更多
2001-09-25
9 浏览
其實,在鹿鳴春食飯都好幾次,環境雖然舊舊地,但算是乾淨整潔,而且有點兒老舖的風味。原本想星期日同屋企人食晚飯,但在星期六的上午就已經訂滿座了,所以只好轉星期一。事實上,整晚都唔少客,許多都需要輪候,而且在九點左右就賣清填鴨。雖然經濟不景,但有實力的食肆仍然可以生存。我們一共5個人,揀左個4人套餐,我想唔係太大食6個人食都可以。4人套餐包括(海蜇冷盤、北京填鴨一隻、紅燒魚翅、賽螃蟹、宮爆蝦、清炒白菜仔)$8xx,大概是以上菜式,名稱唔一定完全正確。海蜇冷盤唔係好大碟,海蜇又爽又彈牙,仲有好香麻油味。紅燒魚翅都唔錯,算係睇到幾大梳翅。不過,如果可以選擇,我一定推介另外一味:砂煲雞翅(8人以上:$8xx;5人以上:$4xx),散叫價錢差唔多,之前幾次都係揀砂煲翅,翅一樣咁大梳,但勝在湯底清甜,好好味。填鴨是鹿鳴春的名菜之一,雖然有少少肥,但已經比較乎合現代人的口味,事關有d北京酒家的填鴨肥到可以一滴滴油……;不過怕肥的最好都係食少一兩件。賽螃蟹和宮爆蝦都值得推介,尤其是賽螃蟹,真係要試試,加了點瑤柱的鮮味,特別好味道;而且賽螃蟹和宮爆蝦都不是太滯,絕對是其突出之處。而清炒白菜仔就正常ok啦,
原本想星期日同屋企人食晚飯,但在星期六的上午就已經訂滿座了,所以只好轉星期一。事實上,整晚都唔少客,許多都需要輪候,而且在九點左右就賣清填鴨。雖然經濟不景,但有實力的食肆仍然可以生存。
我們一共5個人,揀左個4人套餐,我想唔係太大食6個人食都可以。
4人套餐包括(海蜇冷盤、北京填鴨一隻、紅燒魚翅、賽螃蟹、宮爆蝦、清炒白菜仔)$8xx,大概是以上菜式,名稱唔一定完全正確。
海蜇冷盤唔係好大碟,海蜇又爽又彈牙,仲有好香麻油味。
紅燒魚翅都唔錯,算係睇到幾大梳翅。不過,如果可以選擇,我一定推介另外一味:砂煲雞翅(8人以上:$8xx;5人以上:$4xx),散叫價錢差唔多,之前幾次都係揀砂煲翅,翅一樣咁大梳,但勝在湯底清甜,好好味。
填鴨是鹿鳴春的名菜之一,雖然有少少肥,但已經比較乎合現代人的口味,事關有d北京酒家的填鴨肥到可以一滴滴油……;不過怕肥的最好都係食少一兩件。
賽螃蟹和宮爆蝦都值得推介,尤其是賽螃蟹,真係要試試,加了點瑤柱的鮮味,特別好味道;而且賽螃蟹和宮爆蝦都不是太滯,絕對是其突出之處。
而清炒白菜仔就正常ok啦,無乜特別,但真係幾清,我們食到一條不剩。
我們最後加叫個拔絲香蕉,要等半粒鐘(部長落order前已經告知)。由於糖醬較少,所以唔會太甜,不過亦因而失去了咬碎玻璃糖表面的口感。
除此之外,仲有一味之前食過,十分好食的菜式,就是蜜汁菠蘿火腿,可以用小飽夾;甜甜酸酸的汁,襯托甘香的金華火腿,實在非筆墨所能形容。但是非常大碟,若非大食人士或有8人以上,就不要浪費。
最後,昨晚有另一檯食客叫o左個教化雞(用泥卦住,要槌仔扑開的雞),侍應話要預早一日訂造,價錢好似是$280(餐牌沒有定價),同填鴨差唔遠,所以多吃填鴨,教化雞實在是另一個選擇,下次一定要試試。
张贴