麵屋黑岩

营业中

休息中

想係深水埗揾間好食嘅拉麵店都唔難嘅，睇落平平凡凡嘅呢間拉麵店，原來內有驚喜！食物質素超ok!!就算係最簡單嘅原味叉燒拉麵已經足夠令你滿意。火灸叉燒肥瘦位適當，唔會過瘦或者過肥，肉質又冧，不錯！另外一碗叫咗海老叉燒拉麵，叉燒同樣都係揀咗火灸原味湯底唔會過份咸或淡，一啖湯一啖麵絕對唔覺漏，而海老湯底就會有櫻花蝦，但冇影響成個湯之餘仲帶有啲鮮味，如果兩款湯底我就鐘意原味多啲，夠哂original，追加咗一款小食，唐揚魷魚🦑。果然食到日本風味嘅炸物。如果服務態度再好啲就very good

平時比較少去深水埗或者長沙灣個邊覓食，今晚就去左一間拉麵店試一試~ 我同朋友分別點左黑蒜拉麵($78)、 海老拉麵($78) 同小食日式炸蝦餅($20)。最有趣嘅係有得自己選擇配菜，可以揀要蔥定椰菜，我就揀左蒽啦🤤。另外，叉燒都有得揀架，可以揀要厚切叉燒或火炙叉燒。個人就比較鐘意火炙叉燒，肉身肥美，都幾香口。朋友仲追加左溏心蛋 ($12)。兩款拉麵的湯底富豬骨味，感覺海老湯底味道較為突出，反而黑蒜拉麵味道相對就比較香口。拉麵本身比一般係香港食到嘅拉麵幼，食落都幾彈牙，口感不錯。

今日經開深水埗，又想食日式野，一於試試拉麵。七點到已經見有人等緊，佢呢間拉麵價格比起出面也唔太貴，72蚊碗。Menu可以自己選擇麵的硬度及配料。我加配了12元的溏心蛋。我和朋友都喜歡食辣，點了辛辣拉麵，份量不太多，女仔食就剛剛好。個湯底好香，辣度剛剛好，味道也十分濃郁。個人覺得好好味，加埋好流心既溏心蛋，真係極力推介，好少小店可以做到拉麵咁好食。而小食點了薯片雞翼，見個名咁得意就試試。比炸雞翼再脆dd，雞翼入面也很juicy。

在深水埗上班的日子，想找碗拉麵吃，必定會選麵屋黑岩，因為近地鐵，內裏環境衛生舒服。在吧枱位置，更可以見到拉麵師傅把拉麵秤好，煮沸，放入碗內，放上其他配料，感覺乾淨專業。我們點了原味拉麵2碗，因為大家都被濃厚豬骨湯的香味吸引了。豬骨湯味的確很濃郁，喝上去不油膩，麵質可選軟硬程度，我選了適中，口感不會過腍。一口湯，一口麵，無比的幸福。身為雞蛋控，還追加了流心蛋一隻，更加滿足。小吃點了薯片雞翼，炸得很脆口，乾身不油，肉質鮮嫩，沒有炸乾。

本身想試第二間，但好多點人排隊，就走黎試下呢間。食咗櫻花蝦拉麵，櫻花蝦好多，放咗落個湯底有提升鮮味。叉燒都唔錯，唔會太乾，拉麵就正常。仲叫咗個蘿蔔，都好入味，不錯吃。整體未到超好食。

現在深水埗愈開愈多特式而又裝修得骨子的小店，選擇不再只是車仔麵，豬潤麵，油渣麵，今晚我們決定食拉麵。麵屋黑岩用上實木桌椅加上半開放廚房，確有日本拉麵小店影子，價錢還很平民。六點多，餐廳差不多爆場，座位不算多，設有一排吧枱，但位置會比較熱。這裡的拉麵選擇不算多，只有原味，辛辣，黑蒜，海老，另有一款是期間限定的。今期限定的是海膽拉麵，標榜是完板馬糞海膽，每日限量供應，今晚7 點未夠已經沽清。每款拉麵都可以自選拉麵的軟硬度，配菜可選蔥或椰菜，叉燒亦可選厚切或火灸。另外，可加錢加配菜及小食。餐廳是用日式博多拉麵 ，招牌湯底是豬骨濃湯。基本上每款拉麵的材料都是一樣，只是湯底有不同吧！今晚我點了海老拉麵，用上日本櫻花蝦烘乾至脆身，配上免治肉碎拌入豚骨湯底裏同吃，香口有層次。火槍燒過的叉燒似東坡肉，入口溶化。拉麵灑上大量櫻花蝦，賣相吸引及令到拉麵湯底更加香。拉麵軟硬度剛好。另外一碗是辛辣拉麵，湯底頗辣。食肉獸覺得2 塊叉燒都不足夠，要再追加。小食就點了唐揚魷魚，唔會太厚粉漿，炸得香脆。

今晚同好友拜年於年初六食日式拉麵，到了深水埗一間小店，剛好有兩個位，進入坐下之後，客戶一個接一個，看來此店不錯。拉麵當日只有厚切叉燒，本來有火炙叉燒供選擇，湯底我點了黑蒜，朋友點了海老，另外再點了一個溏心蛋及黑松露燒叉燒。名符其實，厚切叉燒真的很厚身，之前吃的拉麵都是幾塊薄叉燒，還是第一次厚身叉燒，頗特別，肉質鬆軟。黑蒜湯底很重蒜香味，湯底濃厚。而有半碗以上的櫻花蝦的海老湯底很鮮甜，有驚喜，櫻花蝦也很咬囗，很可囗。麵質則軟硬適中。溏心蛋與友人一人一半分享，蛋一十流出，不過不失。黑松露燒叉燒一小碟卻有超過十件叉燒，每件都是半肥瘦叉燒，黑松露配上叉燒頗香口惹味。整體上，此店的食物份量頗多，味道不錯。可是餐牌選擇不多，加上當天因新年期間多款食物未能提供，如能改善，相信會更好。

在逛街時候經過這間「麵店黑岩」，在門面看到一個大大的餐牌，$68-$78這個價錢對拉麵來說不高也不低，於是就懷着嘗試一下的心態就了進去，果然夠驚喜。是日我想吃一些較濃味的麵，於是便選擇了海老拉麵。這個拉麵算是一個餐，除了一碗拉麵還附送了一款小食和一支飲料。小食和飲料都有二至三款選擇。當天店內人數不多，拉麵不到五六分鐘便上到了我的面前。溫度夠熱，我急不及待地嘗試了一口海老湯，味道十分有層次，先是嘗到濃陏的蝦味，後是豬骨湯的鮮甜，對我而言，雖然濃味，但不至於要不斷喝水。而麵方面，我則選了普通硬度，份量足夠很飽肚。而這個普通的硬度我覺得是偏軟的，個人亦是喜歡偏軟的拉麵，因此我覺得口感都不錯。叉燒方面有厚切叉燒和火炙叉燒兩款二選其一，我這次就選了了火炙叉燒。火炙叉燒共有兩塊，肉厚，油脂分布平均，被火燒過的部份有很香的焦味，肥肉入口即溶。瘦肉部分則有少許「鞋口」，不過不影響整體口感。在配菜方面我選了芥末薯蓉，入口有驚喜，先有薯蓉的甜味後再有芥末味，芥末味道不太濃所以也不嗆鼻，我認為這是一款值得一試的小吃。

之前見有人推介過，今次就食呢間麵屋黑岩啦😎間舖勁方便，深水埗MTR🚇Exit C一行出黎行幾步已經到😉😉嗌咗個海老🦐拉麵，個麵一上黎，個staff都話會有啲重口味係正常🌋咁就啱我味了😎🤩個湯我覺得係比較有沾麵既感覺👍🏻🤭個叉燒嗌咗個厚切叉燒，雖然得一塊，但真係好冧好化，入口即融今次食得好滿足😋😘好介紹😆P.s 呢間係我食過一間最闊落既拉麵店，坐得好舒服😌黎到深水埗，不妨一試呢度😛

呢日去深水埗買啲野，經過呢間拉麵店見佢門面靚靚仔仔就入咗去食個lunch啦。店入面都算多位，星期六中午去到唔算太多人。今次我就要咗原味拉麵($68)，佢拉麵有得簡麵既軟硬度同埋叉燒既做法，呢樣幾好。個拉麵有兩塊叉燒同少少木耳絲，佢既既湯底唔算好油，食落都有豬骨味，而個叉燒個人感覺比較乾身一啲啦，不過火炙處理過既叉燒都幾香，個麵底就中規中矩。餐廳員工都幾有禮貌，價錢都唔貴，如果係附近經過既，都可以一試。

排隊小店@麵屋黑岩 早幾日去鴨記買完野搵食，在長沙灣道政府合署過一點，出現小小人龍，原來大家在排隊食拉麵 主打拉麵有四款!由$68-78頗抵食， 等了一會，終於到我們了，入面好有日本麵屋FEEL，光猛闊落企理，氣氛唔錯 小食都是$20有交易，餐牌簡單易明，直接在上面圈就OK了 黑蒜拉麵 $78即叫即做，自選配搭了火炙叉燒， 食起來有點燒烤的香味，肉質嫩滑又甘香 上面的黑蒜份量超多，令濃郁的湯底更惹味，要提的是拉麵非常熱，在凍冰冰的冬日食拉麵零含滋味 櫻花蝦拉麵$78 我點了加厚厚切叉燒 加厚了的叉燒充滿油香，口感油潤腍身 偏肥的叉燒食落甘香不膩， 我喜歡偏硬的拉麵，點了硬身口感上桌時就真的是偏硬的!而拉麵入面放了點櫻花蝦，令湯底更有鮮味! 你可以加點即磨芝麻和自家製醋令味道更有層次 每桌必點的薯片雞翼，$26有三大只!非常之抵食! 外表用了沾滿薯片炸，令口感比平時的炸雞翼更香脆! 雖然好熱氣，但真係好好食

今日係附近整返唔見左既身份証之後搭車離開時經過見到呢間拉麵就決定同男朋友入去試下鋪面都算大 坐落都舒服點餐係用白板筆畫係白板餐牌叫左黑蒜拉麵同辛辣拉麵兩個都揀左火炙叉燒另外亦加左溏心蛋同黑松露燒叉燒上枱好吸引黑蒜拉麵 $78湯底濃而不膩　好香蒜味另外有少少肉碎、生蒜和炸蒜　成個湯好豐富火炙叉燒燒過後顏色好吸引　亦有微微既焦香味辛辣拉麵 $72火炙叉燒同上　所以唔再講喇！呢度既辛辣拉麵比出面既拉麵辣非常惹味溏心蛋非常溏心　好好味　大推黑松露燒叉燒第一次食呢個配搭 非常驚喜好香黑松露味叉燒好香肉味

作為日本小粉絲，今次來到深水埗吃這間麵屋黑岩店內裝修也很有日本拉麵店的風格。和朋友每人點了一個拉麵，首先是辛辣拉麵 這個拉麵不算太辣，吃不到辣的朋友也可以挑戰一下。味道挺濃郁的，叉燒份量也很足夠。另外一個拉麵是黑蒜拉麵，喜歡吃蒜味重的朋友這個值得一試，我們還加了兩隻糖心蛋，糖心蛋未到時間掌握得剛剛好，而且味道調配不錯，略略帶甜。重點是這個薯片雞翼，香脆可口，很特別整體來說還不錯，簡簡單單，方便快捷。

路經深水埗，人多車多，快感到窒息之時，看到這間黑岩拉麵店，見人流不算多，決定入內進餐兼暫時避開污糟的街外。餐廳環境不俗，較一般拉麵店寬闊，枱與枱間有一定的空間。雖然裝修不算新，但保養得宜，牆身和枱椅都有木材質感，感覺柔和。我食了黑蒜拉麵和日式豬軟骨。黑蒜拉麵我揀了硬麵，煙韌有硬口，不錯；湯底味濃，有些許油香，但不膩，飲一口又食一口麵，口腔立刻充滿黑蒜的香味；叉燒和同類拉麵店比較，叉燒厚度不算突出，不過有一定水準，肉質不會太硬，咬一口叉燒肉和脂肪，油份散發在我口中，感覺實在不錯；可惜份量有限，我食完未有飽意，要追加小食。日式豬軟骨質素一般，肉質偏硬，不算十分腍，但總算能咬開肉和骨，份量都是略嫌不足。以上兩款食物質素可以接受，味道雖好但在同類店舖中不算突出；份量偏細，價格雖稍較其他拉麵店低，若計上追加小食或玉替，總支出就相約，日後路過會考慮這餐廳。

平時好少去開深水埗區，早前經過要去高登買電腦野，順便周圍行吓搵好嘢食，發覺原來都有好多又平又抵食的餐廳呢！今次就試咗一間日式拉麵店，平平哋又幾好食，所以就介紹一下啦！餐廳午市時間都有套餐供應，但夜市呢就要單點散叫，不過價錢都不貴也算很抵食，可能遷就返深水埗區的消費指數吧！主食點了海老拉麵，小食就選了日式炸蝦餅，兩者都係我最喜歡的蝦口味呢！海老拉麵其實就是加了櫻花蝦的豬骨湯底拉麵，櫻花蝦的味道很濃郁，與豬骨湯底相配沒有違反感，入口的味道很香濃，正！叉燒厚切很大塊，大件夾抵食，而且肥瘦適中，不會有油淋淋很肥膩的感覺！流心蛋一咬就知流心的效果，蛋香而滑炸蝦餅烹調得很出色，不會炸得過火，餅肉很紮實，而且還食得出一粒粒的蝦肉，貨真價實呢！