麻辣風雲 (已結業)

之前係銅鑼灣食過麻辣風雲念念不忘個酸菜魚，知道旺角開新分店即刻狗衝去食🐶 安排可以坐涼亭設計座位，店員話尋日先啱啱搭好😂新鮮滾熱辣，影相超靚！🔸酸菜魚魚肉嫩滑份量亦夠多，配埋酸菜、芽菜、豆卜等配料，酸辣味道平衡好好味！鍾意既其中一個原因係寬粉份量好多，食極都仲有麵淨🤤🔸炸饅頭($58)用一隻船盛住饅頭同醬汁上枱，加埋乾冰氣勢十足！炸饅頭外脆內軟，除一般附帶既煉奶之外有三種不同醬汁，配搭唔同口味🔸川味炒大蜆($148)唔識死嗌左勁辣，初初幾啖以為冇乜料到，點知辣勁慢慢湧上黎🥵不過一隻隻係咁食真係好香口，辣得過癮！🔸乾煸四季豆($108)最開心連四季豆都可以選擇辣度，當然我地都係揀左勁辣😂😂😂😵四季豆炒得乾身，配埋辣肉碎係送飯良伴！

旺角最近新開左麻辣風雲旗艦店，係瓊華中心10樓全層，一出地鐵站就到非常方便。環境非常廣闊，裝修古色古香好特別，非常乾淨整潔，侍應服務又好，上菜非常快💯🌟酸菜魚🐟HKD268我地揀左小辣小麻，酸菜魚一嚟到好興奮，份量十足好大盤，好多大大塊的魚片。湯惹味但又唔會過於油膩。魚片無骨口感嫩滑爽口，湯底配菜豐富，有酸菜、萵筍、豆卜、菇、大豆芽同埋寬粉。豆卜索晒啲汁超級惹味，寬粉滑溜好掛汁，仲要好飽肚。呢盤酸菜魚真係食到停唔到口，食完大滿足，鍾意食酸菜魚嘅朋友必食🌟炸饅頭HKD58真係無諗過呢個經典小食炸饅頭會甘好食😱炸饅頭一上枱好驚喜，諸葛亮😎企喺一架會噴煙💨嘅船🛶出場🤣木船入面放左乾冰🧊打卡要快手📸炸饅頭香脆內軟，炸到金黃色，配埋旺角旗艦店獨有醬料😍有紅椒醬、花生醬及香茜醬, 仲有煉奶簡直一流🤤平時唔食澱粉質，我都忍唔住食症三個🤪🌟川味炒大蜆 $148～ 大蜆好新鮮，鑊氣夠，鮮甜蜆肉加上惹味的醬汁真係十分夾😋🍹冰涼椰汁冰 / 鮮芒椰果玉露 $38~ 椰汁味同埋芒果🥭汁濃郁，甜度適中，解辣解膩一流🥰📍麻辣風雲 (旺角)旺角彌敦道628號瓊華中心10樓

麻辣風雲又黎啦！自從上次幫襯銅鑼灣店後念念不忘，今次食過返尋味，再訪旺角新分店，質素仲keep 到，果然係實力派川菜 ！裝修古色古香 ，好似穿越時空，回到古代宮廷，牆身更掛有山水畫。仲要係良心🌕餐廳，酸菜魚同埋炸饅頭係必食！🌸🌸🌸🌸🌸🌸🌸🌸🌸🌸🌸🌸🍀 必點酸菜魚$268👍必食！除了份量大，價錢相宜，味道也超讚！好抵食！湯底分大、中、小辣，今次選小辣，湯底酸中帶甜、微辣易入口，更有爆香的辣椒和花椒帶出麻味！材料除了有超多魚肉，更有酸菜、薑和芽菜等，湯底充滿魚香鮮味，魚肉肉質嫩滑，唔食就走寶。🍀 必吃炸饅頭$58👍呢個炸饅頭真係不得了，賣相真心好正！用小木船載著小饅頭，更噴著乾冰，有種騰雲駕霧的氣勢。是我在香港吃過最好吃的炸饅頭，口感酥脆，配濃滑的煉奶，味道有層次！🍀 黑糖脆炸糍粑 $58👍食川菜必點甜品！一 客6件，口感煙韌，上檯熱辣辣，炸到外脆內軟，面頭撒上黃豆粉，令味道更豐富，配上黑糖醬汁，真的很有中式甜品神髓！🍀 酸菜炒肥腸 98吃川菜少不了來一個小炒，豬大腸清潔幾乾淨，有咬口，伴酸菜可以解膩，份量都幾多！幾抵食🍀麻辣雞翼尖如果大家鍾意食辣、或者重口味，唔可以錯過雞翼尖，辣得好過癮

麻辣風雲新開旗艦店於旺角，店內面積佔地好廣闊，裝修充滿中國傳統特色，部份牆身更有山水畫圖案。酸菜魚 - $268 數十塊的魚片好新鮮，魚肉厚身挺身，質地好嫩滑，澄海酸菜有少少醋香，加爆香的辣椒和花椒有陣陣麻辣感，還有少少辣可選擇，整體味道清香，不會太鹹，底部還有晶瑩剔透的寬粉、菇類和芽菜等。炸饅頭 - $58六塊金黃酥脆的即炸饅頭，坐著噴著乾冰的木船，認真夠氣派，配基本濃滑的煉奶，以及三種醬料，包括：紅椒醬、花生醬及香茜醬，味道層次變化多端。孜然棒棒骨 - $178四根豬肋骨肉沾上滿滿的孜然粉，肉質又瘦又嫩，有微微的辛辣刺激感，還有椰菜絲吸收多餘的油脂。檀島咖啡 - $22咖啡香之餘，有少少甜味，口感厚實。龍鳳檸樂 - $28醃漬咸檸檬和新鮮檸檬酸酸甜甜，特別清香爽口。餐前小食清爽的中華沙律竟帶點辛辣感