麻辣風雲 (京都廣場) (已結業)

麻辣風雲🐠🌶🌶一黎已經有開胃小菜麻辣中華沙律+辣菜甫食完真係好開胃🥐 炸饅頭 $58/船金黃色既炸饅頭坐住諸葛亮既船船底仲要有啲濃霧飄出黎個炸饅頭簡直係霸氣登場🤣食落外脆內軟 中間仲好足料點埋煉奶黎食真係無得輸以前細個係酒樓食既炸饅頭好好食大個左之後係酒樓食果啲又硬又乾估唔到麻辣風雲既炸饅頭好好食重拾以前既回憶🍤 黃金蝦 $188剪左蝦頭果啲尖位之後原隻大蝦咁炸令到食緊既時候唔會整親個嘴外層沾滿左鹹蛋黃味嘅汁醬鹹鹹香香勁正而入邊嘅蝦肉肉質仲好彈牙下次黎嘅都會再叫呢個呀😋🐠酸菜魚 $268/碗極大碗酸菜魚～我揀咗中辣中酸一放落黎個下勁香 流曬口水魚肉肉質超嫩滑 又大片又薄身 完全無骨配料都好足有曬芽菜、豆卜、萵筍片、寬薯粉、花椒、青椒兩個人食都好飽 但係又覺得好好食之後就繼續食最後仲叫左凍冰冰嘅啤酒啤啤佢真係好完美呀建議叫多幾個朋友黎一齊食🤤

今日去咗銅鑼灣行街，忽然好想食川菜🤤🤤，見附近有間麻辣風雲就試下佢啦。😂四川名菜之一酸菜炒肥腸，餐廳用咗好多配料去炒肥腸。肥腸煙軔之餘仲吸收哂酸菜配料既香味，一試難忘。椒鹽魷魚鬚呢味一向係我既comfort food，香口好味～讚！😋嚟到麻辣風雲緊係要試下佢地個酸菜魚啦，一上枱，整體香氣已經飄緊出黎，真係流哂口水。而且佢地好大碗，湯底入面仲有大量配菜吸收哂湯既精華。解渴解辣之選椰汁冰。椰汁冰唔算太甜，香濃既椰子🥥味道可以解油膩同解辣。總括黎講，麻辣風雲都幾適合香港人既口味～ 下次會再黎試佢地其他野食。😋😋👍🏻👍🏻👍🏻

同事生日，今日我地黎到銅鑼灣麻辣風雲同佢食午飯慶生。小食我地叫咗涼拌雞絲🐓粉皮，味道同份量都好正量，個醬好夠花生醬味，連同青瓜食🥒，感覺好清新。😋另外仲叫多個小食麻辣雞翼尖🐓，麻辣🌶️原來同雞翼尖咁夾，我地食唔停口😋椒鹽魷魚鬚🦑好香口，外皮脆得嚟唔會好硬。而魷魚就好彈牙。雖然唔算川菜食物，但呢個真心好食😋乾煸四季豆幾好食，唔算太辣😋我地仲有叫咗水煮牛肩肉 (小辣)，牛肩肉🐂好淋好嫩滑，個湯好夠麻味，食到個咀無咩感覺，好得意😋

專門吃辣!̲!̲!̲ 好久沒吃酸菜魚了，還有超打卡的乾冰冒煙諸葛亮草船借箭造型船･ω･環境挺大一家店，座無虛席，剛有一枱客吃完，店員翻枱後便立刻有第二台客入座！餐牌好多選擇，不止酸菜魚，各式小吃、乾鍋也有呢！ 麻辣夫妻肺片 $𝟞𝟠 前菜也要來個辣的夫妻肺片，不是很辣，不能吃辣的也不用怕。 炸饅頭 $𝟝𝟠 之後就是打卡乾冰上場炸饅頭，可以配辣吃，要是覺得太辣，吃一件沾滿煉乳的饅頭可解辣喔！ 酸菜魚 $𝟚𝟞𝟠 主角酸菜魚超大份，選了中辣，酸味不會太嗆，對於能吃辣的我來説不是太辣，魚肉頗嫩，還有寬粉，𝟮個人吃料好足，划算！ 秘製麻辣炒薯粉 $𝟠𝟠好像第一次看到炒薯粉，就點來試試看，不會炒至黏狀，𝗤彈可以過過口癮。 菊花蜜（埕）$𝟜𝟠配合古代的主題，菊花蜜以埕盛載，好可愛呢！總括而言，喜歡吃辣的不能錯過，餐廳一直滿座，客人不絕，一定有他的原因，就是好吃！

我唔食辣野，但呢間啲麻辣真係好好味，麻香而不死辣，令人想追食！《 炸饅頭 $58 》以致敬諸葛亮取名嘅造型登場，船邊加入乾冰形成噴煙效果，打卡一流！炸饅頭外層薄脆可口，內裡十分鬆代，加埋煉奶好惹味。《 麻辣粗炒 $88 》麻香十足，炒得條條掛汁入味，而且唔太油，好惹味。《 招牌秘製酸菜魚 $268 》採用自家製酸菜及精選黑台灣魚片，魚片皮鮮肉嫩，份量又多，加上薯粉的煙韌口感，吸收汁後令酸菜魚色香味俱全。《 黑糖炸脆糍粑 $58 》外脆內糯，放涼咗都唔會變硬，糖漿同黃豆粉份量都足夠，加埋好味。《 青島 $29/支 》《 龍鳳檸樂 $28/杯 》《 汽水 $18/罐 》服務：呢度好忙但職員有禮，無錯/漏。

話說因為疫情關係，已經好耐冇北上食我最愛嘅酸菜魚喇。喺香港食過幾間酸菜魚，個味道都硬係爭咁啲，始終都揾唔到一間正宗嘅酸菜魚，都有少少想放棄喇。不過最近聽講呢間酸菜魚好多人食過都話正宗，我就嚟睇下係咪我尋找咗好耐嘅味道啦😗食酸菜魚之前，我同朋友都想試下呢度嘅小食。所以叫咗碟麻辣雞翼尖$48，同埋椒鹽魷魚鬚$148。雞翼尖肉質飽滿，麻辣汁極香好上癮😍我覺得仲好食過元朗某名店呀。魷魚鬚大大條，椒鹽多份量足好抵食呀😜相信好多人都讚過佢哋嘅酸菜魚$268，的確係好正宗，堅好食😋 魚肉起曬骨，食得安心又放心。魚肉同配料份量激多，CP值極高😆 調味方面，麻、酸、辣各有千秋，唔會有搶味嘅情況。食得出湯底真係好鮮，唔覺重味精會食到頸渴，真係一啲都唔輸比國內嘅酸菜魚，令我回味無窮🤤菊花蜜$48，彷似酒壺嘅造型非常特別😍 好襯呢度嘅環境同主題，都係咁古色古香。飲落清甜，感覺好清熱降火，食辣嘢飲呢個就最啱！另外即使晚飯時間比較繁忙，店員都會幫我斟嘢飲，呢點值得一讚！

涼拌雞絲粉皮（$68）麻醬食落順口唔嗆喉，粉皮爽口彈牙😋乾煸四季豆（$108）幾有鑊氣👍🏻 四季豆炒至水分收乾，有層薄薄嘅油蓋住，鎖住鹹香嘅味道。薑煸牛肉（$178）牛肉酥脆肉質鮮嫩，薑絲令到爆香咗嘅牛肉冇咁油膩，令我想一舊接住一舊咁食🥳自選干鍋（$68起）口味我選咗麻辣，辣度選咗小辣。鍋底包括蓮藕片、椰菜花、萵筍、京蔥，蓮藕片爽辣可口，萵筍鮮甜水嫩。另外仲選咗肥腸、豆卜、美國肥牛、鴨血、枝竹五款配料，特別肥腸啖啖肉冇臭味，值得一試👍🏻👍🏻黑糖脆炸糍粑（$58）梗係要食埋甜品先為之完滿，一份有六件，如果你鍾意食煙煙韌韌嘅嘢食，記得要點呀。糍粑好有嚼感，黑糖甜得嚟帶回甘，不過呢個甜品都幾飽肚㗎🤣餐廳環境寬敞，裝修別緻，店員收碟快手，講解清晰，係一間值得我回頭嘅餐廳。

酸菜炒肥腸，酸辣開胃，肥腸醇香軟爛冇異味，風味獨特好送飯🍚酸菜魚一上枱花椒八角啲香味已經飄緊出嚟，非常吸引。😍賣相都好靚，金黃色，面頭仲有啲菊花碎。我就揀咗中辣同埋中酸，魚片件件厚肉無骨，口感滑溜新鮮。配上自家製嘅酸菜，份量十足，齋食呢碟酸菜魚都夠曬飽肚呀！麻辣味對我嚟講係啱啱好，而且個湯唔會太油！寬粉好索湯汁，食佢多過食白飯💯👍🏻薑煸牛肉先係咀嚼到肉香，伴隨住濃厚嘅薑味，味蕾大爆發。牛肉經過油泡後特別香口，加入薑同料頭飽炒，炒出色香味俱全，送酒一流🍺👏🏻呢度嘅中國畫屏風好靚😍 連碗碟都有水墨畫，好有心思。裝修好有氣派，卡位闊落，適合朋友聚會‼️

見好多人推介食川菜一定要去麻辣風雲，都留意咗呢間餐廳好耐喇，難得去銅鑼灣做facial, 終於有機會試下喇🤩🥳涼拌雞絲粉皮：以為上海菜餐廳先有雞絲粉皮食，估唔到呢間重口味川菜餐廳都有！👏🏻乾煸肥腸：甘香滿油嘅肥腸，配上辣子，簡直就係一道齒頰留香嘅菜式。水煮牛肩肉：牛肩肉用料上乘，肉味香濃富層次，配搭火辣水煮，口腔充滿麻香🌶🤤自選干鍋：其中一個吸引我嘅地方就係呢度有得自行配搭食材，再選擇自己鍾意食嘅口味～店員見我哋冇乜頭緒，同我哋推薦咗幾款最受歡迎嘅配料。分別係鴨血、五花腩片、美國肥牛、枝竹、肥腸，於是我哋就照版煮碗喇，大家可以參考下。而口味方面，我哋就叫咗麻辣（小辣）。果然冇介紹錯，醬汁麻辣鮮香，配料新鮮量多。肥腸口感濃厚，鴨血軟糯索汁。呢個干鍋我同朋友都食到讚不絕口👍🏻👍🏻

麻辣雞翼尖（$48）香辣惹味，食落仲有少少麻嘅後勁。但係又唔會得個辣字，掩蓋曬啲雞味，係餐前小食最佳之選💁🏻‍♀️❤️乾煸四季豆（$108）肉碎夠多，炒完仲係翠綠色，鮮嫩無比。鹹辣味道控制得十分平衡，越食越想食😋涼拌雞絲粉皮（$68）爽彈柔韌嘅粉皮層次豐富，有清爽嘅青瓜絲同手撕雞絲增強口感，加上麻醬伴隨，令人垂涎三尺🤤🤤水煮牛肩肉（$268）水煮魚🐟平時就食得多，今次試下水煮牛🥩 而呢間餐廳用嘅係牛肩肉唔係一般嘅滑牛，辣而不鹹，先麻後辣再緊接住有其他香料嘅味道，非常刺激！肉質滑溜到不得了👍🏻👍🏻 原來水煮牛肩肉喺臨上菜前會放啲生嘅牛肩肉落去，令到性質快熟嘅牛肉冇咁容易變老，喺最好味嘅一刻送到你口前，不得不讚餐廳嘅細心👏🏻菊花蜜（$48）好似古代啲酒樽咁😍 又靚又好飲，清甜解膩。

麻辣雞翼尖$48，雞翼尖大大隻，索曬啲汁，辣辣地好開胃，就連平時唔太鍾意食雞翼尖嘅我都食到停唔到口🤤乾煸肥腸$118，肥腸鹵得入味，外焦內嫩，香辣過癮，同樣令人食指大動😋椒鹽魷魚鬚$148，算係我喺酒樓必食嘅一道菜。炸到酥香嘅魷魚鬚完全冇腥味，配合蒜頭、乾蔥、指天椒的香辣味道，乾香濃郁，滋味十足👏🏻👍🏻當然唔少得主角--酸菜魚$268‼️呢度無論係辣度、麻度還是酸度都可以自己揀。我今次全部都選最小辣度，麻酸辣比例平均，唔會側重某一邊。對於唔係好食得辣嘅我嚟講，我真係覺得好正。超大盤超多魚肉，而且完全冇骨，大家可以放心。配菜有酸菜、金菇、萵筍、薯粉等，我最愛薯粉，吸曬魚湯又彈牙，超滿足☺️黑糖脆炸糍粑$58，口感好特別嘅一個甜點，炸到金黃色嘅外層令佢外脆內軟。黑糖甜度剛好，甜得嚟有層次，用料上乘，為今餐畫上完滿嘅句號🥳

乾煸肥腸（$118）睇落以為會好辣，其實還好。辣辣地好惹味。肥腸冇臭味，洗得非常乾淨。口感有少少焦香，咬落啖啖油脂而且十分脆口，推介畀大家👍🏻👍🏻薑煸牛肉（$178）牛肉厚薄適中，肉質唔老唔柴超嫩滑🥰 白飯殺手，送飯一流👍🏻乾煸四季豆（$108）經典川菜，看似簡單小菜，其實好考功夫㗎，因為我自己嘗試煮過就知道。四季豆幼嫩爽脆，微辣惹味。而最令我佩服嘅係竟然一啲都唔油膩，絕對係我食過最出色嘅乾煸四季豆！🤤👍🏻自選干鍋（$68起，已包京蔥、萵筍、蓮藕片同椰菜花）選擇困難症嘅噩夢呀，因為有成五十幾款餸可以選擇😅 包括肉類、蔬菜類同海鮮類，另外口味都有幾款可以選擇，我哋叫咗麻辣小辣，都幾易入口，唔會一食就好刺激嘅嗰種辣，推介俾唔太食得辣嘅朋友～😆肉類口感嫩滑，蔬菜亦新鮮，我哋都好滿意。份量超多，我覺得有成兩至三人份量呀👍🏻👍🏻

麻辣風雲之前已經食過一次，個炸饅頭同酸菜魚非常高質，心思思想試埋其他嘢食🤣～椒鹽魷魚鬚$148唔少酒樓或者小食店都會包上太硬太厚嘅炸漿，炸完出嚟會變得死實又乾硬。但係呢度冇呢個問題，入口更加係鬆化而且脆卜卜，風味十足非常好食😋❤️涼拌雞絲粉皮$68好足料嘅一個雞絲粉皮，上面成堆雞絲，食極都仲有。麻醬又多又香，又唔會蓋過雞嘅鮮味🥰酸菜炒肥腸$118肥腸Q彈軟糯，配上豆瓣醬，醬香四溢，越食越上癮‼️水煮牛肩肉$268⚠️推薦必食！水煮湯汁麻辣味好香，唔會嗆喉，唔係死辣嘅嗰種辣。牛肩肉份量超多，上枱時仲係呈粉嫩半生狀態。牛肉薄切，肉質軟腍，辣得嚟仲食到好重牛味😋😋😋👍🏻

酸菜炒肥腸$118從來冇食過呢道菜，幻想唔到酸菜同肥腸炒埋一齊嘅味道會係點，開頭都驚會伏。食落先發現，係非常之夾㗎！酸菜酸度足夠，帶出肥腸嘅鮮味。而肥腸肉質肥美，口感一流，超正👍🏻👍🏻👍🏻椒鹽魷魚鬚$148魷魚鬚大大條夠新鮮，椒鹽比例調配適中，香脆可口，好食過好多大牌檔出品！👏🏻👏🏻乾煸四季豆$108炒得好靚，唔會過油，重鑊氣。鹹香爽脆，食唔停口😋自選干鍋$68起另外干鍋都唔係間間川菜餐廳有得食！本身干鍋包咗京蔥、萵筍、椰菜花、蓮藕片，之後就可以自選最少五款配料。🌶辣度我哋揀咗中麻辣，配料我哋揀咗肥腸、土豆片、墨魚丸、牛肉餅、豆卜同埋肥牛。雖然望落好似好紅咁，但係其實又唔係好辣！上枱時有個爐熱住個鍋，keep住熱辣辣。個人認為最好食嘅都係肥腸！啖啖肉🥰 隨住時間越拌越入味，重口味之選～黑糖脆炸糍粑$58糍粑即叫即炸，大家記得襯熱食呀。外脆內軟煙煙韌韌，配上黃豆粉同埋黑糖漿，香甜味美！食完辣嘢一定要食返啲甜嘢中和返，呢個解辣一流👍🏻👍🏻

今晚突然間好想食辣嘢，就諗起朋友介紹過呢間餐廳—麻辣風雲，好正宗咁話，一於拉埋男朋友試試佢啦。睇嚟呢間餐廳非常受歡迎，一去到已經見到好多人等緊😱而餐廳亦好貼心咁喺等候區設置一排座位，更有一幅幅嘅水墨畫，畀大家邊欣賞邊等候💁🏻‍♀️前菜我哋叫咗雞絲粉皮，$68呢個價錢估唔到都幾大碟，面頭啲醬汁好香花生味，雞絲同青瓜絲都夠多，有驚喜！另外仲叫咗薑煸牛肉，一上碟就聞到好香！牛肉醃得非常入味，滋味十足🤤嚟到麻辣風雲，梗係要點呢度嘅招牌菜之一 酸菜魚啦。呢度特別在有得自選辣度同酸度！我哋叫咗中酸同中辣，由於未食過呢間餐廳唔知中辣會唔會已經好辣，開頭係有少少擔心。點知食起嚟感覺唔算太辣，對我嚟講啱啱好，酸度適中，麻度反而比較重🌶 相信呢度就返我哋香港人嘅食辣程度，大家可以參考一下。湯底方面，飲得出新鮮魚嘅鮮味，調味濃香十足。魚肉份量十分慷慨，肉質紮實，口感嫩滑。喺魚嘅下面仲有大量配料，有芽菜、酸菜、寬粉、豆卜，全部都好入味！呢度嘅酸菜魚果然冇令我失望🥰