鼎家喜筷 (已結業)

朋友一家收樓在即特意去到探訪，海之戀好似係貴價豪宅級屋苑，既羨慕又妒忌啦！樓下商場好多食肆，老友Siu話請個工人姐姐唔識煮飯唔緊要，識湊小朋友就得啦！要食落去樓下食啦！成個商場七成係餐廳食肆乜餐廳都有。等朋友老公攞車所以呢自己一個喺商場流連左三四個字，唔想去Donki同人迫，見到呢間餐廳，女店員幾好禮貌，望落又坐得幾舒服就入去坐下，四五點左右，人少少。店員推介我試吓呢個金沙炸魚皮！即叫即做~ 口痕痕又唔想食飯呢個都係幾好嘅選擇！一嚟到，好大碟喎，熱辣辣！好香 好香 好香。以為呢啲高級商場叫個小食可能得三幾舊。最後我一個人係食唔晒㗎！可惜打包又真係唔會特別好食有少少浪費添！講返個炸魚皮，即叫即做一座山咁多，好香蛋黃味而且唔會過燶。脆口香濃而且夠大件。叫埋個嘢飲埋單都係幾十蚊。開始明白到點解個朋友話搬咗黎呢度只會越嚟越肥啦~ 仲要未收到身，唔知佢哋住戶證會唔會有優惠呢？？

#鼎家喜筷 #ヘリコプター #伏伏伏 #門囗無服務 #無人理 #等了5分鐘自己行過去擇位座 #食食下在食客個位身邊落貨入廚房 #食物方面 #燒鵝油到一個點 #肉汁欠缺 #油同肉汁不同的 #不鬆化 #飯凍到硬 #大佬唔識擇米都唔好比凍飯個客 #你究竟知唔知直正鼎爺擇選用越南米嫁 #你當自己壽司咩凍上 #奇異過奇異博士 #燒味飯跟個沙律 #九唔塔八 #為何不正正常常跟例湯 #普普通通的燒味舖好過佢好多 #請人食餐飯 #難食到令我不好意思 #以後一定FactCheck #成舊水一碟飯 #你比這樣質素來囧我 #唔知是否真的鼎爺開

見食評好似幾差、所以去試吓😂其實幾好味吖、又唔係其他人講到咁多問題😅、裝修幾靚、食物質素都幾好、應該會翻食😂😂😂、而且發現燒味配花茶原來都可以既、哈哈 、下次睇吓食咩再影下相先😆😆😆

荃灣西開左好多新商場，新餐廳，我同老公日日周圍試新野！今朝就去左鼎爺最新開嘅鼎家起筷Ding Lee食早餐 本來以為佢只是一間燒味店，估唔到做埋早餐！太好啦！老公叫咗例牌沙嗲牛肉麵，佢話牛肉好正，沙嗲味剛剛好，配出前一丁，杯奶茶都好得！我就叫咗西式雞扒配蛋多士，估佢唔到塊雞扒超大塊食唔晒！多士仲要係丹麥多士，牛油味好香再配埋牛油粟米，好食呀！老公話下次要試佢嘅午飯燒鵝髀，我都想試下佢嘅叉燒 而且可以望住個海食，真係好正！

極度劣評尋晚七點幾，見到其他地方都排晒隊，系呢間餐廳冇嘜客，都知道心知不妙了，不過都去試吓啦，點左一個碟頭飯要$99，嘩貴就緊架啦鼎家喎，得一條仔燒腩，一碗生菜叫沙津誰不知咬一淡飯，生米？未熟？咬唔倒既？即時叫個侍應來，佢話今晚個大廚煮米落唔夠水所以咁，我當堂呆左廚師唔識調幾多水幾多米都奇聞，但你地亦冇去想辦法解決，我地食唔落既飯仲要比成舊水你好冇天理，你地應該叫廚房再煲啦此時原來側邊枱客侯先已經嘈左佢地一輪，我再想問問，我依家又要付錢又要迫住食硬飯？最後個侍應只是比左個九折我，唉真系不愉快經歷，我們一家以後唔會再幫襯啦。

今天約8:30晚上入座，招呼我們入座員工禮貎不錯，但一坐下，有位帶眼鏡金髮女待應問食乜但當時餐牌都末有，仲就快啲因為他們快收舖，最後我地三個人只叫在一碟飯和三杯飲品，因為再沒有心情慢慢睇䬸牌，其他員工有過來打招呼！其實只有這位態度甚差的員工影響了我們心情！其實快收工就不要招待客人入坐、但入坐後就吳應該咁嘅態度，以後都吳會再去，影響了鼎家的名聲，食品味道係可以的。呢個員工真的需要接受訓練，今時今日咁嘅服務態度

放假出去發掘下有咩新店見到呢間試業鼎家喜筷，就黎會一會先。店內出名燒鵝，咁就要試喇。＊招牌柑橘燒鵝瀨＊唔用甜酸醬改用柑橘醬點燒鵝，果然有新鮮感，鵝皮脆，肉又唔會燒都死實，湯底有大地魚加胡椒香味，瀨粉煙韌好有驚喜＊原隻生炸雞脾沙律＊原隻生炸雞脾皮脆肉嫩，沙律中加入沙葛清新，唔錯。＊豉油雞脾薯條＊帶有淡淡八角味既豉油雞脾，而薯條帶有清清既松露鹽味。

鼎爺的魅力呢似乎完全不受疫情影響。轉個頭呢就開咗呢一間位於荃灣海之戀新商場的年輕版飯店。的確如果要去鼎爺度食私房菜，荷包要有返咁上下豐滿。不過呢其實鼎爺的美食豐儉由人。一郁幾十同樣可以品嚐呢一份美味。海之戀商場基本上係美食嘅天堂。我讚嘆呢一個新樓盤樓下有咁多嘢食想唔肥都難。作為住喺中西區嘅我，附近講緊最新嘅大少少商場已經係去到十幾年前嘅西寶城。。。唉。只可惜大型發展商都難以喺中西區尋覓到大範圍嘅建築樓盤地盤。作為愛吃的小孩子。實在有點喜歡荃灣呢個地方。講返正題，新開嘅呢一間，價格大概80至$100左右已經有一個套餐，嚟到梗係要食最出名嘅招牌燒鵝髀。是的比起我哋常見嘅黃苺醬，呢一度出現嘅係好新鮮嘅橙醬。清新嘅口感同味道為燒鵝髀解膩。更加突出燒鵝髀嘅美味。是的！能夠自己一個獨享一隻燒鵝髀是一件很幸福的事。大過我隻手掌切得勁靚外皮香脆而且多汁。不能挑剔。只是略嫌飯比較乾如果可以更有飯香確實不錯。飲品選擇繁多台式港式應有盡有，有我特別喜歡嘅碟豆花。餐廳介紹我哋飲佢嘅特色芝麻奶茶。朋友飲過都覺得好不錯。來到呢個食物天堂不妨可以試一試這性價比高嘅價錢品嚐鼎爺的用心製作。

見新開張～今天來試下～這店好似打正鼎爺旗號，所以價錢略貴，重要加一😜😭。 食物質素都算幾好，早餐的炒旦滑，煎旦香，多士又脆又鬆化。沙爹牛肉义燒一丁肉質吾錯，但可能因為湯水份太少所以太濃太咸。早餐包飲品我叫茶走少甜囗感味道也不錯～ 午餐有飲品包，我們叫了溫泉蛋四寶飯，鵝肉口感一流，燒腩肉香口味道不錯，义燒肉質鬆軟又入味～溫泉蛋伴飯吃令飯濕滑順喉～之前見人話佢地燒味冷，今天吃又温度ok. 都夠熱～ 總括味道唔錯，裝修有心機，服務員也快手細心，只不過價錢略貴。（今天他們好似冇收我加一，所以可以接受😅） 大家值得一試，試左才諗下次吧！ 我們吃過，覺會再試嘅～😅😂🤣

這幾天落樓下，發現鼎家喜筷試業中，立即試下，一睇餐牌「招牌四寶飯」是燒鵝+燒煵仔+叉燒+沙律和特色嘅溫泉蛋😋😋😋一咬落去脆卜卜、肥瘦適中、燒鵝還要香噴噴，仲要系金橘醬、D飯熱辣辣，超好味😋，只可惜美中不足就是沙律汁比較酸，可以調校一下🥰，令外，值得推介就糸叉燒丶燒鵝肉夾膜，有特色，個饅頭包好好味😋熱辣辣叉燒和燒鵝同肉夾膜，好夾加埋青瓜、一啲都唔肥❤️❤️❤️真系超好味😋下次試下其他、還有點心🧆和特飲

收工返屋企途中，見到新開，入去試吓服務員很有禮，帶左我埋去坐環境很舒服，音樂有點大我問服務員有什麼的，食燒味？果然有點驚喜，我以為食台灣野於是點左個柑橘燒鵝例牌，由於我唔食飯，自私食，唔錯，皮脆，點柑橘醬，夠熱，正！好少商場有燒味店，重點係唔似燒味店，仲要有燒鵝食！見到旁邊有人食燒鵝脾飯，賣相十分吸引，係咁影相，見佢食得非常滋味，應該好食餐牌上有特色小食，相片很吸引，一定要試！估唔到樓下商場有好野，下次叫埋老婆嚟，會再來！

想問下鼎爺，你地燒味飯嘅設計係咪凍上，冰鎮燒味飯？啲同事搞緊笑，反映完啲燒味凍，入廚房換咗個熱嘅飯，但燒味冇換仲係凍！係咪第一日開張試業就亂黎！真係當啲客唔係客不過講翻環境，係乾淨企理，環境設計係靚嘅，木凳上有箍臣坐得舒服嘅。另外侍應落單速度快，上菜速度快 同埋都算有禮貌嘅。所以，味道 比1星環境 比5星服務 比4星衛生 比5星扺食 比1星整體黎講，應該唔會翻食，除非有大改善令之後嘅openrice食評係好評。