係假嘅蝦餅，真係有蝦味㗎🤣小籠包唔需要多講，鼎泰豐小籠包最出名皮薄餡靚多湯汁，好味，無論幾時食佢地都能夠保持水準👍🏼😋油炸排骨湯麵&排骨蛋炒飯其實鼎泰豐嘅排骨又係好出色，雖說油炸，但完全唔似其他上海菜餐廳落好多粉去炸個種排骨。食落唔似係炸，唔會有油膩，粉多過肉嘅感覺。湯麵麵質適中，唔會過林，湯亦好清，冇「味精湯」感覺；而炒飯味道亦唔錯。最後加埋個甜品，豆沙小籠包👍🏼鐘意食豆沙嘅你係冇可能唔食！皮夠薄，豆沙餡勁多，超級好味😋可能有時大家都會講鼎泰豐有咩咁特別呀，係有名氣姐，但我真心覺得每次去食佢都保持到水準亦唔會令人失望，所以有名氣係有原因嘅😊