麵屋日和

营业中

休息中

銅鑼灣小巷嘅拉麵店～濃郁味噌拉麵特盛（$124）湯底濃厚，味噌嘅味道唔會太過咸配上軟滑的溏心蛋、新鮮菠菜、荀、肥瘦均勻嘅叉燒😆😆麵底仲可以揀手搓麵，好掛湯，口感好彈牙。赤蝦拉麵（$128）湯底係好濃郁嘅蝦風味，蝦肉係炙燒過嘅刺身，好鮮味！ 仲有兩塊好味嘅叉燒～💓呢款係限定供應嘅拉麵，我覺得都幾值得一試🤗唐揚炸雞$33加點左一份小食，炸雞新鮮炸起，外酥內嫩一客三件，份量岩岩好好😆烏龍茶$10

俾人激親，要搵嘢食嚟填補心靈。咁啱路過見這小店嘅座位全部都係bar 枱位面向墻，唔使面同人面對面。餐廳唔算大，但整齊企理。播著日本輕快歌曲。好似去咗轉日本🤩 香辣醬油拉麵特盛$116叫了特盛配料，有腩肉叉燒，紫菜，溏心蛋係一個不是半個😍 辣油係拉麵店自己調配，食起上嚟好香辣得嚟不會搶喉，叉燒是薄切腩肉，腩肉用火炙燒過，焦香味十足，薄片食落無油膩感👍 日式手搓麵質感有驚喜，店家用上日本北海道麵粉製作粗身嘅拉麵，手搓麵韌性強，有口感帶嚼勁得嚟順滑。湯底同麵條都好出色，完全感受到用心製作。 煎餃子$28 ~ 即叫即煎，底部煎得香脆, 餡料豐富，點埋醬油提升餃子味道😋 炸可樂餅$18 ~ 熱辣辣外皮炸得香脆，牛肉薯蓉軟綿可口😋 食飽大滿足後心情靚晒😝要讚一讚小店的貼心位：天氣熱，一入坐就送上一樽冰水點餐後，送上一片圍裙以防汁彈到衫上🥰 最後是地方很乾淨，牆上唔會發現彈到湯汁的痕跡👍 日和～ 指的是晴天，天氣好的意思小店是希望能夠透過一碗用心製作嘅日式拉麵為各位到店的客人帶來好心情成為客人心中的小確幸，好天氣。

同女女去完idle pop up store，去附近渣甸坊食拉麵🍜餐廳叫麵屋日和🥰環境幾舒服，有啲日式佈置，店員都幾好人。🥢濃郁味噌拉麵湯底濃郁，揀咗手搓麪，有咬口，另追加溏心蛋。湯夠熱，火炙日式叉燒肥瘦相間，好食🥰😍🥢淡麗醬油拉麪女女食淡麗醬油拉麵，湯底飲到豬骨香味，佢追加咗紫菜。🥢炸可麗餅香脆唔油膩，小朋友最愛。🥰🤩🥢煎餃子🥟煎得脆卜卜，好食。飲品有可樂同烏龍茶👏無加一，幾抵食🙂

今日去銅鑼灣行街，之前有見過人介紹呢一間麵舖，差啲搵唔到，果然好隱世！佢哋呢一間簡簡單單，主打三款湯底，仲有手搓面，係幾特別！專注於呢三個湯底，果然好用心！我自己叫咗香辣醬油拉麵，首先講吓湯底先，香辣味唔會超辣，味道濃郁，但湯底唔會係濃稠，我自己鍾意呢一款湯底！而佢哋嘅拉麵係自己整，煙煙韌韌唔錯！我自己呢一個特盛，有糖心蛋，炙燒豬腩片，要讚一讚佢嘅隻燒，有炙燒嘅香味！另外，可能未必有太多人講，我自己覺得佢嘅京蔥好香，喺碗拉麵入面都幾突出！另外叫咗個可樂餅，係偏甜嘅口味。

今日喺銅鑼灣行街，喺橫街入面見到間日本拉麵店，入去試咗幾款嘢，覺得好好食。 叫咗碗濃郁味噌拉麵（特盛），湯底夠濃但唔會太鹹，麵質爽口，叉燒肥瘦適中，好入味。加咗隻溏心蛋，蛋黃流心，配湯一齊食幾夾。朋友嗌咗限定嘅赤蝦拉麵，湯頭鮮甜濃郁，蝦肉彈牙，唔錯。 另外叫咗份煎餃子，皮煎得香脆，餡料多汁，蘸少少醬汁更加開胃。 店員服務幾好，有禮貌又快手，唔會催人走，整體感覺舒服。 總括嚟講，呢間拉麵店抵食又高質，銅鑼灣掃街又多個選擇！下次再嚟試埋佢個香辣醬油拉麵😋

今次嘗試的這家銅鑼灣的拉麵不會很鹹 ，很剛好比起好多日本過江龍更加符合本地人口味。吃了醬油口味拉麵 和限定的赤蝦湯拉麵：個人超級喜歡赤蝦拉麵！濃郁的蝦頭湯底非常好吃😋搭配的叉燒很軟嫩，還有鮮甜的刺身蝦。無論是湯底還是配料都很讚😬另外的醬油湯拉麵叫了特盛。特盛配料特別加倍，好豐富好滿足。個人非常推薦自家製作的粗麵很有嚼勁 😍而且醬油湯底都好不錯🥰小吃我們吃了脆皮多汁的餃子呢個都好好味啊😋超級多人光顧果然是有原因的

#豬同鴨講 #Pig2duck▫️🔍 麵屋日和📍 香港銅鑼灣渣甸坊48號采怡閣地下5號舖▫️📝 ★★★★★ 👍▫️▫️▫️【 淡麗醬油拉麵 】 普通HK$88 / 特盛HK$116⛲ 好清澈既醬油湯底，最後成碗湯飲晒 😋👐 手打麵波浪形設計幾特別，食落煙韌富有咬感🦷🐖 叉燒肥瘦均勻，配上流心溏心蛋同竹筍非常開胃！🥚▫️▫️【 期間限定 赤蝦拉麵 】 HK$128⚠️ 要求將佢列入常規菜式❗🦐 赤蝦湯底非常濃郁，係真材實料嘅濃蝦湯 🤤🦐 赤蝦肉質勁Q彈，燒過既表面散出香氣，入邊保持住蝦肉鮮味 ♨️🍜 直細麵比較幼身，所以非常掛湯！食完勁滿足！🥰▫️▫️【 炸雞皮餃子 】 HK$32🥟 外皮炸脆，入邊餃子餡非常多汁💦，係好開胃既前菜！▫️▫️【 可樂餅 】 HK$18📣 細食人士注意，可樂餅裡面滿滿既薯蓉，食落容易飽肚😂▫️▫️完！▫️▫️

這間本地拉麵店位於銅鑼灣的渣甸坊，鄰近希慎廣場，主打多款新鮮熬製的拉麵湯底，更設有期間限定口味，不定時更換款式。店內環境寬敞舒適，裝潢以簡潔的白色為主，適合一人或多人聚會。赤蝦拉麵 $128今期限定口味，湯頭結合秘製赤蝦汁及自家烹調清雞湯，鮮味無比；日式手搓面採用日本北海道麵粉製成，粗身更有口感更掛湯；三隻即燒赤蝦半生半熟帶有微焦香，爽滑彈牙更具口感；肥瘦相間的火炙腩肉叉燒軟腍多汁，還有京蔥及洋蔥粒平衡膩感。濃郁味噌拉麵特盛 - $124湯頭以多種日本味噌調配，豆香濃郁且有層次；特盛有多塊火炙腩肉叉燒，又有紫菜、糖心蛋、筍及菠菜，材料豐富。煎餃子 - $28即叫即煎的日式餃子外脆內軟，包裹著飽滿的五花肉餡，充滿著甘香的脂香，有少少蔬菜平衡膩感。

銅鑼灣一向不乏美食，希慎廣場後面有條街道叫渣甸坊，大家平時可能吾會成日留意，但戈條街有條餐廳都幾高質，例如呢間咁。🐔 炸雞皮餃子 $32創意十足，而且香脆可口，用雞皮代替傳統餃子皮，包入餡料後油炸，口感獨特。🧡 炸可樂餅 $18炸可樂餅裡面系滿滿薯蓉🥔達至外脆內軟口感。🍜 淡麗醬油拉麵 $88淡醬油確實不錯，淡淡的香氣以豬大骨同丸雞慢火長時間製作，湯色清甜。使用多種正宗日本醬油等材料，帶出湯本身鮮味。🦐 赤蝦拉麵 $128蝦湯底十分新鮮，帶出海鮮鮮味，赤蝦爽口彈牙。火炙腩肉叉燒🐷新鮮五花腩加上自家醬油，油而不膩。用上日本北海道麵粉製成粗身拉麵，加人手搓，更有口感。

📍銅鑼灣✨麵屋日和✨提供地道日式風味既拉麵店🍜環境舒適，好適合朋友聚餐或獨自享用美食💗🔹濃郁味噌拉麵湯底非常醇厚，味噌香氣撲鼻而來～火炙腩肉叉燒外焦內嫩，入口即化，搭配菠菜、味筍，清脆口感令整碗拉麵既層次感更為豐富。特別鍾意佢既直細麵，麵條彈牙，吸滿湯汁精華，整體味道平衡得宜🥢🔹赤蝦拉麵期間限定既赤蝦拉麵，亮點在於三隻新鮮赤蝦，蝦肉鮮甜，煮得剛剛好，保留赤蝦既鮮味！火炙腩肉叉燒同樣出色，肉質鮮嫩，搭配直細麵，令整碗麵更加美味。湯底清爽，香而不膩🦐🔹煎餃子外皮金黃酥脆，內餡豐富，肉質鮮嫩，搭配醬油完美提升餃子風味🥟🔹唐揚炸雞外皮酥脆，裡面雞肉鮮嫩多汁，調味恰到好處作為小食係絕佳既選擇🍗麵屋日和✨📍香港銅鑼灣渣甸坊48號采怡閣地下5號舖

主打湯麵，一啲都唔失禮有驚喜淡麗醬油拉麵 & 香辣醬油拉麵淡麗醬油湯底，味道清爽鮮甜，回甘的湯底，正。而香辣醬油湯底非常到位，唔會只係死辣嘅味道。醬油加上到位嘅香辣味，一試難忘。加上薄切腩肉叉燒好味、醬汁浸泡的溏心蛋完美嘅一碗日式拉麵味道。拉麵有兩款分別係傳統直條拉麵，另外一款係手搓面，比較煙靭彈牙。🌟唐揚炸雞、炸可樂餅、日式煎餃子🌟炸雞勁好食，咬落去嗰下已經索索聲嘅香脆感覺，雞肉嫩口juicy 🤩超讚👍👍炸可樂餅係係食材外層沾上薄薄嘅栗粉後在熱油中煎炸的油炸料理。炸物將絞肉混合搗碎馬鈴薯油炸物，令人喜歡的懷念滋味。煎餃子，皮薄夠乾身，配合碎肉、高麗菜，熱辣辣。香煎金黃色的外表及飽滿內餡

今日放工跟朋友出了銅鑼灣行街，他帶我到一間小店食拉麵。若不是他帶路，真的不知道鄰近地鐵站有這隱世美味小店。第一次來這店，餐廳整齊清潔，服務員也十分有禮。看到餐牌上的選擇不多，吃過拉麵後，才明白這貴精不貴多的道理。淡麗醬油拉麵 (特盛 $116)濃郁味噌拉麵 (特盛 $124)特盛有腩肉叉燒、紫菜、糖心蛋，也可免費選擇是否需要添加京蔥、菠菜、味筍。腩肉叉燒肥瘦參半，口感十分彈牙。糖心蛋不但生熟度控制得好，而且也十分入味，必食。手搓麵十分彈牙，而且很飽肚。淡麗醬油湯底十分清香，美味；而濃郁味噌湯底含多種味噌調配，很有層次。唐揚炸雞 ($33)這炸雞外脆內嫩，加上些蒜鹽，十分惹味。煎餃子 ($28)吃拉麵喜歡配餃子小食，餃子皮薄饀多，不錯。不用收加一服務費

冇諗過咁好食，都來不及拍片，就已經比我食咗🤣呢個期間限定蝦湯拉麵，我諗最出色係個湯底，好濃郁嘅蝦味，又唔會好油膩，仲要啲蝦好肥美，大家如果想試，要記得喺佢完之前嚟食👍🏻👍🏻不過佢舖位有啲難搵，係條後巷度，我見佢社交平台有教學，大家可以撳入去參考下😝🍜 赤蝦拉麵 （期間限定） $128🥟 雞皮餃子 $32

今日經過銅鑼灣渣甸坊，發現一間新開拉麵店，反正到了食晏時候，一於試新嘢，有驚喜啊！濃郁味噌拉麵湯頭採用豬骨和丸雞慢火餚製而成，味道鮮美。味噌採用多種日本味噌調配，味道濃郁，層次更上一層。果然真材實料。手搓麵係使用日本北海道麵粉，製作成粗身，然後再用人手搓揉，質感有彈性，掛湯力不錯。腩肉炙過後油份迫出，入口完全沒有膩感，焦香惹味。份量可選普通或特盛，配合各人所需。炸可樂餅不油不膩，外脆內軟。綿滑嘅餡料，滋味！

難得放假比自己抖一抖，出開銅鑼灣買野就順便食左碗拉麵。環境乾淨，簡單為主，自己一個人唔洗搭檯唔尷尬叫左碗特盛香辣醬油拉麵，配料已經有腩肉叉燒,溫泉蛋同紫菜。有手搓麵同直細麵兩款揀，我就揀左手搓麵，口感都比較好辣油係拉麵店自己調配，所以食起上黎唔會太辣，而係有陣香味。叉燒係薄切腩肉，肥肉位置有燒過好有油香，薄薄地一片食落感覺無咁油膩。另外嗌左個炸雞炸得好脆又唔油，上面灑左D胡椒粉，食起上黎好熱好香好脆