黑木亭居酒屋 (金馬倫道)

黑木亭居酒屋@尖沙咀📍尖沙咀金馬倫道58-60號國鈀大廈地舖至1樓💸$220-$250居酒屋推出咗$198任食串燒放題，21款串燒隨便order，一到飯點已經坐滿哂人，好誇張，建議大家一定要book位！+$98仲可以任飲啤酒+飲品，啱哂一班frd食返夠本。🍤大大件雞翼(一串)雞翼真係大大件，燒得啱啱好，外皮微脆，肉質保持juicy！🐖 厚切豬頸肉串豬頸肉切得真係厚身，燒到外層微焦脆口，食落超入味，炭火香氣十足！🍙 醬油飯團 & 明太子飯團明太子鹹香濃郁，海苔脆口，食串燒同時都可以食任食飯團，開心！醬油飯團醬香氣十足，唔會過鹹，簡單又好味。🦪黑松露白汁燒蠔生蠔燒到剛好熟，保持到嫩滑口感。黑松露白汁香氣突出但唔會蓋過蠔味。🐽 黑豚露筍卷露筍咬落有口感，同黑豚肉味道好夾！食多幾串都唔會覺得滯，加分加分。

平時去居酒屋食串燒都會就住嚟嗌，因為驚埋單會好貴，但今次嚟到呢間餐廳終於可以瘋狂任點（食得晒至好嗌啊！）因為他們正在做$198一人串燒放題（星期一至四)，提供逾二十多款串燒選擇，另可加$98升級啤酒/指定無酒精任飲，酒鬼最愛！串燒太多就不逐一細數了，不過以下幾款重點推薦，記得第一輪要先點。厚度適中入口爽彈的薄切牛舌食落好juicy的燒汁牛肉金菇卷燒到微焦脆口的厚切豬頸肉甜鹹味道融合的黑豚荔枝卷食落清爽不油膩的蒜芯、秋葵豚肉卷大件又肉質嫩滑的雞翼及雞腿肉仲有黑松露白汁燒蠔及芝士燒蠔、香脆雞軟骨、沖繩黑糖燒菠蘿、日本甜番薯、醬油及明太子飯團都唔錯。店家在每張桌上還配備小烤爐可自行加熱串燒。另外提提人客真的很多，記得提早訂位呀！

第一round 嗌燒蠔，第一碟就送上，唔熱唔暖，室溫的，然後慢慢再送上雞肉串雞軟骨，都係唔熱，問左一個侍應先講一陣俾爐，等左10分鐘仍然無爐，再問先俾，中間開始嗌多round ，但第一round 野食未到齊，有無得食都完全唔知無侍應講，然後繼續不斷俾左duplicate既野我地食一兩串咁塞啲俾你，嗌左既無黎，無嗌既係咁黎，259蚊係咁食相同既野，翠玉肉烚熟拎出黎，又係暖的，係靠隻碟熱熱住啲食物？唔理解。

之前喺網上見到短片話串燒放題仲有live band去到原來係無嘅🤣所以尋晚同朋友去食首先要讚吓職員服務態度真係好好 好殷勤 但見到佢哋都真係好忙地點位置好方便 如果以放題價錢198食串燒聽落去真心好抵但係坐落先知原來串燒得10款多啲啲真心好伏 感覺好似我哋貼錢俾老闆做生意咁真心如果以放題你打尼門生意係絕對失敗我絕對感覺到廚房，完全係招架唔到咁多人嘅串燒7:25落單 大概20分鐘先上到兩隻生蠔仲要係凍嘅然後嗌嘅豬肉雞皮雞軟骨，全部上到嚟都唔夠熱豆腐都係凍嘅職員好好禮貌，俾咗個爐仔我哋去加熱食物質素真係好一般 畀緊$198仲要成場好大煙除咗要讚啲職員，我都冇乜嘢讚得落結果食咗兩輪就截order因為就夠鐘真心O嘴

趁星期五放假約咗老公去尖沙咀搵食，今次揀咗間人氣店嘆嘆串燒，因為行經餐廳樓下比它吸引，$198任食 還可追加$98任飲，重點竟然有蠔，種類講真唔算多，不過價錢算經濟，每樣都熱辣辣，如果驚凍咗店員會提供gas爐比你預熱，細心位，好多一對對傾下偈嘆住串燒，個人極愛嘅燒牛舌燒得剛剛好唔會過韌，燒雞亦仍有汁水，雞比軟骨雞髀肉都齊，豬五花甘香油脂爆口，當然金菇牛肉卷，露筍卷，荔枝豬肉卷都出色，燒菠蘿超甜，燒蠔一般因為用咗醬汁蓋過蠔嘅鮮味，黑松露唔太配搭， 純個人口味。冷氣夠亦唔成身燒烤味，爽，飲品都多選擇， Asahi， Apple Cider, 汽水，特飲也有，可以接受。全店嘅員工都偏後生有活力，跟單處理都快手。其實還有入口一個小吧台，有麵豉湯沙律同埋凍蝦添。

今日去咗尖沙咀嘅黑木亭居酒屋，想試下佢哋嘅廚師發辦壽司同和牛壽喜燒！🥳 裝修都幾有日本 feel，好有氣氛！😎🍟 薯茄薄脆包住薯仔沙律，幾過癮！👍 個薯仔沙律夠晒 creamy，配埋脆卜卜嘅薄脆，口感好豐富！😋🍣 廚師發辦 8 貫壽司全部魚生都厚切，新鮮！🤩 個壽司飯用咗赤醋，有誠意！👍 每件壽司都好足料，食落口好滿足！🥰🥩 和牛壽喜燒一上枱哇咗一聲，好大份！🤤 特別讚當然係宮崎 A5 和牛，油份足又有肉味，正！👍 個湯底又夠晒味，配埋啲蔬菜一齊食，好滋味！😋🍹 檸檬青瓜特飲唔太甜，好消暑！😌 檸檬味清新，配埋青瓜，好解渴！👍🍹 紅火龍佛手柑特飲有少少西柚嘅苦味，不過覺得甜咗啲啲！ 但係個味道都幾特別，值得一試！👍呢間食物水準都幾高，環境又舒服，見到仲有串燒放題，幾抵食咁！下次一定要試試👍📍 尖沙咀金馬倫道58-60號國鈀大廈地舖至1樓@chillchill_aloye #尖沙咀美食 #壽司 #和牛 #居酒屋 #foodiehk

食物質素差，奉勸一句，不要在下午茶時段去吃！！！首先，當天去到餐廳，我們表示已訂枱，但經理沒有詢問我們電話號碼，直接叫我們掃枱面串燒放題QR Code，我們本是想叫單點的，看完餐牌後覺得沒有興趣，最後都照食串燒放題。之後餐廳就在openrice顯示我們缺席，這會影響到等級，再訂座就要給訂。雖然後來見到放題不設訂座，但我們表示了已訂座，可以通知我們不可放題的，而不是連電話號碼都沒有詢問直接叫我們放題然後再說我們缺席。我們都打去餐廳詢問，指會幫我們處理，但過了兩天都沒有處理。我們原本沒有想給差評，所以沒有影太多相片串燒乾蠔過分縮水

在香港這個高消費城市，198港幣的日式串燒放題確實算是比較親民的選擇。日式串燒放題食品包括， 肉類有雞肉，牛肉和豚肉選擇， 雞肉有雞腿肉燒雞皮，燒雞軟骨，雞翼， 燒雞翼係我最喜歡，有鹽燒和蜜糖兩款口味 ，兩款都好味。 燒豚肉都好多選擇， 包括有燒豬頸肉 黑團五花腩 ，亦有包著蒜心 、 秋葵 、蘆筍或荔枝一齊燒的， 口味清新 ，不油膩 。此外還有牛舌，牛肉金菇卷，煙肉粒牛油燒蠔， 黑松露白汁燒蠔， 亦有野菜類， 包括粟米 、甜薯、菠蘿、翠玉瓜 、豆腐，但豆腐同粟米令人很失望，好乾。另外仲有兩款飯團，明太子味同醬油味。如果想追求高質素串燒體驗，就可能未必能夠滿足要求。餐廳上菜速度雖然好快，但覺得唯一有待改善嘅地方係串燒可以熱啲。另外，佢有98蚊任飲， 但嘢飲嘅選擇唔夠吸引，對於唔鍾意飲酒嘅人嚟講就唔會選擇， 但佢都有茶水供應嘅👍🏻

放題真係吾好食，吾會再食，又無乜野食揀，食日本燒物連蔥冬菇都無，要飲野加98蚊，啲野食又凍冰冰。。。，又落錯單，送晒錯隔離枱，就算有折頭都吾好差成咁ar..真係吾好去

今日行過尖沙咀，睇到哩間餐廳出咗好多新嘢，咁試試啦。晚市餐廳好旺，基本上全滿，唔想等位一定要book定位先。藍碟花佛手柑熊茶，呢杯熊茶真係好得意，藍碟花嘅藍色漸層好靚，打卡一流。佛手柑嘅清香好突出，飲落去有淡淡柑橘味，唔會太甜，好refreshing。北海道士多啤梨牛乳乳酸，杯野粉紅色好少女心，入口係超濃嘅士多啤梨味。乳酸帶微微酸味，平衡返甜度，唔錯。草莓南蠻醬吉列炸蝦, 蝦肉超大一隻，差唔多有巴掌大。吉列蝦炸得金黃香脆，蝦肉鮮甜彈牙爽口。南蠻醬好有驚喜，酸酸甜甜奶味濃郁，同炸物好夾。千島牛油果軟殼蟹卷，卷好豐富，內裡軟殼蟹炸得酥脆，上面鋪滿牛油果，仲添加咗日式千島醬汁調味。一啖一件好滿足，口感從脆口到creamy，非常豐富。三味鐵板A5和牛鵝肝，一份有3款肉，A5和牛，鵝肝同大蔥蒜蓉和牛。A5和牛雪花分明，煎到半熟，簡直入口即溶。鵝肝煎得外脆內軟，搭配埋多士同蘋果片一齊食用，味道層次好豐富。最得意係大蔥蒜蓉和牛，和牛軟嫩，大蔥清甜，食到停唔落口。搭配嘅蒜蓉汁好有特色，微酸帶少少辣味，好似日本和中國醬汁啲fusion版，好得意。

呢排日日落雨都唔想周圍去，咁岩公司附近有間日式居酒屋同事話book左位帶埋我去，佢話平時夜晚都好爆場，要提早兩日預約😳由地下到樓上門口，整條樓梯都滿滿日式裝潢，好似慢慢穿梭到日本咁💛我地揀左佢個串燒放題同飲品放題，可以盡情90分鐘飲飲食食，歡聚暢談😽肉類主要以雞肉、豚肉、蔬菜類為主，食左2 round都足以填飽個肚，佢地上菜都好快靚正，服務都好到位👍🏻真係好適合情侶同埋一大班朋友過黎happy hour🥰

🍍 菠蘿帶著微微焦香， 菠蘿本身好多汁，再加入焦糖令到菠蘿, 更加好味甜心😍😍 🍠日本甜番薯更是令人驚喜，外脆內綿，甜度剛好，口感極佳。 加入少量嘅焦糖簡直 好 好食都不能形容， 如果愛食蕃薯嘅一定必試👍👍🥓黑豚荔枝卷的肉汁配上甜甜荔枝更加清甜， 這個味道更加新穎，帶來獨特。豚肉本身脂香濃郁，經過烤製後鎖住肉汁，入口柔嫩多汁，再加入荔枝肉令到有口感好味，確實值得一試。 🍢雞軟骨的香脆度剛好，咬下去充滿彈性 而且佢整得恰到好處。整體黑木亭的食物水準相當高，環境舒適，價格便宜，特別適合愛燒烤的朋友一齊享受， 都不錯的選擇😍😍😍

黑木亭居酒屋是位於尖沙咀的一家燒串店，這裡充滿日式風情，有櫻花樹、油紙傘壁畫等元素，營造出具有濃郁日式風格且適合拍照打卡的特點。菜單上有多種串燒選擇，如薄切牛舌、黑豚五花腩、雞腿肉、燒蠔等，還有粟米、翠玉瓜以及創意組合豚肉蒜芯卷、黑豚荔枝卷等，另外還有醬油飯團、明太子飯團這類主食，能滿足不同食客的口味需求。食材烤制得恰到好處，色澤誘人，像雞翅、五花肉等串燒焦香適宜，還有沖繩黑糖燒菠蘿這類特色口味菜品。90分鐘的串燒放題形式，增加了用餐的緊迫感和趣味性，適合喜歡盡情品嘗多樣美食的食客。

15/6 18：00入座,散叫單點或任食串燒都係以90分鐘時間享用,人手落單再入機已用15-20分鐘,不過野食好Q快到,J似係.....,價錢中上上價位,味道不過不失,可以不試,食評勁好未必為真！大家小心！由於質數麻麻未有再加單！飲食業價錢質素每況越下,舖租人工貴,食客就佢餓狗搶屎,限時食已經難為自己,真係好難同國內亞洲地區比較,,執完又開開完又執不無道理,因為已經練成一招了！

🌟薯茄（牛油脆皮薯仔沙律）雪茄形狀的牛油脆皮薯仔沙律真係非常特別，牛油脆皮薯仔以雪茄形狀呈現，外脆內軟，口感非常誘人。薯仔嘅香味加上牛油嘅濃郁，令整體味道更加豐富，讓人一口接一口，停唔到手。🌟A5宮崎和牛爽脆豚肉片熊之壽喜鍋呢個壽喜鍋以A5宮崎和牛為主角，肉質極之鮮嫩，入口即化，搭配爽脆嘅豚肉片，味道更加豐富。湯底嘅甜味同醬油嘅鹹香完美融合，令每一口都充滿層次感，真係一試成主顧。🌟廚師發辨壽司（8貫）呢8貫壽司精緻可口，食材新鮮，魚肉質感同米飯黏度恰到好處。特別推介佢哋嘅三文魚同吞拿魚，鮮美嘅海味令人陶醉，搭配嘅芥末同醬油更提升咗味道嘅深度。🌟紫幻檸檬青瓜梳打呢款飲品清新脆口，檸檬嘅酸味同青瓜嘅清香相得益彰，真係一款消暑佳品，令人感覺神清氣爽。🌟紅火龍佛手柑熊茶呢款茶飲別具一格，佛手柑嘅香氣濃郁，紅火龍果嘅色彩亦好吸引。茶嘅口感柔和，適合搭配唔同嘅料理，為整餐增添咗唔少趣味。無論係同朋友聚餐定家庭聚會，我都會強烈推介畀鍾意日式料理嘅朋友！