黃珍珍泰國菜館

营业中

休息中

我住o係九龍城多年，泰農菜館應該係第一間開業o既泰菜館。我都食過黃珍珍，如碳燒豬頸肉同活蝦刺身等，但比較之下同樣菜色黃珍珍總係差少少。雖然黃珍珍係出名，但我始終支持泰農菜館多o的。

近年太多泰國菜館於九龍城開業，當中黃珍珍依然每天人頭湧湧，其中秘缺必定係水準如一，好食！咖喱炒蟹o既惹味醬汁味道一流，椰汁及香料配合得天衣無縫，配以蒜蓉飽或白飯來食真係正到唔停得手，其他泰式食物如豬頸肉、冬蔭功等都係同區之冠，食泰菜的人定必以黃珍珍為首選！不過，價錢就略貴，美中不足！

雖然newsgroup 好多人話黃珍珍唔掂, 但我上個weekend食過, 唔錯喎! 仲好過金寶好好好多倍添(因為金寶好差>_<)六個人, 埋單$590~ 雖然只係order D 好普通o既o野, 但都好抵呀~ 豬頸肉正~ ^_^不過唔好order 燒牛肉salad, 又酸又咸~ >_<

昨晚和男友個老豆提早慶祝father's day, 揀左呢間泰菜, 因為平時夜晚行過見都幾多人排隊, 諗注應該都幾抵食兼好食........6:30pm入到去, 坐下來望望餐牌才感覺到幾貴, 我地3個人叫左"細的煲仔翅$198.00, 拼盆, 蝦羔炒飯, 咸魚茸炒芥蘭, 泰式烏頭, 買1送1特價啤酒"埋單都接近$700.00, 但好彩都無失望, 佢地都話雖然貴, 但的確有水準, 特別係個翅,很有質感和口感, 但由於人流太多, 服務都係一般, 埋單後出門口才知道原來仲有甘多人在等位, 其實九龍城都有好多泰國菜館, 但呢間的等位程度,可見得的確係唔錯!!!!^^

能夠係九龍城咁多泰國菜館中屹立不倒, 真係唔容易. 聽講佢搬左去呢個位之後, 生意差咁D, 即係唔多洗排隊....睇睇點!? 哎呀, weekday夜晚真係靜D, 搬咁耐D 裝修仲算企理, 不過, 價錢好似貴左喎! 兩個人叫左冬蔭功, 魚餅, 豬頸肉, 炒雜菜同Dessert, 加兩個drink , 埋單差唔多五百. 味道仲係幾好, 但咁既價錢, 吸引力真係差咁D 囉!

我覺得九龍城的黃珍珍，真係泰國菜中的表表者。新出的泰個菜，味道特別鮮美！我特別喜歡o個d 泰式燒雞同龍眼冰。燒雞好香好入味，而龍眼冰卻清甜無比，特別係當你食完d 好辣的咖喱後，飲番杯咁冰涼的飲品，真係好正！o個d 鹹魚炒芥蘭亦好好味。不過，我卻唔係咁欣賞o個d 酸辣鳳爪，因為真係好辣好辣，食到我條利有d 麻痺。雖然係咁，我仍然十分推介黃珍珍為泰菜之首。

I went to this restaurant for lunch. The food was good. However, the attitude of some manager inside was not very good. She acted as if she did not care about our giving her the business.

其實我除左鍾意食日本、印尼、越南 ０野之外，我都好鍾意食泰國菜，但食過好幾間，我就比較鍾情黃珍珍泰國菜館。大家講得出的泰國菜；如明爐燒魚、菠蘿焗飯、脫骨鳳抓……. 呢度都有，仲水準不俗。但０黎度我必定叫返個鮮河蝦刺身，河蝦除左夠鮮甜爽口外，沾埋特別的泰國醬汁食，特別刺激好味。