鼎家喜筷 (已結業)

餐廳佈置特色， 座位舒適， 如果在露台用餐， 仲可以欣賞到藍巴勒 動人海景及漂亮的青馬大橋， 真令人食指大動。幸福雞煲 成人$168 /一位 (堂食90分鐘無限添秘製雞件+ 送新鮮蔬菜一份)雞煲可以憑個人喜好，選擇bb辣、中辣、大辣， 份量相當大， 雞肉 上面鋪滿我喜歡的芫茜， 滾起後的雞煲， 一片泛紅， 香氣十足， 雞件軟嫩滑溜， 每口品嚐到雞肉的香、麻、辛、辣，認真刺激和過癮 ! 記得仲可以無限添食 。吃完雞煲， 再加上湯， 繼續滋味火鍋， 用來做火鍋湯底，令火鍋食材更添惹味。雜錦丸拼盤 $48雜錦丸拼盤有牛丸、魚蛋、香菇貢丸、墨魚丸各兩粒， 每款肉丸鮮味爽彈， 特別喜歡香菇貢丸， 咀嚼時還吃啖啖的香菇粒，口感不錯。桂花蚌 $98桂花蚌是海參的腸臟，營養高 ，灼熟後的桂花蚌， 十分鮮甜，爽脆彈牙， 口感一流。新鮮蔬菜爽脆的蔬菜盡情地吸塑湯底的麻辣，令清淡食材， 增添吸引， 簡單而惹味。 任飲菊花薏米 $28 一位自家製的菊花薏米水， 十分足料， 甜度適中， 冰爽解辣 ，火鍋 一定唔少得的最佳拍檔。

呢度環境好,海之戀3樓,食完樓仲可以去DONKI行街散步,海之戀就係MTR樓上好方便,就腳,呢度食雞煲放題今期有優惠可以係OPENRICE預訂餐飲券優惠 $504蚊就買到4人同行堂食雞煲 慳返百幾蚊由幸福滋味同餐廳合作推出既麻辣雞煲,店家即叫即炒,足一隻雞份量一隻雞已經夠食到5分飽,再加埋各種火鍋料同埋送既一份蔬菜,已經好夠食雞件肉厚鮮嫩,皮爽肉滑,個麻辣汁香濃麻鮮,辣中帶麻,唔係單純死辣唔會搶曬D雞肉鮮味,我地平均一個人食了一隻雞,店員幫我地追加雞件好快就到個汁係主角,雞都係主角,2者都超好食出色,追加埋野飲任飲斬係28蚊位優惠至6月底,襯而家仲唔預訂?好快滿架喇!供應有限荃灣大河道100號 #海之戀 商場3樓3012號舖 #鼎家喜筷營業時間：週一至週日11:00 - 21:30電話: 2488 8399

海之戀商場有很多餐廳，到現在還沒全試過，來到三樓逛完超市後，看到旁邊鼎爺開的鼎家喜筷推出任食雞煲，便決定試試✏️位置: 9/10✏️環境: 8/10✏️衛生: 8/10✏️服務: 8/10✏️食物: 8/10餐廳位於海之戀商場3樓，由於商場連接港鐵荃灣西站，位置很方便。面積算大，環境亦舒適。餐廳主打中菜，有中式飯類及燒味等，而這一次我們是食任食雞煲🌟幸福雞煲 - $168/位雞煲是90分鐘無限添加，用上秘製醬汁處理，分有多種辣度，我們選了小辣，不會太辣，反而帶有點蜜糖的甜味。雞件相當多而且煮得很嫩滑，肉質鮮而入味，很快便吃光。因需要即時炒，侍應在我們還吃至一半已主動問是否需要加雞，服務不錯🌟新鮮蔬菜隨雞煲附送一籃，有娃娃菜、粟米、秀珍菇及金菇，蔬菜都夠新鮮，食夠雞煲後都可以有些蔬菜中和一下🌟牛丸 - $48牛味香，多汁爽口，份量不少有8粒，整體味道不錯🌟墨魚丸 - $48同樣爽口，夠鮮味亦彈牙，一樣有8粒，喜歡食墨魚丸可以一試🌟任飲清熱飲品 - $28/位加每位$28可以無限任飲自家製清熱特飲-菊花薏米及檸檬洛神，大大樽，味道不甜，開胃亦健康🍽鼎家喜筷 📬地址：荃灣大河道100號海之戀商場3樓3

工作有壓力，所以約左朋友食餐好既！第一次試呢間，估唔到幾好食！🥢雞煲（BB辣）：對於食唔到辣既我黎講，呢個辣好恰當。最欣賞係雞件好嫩滑，好似食慢煮雞腿🍗咁，所以就算後期加埋配料煮，雞件都冇overcook!🥢雜菜🌽🥬藍：雞煲套餐本身配既，有金菇、粟米、娃娃菜等。🥢珊瑚蚌、炸魚皮：兩樣都唔洗煮太耐，係新鮮冇油溢味既！🥢滑豆腐、雜丸：雜丸唔係佳X雪藏丸，墨魚丸同潮洲魚魚尤其彈牙👍🏻。🌼菊花薏米水：冰涼解渴，有陣淡淡菊花味。味道：🔅🔅🔅🔅新鮮：🔅🔅🔅🔅分量：🔅🔅🔅🔅衛生：🔅🔅🔅🔅速度：🔅🔅🔅（5🔅為滿分）

嚟到荃灣海之戀商場，梗係要試下鼎爺私房菜旗下嘅鼎家喜筷，除左出名嘅燒味外，仲有出名嘅幸福雞煲🐥 幸福雞煲雞煲收費係每人$168，還有一個蔬菜籃。雞煲可以自選辣度，而且係90分鐘內可「無限添加」，秘製雞件個醬汁好惹味，越食越唔停，我哋都加左一次雞。雞肉嫩滑，連醬汁芫茜一齊食真係好吸引😋 食完雞煲仲可免費加湯底打邊爐👍，另外加每人$28 可以無限飲菊花薏米/檸檬洛神🥃 雜錦丸拼盤響鈴唐生菜 ～全部都好新鮮，丸子又彈牙

說柑橘燒鵝飯是招牌菜，咁就叫黎試吓啦。的確係唔錯嘅。燒鵝係用鵝髀，好肉，唔油，夠香。點柑橘醬令燒鵝有fresh 嘅感覺，再減一下油膩感。d飯煮得好好。軟硬程度適中，d米靚，最緊要係非常非常之熱。見到醬油已經淋在飯裏面，平均分佈，正！😍但係呢，其實都煮得出色就唔需要夾硬fusion。建議個飯上面d菜唔好用青瓜，唔夾架，用返菜心會正好多！仲有，餐飲熱檸茶呀茶餐廳果d，又或者特飲，又係完全唔夾架。想味道提升，食燒鵝髀梗係沖壺普洱黎啦。加埋一後82蚊，唔係平，不過而家食飯周圍都唔係平🙈🙈

點解我咁講呢？因為佢限時，但係任食，講嘅係任加雞肉。秘製雞煲可以揀辣度，醬汁裏面花椒越食越麻嘅感覺最爽，雞件肉多，會有雞髀肉，又有雞翼，比起一般出邊食嘅雞煲，我覺得佢雞肉比較滑。其實加多一轉已經非常足夠，仲可以食完雞煲加上湯做火鍋湯底，估唔到係另一種風味，唔會淨係一種雞煲味嘅湯底。偏鮮甜，令到新鮮蔬菜粟米金菇等等，放咗落去之後加埋本身嘅鮮甜味更加好味！樣樣火鍋料都係幾十蚊咋，叫咗個珊瑚蚌非常新鮮，烚兩烚好啦，爽脆鮮味！仲有鮮腐竹好香豆味同火鍋必食嘅出前一丁。食雞煲火鍋凍飲唔少得，兩款飲品任飲，都係每位加$28 ，性價比都幾高。

早幾日喺荃灣行Donki，行完之後搵吓嘢食，見到開咗間鼎爺嘅餐廳，本身諗住叫下啲小菜食，點知見到有雞煲，咁當然試吓啦😋仲可以90分鐘裏面冇限添加雞件，仲有大量嘅芫荽係個雞煲裏面，而且有得揀辣度，今次小編同朋友叫左個大辣雞煲挑戰🤪，初初食個時唔係覺得好辣，不過食食吓都好辣🤭，而且雞件都好嫩滑，而且都好惹味，食完雞煲之後，仲可以免費加湯打邊爐，另外仲叫咗羊肉片，午餐肉，炸魚皮+蔬菜拼盤羊肉片份量都好多，有少少羶味，正！😎炸魚皮食火鍋必叫，食咗咁多肉，最後食返個蔬菜拼盤，拼盤蔬菜種類都好多，兩個人食剛剛好最後仲每人加咗個任飲菊花薏米，清熱解辣🤣，一D都唔甜，小編唔覺唔覺都飲咗好多杯😊

唔記得由咩時候開始，鼎爺就出現係我哋香港人生活中。呢日荃灣海之戀見到鼎爺嘜頭，順理成章就入去幫襯了。佢叫做"鼎家喜筷"，主打港式燒臘，點心同埋雞煲，呢日天氣小小涼，店員推介佢哋嘅“幸福雞煲”，見價錢合理又可以有免費湯底提供，食完雞可以打邊爐。於是就選擇咗呢個。雞煲內雞件好味同埋嫩滑，質素和味道都頂呱呱，如果你係大胃王，都絕對啱你，因為90分鐘可以無限添加雞件。每人168嘅價錢仲送埋新鮮蔬菜一份，有娃娃菜，金針菇，秀珍菇和4大舊栗米，諗唔到咁大份，我哋仲點咗小小嘢，例如珊瑚蚌，雜丸，豆卜，以致於最後飽到食完之後唯有海傍行埋一萬步先至返屋企。

真正打咭燒鵝脾😏piggy真係敗家女嚟🤪朋友原先話叫個火焰黑豚腩叉燒同半隻燒鵝，自己再放隻鵝脾上去燒🤣piggy就覺得半隻燒鵝食唔曬又想試其他嘢(根本就係想打卡😝)原本仲想叫點心，但嗰日已經賣曬，所以就叫左2個燒物、豬油撈飯同皮蛋。當然為咗打卡唔會失望，有油光有火焰有煙😅 個柑橘醬係好食嘅，似係手工唔甜嘅果醬，其他好似燒鵝piggy鍾意西環波記，叉燒就佐敦青記，豬油飯鍾意同區嘅江記多啲囉👻👻不過人人口味唔同，piggy就有朋友覺得呢間好好食仲去咗兩次添🙈

今日同fd行完donki經過，見有鼎爺個嘜頭就好想入去試下，店舖主打無添加燒味，好似幾吸引！！！店舖風格勁有個人特色，牆壁上面都有晒鼎爺呢個生招牌同埋靚靚霓虹燈～～～如果有朋友問呢間食咩架？可以show呢張相佢睇「鵝全部都係鵝」🤣🤣🤣當然除左鵝之外仲有其他野食既🥳🥢火焰原隻燒鵝髀 $198見佢張圖咁靚又俾👍🏻，就叫左呢個髀髀試下，果然係有驚喜🙈🙈🙈完全冇圖文不符~~口感食落皮脆肉香，而且個爐係用橙酒黎做燃料，果陣果味真係出晒黎～～平時既燒鵝只有煙燻香味，但呢到既燒鵝更帶有啖啖果香，好小清新❣️❣️❣️🙈🙈🥢日式櫻花蝦腩片鍋飯 $62腩片鍋飯灑上櫻花蝦做裝飾，已經好吸睛～～腩片好薄好易入口，撈埋d醬汁好快就清晒成碗☺️☺🥢鼎家點心拼盤（每款兩件）$95-鼎家鮮蝦餃-黑松露燒賣-鮮蝦菜苗餃同朋友一人兩舊，唔驚食到濟，蝦餃皮薄餡靚，黑松露同燒賣內餡完美融合在一起，入口後陣陣黑松露香，令人回味無窮！而且實淨有咬口🤓🤓🍶陳皮綠豆鱆魚蓮藕湯 $65黎呢到真係想點番個靚湯飲下，鱆魚蓮藕湯真係飲極都唔厭🙈🙈鱆魚令湯味道更為鮮甜👍🏻🥤鐵觀音芝士奶蓋 $28上層係芝士奶蓋，芝士味好出，好滑好香奶味，而下層就係鐵觀

#cassiegotsuenwan -鼎爺私房菜係香港開咗好幾間分店，價錢都比較貴，今次終於開翻間平民版「鼎家喜筷」係荃灣西海之戀，我哋依啲小市民都可以試吓啦！餐廳裝修好靚，牆上有好多阿爺招牌光頭圖案，同埋同燒味有關嘅圖案。🍴-成個餐牌食物同飲品嘅選擇非常之多，想食多幾次，試多啲野！先講吓飲品，選擇多到好似一間台式飲品店，有咖啡、奶茶、果茶、沙冰樣樣齊。瘦編揀咗自家烘培芝蔴系列嘅白芝蔴奶茶，芝麻香味好香濃細膩，唔係隨便可以飲得到！😋-主食都有好多選擇，瘦編推介一定叫個燒味雙拼飯，揀咗燒腩仔同燒鵝。燒鵝帶有淡淡煙燻香味，肥瘦均勻，外脆內嫩。燒腩仔外皮脆卜卜，肥瘦相稱均勻，入口即化又唔沒油膩，食到肉香，好高質！另一個主食揀咗日式櫻花蝦腩片鍋飯，好新穎嘅組合，未試過但又幾好食。好羨慕荃灣嘅朋友，又有DONKI行又有好嘢食～😍-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌑 (4)-➡️ 鼎家喜筷 (荃灣)📍 荃灣大河道100號海之戀商場3樓3012號舖-

🌸荃灣美食🌸鼎爺喜筷🥢恭喜發財🧧豐衣足食🎊適逢政府繼續禁止晚市堂食，較早前相約好友到了一間位於灣荃灣的一間主打新派無添加燒味的餐廳-「鼎爺喜筷」享用一頓滋味的午餐❗餐廳寬敞舒適，裝修精美，座位寬敞舒適，以木系素材為主調，還有特色玩味字句的特色牆❗所有燒味也是在店內明爐即燒，無添加味精，店員殷勤有禮，會不時替客人收拾碗碟❗我們一行2人惠顧了以餐點：1️⃣🌟柑橘燒鵝拼燒腩仔孖寶飯 $95招牌柑橘燒鵝是以鮮橙及檸檬等鮮果經長時間醃製而成，味道酸酸甜甜，非常醒胃；燒鵝肉質鬆化，燒鵝皮脆多汁，充滿啖啖果香，肥而不膩；而燒腩仔有上層表皮香脆，中層油脂入口即溶，下層肉質香嫩，送飯一流❗2️⃣🌟蔥油雞扒飯 $80蔥油雞扒份量十足，雞扒非常大塊，雞扒肉質香滑嫩口，充滿惹味蔥油香，配合粒粒分明米飯，相當滋味❗️3️⃣🌟蜜汁靚叉 例牌 $128蜜汁靚叉燒肉質軟淋，香嫩多汁，叉燒充滿濃郁蜜汁味。4️⃣🌟鼎家點心拼盤 $95鼎家點心拼盤賣相精美，以正方型竹制蒸籠盛載著，蒸籠會附上蒸籠的蓋，以保持點心的溫熱度 ；點心拼盤相當豐富，有皮薄餡鮮的鼎家鮮蝦餃、矜貴的黑松露燒賣及皮薄彈牙的鮮蝦菜苗餃各2件❗5️⃣🌟南乳雞翼 $45南乳雞翼共有

今日行完海之戀donki就順便食埋野先返屋企，同爸爸👨🏻食飯，唔使問都知佢一定揀中式餐廳🤪佢又幾鍾意食燒味，睇完門口餐牌就俾佢吸引咗喇*火焰黑豚腩叉燒 $168*呢個叉燒不得了，成個火爐咁上，以為係啲gimmick野，原來火焰🔥燒過之後真係好食好多，燶邊位好香脆，黑豚腩肥瘦相夾，一碟有八大嚿，食到最後有啲油，適合三四個人一齊分享*鼎家柑橘燒鵝飯 $78*其實平時食燒味飯，我唔會揀燒鵝，今次呀爸想食，我先試食佢兩舊，賣相幾靚仔，色澤均勻，皮脆肉滑，最特別係自製嘅柑橘醬，酸酸甜甜，中和番肥膩嘅感覺，連我平時對燒鵝麻麻哋都覺得幾好食*杏汁花膠燉白肺湯 $108*出街緊係飲啲屋企唔會煲啲湯，呢個杏汁湯好有驚喜，一揭開個蓋見到奶白色，已經知真材實料，果然飲落啖啖杏仁味道，夠晒滋潤*脆香蜜糖吐司🍞配5.0牛奶雪糕 $62*超厚嘅多士，面頭林滿朱古力醬，牛奶軟雪糕🍦另上。多士內裏軟熟，唔怕食到𠝹口🙃，不過略嫌牛油🧈嘅比例多咗，如果蜜糖多番啲，甜味比例重啲會再好食啲另外，我哋仲叫咗兩杯嘢飲*芒果🥭沙冰 +$28*正常發揮，唔會太糖水嘅死甜味*白芝麻奶茶 $48*呢杯白芝麻奶茶口感幾特別，面頭嘅奶泡會咬

約家姐 Lunch，我地去左荃灣西鐵站上蓋海之戀商場3樓「鼎家喜筷」，坐在窗口位，有自然陽光，座位闊落，感覺好舒服，食物種類多有質素，下次會再來，試其他菜式。火焰之選 -火焰原隻燒鵝髀招牌燒鵝，用鮮果醃製無添加味精， 我哋揀咗火焰之選，以橙酒嚟做燃料，再燒熱佢， 食落去好重果味，鵝皮多汁脆口，肉質鬆化肉嫩，兩款醬汁選擇，點唔點醬都十分滋味。Fusion煮意- 西班牙黑毛豬火腿溫泉蛋卡邦尼意粉意粉面鋪上好多芝士，配上流心嘅溫泉蛋， 撈埋一齊食啖啖好creamy，煎香咗嘅西班牙黑毛豬火腿鹹香味十足，呢份意粉，好惹味好飽肚。鼎家小食 - 脆炸蓮藕片厚薄適中嘅蓮藕片，外脆內嫩，一片一片吃不停。鼎家甜品 -朱古力心太軟配雪糕心太軟夠流心，雪糕軟滑，一凍一熱咁食，富有層次感。鮮果花茶- 熱田園水果茶多款水果片，濃沃嘅果香，非常潤喉。