麻辣風雲 (已結業)

今日係我同朋友係第N次黎旺角麻辣風雲度食野！點解？因為呢度既麻辣菜都非常好食，我地每次食完都好滿意，以下係我地既試食報告：📃麻辣夫妻肺片😎份量多就不在話下！肺片煮得好爽口，咬落去「爽爽」聲，而且麻辣味道均勻，唔會太麻或太辣，味道恰到好處！😁花雕醉雞😝雞🐤食得出係用新鮮雞而唔係冰鮮雞而整，所以雞肉非常嫩滑，而且浸透時間適中，花雕味滲透雞件每一個角落，充滿濃郁酒味！🍶自選干鍋☺️干鍋既配菜🥘好似蓮藕椰菜花好爽口鮮甜，經過辣椒爆香，令成個鍋非常香口惹味！而且客人仲可心水自選配菜，非常貼心！❤️香辣茶碟炒蝦😗唔好以為只係得辣椒🌶，其實佢隱藏左好多隻大蝦🦐，大蝦香煎過變得香口，唔會乾身之餘仲好彈牙，加上濃濃辣椒味令蝦鮮味發揮到極致👍呢度食物非常出色，全部都係100分💯

~Black list Forever ~估唔到大年初七人日意然食到一間食物同服務一樣咁差嘅食肆見女朋友話呢間食肆好多人打卡，諗住試吓包無衰～2030到等咗大概25分鐘左右，入座速度係算快嘅，喺無人通知Last Oder 同閂門時間情況下入座。睇完餐牌無辣不歡嘅我點咗個酸菜魚，麻辣魚皮同擔擔麵全部都大辣。喺等待嘅時候有兩碟餐前小食～辣嘅中華沙律同麻辣花生，中華沙律辣辣哋幾好味，於是我加咗$8追加多一碟，反而個花生無麻辣味又無花生味，後來埋單先知兩碟前菜係要收錢第一個嚟嘅係麻辣魚皮～質地係爽口算唔錯，係個麻辣味唔係幾出。跟住嚟嘅係擔擔麵～滿心歡喜食第一啖，奇怪嘅感覺就出現咗～點解得個辣字一啲擔擔麵嘅香味都無？啲麵又煮得太軟身。等咗大概25分鐘左右最後一個酸菜魚嚟啦，一食落口～點解啲魚咁老嘅？啲酸菜又唔酸，個湯又無味又係得個辣字，我係咪去錯咗地方？點解可以咁渣嘅？重要喺旺角呢啲旺區？2130嘅時候有職員行埋嚟話Last Oder ，我奇怪酸菜魚先啱啱上，我無理佢繼續食同傾偈，2200嘅時候又有職員走埋嚟話要除工，重講咗兩次，我好奇怪咁問佢我哋未食完喎，點解你地覺得半小時之內可以ko到盤酸辣

心血來潮想食酸菜魚咁啱呢間野位置幾方便貌相又唔錯於是就揀左呢間唸住價錢咁貴應該唔差雖然一開波就同我地講得一個鐘食酸菜魚寫25mins整佢地差唔多半個鐘都未上到d野仲要唔熱食落無鮮味唔知食緊咩薯粉超級無口感伏到傻左永世唔會再食

超高人氣川菜餐館！食物選擇好豐富，價格合理，質素很不錯，性價比好高☺️ 餐廳乾淨企理，店舖空間大，即使午市時段，入座率都好高！裝潢好靚，好有中國古代 feel🏮砂鍋螺螄粉 ($98)加配肥腸($8)、五花腩片($8)、炸蛋($12)配料包括薄脆、酸竹筍、木耳絲、花生等等第一次食螺螄粉，湯底有獨特香濃氣味，臭但好惹味🤤酸味辣味好適中！熱辣辣，米線軟硬適中，好入味酸菜魚 配白飯 (午餐) ($88)湯底好有水準，酸酸辣辣好開胃，用上無骨魚片，口感又滑又爽口。其他配料包括酸菜、萵筍、豆卜等等，碗底還有寬薯粉，索盡湯頭精華，口感滑溜，十分好味😋 惹味雞軟骨 ($38)推薦！雞軟骨爽脆，麻辣味十足😍炸饅頭($36/四件)必點之選🤤 外皮炸得金黃，外脆內軟，配上煉奶一流鮮芒椰果玉露🍹 推薦！洛神花茶🍶

最近天氣又凍番 去旺角辦年貨諗起麻辣風雲係旺角有分店 決定再訪佢既酸菜魚😎餐廳位置係旺角瓊華 好方便內裡裝修比銅鑼灣店更古式古香 上有燈籠 下有小亭座位寬敞 環境好舒服🥰Lunch menu食物選擇都好多 有酸菜魚 干鍋 小菜 見到佢仲新出左螺絲粉 都試一試2個人叫左2個sets加2個小食 新年大滿足😌💥 惹味雞軟骨冇得揀辣度 雞軟骨好入味陣陣麻辣香 再加d芝麻 好惹味😀💥砂鍋螺絲粉係秋冬新品 原個砂鍋上暖笠笠湯底酸辣開胃螺絲粉入邊有米線同好多配菜酸竹筍 豆角 木耳絲 炸枝竹 花生 菜譜☺️另外再加左腐竹 鴨血 炸蛋腐竹 鴨血吸晒個湯 好入味炸蛋炸到勁脆 浸一浸湯冇咁熱氣成個螺絲粉好豐富😍💥酸菜魚🌶️Lunch set一樣可以自選酸 辣 麻辣既程度我地揀咗中酸 小辣 中麻估唔到lunch set份量都唔少好多魚肉 嫩滑無骨配料如萵筍 豆卜 芽菜 菇類 寬薯粉 都好足料 仲有個白飯 好抵食😎💥炸饅頭小食炸饅頭有4件饅頭炸得金黃 外脆內軟配埋煉奶 好滋味🥰💥餐飲 熱檸水Lunch set包左 叫左2杯 🤣2個人食咁多野都唔駛三百蚊 好抵食XD

呢期飲食方面好多個第一次螺絲粉真係hit到爆第一次食先知原來味道係咁過癮呢間鋪已經唔係第一次幫襯之前酸菜魚同炸饅頭令人好難忘啲魚世一滑又入味今次新出嘅螺絲粉都食唔停口除咗配料超多﹝花生、木耳絲等等﹞外湯底氣味都有好濃郁好特別嘅酸筍味配埋半煎半炸嘅雞蛋口感好好真係會食上癮飲品方面都好有心思花冰蜂蜜綠茶啲冰入面有粒粒玫瑰夠曬美觀成杯都充滿桂花好夠味同酸菜魚超夾洛神花茶用酒壺裝住立即秒回古代等我都即刻飲返杯先酸酸地非常解辣

————————————————————————麻辣風雲地址：旺角彌敦道628號瓊華中心10樓(荃灣銅鑼灣也有分店~)旺角超人氣川菜料理，必須訂位才能入座，每枱必點孔明借饅頭之炸饅頭，性價比高而且誠意gimmick十足，奢華古典風情滿滿～必試～家人朋友👨‍👩‍👧‍👦聚頭好去處！🟠推薦食物 Recommended 🔹炸饅頭($58):每枱必點的打卡菜式，孔明借箭之借到美味炸饅頭，😶‍🌫️仙氣飄飄，船上的麻辣風雲旗自然多了不少宣傳效果～🔸酸辣魚($268):店內招牌菜，酸度辣度可以自行選擇，🐟魚片肉質滑嫩，配菜豐富，薯粉萵筍豆卜芽菜等🔹黃金蝦($188):蛋黃均勻包裹每一隻蝦🦐，誠意十足，蝦肉紮實鮮嫩🔸菊花蜜($48):必點🍶，酒埕裝載，儀式感和氛圍感滿滿的飲品，不含酒精，鮮甜滋潤🔹黑糖脆炸糍粑($58):份量較少，黑糖豆粉均勻分布，不算太甜，外脆內軟～🔸麻辣鴨血（$8.8):一月限定，讚好專頁就可享用，非常推薦，性價比味道一流，十分入味👍🏻👍🏻補血補鐵，提神醒腦🟡不推薦食物 Not Recommended 🔹無 No🟠員工 Waiters很熱情，效率很高🟡環境 Environment 滿滿

最近溫度一下子急降🥶立即約朋友去食熱辣辣酸菜魚🐟以前在深圳工作時，酸菜魚是必吃之一。近年發現香港有更多餐廳提供這道菜，當然要去一解口癮🤤。⁡👉🏻食物: 4/5⁡▪️酸菜魚份量適中，欣賞魚肉嫩滑無骨👍🏻配料有酸菜、芽菜 、萵荀、薯粉等，二人分享頗飽肚。點了小辣，湯底偏酸，但不會太油膩，比較切合香港人口味。⁡▪️炸饅頭💯💯💯💯💯賣相和味道都100分😃整艘船一放上桌，再加上乾冰煙霧，非常霸氣😂饅頭炸得香脆，沾上滿滿的煉奶，我們都吃得津津有味🤤⁡

二訪呢間川菜，都係為炸饅頭而黎😂，唔知有冇人同我一樣鍾意食炸饅頭蘸煉奶😆❥ 酸菜魚 $268魚份量超級多，酸味足夠，叫左細辣不過唔太辣。印象中2年前食過荃灣店會辣啲🧐。配料仲有芽菜、寬粉，如果寬粉再薄啲就好啦😛❥ 炸饅頭 $58外皮酥脆，蘸煉奶一流。當日太凍噴煙效果冇咁明顯😖❥ 乾煸四季豆 $108鑊氣十足，四季豆算嫩❥ 黑糖脆炸糍粑 $58 黑糖味好重，上面仲撒左木糠，糍粑軟糯，外皮鬆脆🥹❥ 洛神花茶 $48以古代酒壺和酒杯，好復古。唔好以為好細樽，份量其實好多適合3-4個人一齊飲☺️。酸酸甜甜，鍾意甜既朋友可以一試𝓞𝓿𝓮𝓻𝓪𝓵𝓵❀抵食：⁷ ⁄ ₁ ₀ ✿美味：⁷ ⁄ ₁ ₀ ❀回頭：⁶ ⁄ ₁ ₀ ✿人均：$₂ ₀ ₀ - ₂ ₅ ₀

今次係我第二次去食 揀咗旺角分店 比起上次嘅銅鑼灣 我覺得空間大好多 坐起上嚟舒服啲☺️去得第二次當然係因為佢好味先會回頭啦🤣炸饅頭 $58個人認為係必須點嘅一道菜 造型同味道都係滿分 一拎上枱成架船已經好有氣勢 餐廳仲特別加埋乾冰 令件事更加有型同igable 炸饅頭外脆內軟 加埋啲煉奶 忍唔住就一舊接一舊 雖然係油炸 但係唔會覺得好肥膩 真心好好食😝酸菜魚 $268今次嗌咗小辣小酸 可以調節口味迎合唔同人嘅需要 魚嘅份量好多 口感爽脆嫩滑 入面仲有豆卜 菇同薯粉 薯粉係比較闊同厚身 好有口感雞絲粉皮 68份量比想像多 粉皮好滑溜又彈牙 雞絲唔會話好鞋 連埋啲青瓜一齊食有口感之餘 好清新蒜泥白肉 $78蒜泥嘅份量啱啱好 唔會話太多令到成碟菜好鹹 又唔會話太少而無味 白肉嘅份量亦都好多 大大塊 鍾意蒜頭味嘅大家唔好錯過洛神花茶 $48唔好睇個壺細細個咁 啲花茶係飲極都有 酸酸甜甜咁好開胃 食辣嘢嘅時候又可以幫手解辣 好refreshing

今日俾我係OpenRice 搵到一間係旺角叫做麻辣風雲既餐廳，而我本身無辣不歡，於是即刻call埋朋友一齊食！結果發食物同飲品都好好食！👍💯香辣茶碟炒蝦🦐蝦非常大隻，而且仲好爽口彈牙，加上同埋啲辣椒一齊炒，令成碟蝦充滿香濃辣味！😆💯酸菜魚🐡魚既份量非常之多！每件魚肉都非常嫩滑，而且起晒骨，可完全放心一啖吞落肚！而酸菜亦都好惹味！兩個一齊食味道非常之夾！🥰💯椒鹽魷魚鬚🦑炸等非常脆卜卜，粉漿唔會太厚，入口彈牙煙韌😀⭐️洛神花菜🍵味精清新，酸甜集於一身，醒腦提神☺️

朋友今日帶左我去旺角一間叫麻辣風雲既餐廳到挑戰下，因為我本身唔太食辣，但食過之後我愛上食辣，仲打算遲啲再黎添👍開頭我地先食啲易入口既野食先，就係「椒鹽魷魚鬚」魷魚鬚大大條，份量好多，夠晒我地兩個女仔食！而且炸的外脆內軟，完全唔油膩，食多多都唔怕之後我開始小試牛刀，食啲辣啲啲既野😀於是點左個「麻辣夫妻肺片」🥰佢睇落都好似好辣，但係麻味既中和下又令佢變得易入口左，而肺片好爽口爽脆，好好味😗主菜我地就食咗「自選干鍋」無論配菜好似蓮藕椰菜花定自己揀既配料好似牛肉錦，全部都好好食，入口完全感受到鑊氣，好開胃我地最後仲飲左「洛神花茶」，好清新解油膩，岩晒食完辣野之後飲番杯😜

近年鍾意咗食辣🌶，所以對川菜感興趣。我同朋友想食「麻辣風雲」好耐，但兩個人晚市嚟食的話，就好難嗌嘢食。不過好彩佢週末都有提供午市套餐，我哋可以襯放假嚟幫襯。旺角分店位於瓊華中心，店舖面積極大，即使係午市時段，入座率都好高，絕對稱得上係人氣店👏。呢度環境乾淨企理，而且餐枱寬敞，坐得舒服。同時，店員好忙碌，但仍能保持禮貌，抵讚。睇呢張相就應該會明白點解我咁想嚟食晏，因為一人量嘅午餐，份量係少啲，但價錢平啲之餘，仲可以留肚試多幾味😃。招牌酸菜魚($88/午餐)，🐟酸菜魚好大碗，對於想淺嚐嘅我哋已經好足夠，連皮無骨魚片肉質嫩滑鮮甜，應該有成十幾片。酸菜湯呈金黃色，辣度同酸度均可調節，我哋要咗最溫和嘅少酸少辣🌶。湯底唔錯，微微酸好開胃，易入口；但由於油份高，就唔建議成碗飲晒。除咗魚，其他食材仲包括酸菜、萵筍、豆卜同金菇等，最重要嘅係原來墊底有寬薯粉(唔使額外加錢)，索盡湯頭精華。題外話，午餐小菜奉送白飯一碗🍚。砂鍋螺螄粉($48)，餐廳有提供近嚟大熱嘅螺螄粉，老實講我從未食過，亦係抱住打大佬嘅心態試吓🙈。螺螄粉嘅特色在於湯底有浸獨特嘅氣味，既酸辣，且帶點唔腥嘅海鮮貝殼味，但又唔係蝦香嗰種，可能因

叫左炸饅頭$58 6件，真係少貴，打卡用？又唔覺有咩特別，以乾冰加隻船上，講真唔少人都會比佢厄到嚟食，但真係唔值。酸菜魚$268 都貴傢啦，但招牌菜點都試下啦。可能係佢用車仔續枱上，送到嚟食落口已經唔夠熱了，而且湯上面勁厚油，想試下個湯都飲唔到，全部都好油。魚味道還好，但個靈魂係薯粉，佢個薯粉出奇地難食，一咬就斷，無薯粉應有既煙韌，所以扣哂分🥲另外又叫左個干鍋$190，個干鍋完全唔乾，係油鍋，油到你完全食唔落，啲食材完全比佢浪費哂，啖啖油，我食左幾啖就無食了。我都唔想浪費食物，於是我朋友包左一半左右諗住番屋企加工下睇下有冇得救🤦🏼‍♀️🤦🏼‍♀️呢間野真係唔得，整得好求奇，唔好食之外又貴。每人$335 (2人) 食左$670 (另外有收費小食，啤酒)

哈😆終於到我嚟呢間酸菜魚餐廳😝但我嚟呢度主要係為咗食佢嘅炸饅頭😂整體味道中規中矩，靚靚地適合打卡‣ 酸菜魚 ⋆ $268照慣例揀左小辣，好彩唔辣🤭魚既肉質ok,無骨. 但酸菜如果多D就好啦☺️另外仲配左薯粉，豆卜同萵筍‣ 炸饅頭 ⋆ $58由細到大都好鍾意食炸饅頭，但其實主要係因為佢嘅煉奶😙呢到個炸饅頭上枱好大陣仗😂加埋比大家洗板所以我係一定會點既！食落真係有外脆內軟熟既感覺唔錯‣ 涼拌萵筍 ⋆ $58另外仲叫左兩款涼拌小菜，清清地又解辣