黃珍珍泰國菜館

营业中

休息中

我上個星期去試下九龍城黃珍珍，貪佢有得訂位，口碑又不俗。準時去到都仲要等位，超多人，勁擠擁。咖哩炒蟹有水準，生蝦刺身出色，難怪咁多客。但牛肉沙律有問題，侍應放上枱時，我話我冇叫生菜包喎，佢話：(呢碟係牛肉沙律！)黃珍珍的做法係將攪碎牛肉連洋蔥、辣椒一齊炒至全熟，再用生菜包著食，我人生經驗話我知這是生菜包的做法。碟菜十足十豬肉生菜包，太過份。我問第二個侍應，第二個話係生菜包，唔通連自己伙記都唔識分別？終於有個似老細既人物出場，黑面地講：(呢碟係牛肉沙律！)今時今日咁既服務態度，香港一定得啦！之後最喪係佢去廚房攞咗一碗生牛肉及一碗生豬肉，仲放上枱比我比較一下豬牛之分別，勁！我投訴係你俾生菜包我，就話係牛肉沙律，指鹿為馬。仲要將生肉放上枱，極之不衛生，比較還比較，生熟要分開。今次經驗話我知香港經濟轉好，食客又要睇佢地面色！P.S. 再去? NO WAY!

尋日同朋友慶祝, 一行十六人去左黃珍珍佢俾左上層一間半開放式既房仔我地環境不錯, 自成一國~~咖喱炒蟹真係好好味個咖哩唔算辣, 但好香明爐蒸魚第一啖覺得好怪, 酸酸地咁但係食落就覺得好食, 個人最喜歡依碟此外, 服務質素好高我地簡左好耐餸 (多人係煩d)成日要佢地加水, 清理, 總之就多多要求不過佢地都笑笑口咁幫我地搞掂臨走仲好nice咁用泰文同我地講再見

對於東南亞菜, 我一向鍾情於咖哩, 而來到黃珍珍, 我真是每一次都吃它的咖哩炒蟹!其實我女朋友才是它的忠實Fans, 每次來都必定要吃咖哩炒蟹, 而且還是要大的, 而且必定配上法包!另外為了一清油膩感, 我必定會叫一個苦瓜肉丸湯, 這樣兩個人吃已經是非常飽的了!說說咖哩炒蟹吧! 我始終覺得這裡吃的咖哩炒蟹最好吃, 咖哩夠香, 而且濃淡度適中,蟹的份量亦很多, 蟹的質素嗎?肉蟹質素OK, 是足料之作!(其實我很想試大頭蝦, 但每次女朋友都想吃蟹, 龍蝦都試了反而平平無其!)法包聽上去平平無奇, 但它與咖哩炒蟹其實缺一不可, 法包絕對是咖哩汁的最好的伴侶, 點了咖哩炒蟹& 法包, 才不會白白浪費了美味的咖哩汁呢!苦瓜肉丸湯絕對能給你一點清新的感覺, 當吃了滿滿一盤的咖哩炒蟹, 喝一碗苦瓜湯, 油膩感頓減, 而且苦瓜湯用料亦不馬虎, 多苦瓜& 多肉丸, 值得推介!裝修不用說, 新店較以前更大, 亦很有泰式風情, 服務方面, 侍應服務勤快, 唯上菜時間有必要留意, 時間頗長!若喜歡吃咖哩蟹的人, 此處應不會令你失望! (下次若試了大頭蝦再跟各位分享!)

今天提早慶祝父親節....一家七口...要了...花膠湯...如果啲湯清啲就perfect...因為好足料!蝦刺身...幾新鮮爽口!咖哩炒蟹, 咖哩龍蝦...好野味...但龍蝦唔太爽口...啲汁用黎送左兩藍法包....法包又脆又熱!柚子沙律....普通...我覺得荃灣間青胡椒好食啲!辣椒squid...幾香口...野味!泰式蒸鱔...麻麻地!蒜蓉炒芥蘭....好油!菠蘿炒飯....有蠟味既...?熟客...所以招呼好好...走時好多人仲等緊位!

同上司有默計要傾,在旺角怕碰到熟人,就選了九龍城.在九龍城要找達傾到計又坐得耐的地方,是不太容易,最終擇了黃珍珍.早知味道不會太出色.只貪其環境.星期五人客不太多,坐在二樓旁邊位置,是很適合傾計.芒果炒蝦球---酸酸甜甜十分開胃,蝦球是很"爽"的.泰式炒通菜---辣度適中,本人吃通菜喜歡吃葉,但全碟是差不多沒有的菠蘿炒飯---最後才到,其實已經飽飽地.味道不外如是.總括:找數二百有多,是不太值的.味道又不是出色.真是貴在環境.今餐上司作客,多謝晒!

為慶祝媽咪生日, 我地一家六口一齊黎黃珍珍食泰菜. 家姐訂左夜晚6點, 本來我以為咁早唔會有咩客人, 點知去到時已有幾枱人, 好早喎!我同家姐高興起來, 叫左好多好多菜~~1) 拼盤(細): 有四種小食, 魚餅, 蝦餅, 蕉葉雞, 春卷- 全部都好香脆, 有水準咁啦2) 泰式明爐蒸魚: 媽咪話今次唔食烏頭, 要食桂花魚, 條魚好大, 真係夠6個人食, 蒸魚有個爐烘住, 仲有d用魚肉加檸汁做既好似魚春既物體, 幾好食3) 辣椒羔炒聖子: 聖子好肥好大隻, 又有海水既鮮味, 好好味呀~~4) 泰式南乳燒雞: 要左半隻, 唔係好大隻, 味道一般, 好似燒雞咁, 食唔出南乳味5) 粉絲大蝦煲: 好似有5隻大頭蝦, 好大隻, 我要左隻略為細d既, 蝦肉夠爽脆, 媽咪食蝦頭既蝦膏就食得津津有味~~粉絲連蝦汁一齊食, 熱騰騰好正~~6) 菠蘿炒飯: 好靚啦, very colourful, 不過實在有太多野食, 所以我放棄左呢個~~7) 蝦膏炒河粉: 唔知點降個味係甜既, 不過都炒得幾好味, 仲有幾隻大蝦tim8) 馬拉盞通菜: 綠油油既菜, 不過份量比較少, 而且個人覺得多d馬拉盞味會仲好服務就一

大概有好幾年沒有吃過泰國菜，適逢行經九龍城，於是和太太二人走進黄珍珍吃一頓泰國菜，選擇此家是基於此泰菜館屹立九龍城十多載，怕且會薄有水準，唔會太差勁，打開餐牌發覺內裡的食品樣樣都想吃，魚與熊掌真係不知點選擇，最後都決定食幾近四百元的二人套餐，内有：柚子沙律、泰式燒豬頸肉、炸蝦春卷、咖喱炒蟹跟法飽、咸魚炒通菜、海鮮冬蔭公湯和兩杯凍飲。以上食品除了海鮮冬蔭公湯薄有水準之外，其他的都只屬中庸級別，驚喜不大，唯獨那咖喱炒蟹可真差得離譜，先講賣相，一堆黄色的漿粉芡像漿糊般似的漿住整隻蟹，看落都滿不是味兒，吃落發覺勁重椰汁味，又甜又羶腥，完全吃不出半點咖喱香，相比起茶餐廳的港式咖喱還要差。基於唔浪費食物，才勉強把蟹吃光，連蘸汁用的法飽也可省下來，如此差勁的食品也敢端上枱，此店可真要用黑店來形容，而摸進黑店的小弟可真有眼無珠，我一向不吝嗇花錢去食物水準好的餐館食飯，但這一回花四百元食隻垃圾蟹，可真氣得我幾晚睡不著教。

由細食到大, 食物水準平均近排喜歡榴槤炒飯, 榴槤好甜, 配炒飯哩個組合好特別咖哩炒蟹, 咖哩汁點法包, 一流~唯一就係d侍應好忙, 好難叫人

I have been here for lunch. Food is delious. Their lunch is quite busy. Not like the one in Causeway Bay. Causeway Bay branch is always not full. But the food is also good as well as the price is not expensive at all.

叫咗1) 咸魚炒椰菜苗—好香咸魚味，椰菜苗好嫩，好惹味！2) 炸蝦春卷—炸得好香，好脆；但我仍略嫌炸粉厚咗少少！3) 酸辣海鮮湯—每次都會飲！好惹味，辣得好過隱！勁多海鮮：魚、蝦、蟹、鮮魷& 青口！4) 辣椒羔炒海鮮—又係勁多海鮮，仲有聖子。海鮮新鮮，又唔係好辣！但係太多辣椒粒，藏晒入D seafood 度，影響口感，成日要吐番出嚟！5) 豬肉濕炒河—都係每次都會食。超大碟，濕濕地，好味，味道適中，加埋芥蘭片，口感更佳！

朋友生日~預早在星期5跟他慶祝~去到叫了咖哩牛腩,泰式炒通菜,法式面包,炒聖子跟1打雞串燒咖哩牛腩係青咖哩~唔夠辣之外~牛腩唔夠肉味跟唔淋泰式通菜唔夠辣,好失望~法式面包....我一看就感覺不叫也罷= =如果唔係我朋友叫左真係想唔食....普通洪熱左既法包而已炒聖子係唔錯的選擇~而且都幾大碟~而最好味的反而係雞肉串燒同點佢d沙爹醬~當晚人不太多~好多侍應來來去去冇野做~冇辦法...D野食唔得就係咁= =食唔飽之餘仲要150~唉

連續兩個周末夜,去九龍城黃珍珍開餐.貪其有七折coupon無限download.之前係完全未黎過呢間老字號,奇哉?老早聽聞近年水準下跌,從未黎過的我,當無聽過.照食可也,反正相信,點都有個譜.(雖則無限coupon任派,已唔係好現像.)青咖喱送熱辣辣法包,人生多麼的美好.明爐桂花魚, 肉質味道,比烏頭過之而無不及.食到同行女性友人,完全失去控制,大半條桂花魚,送晒落佢肚咁滯.之後同佢再來過兩次,條魚實在少不了.估唔到在Tiffin見到眾女人失控之場面,今日會在黃珍珍見到.另一奇哉.燒羊鞍唔多掂,無咩羊肉味,肉質唔juicy.泰式炒飯,太油,鑊氣唔夠.比小曼谷果d比,淡如開水.咖喱羊腩.同之前燒羊鞍一樣,無羊味,無SO味.只得八角味.羊肉唔so,等於搭上一個無內涵,無女人味的女人.頓時乏味.尤其把口出自我呢個唔多食羊,都覺得無味的人.更加有說服力.幸好個咖喱也算惹味,連送幾個法包七折之後,又真係幾抵食. 不過風味略欠,比九龍城街市果間,真係爭d,係比較好坐,岩晒女仕們去.男人老狗,都係上街市去.食罷回家途中,iPOD傳來Joy Division"She,s lost control".忽

我今晚order咗 鹽燒海中霸, 真係好好味, 魚肉很滑又大條, only around $110, 值得一吃.dessert多款式, 不錯, many choice

隔左一排都無寫到食評，亦都隔左一段日子無黎珍珍。今晚一行六人踩入去，因為某個朋友生日，指明要到此地，食物如下：１．咖哩炒蟹（兩隻）２．青咖喱牛腩３．辣椒羔炒蝦球４．炒通菜５．泰式明爐魚（烏頭）６．泰式蝦餅７．串燒半打８．辣椒炒鮮魷９．六個靚仔１０．一藍法包其實，以上的菜色不是我選的，因為我唔會揀２、５及８，礙於他們選擇，只好跟從。青咖哩不錯，但牛腩偏老，一般。烏頭，食開既你都會知係乜貨色，都不需多談。鮮魷那碟不是太突出，可能有其他野頂住，鎖情不太理想，與烏頭並列。講番咖哩蟹，黎呢度食海鮮不是吃鮮味，而是吃香料，咖哩汁可算是呢度菜既靈魂，我覺得好多間泰菜既咖哩汁都係咁上下味道，係咪有公式煮呢？我吃了蟹腳及鉗，食腳時覺得ｄ肉有點兒老，相反吃鉗時不錯，可能鉗的部份既殼咁硬。炒蝦球都算係驚喜，蝦肉都不是急凍蝦，個汁就同咖哩汁唔同，但都幾好食。伴似靚仔及法包都係不錯。炒通菜，通菜不算太新鮮，都係靠香料取勝。呢度與附近出名食串燒o個間，我會選擇o個間，因為真係燒得幾好。今晚我覺得最好味的始終是蝦餅，食過好多蝦餅都係無蝦味及大陣急凍味，但呢度同“金蘭花”都無，好味，蝦餅個friend蝦片都係好味，無

幾個月前同男友慶祝初次見面日N週年紀念, 佢話不如食好d, 對佢o黎講貴d就算係好d!於是有小曼谷, 泰苑小食唔去, 揀左大名頂頂o既黃珍珍.一個字, 頂!首先不幸地坐地牢近樓梯位, 比隔離枱個小朋友煩足成晚, 佢不斷走上走落, 條木樓梯比佢行到澎澎聲, 真係可愛!講返食物, 因為幾個月前食, 查實唔係好記得食過咩野, 只記得唔好o既!叫左冬陰公, 太辣, 飲完一碗要抖一抖, 抖多幾抖碗湯又涷左!牛肉沙律, 呢個真係R頭, 完全唔同我食開o既, 牛肉'鞋', 個沙律唔辣, 唔知佢想點.最後食左成四佰蚊, 貴夾唔飽, 唯有行過隔離街合成食糖水補數!