影片
更多
2019-03-10
73 浏览
是日入到元朗搵野食 朋友仔話有間食义燒想試好耐 本身冇咩興趣 但上網睇到佢個餐牌又好似好多選擇 就齊齊陪下友人啦店舖細細 大概容納到40人左右 去到時已滿座 以為要等位啦 原來樓上重有一層 上面都有20個位左右 估佢唔到幾個女仔 唔太想食飯 反而這裡好多款小食我地都好有興趣 最後點左6個小食 同2個主食。主角义燒 有分套餐同例牌 怕份量太小我地嗌左例牌 ～果然冇失望 义燒燒得好好 因為個邊有小小焦 好香口 而且甜度好夠 真係冇改錯名 蜜汁义燒👍🏻而除左义燒 重點左另一款主食 就係蒜汁豬頸肉 嘩！我更加鐘意這個 超多蒜 而且因爲佢個汁係舖面 變左一塊豬頸肉一邊就估滿汁 另一邊就冇 反而平衡到 唔會太咸 推介！👍🏻👍🏻👍🏻到請小食啦又要一讚既 係話梅涼瓜片 食落係涼浸浸 酸酸甜甜既 苦瓜味係完全沒有架！我覺得超有新鮮感 第一次食到 ！不過反而朋友們 話完全唔似係緊苦瓜 反而唔鐘意 最後我自己食野✌🏻✌🏻酒仙醉雞片 這個手工野 包得好靚 食落幾有層次 因為我地冇飯所以味道剛好 但如果送飯 可能味道可以再加多一點 酒味可再香濃d雞絲粉皮 正常味道 略嫌麻醬唔夠多😅😅豬耳 夠爽但唔會好大塊好硬
是日入到元朗搵野食 朋友仔話有間食义燒想試好耐 本身冇咩興趣 但上網睇到佢個餐牌又好似好多選擇 就齊齊陪下友人啦
店舖細細 大概容納到40人左右 去到時已滿座 以為要等位啦 原來樓上重有一層 上面都有20個位左右 估佢唔到幾個女仔 唔太想食飯 反而這裡好多款小食我地都好有興趣 最後點左6個小食 同2個主食。
主角义燒 有分套餐同例牌 怕份量太小我地嗌左例牌 ～果然冇失望 义燒燒得好好 因為個邊有小小焦 好香口 而且甜度好夠 真係冇改錯名 蜜汁义燒👍🏻
而除左义燒 重點左另一款主食 就係蒜汁豬頸肉 嘩！我更加鐘意這個 超多蒜 而且因爲佢個汁係舖面 變左一塊豬頸肉一邊就估滿汁 另一邊就冇 反而平衡到 唔會太咸 推介！👍🏻👍🏻👍🏻到請小食啦
又要一讚既 係話梅涼瓜片 食落係涼浸浸 酸酸甜甜既 苦瓜味係完全沒有架！我覺得超有新鮮感 第一次食到 ！不過反而朋友們 話完全唔似係緊苦瓜 反而唔鐘意 最後我自己食野✌🏻✌🏻
酒仙醉雞片 這個手工野 包得好靚 食落幾有層次 因為我地冇飯所以味道剛好 但如果送飯 可能味道可以再加多一點 酒味可再香濃d
雞絲粉皮 正常味道 略嫌麻醬唔夠多😅😅
豬耳 夠爽但唔會好大塊好硬 佢係用鹵水唔洗成日都食辣 又可過下口癮
雞翼鹵蛋 蛋切開左 一定入味架啦 但連雞翼都一樣冇比下去 而且肉質不會太淋 👍🏻因爲好怕浸得太耐 唔洗咬都甩個d 😂
最後係薑汁松花 開頭唔知咩黎 原來係皮蛋放滿薑碎 有驚喜 看似簡單 但原來咁既配搭真係幾好食 食完一塊又一塊
同埋我地加左個老火湯 好甜 冇味精感 食完餐飯都冇話好口乾 下次黎元朗真係會再食 因為好鐘意可以食好多小食 但又唔會過飽 同埋這裡既小食質素真係好高 款款我都好想試😍😍
张贴
