黃珍珍泰國菜館 (已結業)

記得好多年前食過一次黃珍珍～印象中係幾好食～不過地點就唔多就腳～有一日搭車經過見到車站樓上有間黃珍珍當然暗暗決定下次要去食啦～位於尖沙咀同佐敦交界～成間嘢佔晒全層～一入門口就大大隻字話比你知係黃珍珍～非常易搵！店內裝修簡潔～座位同座位之間好多空間～傾計都唔怕嘈親隔離台！仲有啲海鮮公仔可以比人影相，好搞笑Menu設計都好有心思，好ig-able嘅菜式presentation~樣樣嘢都令人好想試而且有啲精選食物中有試食價！好抵呢！不過因為今晚只係2個人食晚飯，唯有選一啲真係好想食嘅嘢嚟叫啦泰式炒粉食泰國嘢必叫嘅泰式炒金邊粉～呢間炒得好香，金邊粉煙煙靱靱，食落有趙口～而且份量唔少～又有好多海鮮又惹味~個汁帶點酸甜味越食越開胃！難怪我次次食泰國嘢都要叫啦泰式串燒食得泰國嘢唔少得要叫串燒送啤酒～點咗什錦泰式串燒～分別有豬，牛，雞～串燒份量比我想像中大！最好食係牛～燒嘅火候啱啱好牛肉唔會太熟，大概7成熟度～牛嘅鮮味再加埋佢附送嘅沙爹汁根本係絕配因為太好食喇，所以我哋忍唔住點多份牛肉串燒！牛肉串燒第二round嘅牛肉串燒依然不失水準！大滿足呢！黃咖喱牛腩無牛不歡的我梗係點咖喱牛腩嚟食，黃咖喱比較溫和

以往食親泰國菜，都係去大排檔類型既餐廳，雖然地道但環境通常都比較嘈或者坐得好迫唔太舒服。如果想搵個坐得舒適既地方同朋友邊食邊傾，黃珍珍係個好選擇！呢度有好多梳化卡位，我同朋友兩個人黎都被安排到坐卡位，好寬趟舒適黎食泰國野一定要試咖哩，呢個黃咖哩牛腩($118)充滿住香濃既椰汁味，而且一d都唔辣，岩哂我呢d怕辣既人。牛腩中混合牛根，炆得好淋好入味小食拼盆($163) 有泰式蝦餅、魚餅，春卷、炸雞肉同埋蝦片，全部炸得好香口。價錢係貴左d但可以一次過滿足你幾個願望，抵番哂！泰式特濃奶茶($38) 馬拉奶茶既味道。泰式炒金邊粉($108) 份量十足而且好足料，熱辣辣好惹味泰式串燒沙嗲($118) 有齊豬，牛、雞，可以試哂咁多款，我最中意雞肉，烤得脆邊又鎖得住肉汁。不得不讚呢度既服務態度一流待應有求必應非常有禮!!

《黃珍珍》名字細細個己聽了很多篇～ 今天經過佐敦莊士倫敦廣場便吃個brunch 了！ 地方開揚、很多大枱，適合大班朋友慶祝。泰式豬頸肉套餐 + 香葉龍眼茶 HKD 98 .中午餐仿似台灣的盛盒裝，內裡有燒豬頸肉、白飯、西蘭花、柚子沙津、炸物、薯片、椰汁糕很豐盛。柚子很清新又甘甜燒豬頸肉邊位有點點焦的很香口跟餐有飲品，而職員推介了香葉龍眼肉，味道小甜有很多龍眼肉吃！ 芒果糯米飯 HKD 36 芒果甜甜的，一點都不酸。 有黑白糯米飯，加上厚厚質地椰汁後，感到煙煙韌韌

黃珍珍泰國菜館係我家既家庭聚餐首選，九龍城分店係我常去既，朋友聚餐為咗大家交通方便，我哋會約在佐敦呢間，呢度我都經常來，格局同九龍城差異不大，只係九龍城本店比較大，樓上樓下兩層，空間大非常適合家庭聚餐，大量大圓枱。所以好嘢當然要帶埋好朋友一齊來品嚐，朋友同樣愛上呢度，我哋幾個女人不定期會約埋一齊吹水，講講是非，又分享下自己既私人事，所以飯聚非常重要，大家都可以發洩一下情緒，又可以放鬆下心情。我哋都非常熟悉呢度菜式，好似每次都既order都差唔多，柚子大蝦沙律柚子酸甜中帶澀加埋沙律醋令你更加開胃，其中仲花生同魚仔更加惹味，大蝦對我來說是可有可無角色。燒牛仔骨，燒豬頸肉，燒鱔完全睇得出我哋對燒烤既嘢幾咁支持，感覺似用炭火燒，鎖住肉汁，外脆內軟，再配埋菠蘿無咁漏，以前都是配蝦片，唔知幾時開始轉咗，可能怕大家太熱氣，好貼心，兩款我都鍾意，如果有得㨂就更好。咖喱炒蟹，配法包完美既配搭，香濃微辣既咖喱非常試合我，蟹都係要睇季節，有時都係無咩肉食，主要咖喱汁配法包非常美味。最後冬陰公湯（小）4個人分享剛剛好，不過只有兩隻大頭蝦，朋友話蝦膏好香，湯酸酸辣辣好過癮。總結大家對呢餐都好滿意，我仲有張九折卡

第一次嚟到黃珍珍泰國菜館佐敦店，裝飾好特別但推住bb車有點唔方便, 因為佢乘搭電梯係需要步行幾級樓梯 -_- 如果帶bb嚟的話需要注意因為預早訂枱可以安排房間大玻璃仔仔可以望住街上既車車慢慢食, 唔得閒扭計炸軟殼蟹超香脆又好味, 仔仔冇份食都攞相機影呀燒牛仔骨伴碟係鮮菠蘿, 真係估佢唔到, 亦有一個泰式辣汁喺側邊畀你點, 但唔點都好好味架咖哩蟹必點之一, 個汁可以用配送的小麵包一齊食, 食唔停口架, 蟹肉配咖哩汁亦非常吸引, 記得記得記得要食燒雞即場點火燒香個皮呀，真係第一次見，感覺好新奇，味道亦唔錯避風塘白飯魚香口一定最吸引，微辣，好惹味個個都食得好開心既一餐，下次想食泰國野都可以再黎 😋

新年第一餐，選了這家泰菜館環境頗為舒適，適合一大班人的聚餐食物方面，串燒，金邊粉，菠蘿炒飯都是不過不失，正常水平而印象較深刻的菜式是原隻燒魷魚，魷魚燒得不會太乾身，彈牙，配上專門醬汁，酸酸辣辣，非常惹味，上檯一會已被掃清泰式南乳燒雞，皮脆肉不過咸，跟配的汁醬是靈魂所在，味道帶甜而且又有南乳香，味道豐富但不滯膩，令人忍不住一口接一口但令人失望之處是燒豬頸肉，燒的火喉不夠，既不焦脆，亦不惹味香口，肉身略為痴牙，泰菜最經典的一道菜竟然發揮不了水準，實在失望不過值得一讚是飲品方面，泰式奶茶香又不過甜，如果味道再濃一點就更佳

黃珍珍泰國菜聽就聽得多，但都係第一次黎呢到食泰國菜，好好采呢間分店唔洗等位，一入去就即刻有位坐低，當中炒通菜最具為出色，咸度辣度剛好而分量又足夠，而菠蘿炒飯都不差，但味道方面可以再咸一些，相信味道會更香口。另外，甜品方面同朋友叫左一杯珍多冰同綠豆沙冰，兩杯味道都唔差都算足料！泰國菜黎講整體都滿意👌而值得一提的是待應姐姐非常熱情，主動為我地推介菜式！值得可以再去多次👍🏻👍🏻👍🏻👍🏻

今日男友媽咪生日飯聚，佢地之前都食過覺得幾好，所以預早book左枱,共6個大人，一個小朋友。上到去格局好似中式酒樓咁，但又有泰式擺設，佢有間房仲有個露台位，幾舒服的。總共叫左11個菜式，最先到左雞、牛、豬串燒配沙嗲汁。我只試左豬肉，燒得幾香，香味係口腔散發，肉質彈牙，淡淡香矛味。泰式生蝦都唔錯，細既一碟有6隻，蝦大隻厚肉，點蝦既汁味道到位，酸辣恰到好處。炒椰菜苗炒出黎味道都ok，不過椰菜苗比較硬身，唔算太吸味。柚子大蝦沙律，柚子爽甜，大蝦都脆口，開胃的。海南雞肉幾嫩，無骨，好食既，不過痴刀大法嚴重左dd😂燒鱔感覺好日式，配有燒汁，肥厚魚肉，伴有新鮮菠蘿解油，唯獨要小心細骨姐👀炒金邊粉酸酸甜甜，算乾身，粉都炒得彈牙，男友同uncle都好岩口味，係我唔太對口味姐🙊燒牛舌就一般般，份量多但唔嫩，感覺有d乾。燒原隻魷魚，睇落賣相幾唔錯，都被清晒既，但因我唔食得會消化不良，味道就評論唔到了。燒大頭蝦賣相幾靚都大隻，不過唔算多膏，肉有點霉口，比較失望的。而我最期待呢個，因為要人多先食到，泰式明爐蒸生魚，新鮮的，魚肉滑，配上泰式香料都幾襯。不過都係鍾意中式蒸魚多點

來到香港想試下在香港開好多間分店的黃珍珍泰國餐廳，點了一份泰式湯粉的套餐，豬頸肉同牛肉的雙拼，加上木瓜沙律，小小一份肉不少，肉都非常入味好食，湯底都是好正宗的泰國風味，湯粉好滑，一吸就一大口，吃的挺過癮，木瓜沙律非常解膩爽脆，和在泰國吃的味道很像。

泰國海南雞，雙送金邊粉，芋頭西米露，對於香港人來講味道會覺偏鹹，雞有雞味，碟頭夠大。兩細一大食用飽肚收費187落樓。服務體貼，女兒食到舔舔脷，食客不多所以夠靜局，服務生唔會太辛苦，

早前10月嘅Blognet親子聚會決定跳出框框，去咗佐敦倫敦廣場嘅黃珍珍泰國餐廳試新嘢💕由於當日大部份嘅小朋友都好乖巧，所以媽媽們可以好好互相交留兼專心享受美食😍有blogger媽媽們仲分享以前拍拖嘅時候成日都會去九龍城黃珍珍撐枱腳，後來店員介紹先知，原來部份菜式係店舖限定㗎！所以今次率先試幾道佐敦分店獨有嘅菜式先啦！🦀酥炸軟殼蟹拼青木瓜沙律炸得外脆內軟又Juicy，青木瓜沙律酸酸甜甜有帶少少辣，夾埋軟殼蟹一齊食原來會多咗一份清新口感！好開胃嘅一道前菜💕🔥泰汁燒白鱔白鱔一向都係我既最愛，鐘意佢夠肥美彈牙既肉質，今次呢個泰汁燒白鱔仲有新鮮嘅菠蘿片伴碟，好有心思！啲鱔肉用咗日式鰻魚切法去晒骨，再燒到表皮香脆，一口咬落去啖啖肉充滿肉汁😋再點埋個秘製泰式燒汁，好食到停唔到，好有水準👍🏻🐂秘製燒牛仔骨身為牛魔王嘅我又點可以錯過牛😏牛仔骨味道帶甜，燒到兩面金黃好吸引，有少少似葡式既燒牛仔骨，溫馨提示要趁熱食呀！🥘咖喱炒蟹配法包蟹肉先用「走油」嘅方法去封住啲肉汁，大大件而且肉質鮮甜，最驚喜係原來個咖喱汁一啲都唔辣，反而係充滿椰奶香味，送飯一流👍🏻不過當日選擇咗配熱辣辣而且外脆內軟既法包😍連小朋友都食

二小姐出咗世之後 實在太忙碌啦依家仲要返埋工更加冇時間 出席活動難得今次夾到時間就約埋其他媽媽blogger一齊去餐廳試食今次我哋去嘅係位於佐敦彌敦道莊士倫敦廣場嘅黃珍珍泰國菜館我自己一向都好鍾意食泰國菜鍾意佢香口味濃而且仲有最鍾意嘅辣以前我住九龍嘅時候就成日去九龍城嘅黃珍珍食晚餐搬咗入新界之後都好少再返出嚟食啦所以今次 就嚟試下 佢嘅新菜講返餐廳先啦佢嘅位置都好方便地鐵站出口行唔洗好耐都可以到不過對於有bb車嘅媽媽嚟講就比較麻煩因為佢要行扶手電梯上一層樓先至再有lift可以直上樓上餐廳當日我自己一個人帶住bb同埋bb車其實都幾狼狽好彩扶手電梯算闊落 上落都方便但如果佢有lift可以直達地下同樓上餐廳咁就更加好啦由於今次係去餐廳試新菜所以喺menu上面都見唔 到個餸菜名等我憑記憶介紹番啲餸菜喇先黎呢一個係軟殼蟹拼青木瓜沙律軟殼蟹好 香脆炸得好乾爽唔油膩青木瓜沙律再淋上蜜糖感覺好fresh 好開胃再加上沙律入面有辣椒又甜又辣 感覺好特別呢一度菜係我最鍾意嘅佢係鱔嚟嘅佢焗到外皮好脆入面好軟啖啖肉完全冇骨而且條鱔係醃咗冇魚腥味淋上類似鰻魚汁用來送飯一流由於我唔食牛所以我就試唔到呢一碟牛仔骨不

早年經常和家人到九龍城的黃珍珍泰國餐廳，今次正值在佐敦工作，午飯的時間和同事到附近餐廳食飯，見到黃珍珍開設分店，地點非常方便，鄰近佐敦地鐵站，只需步行2分鐘就到達。我們上到去，地方闊落，裝修好華麗，我們被安排坐卡位，非常舒適。午市套餐的選擇頗多，有飯麵河粉。我選擇了香芒腰果炒飯（$78）同事選擇豬頸肉湯河粉（$60）。香芒腰果炒飯連前菜一并送上，飯的份量比較少，味道尚可。豬頸肉湯河味道一般，沒什麼特別。總括而言，食物的質素沒有什麼驚喜的地方，但如果想選擇舒服的位置坐下和朋友傾談，這間餐廳是不錯的選擇。

今日得午餐在佐敦道，吃的是黃珍珍泰國餐廳，是一間非常樸實得泰國餐廳，菜單都非常之豐富，不知吃咩得點套餐就最好啦，套餐有頭盤、主食、飲料、甜品。點著份紮肉湯米粉，料好足，湯底都好鮮，但是就有點淡肉同菜都幾新鮮，飲料同甜品無咩驚喜，但是這樣一份套餐已經覺得好值啦！

星期六的中午即興到黃珍珍食泰國菜，一行九人提前半個鐘訂枱。12時半到達餐廳，空空如也，食客只得兩三枱。侍應說隨便選座都可以。我們選了窗邊的大圓枱。環境方面，窗邊全是大玻璃，有自然光進入，可看到彌敦道的繁華鬧市，感覺不錯的。裝修用木色為主配合泰國菜的主題，地方也寬敞舒適，座位和座位之間距離不近，不擠迫。枱面上，每個座位都放一張紙枱墊，上面介紹泰國菜的特色點，講究酸、辣、鹹、甜、苦五味的平衡。讓客人也可以對泰國菜多一點知識。我們選了八道食物，份量十足。價格也大眾化。由於我們有小孩，所以沒有點太多辛辣的食物。我們最喜歡的是泰式燒豬頸肉和香芒蟹肉炒飯。其他菜式的味道也可以。在收銀枱旁邊放了一個小外賣𣕧，上面有自家制的蝦片和林珍香豬肉鬆。蝦片有點微辣，是值得一試的。服務員也是很體貼，主動安排兒童餐具，提供暖水。不過他們之間閒談就略嫌大聲，由於人客不多，全間餐廳都能夠聽得清楚。整個午餐時段的客人不多，只坐滿了三分之一的食客，可能因為整幢大廈太多食市。