鳴門割烹料理 (已結業)

上星期四部門食飯, 早一天訂位, 要1小時交枱才有住, 我們12點左右到達, 已經幾乎坐滿, 好誇張, 我們每人叫左一個午餐. 我食三文魚帶子刺身飯, 同事們分別有些叫海膽拖羅飯, 牛扒飯, 鰻魚飯, 三文魚子魚蓉飯.前菜好快送到, 每款都有不同, 我的係有一碟唔知咩嚟, 有些黑色的, 啡色的絲, 應該係植物, 冇咩味的. 一碟沙律菜, 入面有些椰菜, 蕃茄等. 都幾新鮮的, 味道OK, 幾爽甜, 一碗蒸蛋, 都好滑身, 入面有些蝦仔, 菇之類, 不過有點水係底. 我們食晒D前菜, 都未嚟主菜, 等左一段時間先開始慢慢出, 份量明顯係少左, 碗飯細左, 之前係比較滿, 但依家只係一半滿. 三文魚及帶子都好薄身, 上面有些豉油, 都好肥美的, 帶子入口即溶的, 三文魚都係, 好似唔使咬咁, 好味.牛扒, 同事們分別叫一客七成, 一客五成, 但七成來了, 過左好耐五成都未嚟, 問仕應, 初初的一個問我們欠甚麼, 幫我們跟, 因同事食齋, 叫左一碗淨烏冬同埋炒雜菜都未嚟, 過左一陣鳥冬及雜菜就出嚟, 再問佢牛扒怎樣, 竟然話因為個爐用左嚟煮烏冬, 所以要再等一陣, 全間店只有一個爐?? 莫名

在九龍灣返工日子也1年多，心血來潮想吃正宗一點的日本菜，於是來試試這家餐廳，沒想到以這個價錢的午餐，一入到去全都是擠滿了人，幸好現在天氣不算不泠，所以又和同事一起三人行坐在戶外露天的位置，我們都聊著天坐得很舒服。 時間就不知不覺地過去了。由於整個午市時段只有3-4位服員，我們點了三個LUNCH SET，食物等了約30分鐘才來，差不夠1:45分才可以開始吃，還有一個SET sushi set 黎唔到，結果我地只好cancel這個set。我們坐在室內對出的位置，吹著風真的比室內寬敞。前菜: 有燉蛋、湯，沙律和南瓜，有正宗日本菜的簤相，可沒有日本的味道。燉蛋都算滑，可以水了點，味道不夠濃。安格期牛肉: 小妹點了7成熟，牛味不錯有嚼口，可惜來的時候明顯已放涼了。鰻魚飯: 鰻魚燒得不錯，很入味。小妹最喜愛一口鰻魚一口米飯，魚油的香味混合在米飯當中，可惜這間的飯做得太粘，假如再落少許醋米飯會更美味。最後有甜品-紅豆雪榚吃，吃得出只是普通本地雪榚，不是日本的。我覺得這間餐廳有誠意想打造成很日本的餐廳，員工的服飾都是和服及本屐，可是可見人手極不足的情況下，食客只能等很久很久，我們普通打工仔lunch

I tried to make a reservation at Naruto for lunch, but it was fully booked. We decided to try and walk-in. The waitress told us that the only seating was outdoors and she added that it was really cold. We got the feeling that she would prefer we leave rather than sit outside. Our party of four decided to sit outside anyways since the sun was out and there were heat lamps.The heat lamp was supposed to be on, but we couldn't feel the heat at all. The waitress just said it was an automatic setting

是日到九龍灣工作過後,就不斷在開飯網找餐廳,找到呢間鳴門,十五十六考慮入唔入場好,因為見到價錢不便宜,但又信唔過呢區既餐廳,但胃子太空虛,就隨緣吧呢一次真是搏一搏,就叫個$238 豐盛剌身定食試一試.但係性價比奇高,個拼盤上足足有十二款(連埋玉子).而且唔係一般行貨,吞拿魚吞魚腩仲切到好似鮮魷咁樣.而且仲有真既腳棒,真係唔講得少.再者那塊海膽好大片,好鮮甜.實在無咩可以挑剔.比較失色既那個蒸蛋唔好落咁多上湯黎整會更好,因為攪到太過水狀不太成形了有幸運亦有失落,驚喜過後再說再見,因為如果唔係要工作,根本唔會再來呢度了.有緣再會

前幾日嚟完國際交易中心呢度 Happy Hour & 晚膳之後, 男友便愛上咗呢個地方! 今日星期六, 佢又話要嚟呢度食晏, 貪其唔使點等位之餘又有好多餐廳都未試過~ 視察咗一輪, 我哋決定嚟呢間日本餐廳開飯, 因為佢哋喺週末有好多優惠 (≧∇≦)餐廳嘅環境簡潔, 中間有個頗大嘅料理檯, 可算係店內嘅特色~我哋好快就點好餐 ^^ 但因為刺身, 壽司喺星期六, 日及公眾假期都有半價, 我哋就點多咗兩件生和牛壽司 & 兩件三文魚壽司~ 和牛同三文魚嘅油脂分佈都好平均, 食落油香甚重, 滋味無窮!午市定食方面, 男友點咗個朝鮮柚子風燒雞親子丼 ^^ 定食好豐富, 除咗雞肉丼之外, 仲有日式蒸蛋, 沙律, 清湯烏冬 & 醃南瓜~ 先講個雞肉丼, 雞惹味, 蛋汁香, 醬汁又多, 真係食到停唔到口! 蒸蛋就滑到似豆腐, 而且有鮮菇片, 菜葉, 蓮子同蝦肉, 口感豐富; 沙律最特別係加咗西瓜粒, 配埋生菜同醋一齊食, 酸酸甜甜好過癮; 清湯烏冬嘅湯底不錯, 但略嫌烏冬太焾; 醃南瓜就不過不失, 甜甜哋冇乜特別~我就點咗個燒雞扒胡麻醬冷稻庭烏冬 ^^ 呢個定食都一樣好豐富, 有冷稻庭烏冬, 日式蒸蛋,

平時返工都有幫襯過鳴門！佢平時勁多人幫襯，所以成日做唔切，試過叫個壽司定食，等咗成45分鐘先至有得食，勁慘！今日咁啱去Megabox行街，又諗住去食吓！原來星期六係真係少人好多，我1點幾去，得幾張枱有人咋，勁多位呀！原來星期六刺身同壽司都半價，所以我都叫咗一碟三文魚魚生食吓！味道就不過不失啦，冇咩特別！另外，我哋叫咗2個定食，其中一個係海膽拖羅飯set，可以配蕃茄烏冬或者清湯烏冬，我就選咗蕃茄烏冬！個烏冬嘅味道都ok，個湯底幾好味！至於個海膽拖羅飯就真係好好味啦！啲海膽好香，配埋啲拖羅，味道好夾，真係好食！第二個set，我哋就叫咗壽司定食！因為今日少人，所以15分鐘左右就有得食啦！最後，佢就送甜品，可以選擇紅豆雪糕或者咖啡，我哋揀咗雪糕！雪糕好味，啲紅豆好香，應該真係日本雪糕！最令我哋驚喜嘅係，原來weekend食午餐定食係有75折架，真surprise！咁下次都weekend先嚟啦，又唔駛等，又平啲，哈哈！

每個星期天，我都要十分不情願下到九龍灣一趟，目的就是去上堂.....小妹十分不喜歡讀書的，而且還要佔據了我整個下午，星期日的下午時光對我來說是十分寶貴，現在竟然要用來上堂，簡直十萬個不願意。但沒有辦法吧，每次都覺得書到用時方恨少，只怪少年不努力吧；幸好，有句說話，never too late，趁還未老時，仍有時間去努力一下吧，只是，現在才努力，比較辛苦。這天，同樣的，走到九龍灣來上堂，但又有太多事情想辦，所以，這天七時多便起床，先看Thor 2，然後再到emax逛逛，午餐便在附近的嗚門享用。正值中午，店內環境十分光猛，加上剛剛看完很好看的Thor 2，心情特別好。這是該店門外的平台，看著綠葉，感覺不錯。這裡提供了很多午市套餐，上圖只是冰山一角而已；每次多選擇時，我的毛病又發作了，總是不知道應該吃那樣好。海膽飯定食 $168這不是我的，不過我也嚐了一口飯和烏冬。烏冬可選蕃茄湯底或清湯底，我們點了清湯底；這烏冬不是$10有4包的那種，吃上去有點像雪藏的那種，那種烏冬才是烏冬；滑嘟嘟，圓圓的，因為熱食，難免不夠彈牙，所以我很少吃熱烏冬的。看到這樣的海膽和吞拿魚，雙眼又發光了。海膽尚算新鮮，味

我喺附近返工喺呢度食稀唔上常客但都約每月一次吧~但最近到此用膳總是問題多多...唔係追餐就係食物質素欠佳~試詔過叫個手握壽司試過12:30 order等到1:30先有得食~講返今次...叫個三文魚帶子定食...薄切到仲衰過我去買$3/件外賣壽司咁!收得人$138不至於俾d咁嘅質素食物客人吧~我哋一行5人有個朋友好想食刺身咁我哋就叫個特上刺身拼盤~無記錯應該係menu最貴嗰個($398)...朋友諗住食好d...點知...我真係分唔到有咩上價刺身喺入面...有八爪魚北寄貝甜蝦都不特止...件北寄貝仲要得1/6...洗唔洗賺咁盡呀~個中伏感覺令我要開個acc上嚟分享吓~

因為喜歡日本菜，所以會四圍尋找新開的日本餐廳。位於九龍灣國際交易中心的鳴門開業不久，地點是有點隔涉，如果選用公共交通工具，就要到九龍灣地鐵站轉接駁巴士到 mega box 再步行約五分鐘。但如果開車，中心就有泊車優惠。可能是開業不久，又可能是平日的晚上，晚飯時間都只有兩三檯客人。但由於客少，所以環境清靜，很適合兩三個朋友吃飯談天。這晚兩人吃飯，先點了個個三文魚刺身、三文魚蟹肉沙律和海膽豆腐作頭盤。三文魚新鮮肥美，濃味的海膽配清新旳豆腐道味也很夾！只是沙律有點普通。主菜有 sukiyaki 豬肉鍋和䓤吞拿魚飯。因為本小姐不吃䓤吞拿魚，所以只能從友人口中得知：好味道！而 sukiyaki 鍋小小的剛好夠兩人分享，但蔬菜跟豬肉都很足料，值得一試！兩人晚餐可以吃到五道菜算是很理想，餐牌上還有一些料理看來不錯，下次可以約多幾個朋友一齊試。

上星期五來了這裏食晏,我們八個人每人叫左一個定食.分別叫左吞拿魚蓉飯跟細蕃茄烏冬,吉烈豬扒滑蛋飯跟細蕃茄烏冬,我都係食這個,不過係跟清湯烏冬,還有櫻花蝦牛肉烏冬跟壽司三件,柚子麻醬雞肉拉麵,有一個同事食齋,所以佢叫左一碗雜茶烏冬餐廳環境都好靚的,落地玻璃,樓底好高,唔算大,中間有一些係BAR枱座位. 我地坐係窗邊. 食物上菜速度都好快,我的滑蛋豬扒飯定食係有一碗飯,一碟南瓜,一碗沙律,一碗細烏冬,一杯蒸蛋.先食配菜,南瓜都幾淋身,沙律入面係西瓜,好得意,有少少醬,酸酸地幾開胃,蒸蛋好好味,入面好熱,蛋好滑,有少少汁,有雞肉及蝦,真的很好味. 食完呢D都好飽啦. 跟住食碗烏冬,唔算好多,幾彈牙的,OK呀. 主菜係個飯,反而冇我想像中咁好味,D蛋都好滑,好多的,豬扒有五至六件,不過太濕啦,同埋都幾肥,唔係好鬆化,我覺得麻麻地呀. 同事叫的柚子麻醬撈麵,佢地都話個醬好酸,同埋太多,攪到食唔到,後尾叫仕應俾碗清湯,但仕應問係咪有問題,跟住成碗攞走左,廚師話要換過一碗俾佢,同事初初話求其換碗清湯就OK,但仕應話廚師話唔可以求其,要成個SET換俾佢,跟住就叫左一碗櫻花蝦牛肉烏冬啦...我地初初仲以

去九龍灣展貿出席音樂會前，來到這間環境頗優雅的鳴門割烹日本料理。餐廳位處一個平台，景觀不錯，環境及座位都頗為闊落舒適。當日一共點了四樣菜色，分別是日本芥辣八爪魚、三文魚、稻庭冷烏冬、和牛炒飯。作為前菜小食的日本芥辣八爪魚，未食到聞到芥末的辣味，乃安娜的至愛。　　這一客三文魚刺身只有幾片，但原價已經要百多元。這個高價反映在質素身上，不止新鮮肥美那般簡單，你的舌頭能分辨到那層脂肪入口即化的質感，非常正！幸好當時有 Happy Hour「感恩大激安」優惠，大概半價就食得到。　　稻庭冷烏冬冰冰冷冷，非常適合夏天吃。打蛋和沾醬油後，味道不俗。　　至於和牛炒飯，飯粒分別，滲入了和牛香，相當惹味！　　對於這次試的四款食品都很滿意，我尤其喜歡那三文魚刺身。

朋友聚會 .... 約去鳴門開飯 ~係無 book 位的情況下去，都有d驚，驚無位....不過好彩，對面間西餐廳就無位，而我地去果間就仲有位 ~~ 未入門口都循例睇下 menu發現原來mon-fri 6pm-8pm 都做梗半價wow... 真係好抵喎 ~~ 就入去坐低等朋友問下個侍應生，佢話計落單時間，咁就拿拿聲叫左d先啦因為我入到去都已經 19:35 到喇，再等連叫都無得叫啊 !!!!由於朋友未到，循例上都要問下佢有咩想食有咩唔食架問完佢都係叫我話事，就叫左d想食既野先啦落左一轉order之後，朋友就到喇睇一睇個menu....再落第二轉.....如是者.....由於8pm前截半價單我地係10mins內落左3次單，我估.....d侍應都覺得我地有d煩 ~~ XDDDD首先推介油甘魚薄切刺身，雖然係薄切，但都食到好鮮甜 ~~跟住海膽刺身就反而遜色左~~ 個樣就幾好，不過一夾落去就會溶，唔夠硬淨.....唔知呢D係咪叫好野，不過我個人黎講覺得唔係幾OK~~叫左一大堆串燒，最好味應該係牛舌，不過腌料有少少重，蓋左少少牛味 ~仲有個牛筋肉都唔錯 ~ 呢個牛味會濃少少，喜牛的可以一嘗呀 !!!

星期六去mega box 睇戲，先去附近食午餐。去到國際貿易中心搵食，見平台有3間餐，3間都沒有客人，而且全部都有折。抵！（因附近只有寫字樓，所以星期六日好多餐廳都有折扣，而且人流少，可以慢慢坐）選定幫襯嗚門，因為未有容人，所以被安排坐於窗旁，可以望見花園。加上店內樓底高，枱與枱之間距離充足，可以舒服地享用午餐。先看Menu，星期六日午餐所有定食有75折，精選壽司刺身有5折。抵！定食都有很多選擇，除壽司刺身外，仲有不少熱食，例如吉列豬扒，燒牛，燒魚。。。等等定食有蒸蛋、沙律前菜、湯\烏冬、雪糕\飲品蒸蛋：滑、味道幾好，但蒸蛋裏面沒有任何料，有D失望。前菜：冬瓜，但唔夠淋；食到一半已放棄沙律：菜加西瓜，夠新㯋烏冬：味道一般，唔夠彈牙雪糕：芝麻雪糕老公選了海膽松葉蟹肉飯定食$140海膽份量都好多，雖然只是加拿大海膽，但都幾好味！蟹肉雖然係冰鮮但都鮮甜我選了特上刺身定食$230有牡丹蝦、三文魚、拖羅、北寄貝、帆立貝、劍魚腩、三文魚籽、吞拿魚腩可能剛開市，D魚都未完全解凍，食落去中有D實雪。食品質素一般，但七五折后只需要$170，都算抵食；折后価錢跟質素成正比！星期六日嚟開mega box 都

友人特前來午膳，所以一早訂了位。午餐定食選擇頗多，有飯類、烏冬、魚生壽司等等，我們選了以下：韓式泡菜豚肉烏冬定食壽司3件 – 不算肥美但頗新鮮，不錯前菜和沙律 – 不過不失蒸蛋 – 嫩滑美味泡菜豚肉烏冬 – 份量頗大，烏冬很多但湯很少，泡菜味道較新，豚肉爽口而且味道不錯自家製獅頭魚定食有前菜、沙律、蒸蛋、麵豉湯和白飯。獅頭魚份量亦頗大，中間"湯"開兩邊燒，燒至乾濕適中，味道尚算甜美，不會有腥味，可以一試服務尚算不俗，只是人手不足，略嫌上菜速度慢，區區得一個小時午飯時間在這裡實在是不夠的！

九龍灣要找好食物實在不易，如果要找日本菜，更是難上加難，這裡是唯一選擇了。要了牛肉鍋定食，賣相不錯，湯底加上了蔬菜，清甜！牛肉嫩滑，加上雞蛋入口更滑。配上日本米飯，絕對是合格的午餐。