麥文記麵家

营业中

休息中

我一直最喜愛食麥文記的南乳炆豬手，久不久都會去食吓補充些骨膠原…啲南乳汁又香豬手又軟淋淋勁入味，但…今晚啲豬手勁乾又沒有汁…河粉淋又難食，豬手又沒有南乳味道又唔淋超級勁難食到震…下次好難再幫襯…

其實我香港好多老字號嘅店都係好似麥文記咁樣，睇落細細舊舊咁一D都唔起眼，但係分分鐘都係開咗幾十年嘅老店！以前婆婆仲係度嗰陣來睇婆婆試有時都會來呢度食，但係依家，好少咯！雲吞麵，一如既往嘅水平，竹升麵比較彈牙比較硬身，係我鐘意嘅口味，雲吞蝦比較大，肉比較爽！但係湯底唔係幾夠味。牛腩撈麵，其實牛腩都係幾入味下嘅，雖然覺得比九記嘅差D，但係都係好食嘅，但係中間竟然食到有幾塊係唔霖嘅，嚼咗半日都未爛，唉、有D失望😔。南乳豬手，都仲係唔錯嘅，豬手都幾入味，皮霖滑，膠原蛋白滿滿吖，但係唔應該叫豬手湯麵嘅，因為D湯浸到D豬手味都冇咁濃喇，應該係邊幾多下！

今日我生日，去左食麥文記。比起隔離個間，佢一定好抵食，比起橫街窄巷的麵檔，佢更抵食。其實昨日已經黎左一次，已經覺得好有驚喜，足以令到我有時間一定會專登去食一碗。30幾蚊一碗餛飩麵咁細碗可能會覺得好貴，但你見到中間隻蝦咁大隻，你會覺得出面個d仲貴。仲記得N年前去屯門個間乜乜乒乓波雲吞，完全比下去。d餛飩咬落去係卜一聲，脆口的，真係無法唔覺得好食。亦都好食過個d蝦毛餛飩多多聲。這是一個傳統的做法，先放匙更在碗，然後把五粒餛飩放下去(你無睇錯，係五粒！)，然後再放麵底，上湯後就可以慢用，完全沒有花巧的地方，大大方方，十分得體。餛飩撈50蚊，有六粒，麵底大d，附上的湯是蝦籽湯，完全想像不到，只不過是咸了一點。個牛腩仲誇張，六十幾蚊得個十舊左右，但舊舊都好有份量，尤其係d牛筋位，真係無得彈！**唯一要彈既地方，就係「邊有餛飩麵既湯底係油到咁架！」**

夜晚行街，行下行下又肚餓，於是去到食好耐好耐冇食過的麥文記啦～我的是一碗淨雲吞，真係有大隻蝦的鮮蝦雲吞喔，一碗有8粒，32元～雲吞入面的料有嚼勁，皮軟滑，湯鮮甜可口～好好味某人order了經典的豬手撈麵～大隻豬手一睇即知落足料啦，豬手肉入口鬆軟，的麵非常爽口，鍾意食淋口的人要注意啦～當然啦，味道更加冇得彈，好食

麥文記面家，在很多地方品嚐過鮮蝦雲吞面，都無法與這家比。小店離廟街非常近，店面不大，但生意火爆，很多人慕名而來。很小的一碗雲吞面端上來，看上去湯清雲吞通透，舀一勺湯放到嘴裡，是清爽的鮮香，比起內地很多粵菜館的純粹骨湯更順滑，不黏膩。雲吞皮很薄，可以看到裡面蝦的輪廓。咬開一云吞，一整隻蝦臥在裡面，顏色粉白，蝦肉極鮮，極嫩，吃兩個雲吞後挑一筷子麵，喝一口湯，過癮！很多食客離開時，臉上寫滿了滿足！

哈! 尋日剛剛睇到facebook上一編由openrice post的文"開飯有話兒", 今日編文就被彈回頭了, 編輯大人還加了一句: "建議:請避免重覆﹑濫發或利用不同食家身份對同一食肆刊登相似或相同內容的食評", 重覆??? 濫發??? 利用不同食家身份??? 我都無喎... 細時住佐敦道, 廿歲前..真係食到悶..., 又事隔廿年, 搬離了這區後, 十幾年都無食, 近年常回到這裡, 再嘗, 口味完全一樣, 成了名的店, 水準依舊, 算難得了... 這塊六十年如一日的餐牌, 數埋不過廿種食品, 而且多數是相同, 例如雲吞麵、雲吞撈麵、淨雲吞, 三款..其實只係一款, 所以食物根本不超過十種..., 那些甚麼市場學家說... 消費者喜歡產品多樣化..., 絕對係"八加一"up...南乳豬手麵 $34, 以名店來講, 三十四元, 絕對唔貴, 尤其是相比於隔兩間店的麥奀記, 我直情覺得超值, 南乳味香濃, 如果叫"淨豬手", 那些南乳醬汁更加濃郁, 間中我也會買一盒翻屋企慢慢嘆, 當然, 豬手浸了入湯, 味道略為淡口了一點, 所以我永不會叫"豬手麵", 那...這碗麵...?? 隔離個傻

一個人係街上無聊財圍親逛嘅時候，肚咕咕叫，原嚟已經十二點半，怪唔得會肚餓喇，一個人想簡單D解決午飯就算，夜晚約左家人一齊出去食飯，剛好行到麥文記麵家，店外麵已經排隊，呢間全蝦雲吞值得排一下隊。環境就同一般茶餐廳一橛，不過呢間比較干凈，飯點時候人好多，因為佢嘅麵同雲吞都做得比較好。呢度第一家做全蝦雲吞，食得好滿足啊，雲吞包住全部都係鮮蝦，有種食蝦餃嘅感覺，蝦全部都係大大只，只只新鮮彈牙，調味都幾好，可惜就係分量細左D，食一份唔會飽。食一份雲吞唔會飽，就點左個佢地嘅柱候牛腩麵，牛腩燜得好淋，好入味，聞到好香，差唔多做到入口就爛，牛腩真係食左會想再食第二次，用牛腩汁撈麵，正啊。

一碗好食既細蓉 真係少d功夫都唔得今日有幸一試呢間老字號 確係小女子既福氣鮮蝦雲吞 食得到蝦係好彈牙 皮又薄 一碗都有好多粒南乳豬手麵 豬手好腍身 好易甩骨 大大碗 價錢合理 係略略鹹咗少少 要飲返枝可樂中和下 全店無雙拼 呢一個堅持非常欣賞 可以做好每一碗麵既味道

肚餓的時候可以來一碗細蓉, 是身為香港人的一大確幸。小小的一碗麵, 精巧之除甚多, 由麵條、雲吞、湯底, 都有不少講究之處。是為香港飲食文化的精髓。也只有離地三萬丈之人, 才說得出「雲吞麵登不上大雅之堂」之妄語。在香港雲吞麵店甚多, 哪定好哪家不好, 小妹也在摸索當中。要知哪家好, 多多上網看看別人所推薦的, 再親自去吃吃, 看看合不合自己的口味。飲食之事, 雖也有客觀準則, 但末了, 還是主觀的因素較影響感覺 - 特別是這一種充滿了感情回憶的小食。今日不是刻意要吃雲吞麵, 只不過是剛好在佐敦經過, 興之所至, 就入內坐下。麥文記店齡甚久, 坊間對它的評論不錯, 麵好, 只是雲吞不夠傳統, 不是豬蝦混拼。但總是會有捧場客, 對明蝦雲吞有愛。雲吞麵 HK$32雲吞麵的賣相對版, 雲吞在下, 麵條輕輕地以湯羹晾起, 大半露出在湯汁之上。先吃麵條, 爽口彈牙的, 完全沒有鹼水味, 吃起來樂趣無窮。再吃雲吞, 飽滿的一顆之中藏有兩顆蝦, 用料不俗, 雖少了豬肉之香, 卻是鮮香甜口。唯一是湯底比較淡白, 是小遺憾。京都炸醬撈麵 HK$42天氣熱了, 嫌膩, 不太想吃麥文記的馳名豬手, 就點個京都

12點左右到嘅麥文記，空調好涼，隨便搵咗個位準備落單，不過要12點先開始落單。服務態度都算唔錯~~12點之後開始慢慢多人，點咗一碗雲吞麵。雲吞麵，32蚊。一個人食覺得唔系好夠飽。好細一碗，不過個湯底幾好飲，啲麺好爽，雲吞咬開可以見到成隻蝦，口感好爽口！！見到對面嘅人點咗一碟韭菜花，下次嚟嘅時候可以試下~~

好開心，近排又系金牛座bb最開心嘅時間喇，生日好快就到，所以霖一下就令人覺得開心，最興奮嘅系成班老友幫我籌畫生日party喇，到時實系要豪食豪飲喇，所以要提前啲減肥先。食面系一種不錯嘅選擇，所以我就近去咗麥文記度，點翻一個雲吞面就得喇，雲吞面依然系咁爽口，系我肚餓嘅時候俾我滿足感，麵條條縷分明，無會癡埋一起咁，爽身。雲吞嘅話就系覺得裡面嘅餡料都好多下，想令人減肥都覺得比較難啊，蝦仁好正咯，岩岩熟咁，唔會太過爛，太爛就唔好食呀嘛，湯底應該系高湯咁嘅，味道都OK嘅，就會令麵條好入味咁咯。

是日又要在附近辦事，午飯的著落茫無頭緒，心血來潮就走到麥文記。坊間很多麥X記雲吞麵，小人都搞不清那間是正宗，反正好食便可。試了個牛腩撈麵，幼麵淥的時間掌握得好，麵質彈牙爽口；牛腩軟及牛筋都很入味，應腍則腍、應爽則爽，牛腩汁惹味得很，不會太咸，是一碟勁正的撈麵。只是份量較少，未能完全滿足胃口而已。不論麵條或牛腩，俱是上上之選。

我叫左淨雲吞, 係首全蝦雲吞, 一食, 真是無豬肉, 全都是蝦WOR!!! 食落無咩味精, 蝦肉幾爽, 仲要大大隻, 好味! 個湯底唔咸, 味道剛好。至於雲吞麵, 麵在面, 雲吞在底, 咁D 麵就唔會浸得太林。 我無試D 麵, 所以唔知麵質係點

今天同同事系麥文記麵家食LUNCH，點左一份拌面同牛腩面，拌面可能放得太多調味粉，味道有D重，食落比較干身，口感一般，牛腩面還算OK，牛腩煲得好軟爛，入口即化，面也爽身，總體還算OK的。

下午四點半來，一個人我的口味偏清淡，喜歡健康飲食。1. 首創全蝦雲吞湯麵 ($32)非常好吃，大力推薦，可以吃到食物裡面本身的原味，給靚！雲吞皮很薄、蝦很大彈牙、裡面的餡肉很少。麵軟硬適中，還有彈性，QQ的。湯鹹度剛好，濃淡適中，配上少許黃色韭菜，非常搭配。2. 揀手油菜 芥蘭（$20）燙得剛剛好，枝幹是脆的，而且枝葉維持綠色，底下的醬油油汁夠鹹，不需要$1的蠔油，就滿好吃的。