麵棧 (已結業)

今日上堂前黎食飯叫左一客雞絲冷麵加三隻蘿蔔餃雞絲冷麵碟醬首先上場有半碟係麻醬1/3係沙嗲醬同埋1/6係蘿蔔蓉麻醬好香花生味亦夠濃似足幼滑花生醬咁沙嗲醬微辣但唔太油蘿蔔蓉清甜麵上檯時發覺比上次外賣時份量少左無論係雞絲定青瓜絲同紅蘿蔔絲都係咁有少少失望幸好麵身仍然好味不過碟底仲有好多水同少少冰粒令到我撈麵前都要隔一隔水先希望呢樣下次可以有所改善至於加5蚊既蘿蔔餃好清甜入面除左有白蘿蔔絲外亦有粒粒冬菇粒本來兩樣都係比較清要加調味煮既野但好奇怪入口又覺得清得黎好夾同好好食係個皮厚左少少但都明白既佢平時一餃兩用有煎同放湯兩種食法(好,等我遲d試下學佢咁包先!唔知係咪都會咁好食呢?)其實我見到佢下午茶餐有13蚊6粒煎餃加一杯豆漿架但因為食唔晒所以o係麵到加"送"食不過咁仲好少食多滋味嘛p.s.好注重衛生既一間舖不時抹檯同拖地好乾淨老闆娘個感覺好高貴又斯文對人又有禮貌不時唔該前唔該後服務又細心上熱豆漿時會提醒人客小心熱

菜肉餃tasty. but i feel thirsty after drinking the soup. stil many ppl at 9:30 pm

昨晚黎開飯. 睇雜誌介紹雞絲冷麵每日限賣有Quota. 於是就order 左一個冷麵. 同伴有紅蘿蔔絲同青瓜絲.麻醬夠香滑. 雞絲在比例上就少左d. 因為麵棧d麵底係不俗的. 所以簡單得黎都幾好食.菜肉餃同菜餃係必食的. 菜肉餃皮真係夠薄. 晶瑩通透. 又多菜. 一啖一隻好滿足; 另叫了菜餃. 皮脆肉甘.又唔油. 雖然好多人叫蘿蔔餃.清甜之選; 我就鍾意菜餃. 始終菜甘香d.

今日兩點幾去食lunch.叫左碗菜肉餃麵(細) + 豆漿--> 下午茶餐d菜肉餃好食，裡面幾夠份量，皮又薄!麵保持一貫水準，好彈牙。湯底飲完唔會覺得口乾，應該無乜點落味精。豆漿今次改善左喇，無上次甘甜，好野!呢個時間食，間鋪好少人，反而隔離食雲南米線就好多人，真係有d擔心.... 唔收加一，扺讚! hehe~

肥佬炸醬麵比想像中油膩,肥油肥膏浮喺面,唔太合我口味,食唔到一半即停筷反而餃子麵幾好,餃子算大隻,皮又唔厚,湯底好清,不油不膩,正合我意,成碗食晒麵條白雪雪有口感,不俗

今晚和辣椒女到荃灣,之前在網上看到這間店的食評幾好,所以便來試試.我們叫了綠茶白肉麵(加豬排)- 浸過鐵觀音的白肉,幾特別,但完全吃不出有鐵觀音味,麵底很彈牙爽口,完全沒有鹼水味,真的唔錯.豬排,因看到很多人叫,我們也叫來試試; 淨食都唔錯,但不是很特別,而且比較;放湯食,味道不知何解,比較好味,真奇怪.....@.@菜肉餃麵(加東坡肉) - 菜肉餃很好味,很快便吃完,立刻追加一碗淨菜肉餃.東坡肉味道幾好,可惜唔夠.豆漿- 就略嫌甜d,豆味唔夠,一般吧了.最後想說說,鐵觀音其實唔係綠茶,係烏龍茶.這裡的營業時間是11:00am-11:00pm.

呢間鋪頭成日都聽到人地話正. 早排同男友黎食. 叫了:1.綠茶白肉麵: 冇乜綠茶味. 但湯底幾清. 白肉彈牙爽口. 2. 東坡肉麵: 兩大舊東坡肉. 肉色靚. 我冇食到. 男友話OK.3. 當然要叫佢地好出名的煎蘿蔔餃啦. 個皮煎得好香. 餡料90%都係白蘿蔔粒. 清清地. 幾得意.要一提的是個油菜. 千祈要走蠔油加東坡肉汁. 大大碟. 冬天菜心當造. 必叫~ 其次就係辣椒油! 好辣夠香!見到其他食客都叫菜肉餃.好大隻. 皮薄透餡.好吸引.不過今次好飽囉. 下次必試!!

今日晏晝去左呢度食。我叫左碗東坡肉麵，有兩舊肉，都煮得幾入味，不過唔夠"林"。麵身都幾爽口彈牙，唔錯。湯底無想像中甘salty，好味，食完都飲幾啖湯都無話會口乾。豆漿就略嫌甜左d 。$20碗面黎講真係超值架喇!

今日lunch去試過,點幾鐘亦唔算多人.店舖裝修得簡簡單單,都幾乾淨.我叫碗麻辣雞塊麵加菜肉餃(一碗麵$20,加每款加$5).d麵同麻辣雞塊係分開上.先試一口菜肉餃,正!!皮薄餡多,好香!d麵好煙韌.而d麻辣雞塊呢,我個人就覺得~~好正喎!夠麻夠辣,食完之後,條同個嘴唇好痺好"慶"....好過癮呀!!相比起好多食店所謂"麻辣",e度無令我失望!!但如果唔食得辣朋友就千祈唔好叫e個麵呀!!下次我一定會去試下其他麵!!

山長水遠搵好野食,順便去埋愉景新城,呢間真唔錯.鋪頭裝修普通既麵店,但食物款式真係唔普通.蘿蔔餃新鮮味美,好清又多汁,食完唔會滯.麻辣雞麵,麵質有口感,(係唔係手攪的???)麻辣雞都夠滑,又夠份量.其實甘既價錢,甘既質素,比起其他,梗係食得過.

28/11/2004 (SUN) 中午約左亨亨去荃灣食嘢 , 見未試過麵棧, 所以今日試吓, 去到唔係好多人, 有卡位坐^^我要了綠茶白肉麵$20 + 豆漿$5 D 白肉幾好味, 但就唔多覺有綠茶味囉, 麵就幾爽滑亨亨要了東坡肉麵$20 + 豆漿$5 亨亨覺得東坡肉入味, 麵幾爽!!

we tried their dried mushroom noodles. quite tasty. the mushroom is thick and large

今晚去到叫左個蘿蔔餃麵再另加酸菜, 餃好好味, 而酸菜帶少少辛辣, 又平又好味! 反而佢麵唔太吸引我! 地方乾淨, 樓面全女班, 麵係即叫即煮....無出面粉麵檔咁快... 但慢工出細貨!

今次叫左綠茶白肉麵+肥佬炸醬.煎芹菜餃,炸雞翼,菜餃麵.個綠茶麵食極都搵唔到佢既綠茶成份.炸醬真係幾肥膩,而且唔係好鍾意佢陣味,唔建議大家叫.麵質同上次食差不多.本人唔太like芹菜,所以覺得都係蘿蔔餃正d.炸雞翼不過不失,佢隻炸槳有d似旺角198炸魷魚鬚個隻.

重陽節去元朗，經過荃灣中轉站食個lunch。我食左個紅燒牛脷菜肉餃麵加酸菜，牛脷切得太薄沒有咬口，菜肉餃好正，差不多全菜，冇咩肉做饀，而加左三蚊的酸菜，係另上一碗淨酸菜，好大碗好多好正，仲好夠辣tim。反而麵本身就一般，比較硬有咬口，不過唔算好彈牙。而另外一碗東坡肉麵，雖然唔太肥，但d東坡肉唔夠淋同入味。再要兩杯大豆漿都算唔錯，起碼飲得出有豆味。