黃珍珍泰國菜館 (已結業)

黃珍珍泰國菜館老實講食過好多次，但係食物質素非常唔穩定，有時候你覺得佢好ok，有時候你覺得真的比較。。。。雖然我唔夠膽講話識乜嘢叫做正宗泰國菜，但有時佢哋都值得一讚，特別係佢哋嘅通菜，而且整得很好食👍不過都係嗰一句有時候佢哋實在太唔穩定，有陣時候必醬料好好味丶味道好充實。但有陣時候就好似淡左 d。不過如果整體加起來久不久去食一次是可以接受的，但我真心認為如果能夠改善食物的不穩定我相信會大大提升客人的回頭率。

突然間口痕好想食泰國菜，知道九龍城有一間泰國菜叫黃珍珍非常出名，但係又懶得去九龍城。上網搵吓有冇其他餐廳，竟然俾我哋發現佐敦都有一間黃珍珍，當然諗都唔諗就去佐敦呢間啦。呢度餐牌有好多選擇，見到咖喱大頭蝦個樣非常之吸引，價錢雖然都有啲貴，$298，但一場黎到，就都係叫咗一份啦。個咖喱汁好正，超級香濃，大頭蝦有五隻，每隻嘅肉質都非常之鮮嫩，而且啲咖喱汁都非常之入味。另外我哋仲叫咗一份柚子大蝦沙律，$118，個沙律非常大份。而且好豐富，分別有花生，柚子，洋葱，蝦仔，蝦仁，椰絲，蝦米。天然清新，味道一流。魚蛋金邊粉，一碗先至$48 ，原來都幾大份，夠兩個人食。食完咖喱大頭蝦之後，呢個金邊粉就顯得啖味左少少，但係我哋發揮我哋嘅創意，加咗啲咖喱汁落去，效果係出奇地好食。呢度裝修都幾號呀，因為我哋平日夜晚嚟，人唔算多，傾計一流呀。

以前仲係啟德機場既年代，父母帶過我去九龍城既黃珍珍食過一次晚餐，記憶中係好好味！放下午同阿女去太空館&周圍行下，大約6點開肚餓，見到黃珍珍呢個招牌，就同阿女走左去食泰國菜！老字號就係老字號，真係好好味！未夠6:30入到去都未多人，一過7:30就開始好多人！坐左個好正既卡位，可以看到窗外人來人往既彌敦道，而自己同阿女就悠閒地食晚餐。天氣太熱，叫返杯鮮窄西瓜汁，又消暑又透心涼！鮮牛肉河粉牛肉好淋有香濃牛肉味，河粉超滑，湯底清甜（唔覺有味精）咖哩大頭蝦實在太好吃，好甜好濃椰香既咖哩，大頭蝦新鮮大隻爽口！甜品又點少得芒果糯米飯芒果香甜，糯米煙韌，配上香濃椰汁，阿女至愛！

之前o係九龍城食過，已經知係好嘢！今次o係佐敦呢間再encore! 食泰國嘢，本人必飲椰青，大大個鮮甜味美。最特別之處係印咗「黃珍珍」個名，好有氣勢！🔥可樂就係人都知咩味啦，最鐘意跟成柸冰，啱洒夏日炎炎嘅天氣，gur得好爽！一定要食呢度嘅咖哩，今次食咖哩蝦。大頭蝦果然好大個頭，雖然冇咩肉，但勝在蝦頭大，有糕食！最鐘意咖哩汁，唔辣，香中帶甜，有蛋花，可以用「咖哩蓉」去形容，點法包食一流！菠蘿炒飯，好足料呀！有肉鬆，腰果，鮮菠蘿，提子乾，叉燒粒，蝦。。食到最後，起埋周邊d菠蘿肉食！肉嫩的羊架！脂肪含量適中，不會羶，烤得好香！豬頸肉肉味濃郁，幼軟細嫩，邊位唔會硬！衛生舒適的泰國餐館，有乾濕紙巾及手套供應，員工態度有禮，抵我哋再嚟幫襯！

之前食過九龍城的黃珍珍，今次嚟佐敦分店食。味道、環境依然係無得輸，它的定價屬中高位，卻食得出價值。🐷首先推介係燒豬頸肉這裡的豬頸肉纖維緊密，肉質咬落有彈性，唔似平時食到的咁淋和鬆肉粉既味道。有碳燒香，加了少許蜜糖，好食！另外沾埋汁食係另一個驚喜，汁是泰式風味，比生蝦汁更濃味一些，清新得嚟帶辣！伴碟的菠蘿好甜，無渣，總括嚟講係必點食物之一！🦀之後係重點 -- 咖哩蟹一上菜已經好吸引，肉蟹重身大大隻，上面有蟹籽。蟹肉好厚，一梳梳好有鮮味！連咖哩汁也有蟹味，入面有d蟹肉定蛋花？好香，一啖都唔想浪費！🥖叫左個蒜蓉豬仔包豬仔包有4件，上有有粗粒蒜，香味都出，當然再鋪多d蒜會仲好！要襯熱食，如果唔係會硬！甜品 -- 芒果糯米飯鋪滿椰汁🥥，黑白糯米煙韌，芒果香甜唔酸。另外一讚，餐廳會準備手套、乾濕紙巾俾食客隨意使用！如果影相需要道具，有d大海鮮Cushion 供應， 好得意！

近排的天氣比較熱，胃口也不是很好，朋友便與我一起去吃泰國餐。這裏環境很大，而且地方有一層那麼多，環境也很舒服。這裏還有一些試食價的食物，價格比較優惠，可以嘗試不同的食物。首先來的是海南雞飯，海南雞黃油油的，而且雞皮及肉也很嫩滑，另外海南雞飯，飯也是一個主角，這裏的雞油飯十分香，每一口日充滿雞油的香味。我們還叫了一個小食拼盤，這裏的小食有五款那麼多，賣相也很美呢！這是炸蝦片，炸得十分香脆。這是炸蝦餅，這是蝦膠搓成一個圓形再拿去炸的，味道很爽口彈牙。

喺佐敦附近又唔知食咩好，search 下openrice 先知原來佐敦都有黃珍珍，所以就一於嚟試吓佢。座位都比較寬鬆，成個感覺好好。⭐️咖喱大頭蝦泰國大頭蝦真係冇得輸，好大隻，蝦頭多膏，肉質爽口彈牙，咖喱炒得好香，甜甜地，唔辣，啱晒香港人口味，配埋蒜蓉包真係無得輸，不過蒜蓉包多啲蒜蓉嘅話就好啦。⭐️炒金邊粉金邊粉炒得乾身，彈牙，好開胃，而且上面有幾舊蝦，肉質都唔錯。⭐️燒牛仔骨燒得唔錯，有陣炭香味，滿滿肉汁，另外配上辣汁，不過我覺得唔點都夠味。另外都好貼心咁樣切開一嚿嚿，方便食用，同埋有幾個菠蘿，食完成個感覺清新左⭐️炸原條白飯魚白飯魚好粗，條條都有手指咁大，去埋香矛，好香，小食之選。最下次食泰國嘢唔一定去九龍城架，佐敦都得，仲要小人啲添

諗起泰國菜，大家一定會先想起九龍城！剛巧在OpenRice找尋有什麼好吃的泰國菜時，看見這間黃珍珍，還記得在九龍城時也吃過，想不到佐敦也有分店😂地點不難找，一出lift就是餐廳。店員安排座位後便遞上餐牌，食物的種類也不少。來到泰國餐館，當然是想喝一杯泰國飲料。場內有不少的大枱！非常適合家庭聚會！看見不少人在這裏慶祝生日😌首先來的是龍眼冰，飲落去甜度剛剛好。再來是青咖喱牛，這個有驚喜！牛非常之香，而且也有不少！😍😍個人不太可以吃辣，這個青咖喱辣到剛剛好，送飯一流！再叫了一個炸原條白飯魚！白飯魚很多地方也有，但這麼大條還是第一次見🤩泰式豬頸肉來到泰國餐廳必叫吧！再配上兩塊菠蘿😄個人非常之喜歡吃軟殼蟹，所以見到這個菜式一定會叫，而且泰式芒果我覺得非常有特色。價錢也不便宜，但來到時便覺得是超值了！因為原來是非常大碟的😂😂最後一定要叫一個泰式甜品！我們選擇了芒果糯米飯😌椰汁再配上黑白糯米，非常好吃，實在是很圓滿的一餐😃乙

一直都鍾意食泰國野，今次又再帶屋企人出去食啦~~間野有膠手套可以衛生D咁食蟹~今次係黎食佢個蟹，因為屋企人好鍾意食海鮮軟殼蟹青芒絲沙津 ($148)首先黎個沙津，第一次食青芒絲，帶有清清既芒果香味又唔會好濃烈既一條條食落係爽口，係酸酸甜甜咁好開胃仲有軟殼蟹炸得好脆好香口份量都好多，不過2樣野就好似分開左咁~咖哩炒蟹 ($368)今次既主菜~好重椰香味既咖哩唔會好辣，係黃咖哩黎蟹就好大隻，係實肉同好新鮮，配埋咖哩係十分之入味蒜蓉麵包 ($48)另外叫左個包係沾咖哩食蒜蓉味好重好香，個包都好軟同外皮好脆一個包都好大個，好夠食仲有呢個芒果糯米糍唔記得左幾多錢，不過都想講下XD估唔到既係糯米皮都係芒果味同芒果色，都幾特別入面個芒果係大舊，整個比例都好好芒果係甜唔係酸，飯後甜品係岩岩好~

上回提到於黃珍珍訂枱時的不愉快經歷，在Openrice訂了枱，致電餐廳確認時卻告之滿座，怕白行一趟、十五十六唔知去唔去食之際，負責人當晚晚市後親自打畀我，同我確認有位，真心畀佢哋誠意打動。餐廳做緊問卷調查優惠至7/6，只要用餐後回答有關食物的問卷就可以用優惠價$38享用半自助午餐，包一款主菜，小食、飲品及甜品任食，用餐時間12:00-14:00，時限尚算輕鬆。全場只坐滿一半枱，好多吉枱，用問卷優惠的人唔多，名額只有大約9個人，聽店員講6月份的問券優惠已被訂滿，7/6後會全面回復正常午餐，現場都有唔少人以正價$89惠顧半自助午餐。我哋揀左紅咖哩海鮮飯同海南雞飯，紅咖哩唔辣但勁咸🤢海鮮有青口、蝦、魚各兩小件加上新鮮菠蘿，分量少(圖片的鑊仔好似成人手掌心咁大)，如果無自助吧的小食，一般OL都唔係好夠飽。海南雞飯味道一般，黃飯撈得唔均勻，中間仲有白飯😓，雞唔算滑，但勝在無骨。自助吧的小食唔錯，有燒雞扒、燒豬頸肉、炸蝦餅、青木瓜絲沙律、泰式鳳爪、蝦片、法包、灼菜、涼瓜湯。除左雞扒太硬太乾👎🏻，咬到牙肉都痛😖，其他食物都幾好，尤其是炸蝦餅同豬頸肉，夠juice夠嫩👍🏻！美中不足的就是醬汁太浠，好似

天氣這麼熱，好想吃啲夏天的食物，可以消暑一番。這樣小 b 便聰明地 book 了吃泰國菜。今晚吃的泰國菜地方，位於佐敦莊士倫敦廣場。呢個地方出名多餐廳，又多人，所以一定要 book 定位去吃飯嘅。黃珍珍泰國菜呢個名，聽就聽得多，竟然在九龍城以外，都可以吃到，太好了，真的太好了。在這個商場吃飯，都可以有免費泊車添，所以駕車去，都未必是一件好事。我們2個人，都可以坐到卡位，仲要近窗邊，非常開揚。叫了醃生蝦刺身（小），咖哩炒大頭蝦，炸原條白飯魚， 馬拉盞通菜，泰式炒金邊粉，加了1枝啤酒同埋咖啡冰。生蝦刺身，其實是小女皇至愛的泰國菜之一，可能是刺身啦。每隻蝦都非常新鮮，又非常爽口。小碟分量，都有6，7隻，都可以接受。🥰咖哩炒大頭蝦，是今晚的重點食物之一，因為小女皇對蟹有敏感，所以小 b 只可以叫蝦。幸好餐廳都有咖哩炒蝦，非常好味，又香，又滑。炒金邊粉也是小女皇至愛，可能係炒金邊粉關係，小女皇好快便吃了一碟。Overall the service and the food is quit good. 送餐速度非常好，快，又會用車送出黎，安全之上。又到評分時間💯💯💯💯💯:味道💯: 9/10價錢💯:

跟Honey慶祝11週年紀念日，正日他有公事要忙，所以提早吃飯慶祝。他在佐敦工作，我上Openrice瀏覽，看到佐敦也有｢黃珍珍｣，食評寫的也不錯，所以，就選這裏。佐敦｢黃珍珍｣，在莊士敦廣場3樓。環境舒適，座位擺放疏落，服務員態度也好。全是Honey點的餸菜，都是他喜歡的。炭燒豬頸肉沙律：豬頸肉烤得很香，但肉質仍然很稔很嫩。肉香四溢！醬汁少少辣，酸酸甜甜的。雖然汁醬味道較濃，但是包在生菜裡，夾著青瓜一起吃，濃烈和清新夾雜，好味！！！Honey又點了泰汁烤日本魷魚：原隻魷魚，魷魚肉雪白白 ，肉爽滑。烤得剛好，不會太老太乾。而且，泰式汁酸酸辣辣的，很開胃！又叫了冬陰功湯：冬陰功湯的味道好味，椰奶、南薑、酸辣……剛好。但，實在份量很少！跟一碗白飯一樣！夾起大頭蝦之後，湯不夠一個小碗……不太相宜了！甜品方面，本來Honey叫芒果黑糯米。但是，今晚沒有芒果，所以Honey改叫椰汁木薯糖水。木薯糖水大大碗的，有很多塊木薯。木薯煮得透徹，有椰奶的清香。整頓飯，都好好味！服務員態度又好！是非常享受的一頓晚餐！烤豬頸肉沙律 $138冬陰功湯(一客) $88

黃珍珍呢個名聽就聽得多，但係從來都未食過今日行到佐敦見到呢度都有就終於嚟咗試吓喇～一上到去就見到有兩台大家庭喺度食緊飯呢度感覺除咗朋友聚餐之外，家庭聚餐都幾適合！因為佢哋有圓枱，方便大家傾計丫嘛～嚟到泰國餐廳，當然要試吓佢哋嘅《醃生蝦刺身（小）》$148小份有七隻，我個人覺得佢哋嘅生蝦比較厚身，同埋都好爽脆👍🏻👍🏻👍🏻佢哋嘅生蝦汁就比較辣，後勁好勁！同埋我覺得佢哋嘅醬汁可以甜啲同埋酸返少少會更加開胃😏😏之後要左一份《咖喱炒大頭蝦》$298有五隻嘅大頭蝦，隻隻都有手掌咁大隻！大頭蝦個蝦頭有膏而且幾鮮味咖喱醬汁好香，帶少少甜甜地…辣度唔算辣！而且配料好充足，有好多嘅洋蔥&芹菜🤤🤤🤤啱晒我口味👍🏻個醬汁用嚟沾蒜蓉包好好味《蒜蓉麵包》 $48佢係蒜蓉豬仔包～蒜蓉配牛油撈埋已經好香！佢仲要炒過啲蒜蓉所以特別特別香👍🏻👍🏻👍🏻而且麵包夠脆口好味❤️ 略嫌蒜蓉牛油少左d😢

同老媽去撐檯腳，佢揀左泰菜黃珍珍。食客都多，但環境幾好，唔會逼夾。見大半場都食緊咖哩蟹，巨型的蟹，好鬼吸引。我地都咪執輸，叫左一隻。咖哩炒蟹 $368原隻大肉蟹，好鮮味又啖啖肉。兩個人分享，大滿足。咖哩好香好滑，味道係甜而不辣，而且質感有少少杰似乎好多蟹膏，最啱配包包。上面仲有一堆日式蟹子，撈埋入咖哩汁一齊食，口感又幾得意喎！肉蟹的大蟹蚶，啖啖肉超好味。餐廳都算幾貼心，有一盒膠手套提供，等大家食蟹的時候可以盡興D，唔使就住就住。蒜蓉豬仔包（四個）$48 呢間的蒜蓉包好有誠意，係成個小豬仔上架皮脆內鬆軟，加上惹味蒜蓉，齋食都好掂。而用來配上咖哩汁，更加係一流，一人兩個啱啱好 海鮮濕炒粉$118好足料，海鮮多，菇菌同菜亦多，餸的比例絕對多過河粉，啱曬食餸多過食飯的一族。濕炒河粉的芡汁煮得幾好，稠杰度同味道都好適中。芡汁唔會太漿，又唔會水滴滴，做到掛汁的效果。還有室外坐位，遠望尖咀景，呢個天時涼涼地，好啱一班朋友 chill 吓。下次再來叫D小食，飲返兩杯，不知幾爽。

今日收工好攰唔想去得遠一出地鐵站就過對面莊士敦搵野食算咁啱見到有間泰國菜館黃珍珍好似之前都聽過幾出名所以就決定揀咗佢啦我哋揀咗一份咖喱大頭蝦♥️♥️♥️咖喱嘅椰香味好重好香一啲都唔辣好啱我口味大頭蝦真係好大隻肉質好爽而且好鮮甜好簡單咁樣叫咗個蒜蓉包攞嚟陪襯咖喱已經係一流啦本身仲諗住叫其他嘢食但我同男朋友今日都好想食甜品所以我哋決定留肚食甜品我揀咗呢個芒果糯米飯芒果好甜好香糯米飯淋上咗椰漿好正啊男朋友就叫咗呢個芒果椰汁西米露呢度嘅嘢食真係好好味而且坐得好舒服服務亦都幾好喎