黃珍珍泰國菜館

营业中

休息中

自從佢\轉左地址, 好耐都無去黃珍珍, 地方大左好多, 唔知係唔係唔多人手, 服務就差左0的。美食不變:1. 熟蝦沙律好多蝦好足料, 都好夠未, 不過我想加多0的菜會更加好食, 唔會覺得只係食蝦2. 咖哩炒蟹依然勁好味的咖哩汁, 蟹都好新鮮, 如果個飽係蒜溶飽就更加好了(另外叫一客飽)3. 冬陰公湯勁勁勁好味, 不過可能太辣, 飲完個肚係好似比火燒, 肚痛P.S. 一定要用coupon 先抵gar

晚上同一家人去到呢度食~叫左幾個菜咖喱炒蟹, 冬陰功湯, 泰式炒通菜, 無骨鳳爪, 仲有一碟唔知叫咩名堂既拼盤, 共6 個菜之後因為有coupon關係, 叫多個泰式明爐蒸魚, 我地揀左鱸魚.話抵食, coupon送果條魚真係幾抵, 都算大條, 唔會因為送而縮皮(本身要$148)但話其他呢, 就唔算啦~至於食品既味道, 唔使多講, 梗係一流, 本人都係好鐘情佢d咖喱炒蟹既咖喱汁, 撈完飯都唔夠, 仲撈埋面包~正!冬陰功湯d料都幾堅, 我飲完之後有個胃少少頂唔順, 不過真係好飲!環境, 服務唔錯啦~乾淨呢方面, 發生左個小插曲, 係條魚既生菜度有條菜虫仔吊左係個碟下面, 不過唔係咩大問題既, 個人認為.

9個人,訂左位,9點3去到.都要等左10分鐘先有位.叫左以下食物:醃生蝦沙津(大):有十隻,個汁幾正,蝦有肉新鮮.泰式燒豬頸肉:香口又入味,都OK.咸魚炒芥難:好咸.麻麻.炸蝦餅(2客):一客六個,必食,正.冬蔭功湯(中size):有5隻大頭蝦,好味足料.蒜蓉飽(2客):一客5個,但一個幾大,早知只叫一客,送咖喱,一個味似豬仔飽,麻麻.咖喱炒蟹(大):十隻肉蟹,好好味,超鐘意個汁,送飯好味.蒜子胡椒大頭蝦:得4隻唔抵食,冬蔭功湯仲抵有5隻,淡左d,可以不吃.蝦羔炒飯:好咸,飯太硬,唔覺有蝦羔.蝦球炒雜菜:好大碟,菜好甜,不過不失.泰式飲品(5杯):二十蚊一杯,不算貴.必食:醃生蝦沙津,泰式燒豬頸肉,炸蝦餅,咖喱炒蟹.冬蔭功湯.結帳:$909 連加一每人$101整體來講:九龍城新店環境好,有兩層座得舒服,服務一般,人手唔夠.以環境同食物質數來講,7折左真抵食.男老闆友善,仲送了椰汁甜品給我們.一定有下次.

黃珍珍退步﹐路人皆知﹐若非因為請客對方欽點的話﹐絕對不會踏進這裡。果然不出我所料。五個人叫了六碟菜。芋頭鋦飯﹐香菜芒果蝦仁﹐冬蔭紅寶魚飯﹐飛天通菜等等。。。菜細碟頭但不精采。吃了110蚊位都不飽肚。若要差不多價錢吃好點的話﹐我會推薦隔一條街的金蘭花泰國菜。(我朋友見到- 三十幾蚊啤酒錢﹐也不禁暗呼﹐幾逼近尖嘴pub 區的價錢)唯一讓我給tips感覺還可以的﹐就是侍應姐姐主動前來介紹菜色中的紅寶魚是一種調較出來的混種魚﹐就算全檯都是年青人也絕不欺場。

四個人吃了八佰大洋，不算平，味道好，但沒有優惠卷，便覺得稍貴，食物的味精是出奇的少，是今晚的驚喜，而味道亦十分正宗．計叫了：南乳燒雞半只，咖哩蝦，蝦醬炒通菜，冬陰功湯，芋頭飯，穌炸軟縠蟹等；飯後甜品則有：咋咋，糯米榴槤等．最好味的是雞，肉質嫩滑入味，咖哩蝦的汁完全不辣，但很香，不過河蝦的質感及鮮味始終不及海蝦，炒通菜則火候剛好，又香又好味，冬陰功湯是今晚的敗筆，因為太太太太咸，芋頭飯很好，料和飯都很好味，是最快清碟的，軟縠蟹則不甚好，份量太小，一陣小小的油益味及質感不足，不夠肥美．飯後甜品是最精采的，稍為補償了餸菜的缺憾．地牢的圓形卡坐很舒適，待應的服務也很好，肯耐心地介紹食物及換碟．埋單時九點也有人等位，可見受歡迎程度．因為不算便宜，所以只給ｏｋ．

豬頸肉- 野味o加喱牛腩- o加喱no飯好正冬蔭公- 好地道份量3 碗海南雞飯- 一般,冇咩特別燒羊架- 送beer頂瓜瓜大生beer 1杯總括- 食物真係好正,值得試,只係貴左少少

同學仔有7折coupon,去左呢度食lunch,當時接近12點,望出面好似未開門咁...冇客,係叫完野食先有個鬼仔入左黎果d 套餐太多野食,所以散叫,叫左個泰式炒粉絲,揀左牛肉,不過d牛炒得太老,唔係幾好食...但係個粉絲ok,唔油,同埋都落左好多料,乾濕程度都岩岩好之後叫左個芒果椰汁鴛鴦糯米,芒果幾甜,要讚下,糯米其實有得揀齋黑或者齋白,我地一致認為黑係好食好多原本係要定舊水,7折左都係$68,一個$34,抵食~

今日特去黃珍珍食泰國菜。常常在報紙/雜誌上都會見到佢ge 七折coupon。我們3個人叫了5 樣菜:1) 冬蔭公湯-- 辣得好香，有2隻大蝦，正2) 小食拼盤-- 有蝦餅、魚餅、荷葉雞、春卷，很大碟 le！春卷很好味，魚餅較遜色3) 無骨鳳爪-- D sauce 好辣4) 雞肉濕炒河-- 好大碟，D河粉好粗，but D 芡太"杰"5) 咸魚炒芥蘭-- ok la3 個人都係食$260, 超抵，大件夾抵食！

炸蝦餅好味~!! 同埋糖水芋頭椰汁西米撈, 都係好正架!! d西米大大粒, 唔同出面街果d~ 好味d仲嗌左個青咖哩, 都ok架! 總体黎講, 貴左d但試都唔錯既~

今晚同屋企人去食飯, 坐係窗口位<br />7 點幾個陣都差唔多full<br />証明真係幾多客<br /><br />叫左個大煲翅, 蜜桃炒飯, 串燒, 咖哩牛腩同埋魚餅<br />個翅唔錯, 好足料, 不過就真係幾貴<br />叫左個細, 真係4 個人一人一碗, 小小都冇多<br />個炒飯ok la , 酸酸地幾開胃<br />咖哩牛腩唔錯, 比上次係荷里活廣場間泰棧比簡直係天堂同地獄<br />串燒就冇乜驚喜, 魚餅有骨...........<br />因為近期禽流感, 唔敢食雞...慘...<br /><br />之後唔係太夠, 再叫左個春卷同埋唔知乜野海鮮炒飯, 後尾再加多個細小食拼盤<br />春卷都係普通la , 個炒飯話就話係辣, 但食落冇乜味, 失敗<br />最後就係小食拼盤...又有春卷and 魚餅<br />下次真係要一早

鹹魚炒芥蘭冇乜鹹魚味, 真怪!! 菠蘿焗飯D 菠蘿好酸, 仲以為係招牌菜0忝! 比較掂擋既係豬頸肉咋!冬蔭功D 蝦勁大隻!!! 不過?全店都冇大圓"木台" , 搞到食野好唔方便囉!

今次想試下泰國食物,有好多間泰國餐廳在九龍城,見這間這麼多人,即管試下.叫o左一個酸辣海鮮湯和青辣椒羊腩, 個海鮮湯好夠味,但不會飲到個口麻痺,又好有料,連蟹鉗都有.個羊腩就不太辣但很香,很好味.就咁食两味都好夠,再食不下.不過價錢都唔係太抵,咁樣都近两舊水.

d咖哩炒蟹唔得，d蟹梅既，咖哩汁又唔香......

馳名的咖喱炒蟹水準急劇下降。我懷疑他們用了「雪藏蟹」，除體型十分細小外，亦亳無鮮味，比起以前用原隻新鮮肉蟹差好遠好遠……在下考慮以後不再幫襯了……

有錢0既時候, 就會去黃珍珍, 因為佢d野都唔平, 比較起金寶. 而且佢d食物都頗大碟, 人多去食會好d. 上次同個friend2個女仔食左8碟野, 比人望左好耐, 食得好辛苦至可以食晒. 心水推介係豬頸肉, 燒得好香, 唔會太乾, 仲可以保留到d肉汁. 最正係個汁, 辣辣地, 好味. 仲有就係咖哩炒蟹, 唔太辣, 但係好香咖哩味, 點包包一流!!