鼎家喜筷 (已結業)

今日放假去咗荃灣行DONKI 行到累。🐽🐽話想食雞煲😆行吓睇吓見到鼎家喜筷有任食幸福雞煲無限添加秘製雞件😍同送新鮮蔬菜一份👍咁就要入去搵吓鼎爺👴🏻先啦！睇吓個menu 每人加$28 就可任飲菊花薏米同檸檬洛神茶。咁抵飲無理由唔叫啦🤣等咗陣店員送上雞煲，話要煲佢兩分鐘先。比埋計時器真係好精準😆兩分鐘話咁快就過啦！嘩店員一開蓋即刻聞到香噴噴嘅雞煲味😍嘩大大件雞肉啲雞好惹味又滑又大舊我哋叫咗BB辣，我覺得好好味😋。我哋仲再追加咗雞件Tim 啲雞一樣都係大大舊咁滑咁好味👍食完啲雞灼吓啲菜食先。雜錦丸拼盤每款兩粒魚兔、牛丸、貢丸、墨丸蓮藕片炸魚皮

行過荃灣西商場見到任食雞煲，可以無限添加雞件，飢腸轆轆嘅我哋決定入嚟大快朵頤😝侍應首先上Gas爐，再上雞煲，等待3分鐘就食得啦，雞肉大件啖啖肉，醬料味道濃郁雞件都夠晒入味～仲送咗蔬菜籃，有金菇，冬菇，娃娃菜，粟米，讚一讚粟米，超級甜！另外都叫咗啲火鍋配料：珊瑚蚌$68貴妃蚌$98烏冬$28珊瑚蚌同貴妃蚌都新鮮肉質彈牙，烏冬份量充足😊最後我哋都係冇添加雞件因為份量充足夠哂飽肚😊喜歡雞煲嘅話可以試吓👍🏻

頂爺開嘅餐廳 知道佢一向出名食燒味 估唔到而家出埋雞煲 梗係要來試吓佢 叫左個雞煲 BB辣 個人鍾意唔係太辛辣 驚蓋過咗本身食材嘅味道 呢個辣度啱啱好 入邊足足有一隻雞咁多 件件都啖啖肉 基本上食完個雞煲都飽咗一大半 之後叫咗兩個餸 雜丸 分別有牛丸 貢丸 墨魚丸同埋魚蛋 粒粒都爽口彈口 叫左一斤蝦 新鮮到會跳出來 自然咩都唔洗點已經好好食 仲有炸魚皮 及晒成個湯底嘅精華 超好食 飲品叫左芒果沙冰 同鐵觀音芝士奶蓋 好滿足 環境乾淨企理 食雞煲又多一個選擇

上咗海之戀朋友屋企作客之後！作為大胃王嘅佢聽到Be話好肚餓😂即刻話要著鞋落樓下帶Be食個飽飽晚餐😂Let's go！！. ✨幸福雞煲 (無限添) $168@成人點咗bb辣！可以90分鐘內無限制輪迴追加雞件🤩🤩啱哂唔知飽越戰越勇嘅朋友！Be好鬼鍾意個惹味秘製汁料！而且件件雞件都好入味又肉質紮實！食到夠之後可加湯打埋邊爐😀. ✨雜丸 (各兩粒) $48有牛丸,魚丸, 貢丸, 墨魚丸😌質素較普通！無特別驚喜！. ✨珊瑚蚌 $68份量比想像中大份！焯熟後捲成一圈就食得！爽口無比👏🏻👏🏻. ✨蓮藕片 $38爽脆薄片食落嗦嗦聲😚😚清脆成咁就知冇過老！熟成度剛剛好！！. ✨蔬菜拼盤 $88有冬菇, 粟米, 豆卜, 金菇, 娃娃菜…吸收多種蔬菜纖維一take過！. ✨花茶 (任飲$28@位) 我哋揀咗檸檬洛神❤️(另外仲有菊花薏米可供選擇)如果淨飲會覺得有啲過酸😝但如果一路食住辣辣惹味雞煲…一路飲…成件事就平衡哂！油膩辣感等等都被清除乾淨！又可以繼續食😝

🌤天氣點變都好，對雞煲總是百吃不厭！知道「鼎家喜筷」最新推出左幸福雞煲，90分鐘無限添加秘製雞件，仲送蔬菜籃一份，當然要先睹為快啦！🐔幸福雞煲👼🏻BB辣（$168/位）雞煲即叫即炒，新鮮爆炒令色香味同一時間溢出，再上自家研發的雞煲醬，惹味好香濃。雞件份量好多，嫩滑又入味，啖啖肉越食越過癮呀！🥗食完雞煲可以加湯再打邊爐，送嘅蔬菜拼盤都好豐富，有我鐘意食嘅粟米、娃娃菜、金菇同冬菇，全部都好新鮮！🌮燒味夾饃爽拼（$60）揀左叉燒同燒鵝，兩款都好好味！包質鬆軟加上香甜醬汁、青瓜，口感一絕呀！🫐藍莓沙冰（$42）田園水果茶（$58）🥝賣相打卡都好靚，味道唔太甜，清爽解喝，個人比較鍾意水果茶，裡面嘅生果鮮甜多汁！👍🏻整體食物質素都唔錯，店員服務有禮，環境坐位闊落舒適，窗口位置仲有靚靚海景，下次都想再試多d其他菜式！

朋友係雞痴，帶我嚟試呢間雞煲放題。$168一位，一煲任食雞煲，同埋一份蔬菜。嗌咗bb辣，雞件超惹味，醬汁濃厚，雞件夠哂滑。唔食得酒嘅我，問職員可唔可以唔落酒炒雞，二話不說就幫我同廚師講，好友善！我哋加咗少少配菜打邊爐，仲加咗兩渣特飲任飲，菊花薏米+檸檬洛神，啱曬食咁濃味嘅雞煲。任食當然最正係追加雞煲，我2個大食怪追加咗一次雞，就夠哂滿足，差不多每人食咗一隻雞！最鍾意啲惹味乾蔥襯埋啲雞髀肉，正！雜錦丸拼盤食哂d雞緊係要加湯打邊爐，$48就有一份雜錦丸。呢個真係一定要試！因為四款丸都好好食，我特別鍾意食魚蛋同墨魚丸，勁爽口彈牙！另外嗌咗響鈴鮮腐竹，都好襯雞煲嘅湯底！送的蔬菜仲有冬菇粟米，唔使怕成晚剩係食肉。埋單每人唔使300蚊，餐廳環境舒適，平日晚上唔算多人，唔想成日只係打邊爐嘅可以嚟試下任食雞煲！

遊完海之戀 dondondondonki ，係附近搵野食，海之戀好多都係連鎖餐廳，山長遠黎到無理由食連鎖餐廳架嘛，俾我發現左呢間鼎爺開既餐廳-鼎家喜筷，之前都未見過，應該係鼎爺新line，海之戀先有，有個任食雞煲，$168一位，配料另外加配，除左雞煲仲有燒味同其他小菜點心仲有特別茶品，價錢合理，真心吸引。餐廳格局乾淨清新，有卡通既鼎爺嘜頭做，仲有得意著燈字decorate，播既歌係我年代8090後既歌，坐窗邊仲有海景睇，舒服。坐低無耐就上雞煲，揀咗小辣，等兩分鐘就食得。啲雞件斬得幾大舊，一入口先試到個汁，香濃得嚟少少辣同少少甜味，個汁掛到上雞件，咬落啲肉好嫩滑，唔似平時啲雞煲煲到好鞋好硬，忍唔住食完一件又一件。而且仲有得無限添加，唔洗爭食，正。不過食完一輪雞煲都係唔添雞喇，想加湯打邊爐。個雞煲有個跟餐嘅蔬菜籃，有娃娃菜金菇冬菇，全部係索汁嘅嘢，仲有幾舊粟米，好清甜。仲叫咗碟珊瑚蚌，$68都有幾多，烚耐咗都唔韌，好爽口。之後都飽咗八成，但都食咗蟹柳同芋絲，又係索汁嘅食物，好食。特別推介蟹柳，好大條好好口感。口渴可以揀一jar檸檬薏米水，$28位任飲，食到覺得辣要狂飲嘢都唔怕，而且唔過甜，

🐔荃灣西終於都有食雞煲好地方，海之戀嘅鼎家喜筷推出左90分鐘無限添加秘製雞件嘅雞煲放題，套餐包左蔬菜籃一份，入面有粟米、金菇、娃娃菜，蔬菜吸左麻辣味真係不得了🌶雞煲有得揀Bb辣到大辣，香濃惹味嘅醬汁包滿左每一件雞件。雞件好多肉，食完仲可以再添。食完雞煲仲可以加湯打邊爐。我地加左兩個餸:🐑紐西蘭羊肉片 $98羊肉肥瘦平均，淡淡羊羶味，加埋麻辣雞煲味，係唔錯嘅配搭🌊珊瑚蚌 $68呢個真係超抵食，珊瑚蚌份量好多，而且好新鮮，淥完都仲好爽口🌼+$28 任飲菊花薏米同檸檬洛神，兩樣都夠晒清熱又健康，菊花薏米個菊花香味好清香，啱晒夏天同食辣野飲！餐廳仲有好多其他中菜菜式，要下次先再食到！

“鼎家喜筷”聽個名就知道係鼎爺開啦！之前去海之戀商場玩playhouse 都黎過食下午茶同雪糕，早幾日行完Donki，梗係要黎食埋雞煲 🐓 小店不大，但裝修甚有特色，周圍都係鼎爺嘅logo樣, 連天花板都有logo嘅霓虹燈。再配合柔和簡單的木系風格，整體感覺新穎又舒服、光猛，有啲家的感覺。小店最出名就係火炙黑豚腩叉燒、招牌柑橘燒鵝，近期仲有90分鐘任食的”幸福雞煲”(唔知食完係咪會幸福啲呢？😜) 。因為太肚餓關係，我地決定食放題雞煲！🐔秘製麻辣雞煲，我地揀咗BB辣。一上枱已經勁香，未食已經聞到好香濃嘅醬料味。稍為焗多數分鐘，再撈一撈就食得。一打開見到好足料，仲有大量洋蔥、芫茜、辣椒。大大件雞件好厚肉，份量都多，但都煮到色澤均匀。雞肉超嫩滑，好入味。醬汁好濃，少少麻辣帶有微微的甜味，煮耐咗麻辣味會出啲，好惹味，會食唔停口。（太好味關係，我地真係追加咗一轉雞件😋）食完雞煲再加點咗食材打邊爐，有蔬菜藍、雜錦丸併盤、響鈴。食材好新鮮，雜錦丸有驚喜，十分新鮮彈牙。另外，食雞煲仲有2款飲品俾你任飲，分別係菊花薏米水同檸檬洛神花茶。前者偏淡微甜，後者就酸酸甜甜好開胃。呢度仲有好多不同小炒、鍋飯、特色

黎到海之戀.......................介紹有無限加雞既惹味雞煲90分鐘無限添加雞件............送新鮮蔬菜一份......幸福雞煲 雞件用秘製醬汁爆香.............又香又惹味................啖啖肉又嫩又惹味.....味道會有少少甜味......醬汁調味岩岩好!!為確保加熱嘅時間準確.....................會用timer 計時....................上枱後加熱一陣再由店員幫手炒兩炒焗多一分鐘就食得..............吃完雞煲後可以加入湯改成打邊爐...............仲有多款唔同火鍋配料可以追加添!!滿足

在荃灣西海之戀附近探訪親戚後，行商場找好嘢食！經過三樓被鼎家喜筷所吸引，坐下看見桌上的紙巾寫著英文版鼎李(頂你)，覺得非常攪笑，好有心思。叫了一份二件裝夾包，內藏一大件叉燒，另外一件藏有一塊燒鵝肉，包質鬆軟配合燒味的濃郁非常好味，可惜沒有加添醬汁在內便稍覺得乾澀。另外叫了一份炸蓮藕，因為覺得新奇未試過這樣食法，咬下還算鬆脆，可惜蓮藕表面塗了粉漿，遮蓋了蓮藕原來味道，現在只有表面的孜然味，雖然味道不錯，但我還是喜歡原味，同時粉漿亦吸收了太多油份。這兩款小食都有點新意，但實物和圖片有少許落差。

下午茶餐柑橘鵝背湯瀨，$68，價錢看似有點高，食品看似很普通，試過後你便會改觀，廚師花盡心機，把簡單食品變得驚喜，一杯熱鴛鴦在味蕾上是強烈茶香和即磨的咖啡香，两者香味沒有混和一起，是一杯有個性的熱鴛鴦；小食醃青瓜酸甜適中；由于是鵝背位置，鵝皮薄如蟬翼，皮脆骨香，附上的柑橘醬經過調製，輕甜顯出柑橘的果皮香，雖餐牌標明是鵝背部位，但師傅亦會夾上幾片鵝肉給食客品嚐，瀨粉不是坊間粉條，較有彈性，湯底是香濃的瑶柱雞湯，味道順口像家的味道。感覺到師傅花盡心機在每一項食材上，看似平凡的茶餐，卻帶出驚喜。

見到介紹有無限加雞既惹味雞煲，完全為左加雞而黎😂😂😂 好彩一d 都冇失望，加雞都係啖啖肉既雞件，好味!!❤️幸福雞煲 雞件用秘製醬汁爆香，又香又惹味，啖啖肉又嫩又惹味～最正係雞件都可以無限添加!! 每次會跟人數加雞件份量，不過都係加左好大碗勁多件😂🧡滑豆腐 質地有少少似魚旦咁，又軟又微微彈，食完一件又一件💛炸魚皮 塊塊都大大塊，脆卜卜～輕輕一燙之後有埋雞煲醬香，即刻升level💚雜錦丸拼盤 樣樣都有d~ 魚旦墨丸都好彈牙!!💙蔬菜籃 免費送既新鮮蔬菜籃～💜菊花薏米 可以追加任飲菊花薏米/檸檬洛神，壺底有大量好菊花薏米，好足料咁去煲，味道清香得黎又唔太甜，好清熱既感覺!!

今日行街行到荃灣西，係海之戀商場發現這間以鼎爺之名開設的餐廳，門前海報說「幸福雞煲」可90分鐘無限添加秘製雞件，送新鮮蔬菜一份，很吸引。餐廳明亮簡潔，有卡位、大枱，連戶外座位都有。我們點了BB辣雞煲（$168/位）加一份唐生菜（$38）加任飲花茶（$28/位）。雞煲上枱，店員細心地開蓋叫我們打卡，只見有大量芫荽、洋蔥等配料，相機食完後他便加蓋，然後用早已準備好的計時器計時焗3鐘，之後他翻炒一輪，再加蓋焗1分鐘就可以開動了。雞件好厚肉又嫩滑，足有一隻雞份量，醬汁香辣帶少許甜味，真係好惹味。平時食開的雞煲不是好鞋就是無肉，這個幸福雞煲令我對雞煲改觀。店員問我們要否追加雞件。我問可否加半份因為怕吃不完，店員說會加二人份，不用擔心。於是我們追加了，真是食雞飽。雞食完便加上湯打邊爐。上湯本身好夠味，加了上湯後會愈滾愈辣，所以我們要多些上湯來中和辣度。附送的蔬菜籃有娃娃菜、金菇、冬菇和粟米，連同加購的唐生菜，都夠份量夠食。任飲花茶是洛神花茶和菊花薏米，兩樣都好大樽。洛神花酸咪咪，菊花薏米則較清淡。其實除了蔬菜，它還有其他火鍋配料，肉類、海鮮、丸類等都有，如果好像我們只加菜和飲品的話，兩個人連加一不

本身想去donki行下買下野點知4點幾都咁鬼多人 完全行唔到都係食啲野先 晏啲再戰上網睇下海之戀有咩好食 發現鼎爺呢間餐廳都幾多人讚就一於去試試啦我地揀左食雞煲 168任食90分鐘仲要送埋蔬菜籃 都幾抵食呀上枱後加熱一陣再由店員幫手炒兩炒焗多一分鐘就食得 真係好香呀兩個人都已經俾左一隻雞份量 雞件大大件 食落有陣酒香 好惹味食完成隻雞唔再添就可以加湯打邊爐見啲火鍋料都唔貴 就點左幾樣最正係珊瑚蚌真心抵食 碌十秒就食得好爽口呀加28蚊仲可以任飲菊花薏米同檸檬洛神我鍾意菊花薏米 菊花味清香又唔太甜 配雞煲就啱晒