麥文記麵家

营业中

休息中

麥渙池是誰？你未必知道，但承傳着其手藝的一眾麵店，作為香港人的你，縱未嚐亦必曾耳聞大號，麥奀記創辦人是他的親兒，何洪記的創辦人則是他的入室弟子，正斗、麥兆及麥明記等的老闆都是他的親或徒孫，以上提及的都是香港甚至世界有名的食肆，後人在香港雲呑麵界赫赫有名，無怪乎當時創立廣州池記的麥公渙池有着雲呑麵大王的稱號。今天到訪的麥文記，他們的雲呑及製麵技術亦源自麥渙池，創辦人姓麥名民敬，據悉是麥渙池的侄兒，如何取得麥公的真傳並無文字記載，只知道麥奀及何洪後人對麥文記雲呑麵技術乃承傳自麥渙池之說法並無異議。紇立佐敦超過60載，致今仍以竹昇打麵，質素向有口碑，小弟自學生時代已開始光顧，對其雲呑及水餃麵甚為推崇，每次路過佐敦必來一至兩碗解饞，今天亦不例外，點了他們的兩大皇牌雲呑麵及水餃麵。趁麵未到，先拍攝一下場內環境，店面頗為狹窄，堂座約40多個。餐牌選擇仍是貴精不貴多的20多款。等了約8分鐘，麵到。雲呑麵 HK32賣相是正宗的麵上雲呑下。評雲呑麵，小弟必分三部份作評，分別是湯、麵及雲呑。湯金黃色，非常鮮甜，用料有蝦皮、大地魚及豬骨是肯定的，從報章上的資料上得知還有羅漢果，應帶回甘才對，恕在下舌拙，不怎

住咗係佐敦廿多年, 由細食到大, 不知何原因, 細路哥時代, 唔覺得好好食, 反而大咗, 搬離了此區, 得閒經過, 愈食愈好味, 基本上每星期都要嚟食一兩次... 京都炸醬撈麵, 出晒名既店, 訂價當然高, 收四十二元, 但材料比足, 半辣不太鹹的炸醬, 味道一直無變, 反而今次撈麵煮得比較淋了些.雲吞麵, $32,  同麥奀記一樣, 超細碗, 但水準好過麥奀記好多(只講同樣是在百加士街的一間, 其他分店, 無甚研究), 麥奀記愈開愈多分店, 間間都是行貨水準, 只靠個名吸引食客, 遲早瓜得啦, 我都係喜歡獨立單店比較好, 麥文記的麵身彈牙度十足, 最喜歡其湯底, 不及何洪記的辣, 但清得嚟夠香, 連帶那些韭黃一齊飲, 最正!麥文記的油菜, 絕對是同行的冠軍, 條條都靚, 中間芯沒有通空, 入口爽中帶軟, 菜味香, 絕對不需要那"一元蠔油". 今天的淨水餃, 頗為強差人意, 當中的蝦仁, 仍算合格水準, 但不知是否煮得耐, 加上木耳絲不足, 口感略為淋身, 不太滿意.

去開佐敦做野見肚餓就諗住快快手手食啲野。 而去到佐敦出名果幾條食街又間間都排長龍, 咁啱就比我見到呢間麥文記。 睇鋪面就覺得佢是經營左好多年嘅老字號, 斷估應該都唔會差得去邊, 所以就入去試下。不過一坐低就覺得有些少迫, 有少少影響食野氣氛。京都炸醬麵 ($32)由於太肚餓嘅關係, 一坐低就即刻叫野食。 望下個餐牌見到有炸醬麵推介, 就叫黎試。 上枱時聞到有少少肉香就忍唔住要即刻撈勻個麵開動。 肉絲唔會切得太粗, 而且個麵烚到腍身, 唔會太乾太硬, 幾好。 不過有睇開我食評嘅朋友們都知我非常之唔食得辣, 呢個炸醬汁對我黎講是有些少"哽" 而且份量太少, 可能坐office嘅女士們都未必夠, 所以爭咁啲啦。

姐兒甜無錯！今天我又攞住支結他走圍走⋯等了3張檯1分鐘到我 一樣有特別坐位安排因為支結他唔該！淨雲吞、牛腩麵～(因為無雙併)$32+34而我食量當然絕對無問題喇～～～雲吞：皮薄內涵更靚 大大隻蝦 湯味剛好*(我對雪味太重的冰鮮蝦是會吐的人,但哩度d蝦係好味的朋友嚟架～)牛腩：味道健康不會太多味精感覺,軟度非常好有噍口又唔痴牙 湯低亦有正宗正常的腩汁味*麵！：我係一個唔食梘水麵既人因為味道好像"化學"的怪味 但 可以講哩度既麵就好似患厭食症既人食返野既感覺！哈哈～不是覺得超級好味但真的不討厭囉~唔知點解我覺得次次去親這類的食店都會有一個共通點-就係員工的服務態度和工作表現是否跟規模有關？今次有員工做錯野就大大聲當眾在客人面前大罵⋯其實有無細公司向著完美進發，咁一定無人能代替你地位啦。

香港有不少有名聲的雲吞麵食，此店是其一。有時在想，雲吞麵可以怎樣的不一樣？既然雲吞麵不是我的特別喜好，吃下所感受到的應該還是相差不大。我還要特意去試不同的優質雲吞麵嗎？不過，我一直很想知道「麥文記」是怎樣的，平時很少有機會到這所食肆的各間分店。這次碰巧經過，實在極之難得。最終還是選了經典的「鮮蝦雲吞麵」。即使即點即製，數分鐘便送來了。心想，雲吞在麵的下面，外觀與別的相若，水準是否差不多？先吃麵，麵條當然是幼滑有彈性，味道有質素，是優質的產品。至於雲吞，的確可以在我意料之外。雲吞裏的鮮蝦，當然是份量豐富，但鮮蝦的味道，韌中帶甜，而且是暖暖濕潤的，雲吞皮既薄又滑，個人認為此品質在食品市場上較為特別的，是我很喜歡且嚮往的品質，非常高質素。久後回憶，還是依稀記得那一種美味。

說真的, 我覺得這間餐廳攞米之蓮也不足為奇一間茶餐廳對食很有要求, 每次來這裡叫的每一款都很滿意今晚上完堂, 享受一個人的浪漫, 叫了這個 "柱侯牛腩麵"看似很小碗, 但很足料呢, 濃濃的湯底可能會覺得有點略咸但牛腩跟牛筋都煮得超入味, 而且牛筋更帶有黏性起膠質, 不知要花多少時間才可以做到如此入味的牛筋而牛腩也不會過硬, 軟硬適中! 真的很出色 新鮮的菜, 睇顏色已不用多寫了 很甜的菜 !

好耐冇去麥文記喇，今晚唔想煮飯嚟回味吓。環境一般，老字號喺咁上下喇，衛生同服務都OK。我點咗雲吞麵，個湯底濃而清甜，雲吞大大粒，皮薄餡靚，一啖咬落去爽口彈牙，每粒雲吞裏面都有幾隻蝦，真喺夠曬足料，而且蝦肉好鮮甜。麵質爽口彈牙，聽講喺手打嘅竹升麵，喺其他地方好小食到咁正嘅麵。老公鐘意食牛腩點咗牛腩麵，唔單有牛腩仲有牛筋，份量好多。牛腩同牛筋都好入味，牛腩唔會好肥膩而且好稔好滑，牛筋好有嚼頭。麵原本都夠曬爽口彈牙，加埋d 牛腩汁仲好食。老公見我個雲吞咁足料，點多個淨雲吞，邊食邊講抵食啊抵食啊，啖啖蝦肉。油菜冇咩特別，好清好似冇油咁，不過菜幾新甜。

今天又來到佐敦做野，一到食飯時間就唔知揀邊間飯店/大排檔嚟飽肚，剛好見到麥文記麵家係前面，人唔算好多，決定就揀佢喇；一個人埋位總係特別快嘅，我點嘅鮮蝦雲吞同牛腩面好快就上枱，雲吞同牛腩面嘅賣相睇起嚟雖然有d細，但其實里面份量都算OK，雲吞里面嘅蝦夠新鮮彈牙，牛腩夠軟夠爛，湯面食落又幾爽口；總體來講，特色算唔上勝在水準夠穩定，不過不失!

上湯雲吞麵 $32如果講好食嘅雲吞麵 我覺得麥文記一定係首選呢度嘅雲吞真心係重點 四粒大大粒入面有落得好足料嘅蝦 而且好鮮甜而且個麵底無皂水味 口感偏硬但32蚊一碗細蓉又確實係有啲貴唔知大家又有冇咩雲吞麵推介呢

雲吞麵食得多，但麥文記都係第一次食。$32一碗，比其他麵家食店可能貴左些少，但係質素絕對有保證！望落碗雲吞麵，份量可能細左一啲，但原來有四粒爽口嘅雲吞，蝦肉豬肉份量足夠, 感覺很不錯。配以彈牙嘅麵條，及相當清而味濃嘅湯底，深信好快又會食多次！

今日一大早就比阿媽叫醒，話要我陪佢去食早餐，本來唔想去嘅，但都醒左了，甘就淋住同佢去麥文記食啦，我都好耐無食過佢地D牛腩啦。今日嚟到比較早，唔算多人，等左大概5分鐘就有位了。每次嚟呢度一定要點牛腩，佢地D牛腩好入味，而且唔肥膩，一半腩一半筋，當然系筋最好食啦，彈牙有嚼頭，牛腩香糯軟滑，分量又夠大。我點左雲吞麵，面系手打嘅竹升面，其他地方好少食到甘有頸道嘅面啦，雲吞就更值得一贊了，皮薄餡靚，一定要試下。阿媽就中意佢地嘅鮮蝦雲吞，首先湯底好正，到時可以連湯都飲埋，每只雲吞都有三四只鮮蝦，D蝦好彈牙，一啖咬落去，大大嘅滿足感啊。

今日Christmas，不過得我一個人過節，落左班就自己一個人來麥文記食翻碗招牌雲吞麵慰勞下自己碗雲吞麵一上嚟，嚇左我一跳，咦，點解無雲吞噶？原嚟啲雲吞係曬雲吞麵噶下面，亦即係碗底。啲雲吞又大粒，仲有蝦係入面添，真係食得我超happy啊~~湯底好鮮甜，食材又新鮮，嚟呢度就必點佢啦！因為我覺得雲吞面上面啲雲吞滿足唔到我對雲吞噶感情，所以我又專登另外叫左碗凈雲吞，一次過滿足曬我兩個願望，我真係超級無敵幸福吖~~牛筋牛腩都係一大碗，我一個人真係食唔曬，不過之前食過九記噶牛腩，覺得佢無九記噶牛腩咁淋。碟豬手真係好啱拿嚟送飯!

5个人叫了1个南乳猪手面，2个上汤云吞面，2个云吞捞面，1个鲜虾水饺，1碟油菜，后加1份南乳猪手。除了南乳猪手有点硬，其它的都很好。捞面分量很大，鲜虾云吞水饺很弹牙很鲜美。香港的油菜永远都不会让人失望，鲜嫩多汁

本身約咗朋友，但佢要遲少少，即刻行入白加士街食啲嘢，其實得15分鐘時間應該食澳牛，不排長龍、但佐敦麥奀又唔好食，所以入咗麥文記，點了雲吞撈麵($42)，呢度撈麵是沒有跟蠔油的，如要一碟$1，我是窮鬼，所以沒錢加蠔油，唯有自己加免費嘅醋同辣椒油，麵質算爽身彈牙，但仍有少少鹼水味，不過已經比起坊間多間雲吞麵專門店好好多，雲呑是傳統細粒的，雲呑皮薄薄的，餡料是鮮蝦加些少大地魚末，一口一粒，不錯！

果日喺佐敦想搵d較為清淡嘅野食，所以就去左麥文記，佢作為一間雲吞麵嘅老字號，佢嘅裝潢都係好似傳統嘅冰室或者茶餐廳一樣，比人一種同佐敦鬧市唔太相襯、一種懷念嘅感覺。同友人都分別叫左碗雲吞麵，另外都叫左碟油菜。麥文記嘅麵包括雲吞麵都係比較細碗，大食嘅人分分鐘要叫兩碗。但佢做得一間老字號係有原因嘅，首先d雲吞幾大粒而且好足料，入面充滿住蝦肉，難怪食緊嘅時候都聽到有唔少人叫淨雲吞。而d麵雖然比較少，但係味道唔錯，唔會有鹼水味，仲十分彈牙。湯底飲得出一定係足料煲出黎，絕唔係味精湯。整體黎講，麥文記雖然野食選擇唔多，但貴精不貴多，佢嘅雲吞麵的確係好食嘅，而且價錢合理，計埋油菜，每人都係40蚊到。總結覺得麥文記絕對不失一間老字號嘅風范。