鵜舞

营业中

休息中

差1.上菜時間慢2.上菜順序錯，我既經歷係 點菜後20分鐘上鍋物-壽司-生蠔-池魚刺身（池魚刺身係點菜後既45分鐘先到）3.熟食係難食既，鍋物個味係油鹽水灼豬肉片加豆腐4.池魚切得厚，無食池魚刺身嗰個少少酸既汁😖Ok1.生蠔夠肥美，佢地調個汁同生蠔好襯2.壽司正常，無特別好同特別差呢間餐廳係令我失望既，其實不論任何國家既菜式都係冷盤生野上先，熱食主食類殿後，等個池魚等左45分鐘😡仲要係厚切（請原諒我唔記得影相，一開始食左個鍋物已經燥左）

聽朋友講 荔枝角一間日本餐廳除左食物有質素 餐廳環境亦都好地道於是相約朋友去試下先去到門口已經覺得好有特色入到去仿似去左外地咁好有居酒屋感覺食物都係日本居酒屋食到既野串燒 沙律 天婦羅 釜飯 壽司 刺身 端爐燒店員服務好好 會提供信封放口罩有店員會介紹下推介食物而餐廳每日都有啲是日限定食物 要睇黑板先知現場氣氛好好 坐吧枱既顧客有機會同廚師 waiter 乾杯🍻先食呢個岩手縣蠔 廚師已經調左味只需要加返少少檸檬汁蠔好新鮮飽滿 淋左少少酸汁 帶氣左蠔既鮮味甜味 咬落第一啖係爽口 之後就係蠔既鮮甜厚燒明太子蛋卷上枱時熱辣辣 係特別好味架明太子爆多 又唔會過咸蛋好香蛋味 而且好滑 仲保留到少少蛋汁麵豉醃鹿兒島五花豚肉（上）本身豚肉已經調左味 唔加麵豉都好夠味食到炭燒嘅味道 加咗麵豉層次更加豐富豚肉夠juicy 唔會韌雞髀長蔥串 （下）同樣地 雞髀肉係嫩滑 唔會乾晒身肉間有少少脂肪 燒完係可口既長蔥燒到好香 阿波尾雞 -雞翼呢款雞係日本嘅走地雞一上枱睇落超大隻咬落骨頭硬肉結實 名副其實嘅走地雞廚師就咁燒雞皮香脆簡簡單單已經好好食Frozen beer :green apple食咗咁多煎炸野當然

門口睇咗餐牌見到成$120一個lunch，心諗食物及服務質素都應該有返咁上下，結果完全失望🤦🏻‍♂️🤦🏻‍♂️。魚介豬骨叉燒拉麵+炸雞塊2件+燒餃子3件收費$108+10%，物非所值，永無下次！燒餃子細細粒，餡料極之少，仲要黐埋一舊舊，是是但但之作。炸雞塊雞肉嫩滑多汁，但炸皮太厚太實，外型核突，求鬼其其之作。魚介豬骨湯底好鹹，叉燒又鞋又瘦，唯一做得有誠意嘅係果半隻流心蛋同切成幼條嘅木耳。呢到最奇怪嘅係落完單之後，店員唔會印返張單俾客人核對。我見到隔離枱有位小姐係要燒餃子，但店員佢落錯咗炸雞塊，最後店員回應廚師要落場，做唔返燒餃子😱😱。店舖人手唔係唔足夠，但每個店員都好似好忙咁，面上無表情，同客人無眼神交流，又無言語回應。大佬呀！食麵無比筷子🥢點食呀！2件炸雞塊等咗半個鐘，係唔係要吹呀！應一應呀！高級食店嘅食物質素及熱誠服務至為重要，兩樣都做唔好，就永無回頭客😤😤！

係D2附近既一間居酒屋💁🏻‍♀️成日都好多人 最岩傾計再飲番兩杯😋我地係openrice book左枱先去🤤經openrice book枱仲有折添！！！.🎈左邊雞肉串($34)有埋個蛋黃可以點醬咁食👍出面食呢款其實會大碌啲呢到就略嫌份量較細🤣不過味道都唔錯！評分: 7/10🎈右邊豬肉秋葵卷($30)個人就覺得可以再惹味少少🤭不過不失評分: 6.5/10.🎈鰻魚牛油果卷 ($68)原本以為係大卷點知係細卷😂我自己麻麻地呢個配搭因為鰻魚本來已經幾淋 再加上牛油果😂個內涵太軟🤦‍♀️不過味道都正常評分: 6/10🎈軟殼蟹卷($78)軟殼蟹炸得都夠脆💁🏻‍♀️但個卷包得太鬆😂好容易就散開了除左呢點有待改善 質素都可以評分: 7/10🎈天婦羅丼($128)天婦羅炸得都脆 但唔夠脆 不過尚算足料👍個醬油調得好好食🤤好岩用黎送飯食😋😋好怕天婦羅既炸粉太厚 但呢個都算恰到好處評分: 8/10🎈黃金芝士西京燒($65)成晚最期待就係呢個！！！比較少地方有燒芝士🤤好食既真係可以好好食雖然有啲焦啲 有啲冇咁焦但都做到每一舊既心都係流心狀既芝士評分: 8.5/10🎈水信玄餅($48)唔可少既甜品當然要點水信玄餅🤤中

D2 place商場地下隔離就係依間日式居酒屋餐廳🤩雖然門口看似毫不起眼會不經意就路過，但紅紅嘅大燈籠其實很搶眼，入到去餐廳環境比想像中大好多好多，光暗氣氛環境佈置都好有日本風味，同朋友歎返杯酒談住心食日本菜簡直猶同於去左日本🤪👓明太子燒蛋卷 $68蛋卷切成6件，夠厚身同滑又香，明太子相當足料，一夾啲餡包唔晒即刻跌晒出嚟，因為明太子本身帶點辣味所以成個蛋卷都好夠味評分：8/10👓鰻魚牛油果卷 $68紫菜飯卷包住一舊仔鰻魚同一粒牛油果，內裏已有鰻魚汁，好食！不過稍為份量有點少吾夠喉評分：7.5/10👓天婦羅蝦卷 $78類似加州卷甘飯卷出面有蟹子，入邊係脆卜卜嘅炸蝦真係夠脆口，總共有六粒，每粒都好好厚身。評分：8/10👓明太子茶漬飯 $58紅色一嚿嚿係明太子，帶點香辣，但倒上清茶後味道平衡返啱啱好，整體都叫做較為清淡清新，熱湯為飯帶點濕潤感。評分：7.5/10👓雜菇牛肉壽喜燒鍋 $88牛肉片大約6塊，有好多菇菌，甜甜嘅湯底鮮甜唔會好肥膩，一碗白飯呀唔該🙋🏻‍♀️美中不足係生雞蛋不是平時蛋液而係一兜雞蛋泡，嗰種泡狀質感很奇怪🤧評分：8/10👓九州華味雞軟骨串 $26香囗惹味，不過味道稍為鹹咗少

正宗日式居酒屋裝修有很多四至六人雅座內裏的感覺就像置身日本就算坐正方形枱疫情期間都有巨大的透明屏風阻隔感覺衛生安全前菜簡單但美味味漬南瓜非常甜又軟身日式蒸蛋香滑但主菜就稍為遜色聽說刺身類已經是全店最好吃叫了小樽飯定食及函館飯定食兩者其實分別不大就是牡丹蝦、三文魚子及黑魚子之分別飯是用心製作加入了香菇及芝麻但蟹肉就真的十分令人失望感覺就像把罐頭蟹肉直接倒出來見餐牌小樽飯定食好像有蟹膏但是我找不到又吃不出與蟹膏撈埋

呢間嘢我好耐之前去食過 lunch, 當時嘅服務令我講過唔再幫襯，事隔N年因為諗唔倒食咩我用冇要求嘅心態再幫襯一次。入到門口企左一分鐘先有人走埋黎問我幾多位，答左一位佢就安排我坐 sushi bar 枱（因為一條友都預左係畀呢啲位架喇），坐低又等一分鐘先有人放低個餐牌，好喇，叫左嘢食就梗係玩住電話等食啦。唔知又過左幾耐，終於都有得食喇！厚切豆腐：有少少乾，係底個汁偏鹹。$58まあじ一尾 （池魚）： 呢個新鮮又好味，$300一條抵唔抵食就見人見志喇。魚頭下面果舊係金目鯛$60黎，冇比較都好味，有比較就覺得池魚好食啲。食完晒以上2款已經係落單時間嘅半小時後喇，𠲖~ 點解個飯未見影嘅？好，諗住佢要煲可能再等一等啦，等到落單後45分鐘個飯終於都出現喇！鵜舞斧飯（三文魚、帶子、海膽、三文魚子）$248：一上枱開蓋就聞到好香嘅海鮮+淡淡嘅醬油味，三文魚子係分開上嘅，等你食嘅時候先加上面，唔使搞爛晒，就咁食又會幾鹹下，所以記得要撈飯。總括黎講嘢食係ok 嘅，不過千其唔好對服務有要求！

今日來講呢間日式嘢食lunch, 所有嘅食物質素一般，最好食應該都係魚生飯。食咗個咖喱牛蛋包飯，味道較淡，拉麵質素一般，炸雞算係比較好，位置較迫，價錢略貴，整體感覺麻麻，

入到鋪頭 唔該左幾次都無人理會待應見到都係行過直過 等左好一陣先有人帶位 待應為左招呼我地隔離既食客 我地經常要就佢地而要避一避 而且落左單好耐都無到 係問待應話跟進下過多陣先有 黎到既壽喜燒都唔係熱 味道一般 呢個質素加服務態度實在令人非常失望

見食評咁好又想食日本野，所以平日放學後同小朋友一齊去，午飯時間好多人要排隊。餐牌都算多嘢食，叫咗呢個北海道魚生飯，三文魚子、蟹肉都算多，帶子就只有薄薄兩片，甜蝦好瘦削！二百幾呢個價錢尖沙咀可以食得更好！所以不會再幫襯！午飯時間都幾full，餐廳又不夠人手，叫加茶叫咗幾次！不過我哋坐近爐端燒師傅，他應該不是香港人，見到我有兩個小朋友靜靜地俾咗啲日本零食我小朋友！有啲似日本當地餐廳日本人嘅做法！溫暖！

📍鵜舞 荔枝角辛苦工作一星期，終於到星期五！今日推介高質居酒屋，放工同班朋友chill 一chill! 🍺🍻餐廳裝修成傳統日本居酒屋，仲設有獨立包廂，仿似置身日本般🇯🇵個餐廳裝修十分有心思，打下一流日本原產地新鮮食材到港，即叫即燒和牛牛舌，仲有海鮮刺身飯！最正既係即叫即燒，日本人係你面前燒俾你食，食得到既用心味！真係味覺視覺最高享受🤤🤤🤤🥨人均消費HKD$200-$400🥨荔枝角長義街9號D2 Place一期地下2號舖

鵜舞假日同朋友玩完broad game，夜晚朋友推介帶我地食依間日本餐廳。而依間餐廳係D2 Place (One)既外面既，遠遠會見到好日本居酒屋裝飾的。入到去，環境比較暗，不過我地行到吧枱個邊坐，一下子變返光左。第1次黎食，咩都好想試下，咁同朋友就叫左幾款野食試下。首先黎到既係依個炸軟殼蟹，我地都認為依個炸軟殼蟹係非常好食，佢炸得岩岩好，我食覺得入面好多膏，所以認為依個都必食。另外叫左個蛋卷食，入面d芝士非常多，食落去都覺得唔錯，但食完依個會覺得好飽，所以3人以上叫依個會好啲。串燒方面，我地叫左多春魚、雞皮同雞脾長蔥，雞皮方面覺得炸得幾脆，另外2款就不過不失。和牛方面，我朋友食左就覺得依個係有驚喜既，所以大家有興趣都可以試上既之後鏝魚飯同什錦壽司冇乜特別，味道OK既。食物方面，有d係有驚喜，我最中意真係依個炸軟殼蟹既。不過居酒屋d員工，我個人認為就麻麻既。最後埋單，3位食，因為我地真係叫得比較多，想試多d野關係，每人就比$300幾左右啦。

平時好少去這區，今日第一次去看看，也嘗試了這間日本餐廳。好易找到，方便。入到去，侍應帶我們直入到尾，是一張張四人座的枱，左右都有，但每一張都有日本簾和木板分隔，坐得很舒服，靜靜地，很好。看午餐餐牌，主食是食套餐定食，選擇非常多。有魚生套餐，燒物套餐，一盤豬，牛套餐，拉麵等等。我點了燒左口魚定食和函館定食=蟹肉，魚籽，海膽飯。定食便有前菜，蒸蛋，麵鼓湯。點完，五分鐘，除了主食，立即上。主菜不久也到。我叫的函館定食，好多料，料多過飯，蟹肉，魚籽新鮮，海膽少少但無乜味，麻麻地。飯都好，應是用日本米，.但份量可以多些因料好多。燒左口也有幾片，也新鮮，燒得剛好，唔差。值得一讚是，侍應好有善，招呼好好。兩個人食要$425.

我好鍾意呢間餐廳，一入去就彷彿置身日本居酒屋，設計同氛圍都做得好好食物以呢個區嚟講價錢就相對上貴，但我覺得質素同份量都值回票價本人誠意推介汁煮油甘魚鮫定食，呢個真係一定要試，個鮫好厚身只係得一條骨，啖啖肉又滑又新鮮。個汁更係精髓，濃得嚟唔會過鹹，煮得好入味定食會有埋麵豉湯，醃菜，茶碗蒸同前菜，樣樣喜歡嘅日式食品都可以食到少少，好滿足油甘魚鮫都應該係熱門菜式，有時遲啲到都售罄，咁我通常都會點鐵板燒牛肉定食或壽喜燒定食，因為呢度啲牛都算高質

職員安排咗我地坐係bar 枱可以睇住師傅親手整每一道食物前菜小食方面雞泡魚干即叫即燒，味道特別鮮甜自家製梅酒真係有粒梅係入面梅子的清香融合於酒的醇厚職員介紹咗我哋食呢個舞茸是一種高蛋白、低脂肪、多營養的珍貴菇類食落都幾特別，調味料好入味串燒：熊本A4和牛肩壽喜燒串沾蛋液的吃法，味道恰到好處另外職員仲介紹咗我哋食山芋食落非常爽口而且都是健康之選銀雪魚西京燒表皮燒得啱啱好，魚肉鮮嫩明太子炒飯大大份，兩個人share 食就岩岩好整體食物質素也不錯，價錢也不算太貴