麻辣風雲 (已結業)

亭台樓閣，餐廳嘅裝潢相當雅緻。最有趣係近門唯一嘅「涼亭」。真心萬聖節cosplay埋古裝custome嚟食酸菜魚一定好有feel！晚市極難有位嘅 #麻辣風雲，早到早享受，晚市早好彩仲有位！招牌嘅 #酸菜魚 口味正宗，花椒、辣椒乾、泡椒、大豆芽同寛薯粉好足料，大大件草魚好滑溜，但若然麻味再重啲就更perfect。炸饅頭外脆內乾，太辣時有佢啱啱好中和返火辣辣嘅舌頭；餐廳嘅嘢食基本上份量都好多，酸菜魚外追加個小菜 #霸王蝦球 經已好飽。用餐完畢離開時見餐廳門外等入座嘅人群擠個水洩不通，建議大家早啲到穩陣！

天氣熱 同媽咪行完街好想食開胃菜 見到有人派緊傳單 望落好似幾吸引 今晚就唔好辛苦媽咪 唔好煮飯 一於就去食麻辣風雲到食晚餐🍽酸酸辣辣嘅味道令人想念🥰 除左有唔同特色既四川小菜 最正係有我想食嘅酸菜魚食！📌酸菜魚 好鐘意店家可以比客人揀酸度辣度麻度 酸菜魚入口香辣惹味 後勁帶點麻 酸菜魚配料好豐富有芽菜 萵筍 酸菜 豆卜 仲有水晶薯粉係底 魚肉份量超級多 魚片嫩滑 無乜碎骨 酸菜魚既湯底酸味都幾突出 飲落順喉 酸菜清香唔太鹹 唔得之係必點既品項🙌🏻🙌🏻🙌🏻📌泡椒鳳爪挺好吃的餐前小食 屬於小小辣 連唔係好食到辣既媽咪都食到既辣 可以一試📌鮮芒椰果玉露芒果係我既大愛🥭 加埋椰果豐富左杯野既口感 好飲📌冰涼椰汁冰有椰子味🥥 甜度適中 最啱用黎解辣😙

非常差嘅一次晚餐體驗喺ig見到Joeie 推薦呢間麻辣風雲，有酸菜魚食，見到環境唔錯，就喺OpenRice book位嚟試一下。我哋book咗7:30食，場內好多客人排緊隊，但工作人員就剩得一個安排座位同埋收錢。就算book咗位都要等好耐，因為場內有客人離開咗都冇人去收拾枱面。等咗10至15分鐘之後，前枱個姐姐終於帶我哋入去坐，環境尚算可以，但位置有些少狹窄。一坐低之後就會有侍應送咗兩份餐前小食上嚟，咁我哋就用QR code落單，叫咗一份麻辣海蜇，一份酸辣魚加薯粉同埋一碗白飯。價錢都稍為貴。麻辣海蜇同埋白飯上菜非常之快，份量稍為少。所以好快就食完麻辣海蜇。之後就開始漫長嘅等待，我哋由落單開始計等咗差唔多40分鐘都未有酸菜魚送上嚟，等到已經冇晒耐心，碗白飯都凍晒，都未有主菜送上嚟。期間等得太耐，我哋就先嗌左一份甜品紅糖糍粑，但上菜就非常快，最後連甜品都食完都未有酸菜魚。我哋向個侍應催咗兩次不果，最後要搵經理反映，先之送上酸菜魚。期待已久嘅酸菜魚，但食物質量一般，落單時有得選擇叫辣同埋酸嘅程度，我哋叫咗中度酸小辣，但上嚟嘅酸菜魚味道非常淡。酸菜唔酸，個湯冇乜味，唯一值得安慰嘅係啲魚片係好鮮

💛 #旺角 #麻辣風雲終於食到聞名已久 恆仔@Tonick 開嘅餐廳「麻辣風雲」🥰 呢度主要係食酸菜魚、干鍋、中式菜，啱晒我同屋企人胃口😋🥯 炸饅頭 （$58）炸饅頭超有氣派！佢用一隻船嘅形狀嘅盛器裝住🛥 下層有乾冰，令饅頭外層凍得快啲，就會脆啲🤤 但裏面仲係keep住暖暖的，仲好綿密😚 我鍾意沾埋煉奶食，甜蜜蜜💛🐠 酸菜魚 （$268）酸菜魚超級大碗！有超級多魚片，仲好嫩滑添㗎🤤 裏面仲有好多薯粉，煙煙韌韌好好味😋 仲有吸晒湯酸辣湯汁嘅豆卜、芽菜、酸菜，滿足😙！🐥 花雕醉雞 （$98）花雕味清香，同切雞好襯，食完酸菜菜魚清吓口腔都好好😋🍳 黑松露煙燻溏心蛋 （$68）黑松露好香！溏心蛋黃流晒出嚟好正🤤

今日去咗旺角嘅新分店瓊華中心嗰度食麻辣風雲呢間餐廳bookmark咗好耐成日睇ig見到人哋影個炸饅頭太吸引自己本身就唔鍾意食麵包類嘅物體但係對炸饅頭呢樣外脆內軟好有好感同埋期待 同老公講咗成兩個禮拜今日終於去食 店舖裝修古色古香非常之有心思而且店舖地方寬敞雖然去係平日但係非常之多人 證明呢間鋪頭嘅人氣十分之強勁 而且門前已經有個涼亭打卡位一定要嗌嘅就係嘅酸菜魚同埋炸饅頭 酸菜魚份量非常之多辣度同酸菜嘅比例啱啱好下面都有 煙韌彈牙 嘅寬粉 唔使驚話食曬啲魚都仲係好唔飽肚炸饅頭一上到嚟嗰架船已經嘩嘩聲 ， 好有氣勢外脆內軟，點埋煉奶簡直係完美組合 臘肉菜粒炒飯臘味既油香融入每一粒飯 加上有菜粒減少油膩感 炒飯粒粒分明，有鑊氣，好食椰汁冰 夠冰凍， 椰味重，好飲整體環境舒服，店員有禮，嘢食高質會有下次

四川菜係香港大行其道，但少有好食又正宗既，最近我就搵到一間又唔錯既新派四川良心店想推介比大家，依間就係樂隊主音ToNick恆仔有份開既麻辣風雲☁️.水煮牛肩肉湯底用左辣椒、花椒、蒜蓉、乾葱等多種調味香料熬製而成，十分足料，高級薄切牛味濃既牛肩肉配埋香辣不嗆的水煮麻辣湯底，兩者配合得天衣無縫，好推介食肉獸叫依道四川菜式🤞🏻😙.諸葛亮既火燒連環船架船黎盛載炸饅頭，而且用放左乾冰落去，凝造煙霧既效果，真係霸氣十足✨勁啱打卡，炸饅頭有6個，炸到金黃色，咬落去入面好香超級軟熟，點埋煉奶好好食😋

今餐係一餐味蕾刺激既旅程🤣🤣炸曼頭唔叫唔得啦咁有台型，佢出場既搶眼度爆登，味道黎講當然係唔會點出錯，溫馨提示： 趁熱食😝鷄煲係要彈下，真係唔熱，佢係有個底爐俾我地熱住食，但係佢一黎既時候雞己經係唔熱，可能餐廳係想靠個爐熱隻雞掛😅但係上左枱冇得即食既感覺真係好爭扎，仲要個火好快熄左隻雞都未熱。。。酸菜魚簡直係今餐既重點，食落去係慢慢滲啲麻滲啲辣咁，會愈食愈起勁，而且酸菜夠多，食下魚食下酸菜可以做一下味蕾間場🤣🤣順便講下好似人手唔多夠，啲野都等左幾耐特別係野飲，杯凍檸茶都等左半個鐘以上😩，叫罐裝汽水會穩陣啲😝

呢間川菜幾咁有人氣真係唔洗多講，最近佢地係旺角嘅旗艦店正式開幕，以後去旺角又多個選擇喇喂😍酸菜魚 $268可以自己揀辣度，啱哂我地呢啲唔係好食得辣嘅廢J🥹 酸菜魚大大份，除咗巨量嘅魚肉，佢仲有啲豆卜，薯粉，真材實料，魚肉嫩滑無骨，而豆卜吸哂啲湯，食落又麻又辣，好爽😂 炸饅頭 $58成隻船上枱夠氣勢，仲有乾冰做特效，真係啱哂打卡😂 饅頭啱啱炸起，熱辣辣，外層金黃微脆微甜，內層鬆軟，配埋濃滑煉奶一齊食，甜度啱啱好，唔會甜到膩👍🏻👍🏻口水雞 $98份量都幾多，叫咗小辣，但上枱紅卜卜，淆咗一淆，但食落又好惹味，麻多過辣，口水不停分泌，跟住就不停咁食，雞肉都幾嫩，邊食邊爽🤣涼伴雞絲粉皮 $68麻醬味好濃，粉皮份量都幾多，微微辣，粉皮都幾滑身，惹味，配合埋青瓜絲同雞肉，口感豐富😗菊花蜜 $48又係打卡必備📸 用酒呈上枱，杯又變咗個小酒碗，好有古代Fᴇᴇʟ😂 飲落清甜又解辣，正👍🏻5粒為滿分味道 ⭐️⭐️⭐️⭐️性價比 ⭐️⭐️⭐️⭐️餐廳地點 ⭐️⭐️⭐️餐廳舒適度 ⭐️⭐️⭐️⭐️翻喫指數⭐️⭐️⭐️⭐️

近期經常見到youtuber 推介呢間川菜，當然都明白係廣告來嘅，甘岩約朋友食飯，諗唔到食咩，一於試下呢間川菜係咪甘好食。估唔到即日訂台又有位喎。我地book 7:00，好誇張，係樓下等lift 上去要排長龍。更估唔到嘅係，上到樓都一樣要等，得一個男員工優閑地安排入座，d 人訂左枱都塞曬係門口呆等，仲要有台都安排唔切入座。前菜係蘿蔔同紫菜花生，2樣都特別嘅醉雞：酒味太強，整體味道唔夠多元化，不過雞係嫩滑嘅，皮爽肉嫩，係個汁差d蒜泥白肉：味道一般，有別於平時，難度欠缺左紅油？肉的質地過軟，似鬆肉過度，好似棉花咁乾煸肥腸：有朋友覺得唔夠乾身，有朋友中意夠肥同唔太乾，味道ok, 唔好比辣椒呃左，係唔辣嘅炸饅頭：幾好食，隻船影相打卡一流臘肉菜粒炒飯：雖然炒飯賣相一般，不過食落都幾乾身唔錯酸菜魚：影相個賣相呃得下人，食落就一般般，魚肉都夠滑又冇腥味，薯粉好似熟咗的淮山，成盤野冇咩特別出眾的香味同味道。虎皮尖椒：都幾辣同幾野味值得一試虎皮尖椒炒肉絲：哇呢個菜一上台嚇死人，完全係煮過龍，尖椒都變黃晒，芡汁過多辣子豆腐：豆腐都炸得乾身嘅，送酒一流我地食完時，更加多人等位，直頭入曬舖頭唔同角落等，可能有

水煮牛肩肉叫咗少麻少辣，見到個湯底紅噹噹都有啲嚇一嚇，好彩湯底香而不太辣，帶少許麻辣，仲有豆卜做配料，可以吸收湯既精華，但要小心唔好太嗆，牛肩肉嘅份量幾多，牛味幾突出，厚薄適中，入味又易咬😆好推介‼️睇餐牌見到有麻辣雞翼尖勁開心，因為已經好耐無食過☹️ 掛住以前成日入元朗食B仔既日子，雞翼尖份量都幾多，麻辣味好夠，辣到我地個嘴狂分泌口水🥵好推介叫依道小食旺角分店環境比人既感覺好舒服，座位寬敞廣闊，好多都係卡位，裝修充滿中國傳統特色，牆身仲有唔少山水畫好值得欣賞❤️

上個禮拜我就跟一大班朋友嚟到旺角…之後因為都多人 有時候好難決定食咩好 不過好彩我哋都鍾意食辣野 所以就話不如 一齊試吓呢間川菜餐廳叫做麻辣風雲😳😳🌶我哋唔係叫左好多野 不過最後都食到幾飽😋😋呢間餐廳嘅裝修都充滿着古典味 好有以前古代嘅氣息🤣環境都幾闊落😯同埋好光猛👍🏻用咗一啲金色嘅瓷磚同埋特別嘅設計👏🏻好啱咁多位網紅們嚟打卡🔥🔥👉🏻炸饅頭✔️👉🏻毛血旺✔️👉🏻椒鹽魷魚鬚✔️炸饅頭真係打卡一流😯用一架船去載着 然後伴隨着仙氣 送到你嘅面前🤪🤪你真係會唔捨得食🤣每粒饅頭嘅大細都係差唔多 而且係金碧輝煌咁👍🏻👍🏻👍🏻佢有唔同嘅醬比你選擇 睇吓你自己鍾意咩口味🫢各有特色👍🏻而毛血旺就係重慶嘅一道特色菜😳😳食落口嘅口味偏麻辣並且湯汁紅亮🤭麻辣鮮香 味道好濃烈 非常滿足👍🏻👍🏻如果冇食過呢道菜嘅朋友們可以試吓😯佢都好足料㗎 有鴨血 牛柏葉同埋豬肚等等 仲有我最鍾意嘅獅子狗🤪🤪真係好好食👍🏻最後當然唔少得惹味嘅小食👉🏻👉🏻👉🏻椒鹽魷魚鬚啦 有一種台灣夜市嘅感覺🤣不過呢度係川菜嘅版本🌶因為太香口 太鹹香嘅關係 同埋送上嚟係熱辣辣🔥🔥食完之後都好驚第二日會生飛滋🤣🤣不過佢脆卜卜咁真係會令我哋食唔停口🤭🤭呢個

唔知有無人同我一樣好鐘意食酸菜魚，朋友介依間酸菜魚唔錯，係店家既人氣之選。咁我入餐廳又真係見到基本上每枱都會叫😋酸菜魚$268，魚片份量好多，魚肉很嫩滑，湯底的酸辣味道層次分明，呢個酸菜魚好入味！配料非常之豐富，有豆卜、芽菜、菇同寬粉等等，性價比好高。除左酸菜魚之外，我仲叫左香辣螞蟻上樹同辣子豆腐，香辣螞蟻上樹冷片其實就係炒粉絲，份量好多，香辣惹味，好食😋 辣子豆腐係一道開胃既小菜，豆腐乾身，又索左辣椒既辣味，很不錯喔😌

我同男朋友都兩個都超級鍾意食辣嘢❤️🌶可以話係「無辣不歡」！所以間唔中都會搵下有邊間好食既四川菜，而麻辣風雲係食正宗既四川菜，宜家港九新界都有分店，去食都超方便亦係超好既選擇✌🏻😆店內古色古香的裝潢好有氣派，連餐牌都經過精心設計，仿宮廷屏風設計，好多巧思位，睇得出旺角分店有花心機係設計裝修上面💛座位多為卡位，令我同男朋友都覺得寬敞舒適。麻辣風雲既選擇超級多，不論飲品、前菜或者小菜款式多樣化，有辣有唔辣，有部分菜式仲可以比食客自己挑選辣度同麻度，貼心既客製化唔係好多四川餐廳可以做到👍🏻點了大辣少麻既水煮魚，紅噹噹見到成堆辣椒🌶️都刺激到味蕾，口水大增💦 辣度正啱我地口味，水煮魚入面有蓮藕片、豆卜、萵筍和菇，配料份量好多。講返主角魚肉皮鮮嫩滑，加配粗身既薯粉吸收了水煮湯底，很入味。我們唔想浪費咁濃郁辛辣既湯底所以加錢配左薯粉，薯粉配埋麻麻辣辣既湯底真係令人食指大動！除左水煮魚我地仲叫左辣子豆腐，豆腐炸脆內嫩滑，帶少少辣，好惹味開胃，兩樣餸都勁岩加碗白飯🍚😛

麻辣風雲依間良心店💛愈開愈多分店，最近係旺角都插埋旗，主打正宗四川菜，由樂隊Tonick同幾個朋友合資既餐廳，食物質素幾好而且份量又足🫶🏻酸菜魚係呢度既招牌菜，酸菜魚可以自己揀辣度同酸度，啱哂我依啲唔太食得太辣既人，酸菜魚片又薄又無骨，魚肉超嫩滑🐟啖啖肉，入面仲有自家醃製嘅酸菜、芽菜、豆卜、辣椒同薯粉，薯粉煙靭掛湯力高，索盡酸菜魚湯頭既精華，好正😝另外，我地叫左辣子豆腐，豆腐炸得乾身，用上大量原條辣椒🌶️ 香蔥去炒，仲有花生去增加口感，超級惹味

同個男閨密好耐無見，知道佢最鐘意食辣野，專登簡左今晚同佢去麻辣風雲，佢要加一陣班，咁我就去拎定位等佢黎到就入座🤭值得一讚既係餐廳好細心，知道輪候等位既人好多，所以預先放左啲櫈喺門口比等候人仕坐，讚喔👍🏻叫左水煮牛肩肉，上枱個陣見到辣椒🌶️覆蓋左大半個大湯碗，男閨密見到勁興奮囉😙 話流哂口水，呢款水煮嘅牛肩肉吸收左成個麻辣嘅味道，但又保留到濃郁既牛味，加埋蓮藕片、萵筍、水晶薯粉等配料，配料索盡料麻辣湯底完全係刺激味蕾👅辣得好爽‼️男閨密依排要做大隻仔🏋🏻 所以叫多碟都係牛肉，諗住比佢增加蛋白質，點左碟薑煸牛肉，牛肉大大塊，加左紫洋蔥🧅、蔥同辣椒🌶️去炒，超香超惹味