點心到 MIX·大排檔

营业中

休息中

旺角點心到MIX大排檔，晚飯時間主要食小菜，有鑊氣如置身大排檔一樣！韭菜鴨血（$68）鴨血味濃，韭菜墊底亦好香，辣味唔算好勁，所以就算唔係好食得辣嘅應該都食得到。冰鎮咕嚕肉（$82）即叫即炸嘅咕嚕肉，酸甜開胃，然後舖在冰粒上，有點冰火口感，最重要係令到咕嚕肉更脆口！飛天通菜煲（$68）呢煲通菜煲好有鑊氣，熱辣辣嘅通菜吱吱聲，加上醬汁好惹味又香！楊枝甘露（$25）芒果、柚子肉、芒果汁、花奶，充滿香港特色嘅甜品！

今日又到happy Saturday，放工之後去到旺角金雞商場樓下見到有一間新開嘅點心到，望一望價錢覺得價錢優惠嘅，同朋友試一試，入到去個裝修好特別，侍應好有禮貌咁但我哋去卡位坐四人卡位我哋總共三個人，坐低佢比一壺茶我哋但係有咩茶我哋冇得選擇的，係佢哋指定嘅茶嚟嘅飲落去都幾香，我哋嗌左幾款點心，當然唔少得就係蝦餃，黑松露菜苗餃，蝦腸，榴槤雪媚娘，韭菜鴨血，炸蝦角，紅油炒手，欖角馬拉糕，花膠海鮮小米粥，最後當然唔少得我最鍾意嘅楊枝甘露啦，佢哋啲點心係即叫即正嘅所以都幾鮮味幾好味個蝦餃好大隻入邊啲蝦，炸蝦角都係即叫即炸送到埋嚟係好熱嘅啲蝦好大隻，個花膠海鮮小米粥入邊好粥了全部係真材實料，而我再推介係佢哋嗰個榴槤雪媚娘，炸蝦角

今日喺旺角見到有間內裏寬敞又光猛嘅港式小炒 餐廳，就入去試下。晚餐有四個二人餐，我哋揀咗B餐，入面有韭菜鴨血、冰鎮咕嚕肉、飛天通菜煲、白飯兩碗及楊枝甘露兩碗。韭菜鴨血超惹味夠新鮮，韭菜亦都索曬個汁好好味。冰鎮咕嚕肉 碟內有一塊塊冰塊放底， 咕嚕肉特別脆，內裏嘅肉質又超嫩滑。飛天通菜煲未食已經聞到好香嘅味道，鍾意食煲仔菜嘅朋友一定會鍾意。最後楊枝甘露做甜品，酸酸甜甜，夏天食楊枝甘露係絕佳之選。旺角絕佳小炒晚飯之選!

成日食佐敦總店，今次試下旺角店。除咗點心之外仲有小菜食。🥢黑之戀一口豆腐 $68外面炸得香脆，裏面好嫩滑。一如以往竹炭粉冇咩味，顏色都係gimmick嘢😂。🥢保仔左宗堂雞煲 $88醬汁香氣濃郁，甚至有少少嗆鼻。一打開蓋，附近兩枱食客嚇到要避一避🙀。連皮嘅雞件肉質鮮嫩。以砂煲上枱，除咗保持熱力，亦令雞皮有焦香😋。🥢蒜蓉蒸勝瓜 $62勝瓜吸滿豉油同蒜蓉香味。🥢黑金流沙包 $10外層鬆軟，裏面有滿滿嘅奶黃餡料。熱食嘅時候餡料流心之餘仲非常之滾🔥🔥。🥢卡通芋蓉包 $10芋香濃郁但甜度低。

Wodafoodie in Mong Kok 呢間點心同大排檔小炒都有得食，質素比一般茶餐廳高好多！拍得住大排檔，又新派坐得舒服啲👍🏻✨黑之戀一口豆腐 $68外脆內軟嘅豆腐，用黑色脆皮炸起更有特色，加上炸蒜好香😋✨保仔左宗堂雞煲🐣 $88熱辣辣啫啫聲嘅雞煲，辣度剛好，香味十足，雞件嫩滑入味💕✨蒜蓉蒸勝瓜 $62超大量蒜蓉，調味同勝瓜配搭得剛好！✨楊枝甘露🥭 $25最後當然要食返個甜品，有好多芒果、西柚，好足料！📍 點心到 MIX·大排檔 (旺角)旺角洗衣街39-55號金雞廣場地下1A,1B,1C號舖

餐廳位於旺角鬧市，新裝修，感覺嶄新亮麗、乾淨企理、且空間充裕，枱與枱之間有夠充足的距離，讓人坐得非常舒服😌除了餐廳新裝企理外，菜式以時令為主。☘️☘️冰川話梅聖女果☘️☘️開胃小菜，微酸的小紅蕃茄，酸酸甜甜的，讓胃口大增之餘，亦有充足的茄紅素🤩🤩茄紅素具抗氧化力，讓人越食越年輕😝😝☘️☘️豆豉鯪魚炒油麥菜☘️☘️即叫即炒，非常夠夠鑊氣，遠處已聞到香氣撲鼻，加上鯪魚的魚油香味，絕配👍🏻👍🏻☘️☘️楊枝甘露☘️☘️炎炎夏日，不得一讚的是呢個冰鎮飯後甜品，多芒果肉之餘，係甜甜既味中帶點西柚酸，簡直係同「冰川話梅聖女果」首尾呼應。

慶祝朋友生日，原本一心想試下雞湯魚滑自製豆腐，點知賣晒😭😭，但食完有幾款真係不得不介紹，第一道花膠煲雞湯😍大煲又足料，飲完就自然想飲第二碗，花膠有口感唔薄身，雞唔老，菜又入味😋。第二道黑松露龍蝦炒鮮奶，呢個菜式創意有好味，打卡小菜，頂層黑松露中層炒鮮奶，底層龍蝦肉，黑松露混入鮮奶一齊食，口感特別，龍蝦啖啖肉，新鮮又彈牙。第三道避風塘炒賴尿蝦，賴尿蝦夠大隻新鮮👍🏻。第四道通菜煲，一嚟超香，食落菜嫩又野味。

#旺角美食 #小蓮星呑食旺角🔻點心到 MIX·大排檔旺角洗衣街39-55號金雞廣場地下1A,1B,1C號舖🧃韭菜鴨血$68鴨血同豬紅雖然話好似，但係佢哋最大嘅唔同係鴨血比較滑，同埋食落口冇咁腥，所以用鴨血取代豬紅去煮我覺得好合適。韭菜口感亦都好好，唔會有渣。🧃冰鎮咕嚕肉$82估唔到嚟到大排檔都有得食酒店中菜廳嘅菜，咕嚕肉有別於平時嘅咕嚕肉，面頭包裹左一層糖，令到佢放喺冰上面冷卻之後，食落口更加脆，令咕嚕肉嘅層次大增。🧃飛天通菜煲$68飛天通菜有鑊氣，條條分明，亦都唔會炒到黑晒，入口非常柔嫩，加埋少少蒜蓉酒等等調味，愈係簡單嘅嘢越睇得出廚師嘅工架。🧃楊枝甘露$25去到最後我哋仲整埋個甜品，我哋揀咗最具香港特色嘅楊枝甘露，楊枝甘露入口清甜，加埋少少碌柚嘅清香，夏天食就最啱/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

去完旺角拎嘢兩個人坐低叫餸食飯！新裝修嘅環境加埋座位好多都係卡位坐得好闊落！而且店面非常乾淨光猛！鄰近旺角東地鐵站附近！於是我哋叫咗個晚餐Set ($200)✨川式口水雞作為一個開胃菜係辣辣哋少少麻嘅口水雞！雞啖啖肉！✨秋葵野菌豆腐簡直係四樣嘢裏！我同朋友都好難忘嘅一度！ 你嘅豆腐外邊煎到香脆😳入邊係極滑嫩嘅普通豆腐同埋菠菜做嘅豆腐！🤤加埋秋葵嘅清新仲有同類型嘅菇！✨啫啫芥蘭煲上枱嘅時候真係啫啫聲㗎！而且佢係有肉碎配合埋芥蘭！個撈飯食真係一流！！✨楊枝甘露滋潤嘅糖水甜甜嘅芒果🥭西柚算係好味😋嘅楊枝甘露！仲有白飯兩碗兩個人食真係好飽好滿足嘅一餐！佢嘅秋葵嘢菌豆腐令我一定會再返轉頭！

原來旺角金雞廣場開咗間點心到分店，叫做點心到mix大排檔，好特別既名稱。之前幫襯過油麻地總店，味道同服務都唔錯，而家一於試下呢間質素如何。食飯時間要等一陣位，都幾多人幫襯。餐廳裝修好光猛，入面仲有個大魚缸裝住新鮮海鮮，而且仲有個Mix bar出野飲同生啤，有幾番大排檔懷舊風味時又帶點新潮。呢間主要係食大排檔小菜為主，包括有招牌菜，海鮮海產，煲仔等等，吾係食點心的，如果大家想食點心，就要移步去油麻地總店了。我叫左: 川式口水雞呢個菜超野味！上面好多我中意食既芫茜同蔥。啲雞肉整到好滑，就算平時吾食雞皮既我，今次都食埋。下面鋪左好多爽口青瓜，點個醬汁食冇得頂！係有小小辣既，不過撈白飯一流，愈食愈停吾到口。自家製秋葵野菌豆腐每舊豆腐好得意，係有2隻色，一隻係平時食開既黃色玉子豆腐，另一隻問過職員，係用芥末做既，顏色係綠色，但奇怪係都係玉子豆腐口味，都幾有特色，果然係自家製。豆腐外脆內滑，應該外表有炸過。上面仲有好多雜菇同秋葵，岩曬我🤤。醬汁似係用蠔油煮，送飯又係不得了，成個餸菜都好健康。啫啫芥蘭煲係熱辣辣來到既，一打開仲煲仲出緊煙，香氣撲鼻，侍應勁好甘提醒我地要睇熱🥰。芥蘭好焾吾硬，食落嫩而冇

之前都有食過他們另一間店很不錯，宜家在金雞廣場樓下就新開了一間點心到MIX.大排檔的旗艦店，除了點心外，更有大排檔的鑊氣小炒。門面光鮮，環境頗大，但七點半到，已經需要排隊大約十五分鐘了。兩個人點了三個小菜加一客點心，埋單免加一及茶芥，每位都只需一百蚊，十分抵食。九菜鴨血($68)，鴨血份量十分多，而且嫩滑，有九菜墊底，齋食的會略厭個汁有丁點咸，所以配飯就剛好了。冰鎮咕嚕肉($82)，是餐廳推介之一，賣相討好，咕嚕肉肥瘦均勻，酸甜度剛好，冰鎮會令外層更加脆口，十分好送飯。飛天通菜($68)，炒得脆綠幼嫩，用煲仔盛上，熱度十足。卡通流心芋蓉包設有不同的表情，十分有趣，內邊是熱辣辣的流心芋蓉包。而黑金流沙包，奶皇香甜。兩款包同樣是皮薄軟綿，熱度十足。

好似隔咗好耐冇去過旺角， 今日做野黎旺角人來人往，終於有番d「生氣」！係金雞廣場搵食，比一間亦似茶餐廳亦似大排檔，睇真d原來兩種style都有！ 即管試試！店內光猛，搵到卡位舒適位置坐下。睇睇餐牌，果然係fusion! 又有點心，又有小炒！不錯喔！保仔左宗棠雞煲雞煲黎到已經聞到好香，入口非常惹味, 吾太辣，岩我！呢個「秘製雞汁」真係重中之重， 酸酸甜甜咁，好特別味道！黑之戀一口豆腐非常香脆！外脆內滑！黑色方磚配搭月亮型碟，很有格調！蒜蓉蒸勝瓜一件一件大小相若的勝瓜上有蒜蓉，非常鮮香美味，清清甜甜！勝瓜吾會太淋，有口感！ 兩個人不知不覺就食晒！最後食埋甜品先，楊枝甘露就首選！ 雖然都算好味，但被椰奶蓋過了芒果的味道！唔夠喉再點了一個黑金流沙包，難得呢度有！ 擁有霸氣的外表，柔軟的內在，濃濃的奶皇流沙餡！食得太妄我，唔記得咗影流沙餡！

呢日同朋友去左旺角呢間中式餐廳到食dinner，餐廳既環境既好，夠哂大間同光猛，好舒服。我地點左幾款小菜，首先係呢保仔左宗棠雞煲，呢個雞煲有少少辣，幾惹味，啲雞肉炒得好香，雞肉都幾嫩滑，唔錯！另外仲點左黑之戀一口豆腐，呢個炸豆腐幾特別，出面係黑色既，外脆內軟，分量都幾多。我地平時少食菜，所以就點左呢個蒜蓉蒸勝瓜，呢道菜式夠哂健康，真係要食多啲！最後點左個點心，分別係黑金流沙飽同埋卡通芋蓉包，精緻又好味。

今日收工之後落咗旺角買波鞋，買完之後就喺附近搵食。突然想食小菜，就入咗呢一間美心MIX試吓，睇個樣好似新開咁。叫咗韭菜豬紅，冰鎮生炒骨，飛天炒通菜，仲有甜品楊枝甘露。個韭菜就好入味，份量都唔少有好多舊豬紅。至於呢個生炒骨嘅特別之處就係下邊有啲冰墊住，所以識落有冰火嘅口感，但略嫌粉比較多咗啲。但係菠蘿係新鮮菠蘿嚟嘅至於個飛天炒通菜又係好入味，啲汁愛你送飯一流，搞到我平日唔食飯今次都食唔晒食晒。最後個糖水就正常啦，如果芒果多啲會再吸引啲。環境方面都好好彩，店員安排咗卡位嘅我哋錯，只方舒適光猛。

最近天氣好炎熱🥵，放工都唔想煮飯，今晚行經旺角洗衣街，唔知幾時開了間「點心到MIX大排檔」，裝修燈火通明，座位寬躺，好多食客，吸引我們都要入食店捧下場😍😍黑之戀一口豆腐 $68食店有好多獨家菜式，一口豆腐就食得多，今次一口豆腐嘅外層黑，裏面白，所以得名為黑之戀，一口咬落去好脆口，原來廚師用布包豆腐所以特別嫩滑，外層沾滿竹炭粉炸成，食用後更可清腸胃，具養生效果…😍😍保仔左宗棠雞煲 $88提起雞煲就想起麻辣，今次換過口味，雞煲上枱熱辣辣好有大排檔風味，雞件嫩滑，大量洋蔥🧅蔥頭、青紅椒、辣椒🌶️，然後將甜醋、海鮮醬、番茄醬、辣椒醬、豆瓣醬製成調味醬快炒，酸酸甜甜，少少辣，絕對讓你多吃一碗白飯😋😋蒜蓉蒸勝瓜 $62金蒜蓉惹味，勝瓜清甜，送飯一流👍楊枝甘露 $25/each酸酸甜甜，冰冰涼涼，配上芒果，柚子肉，西米，椰奶，是夏天的消暑之選，絕對不會輸給外面甜品店😘😘