麻辣香鍋

营业中

休息中

放工想食辣，就和朋友來到朗豪坊附近的麻辣香鍋，食個麻辣香鍋。餐牌的第一頁便是招牌，配料分了肉類和蔬菜類，兩大類別加埋接近60款香鍋配料，夠晒豐富。滿足晒多心的人！點了個炒菜、香鍋和一個酸菜魚，加起黎二人食十分足夠。清炒油麥菜菜夠鮮嫩，雖然份量不算多，但炒得惹味。麻辣香鍋選了香辣的小辣程度，有小酥肉、鮑魚、牛舌、雜菇、花菜共5款配料。鮑魚有4大隻，爽口彈牙，牛舌薄切，片片肉，好入味，酥肉經過炸香，食落香口。雜菇和花菜都新鮮，加入平衡一下邪惡感！招牌金湯酸菜魚用上了鱸魚，口感嫩滑。金黃色的湯底濃而不膩，微辣做得剛剛好，入面的配料有很多，例如金菇、酸菜，仲有煙韌的薯粉。一盤的份量足夠兩個人食，湯底無論配白飯或者配薯粉，都好好食。唔怪得知晚市咁多人嚟幫襯。

這家店鋪的地理位置很方便，旺角地鐵站E1出來左轉直走，過一條街就到。一走進來就聞到一股香辣味，頓覺味蕾大開。來到麻辣香鍋當然要叫個麻辣香鍋啦。兩個女仔胃口不小，點了鯛魚片、土豆片、田雞、牛肚、牛舌，好大一份。麻辣香鍋的底價是$22，再按配料依次加錢。牛蛙先炸過，外脆裡嫩，很入味。土豆片這家切的是薄片，粉粉的。牛舌厚切，有口感。牛肚軟軟的，很入味。金湯酸菜魚亦是可圈可點，酸菜不會很酸，我喜歡直接。魚肉很新鮮，酸、辣、香三味俱全，配菜很多哦，有菇類、萵筍和薯粉。我們還點了川菜必備解辣神器，凍檸茶和紅糖糍粑。紅糖糍粑當主食，太巴適了。

一條友係街遊蕩唔知食乜好，又未食lunch，又俾我經過見到呢間一於試吓，之前成日都見到好多人建議大家2點後去食會坐得舒服啲。加上有午市套餐，都幾經濟下，好多打工仔都過黎食！我就嗌左個招牌香鍋試試佢。點知黎到咁大份鮑魚、牛栢葉、萵荀、貢菜、墨魚餅。鮑魚都幾新鮮，唔係罐頭貨。第一次食貢菜，口感好特別，好爽脆。其他都ok啦。素菜份量好多！唔好睇落成盤嘢都係辣椒，但其實唔係好辣。我呢啲小辣人士都食到，整體都唔錯，下次再試吓其他嘢先

經朋下介紹下黎到呢間川菜「麻辣香鍋」試一試。環境光猛闊落，另外我非常欣賞佢哋現在仍有隔板分隔，令人食得非常安心。而且一坐底又有熱水俾我地洗餐具，枱面有提供紙巾，非常細心♥️。餐牌選擇非常多，有招牌香鍋、烤魚、雞煲、水煮牛/羊肉、鑊集小炒、冷盤等，應有盡有。💮招牌香鍋 $28 + 任選五餸起炒黎到點少得試佢既招牌香鍋。口味有3款選擇：香辣/麻辣/醬香（不辣）。我地就揀左香辣。而辣🔥度就選擇左少辣。餸我地就揀左：肥牛、五花肉片、雞軟骨、魷魚鬚同翠玉瓜。一上到黎份量真係好多，超香香辣味，辣味滲入哂落啲餸，又炒得乾身、香口、鹹度又適中，少辣不算太辣，是接受到的範圍。整體味道不錯👍🏻，送飯一流。💮小菜：黃金蝦球 $138黃金蝦球顧名思義是用鹹蛋黃整，蝦🍤球即叫即做，外皮香脆，鮮蝦彈牙，配埋鹹蛋黃落去炒，每一啖都有鹹蛋黃味，超好味😋推介👍🏻💮冷盤：口水雞$66口水雞黃油香十足，雞肉嫩滑、雞皮又薄又滑，口水汁充滿麻香，滲入哂入雞塊裡，真係好惹味😋💮飲品：凍檸樂$26 百香果檸檬茶$36友人就揀左凍檸樂，而喜歡飲檸檬茶既我，點少得試下佢呢個咁特別既「百香果檸檬茶」。原

入秋夜晚風都有點涼意🌬️涼涼地最適合食辣野暖下胃😆每次想食辣都會諗起佢個香鍋😎◂ ◂ ◂ ◂ ◂ ✐☡ ▸ ▸ ▸ ▸ ▸▸ 招牌香鍋 (香辣味)大大碗香鍋一上台就超香🤤每款材料份量好足： 彈牙牛筋丸、軟嫩不油膩五花肉片、爽口豬皮仲有萵筍、油豆卜、土豆片索哂味即叫即炒熱辣辣真係夠哂惹味🌶️▸ 香辣蝦一大碟差不多有13隻蝦蝦肉新鮮即叫即炒夠鑊氣🔥越食越香辣好過癮🤪▸ 紅糖糍粑甜品控嘅我點少得叫個甜品糍粑煙煙韌韌加上紅糖甜而不膩真係最佳配搭♥️♥️▸ 金桔檸檬茶大大杯味似水果茶，解辣一流👍🏻👍🏻▸ 凍檸樂食辣一定少不了這靈魂飲品 爽！

今天工作量滿滿，放工得返半條人命，好彩胃口仍在，好想食D濃味野喚醒疲勞嘅身體，近近地又可以快食嘅就嚟咗呢間。川菜中特色冷盤籐香鷄 ($66)，鷄件上擺條籐椒作點綴。口感類似食醉鷄咁，無酒味有少少籐椒獨有香味，唔辣。呢期檸茶相當大熱，咁岩見到呢度有百香果檸檬茶 ($36)，大大杯足夠飲成餐，味道香甜，仲可似啜到百香果粒。叫個招牌香鍋 ($28)，有辣有唔辣，再自選配搭五餸起，海產肉類蔬菜丸類都有(即係火鍋配料選擇)。友人唔食辣，呢鍋係用醬香炒，味道惹味中帶微甜。自選五餸有: 鮑魚($68/4隻)，鷄件($42)，花菜 ($26)，鯛魚片 ($42)及豬皮 ($36)。再有芹菜及蔥一齊炒，搞掂。已去殼嘅鮑魚進食方便，入口彈牙。鯛魚片配醬香快炒都夾架喎，啖啖肉無細骨。選擇叫豬皮係因為佢可以索醬汁，果然無叫錯。叫多個小菜用黎送飯，川菜用萵荀嘅機會高過菜芯，所以今餐有萵荀炒牛肉 ($88)。兩種食材各佔一半，再加入木耳仔及薑片快炒。牛肉夠大塊，入口幾滑; 萵荀切片炒完仍然保持爽脆，一碟餸有兩種唔同口感。其實食川菜，唔一定要辣到飛起嘅，呢餐無辣都一樣點到菜同好味。

📍 麻辣香鍋 (旺角)旺角砵蘭街198號地舖呢間已經唔係第一次食，完全變咗食堂。上癮！香鍋配料足而且選擇多，正正正😋👉 招牌香鍋(香辣，小辣)💰28✨新鮮鮑魚💰68✨貢菜💰38✨鯛魚片💰$42✨牛舌💰$46✨金菇💰$22😋😋😋😋.6/5揀咗香辣鍋小辣，好足料就基本啦，味道都維持好岀色，鮑魚彈牙唔會un！鯛魚片爽口份量多！！貢菜勁得意，好爽口等一次食，食完都愛上了！😋😋金菇索曬啲辣汁，必點！午舌都一樣份量多，味道好！個個朋友食完都話會再黎😋😋😋👉 熗炒蒿筍絲💰68😋😋😋😋.3/5萵筍都好好食！清清地又夠鑊氣，絕對要食😋😋😋👉 香辣魚皮💰68😋😋😋😋.5/5魚皮好爽口，又夠厚身，個汁都好香辣，整體份量都多💓正回頭: yesYesyes!! 份量多又唔貴🤤🤤又保持到水準😆😆係我嘅飯堂之一🔥🔥🔥#kermit食在旺角

🤎招牌麻辣香鍋有香辣、麻辣、醬香三款口味🌶️之前食過香辣，諗住試吓醬香口味，估唔到咁好食，醬香味係甜甜地，而且我地選嘅餸都好夾，鮑魚勁彈牙，低估咗香鍋店嘅鮑魚，呢個價錢真係要點！🤎麻婆豆腐麻婆豆腐好滑溜🤭撈飯食一流，未食灑啲豆腐已經食咗成碗飯🤎酸辣土豆絲土豆絲都有幾款做法，店員建議酸辣最好味，果然無介紹錯🦥麻辣香鍋 (旺角)旺角砵蘭街198號地舖🌲🌲🌲🌲🌲🌲🌲🌲🌼懶好食指數：4.5/5🌼懶住去指數：4.5/5🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤

原來好多好評都係刷出來的！以後食飯一定要看看d差評先好，今次中伏：一共叫了三道菜：第一，田鸡一定賣不出去炸過好多次，不但止好乾更加好柴！又有陣怪味，好似放了好多胡椒辟味，食材一點也不新鮮！係我吃過最難食的田雞…..第二，酸菜魚極度酸，魚肉只得10塊魚！不能再多了，配菜多國魚咯，簡直係九唔搭八…第三，萵筍炒牛肉只有八塊，好野！佩服！好心咁小氣就冇開餐廳啦。在香港不要嘗試內地菜，非常難食！體驗感很差！！！

今日朋友話帶我去食好味麻辣嘢 去到店面先記得原來之前已經食過呢間餐廳香蒜青瓜 蒜蓉味好香濃 青瓜非常入味 而且我叫咗小辣 所以辣辣地更搶口川香鮑魚雞煲 (半隻) 鮑魚都算幾大隻而且幾彈牙 而且雞煲醬汁好香 送飯一流大盆花菜 有屋企煮唔到嘅鑊氣 有鹹豬肉同埋花椰菜 非常惹味黃金蝦球 蝦頭大大隻 而且有足料鹹蛋黃 好味道炸饅頭 饅頭炸得夠透 所以外皮香脆 內裏鬆軟整體質素唔錯 平民街坊價錢 值得一來再來#foodie #街坊美食 #麻辣 #辣愛好者必來

#麻辣香鍋👍👍👍吃過兩次一直戀戀不忘那香辣可口的味道😄😁老規矩!每次必吃的麻辣香鍋一定不能錯過🥢自選香鍋選擇自己喜歡吃的配菜！最少點5款我們點了鮑魚、海蝦、豬頸肉、貢菜、魷魚鬚鮑魚有4只！非常新鮮入味上桌香味撲鼻而來！份量夠多和米飯🍚絕配， 好開胃🥢宮保雞丁酸甜微辣的口感滑嫩入味的鷄肉搭配青瓜和花生米醬汁黏稠度剛剛好 🥢酸辣木耳開胃又爽口！越吃過癮推介📍 麻辣香鍋 旺角砵蘭街198號地舖

麻辣香鍋 (旺角)旺角砵蘭街198號地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：香鍋客飯套餐 $65，口水雞 $66，夫妻肺片 $66今天在麻辣香鍋 嘆了一個麻辣盛宴，絕對令人滿足！😋😋😋香鍋客飯套餐：香鍋可選三樣餸，我選了小酥肉、鯛魚片和五花肉片，並加$25要埋豬大腸。套餐包白飯及飲品，加$8轉了自家製酸梅湯。香鍋套餐的香鍋在這店是較小的，但份量依然十足！我選了大辣，辣得非常過癮！小酥肉外皮酥脆，鲷鱼片口感鲜美，五花肉片肥瘦適中，猪大肠肥美多汁，集成一鍋實是相得益彰！😄😄😄口水雞：雞肉本身很幼嫩，有很多雞脾，啖啖肉，口水雞的醬汁麻辣味濃，配上辣椒、花椒和香料，加上芫茜大葱，令人食指大動！👍👍👍夫妻肺片：夫妻肺片肉片夠多，肺片的靭度適中有咬口，配上特制的調味料和辣椒醬，咀嚼時有濃濃的麻辣香氣滯留在齒頰之間，真正回味無窮！👏🏻👏🏻👏🏻自家製酸梅湯：飯後來杯酸梅湯，既解辣又解渴！❤️❤️❤️午飯時間一點未夠便已滿，可見這食店甚受歡迎！😍😍😍

今日行過旺角見到有間（麻辣香鍋），即時一去試下，最鍾意幫襯平民小店，食物會有特色d，價錢又大眾化。今次我試左依幾款麻辣干鍋：最少揀5款餸，我就揀左鮑魚/豬大腸/蓮藕仔/肥牛/羊腩片，我就揀左bb辣，但發覺bb辣都幾辣，但我又接受到，聽老闆講話係用左幾款辣椒炒出黎，所以出到黎個辣味係會有唔同層次，會令你想追食。泡椒田雞：其實我幾鍾意食泡椒，酸酸地又辣辣地好好餸飯，田雞份量都算幾多。夫妻肺片：依個夫妻肺片有別於出面既款式，除左有肺/腎，仲有肚，最特別係佢溝左花生醬，令到成碟野升到唔同層次。總結：依間既麻辣完全係我既口味，唔會太咸，辣度有層次。

喜愛食麻辣的，旺角砵蘭街的麻辣香鍋就必須試嚇，麻辣惹味，就是麻辣香鍋的吸引之處。餐廳裝修新潮舒適，裡面已經有很多人，剛好還有一張二人枱。菜色有麻辣香鍋、水煮魚、烤魚、小菜、小炒……招牌麻辣香鍋很吸引，鍋底$28，揀了小辣，配料有很多選擇，有肉類及蔬菜，價格也平民，選擇了頗多款式， 田雞、羊卷肉片、牛肉片、牛柏葉、蓮藕仔、豬頸肉、金針菇、萵筍、貢菜……招牌麻辣香鍋配料辣椒、芫荽、香蔥及花椒……等，色香味……，飄來一陣陣的麻辣香味，份量很足，見到已很驚喜……！田雞肉嫩鮮甜，味道小辣剛剛好，麻辣惹味……麻辣的羊卷肉片、牛肉片、牛柏葉，比起平時食火鍋又是另一翻味道，整個口腔充滿麻辣惹味的香濃口感……其他配菜萵筍、蓮藕仔、貢菜……等等，非常爽脆又麻辣滋味……油麥菜炒得清脆香甜，麻辣香鍋配上一個不辣的清炒時菜，剛好可以為麻辣的口腔解嚇辣。鴻福堂夏枯草，食香鍋配這個祛濕清熱氣飲品剛剛好，可以去辣度，又去濕又清熱氣。凍檸樂也是食麻辣的好伙伴，冰涼解辣，食完整個鍋，剛好飲完一罐汽水。

今次係第二次幫襯，上次係食中午餐，今次再黎食可以單點小菜。水煮牛肉 $158 呢個價錢，咁大盤，係好好食性價比高，牛肉片好彈，牛味重。藤香雞 $66 好入味，雞肉鮮嫩，仲有脾位。干鍋$28 底，自行添加唔同食物 ，新鮮鮑魚四隻$68,原來炒起上嚟好夾 。鮑魚係新鮮即劏，好彈牙。五花肉片$42 炒香，肥瘦均勻，蓮藕$28,蓮藕切得好薄麻麻辣辣食起上嚟好爽口 ，腐竹$28 腐竹吸收曬麻辣精華仲有少少鮑魚嘅新鮮甜味 。萵筍28 ，切薄片又爽又甜。兩杯凍檸茶，好爽。