鳴門割烹料理 (已結業)

和好朋友約定每月一小聚， 實行起來也不容易。 這次在一月我們已經約好了， 二月這天要二人世界！ 算是個小吃貨的他推薦了這間午餐放題。 這裡的SEMI Buffet是每位自選一款主食， 然後其他都是任剔任食。 雖然在室內， 但下午時份陽光透過落地玻璃滲進來了， 充滿了朝氣  (7成熟) 切件上的， 本身厚度也適中， 一開始還擔心量會太多。 旁邊的醬汁是酸酸的， 很醒胃。 帆立貝海膽丼 海膽肥美新鮮， 帆立貝偏薄很爽口。 配料質素很高， 醋飯也保持了水準。 如果多一點人分著吃就更好， 兩個人share量就相對有點多。 八爪魚刺身，很新鮮而且爽口。甜蝦大大隻，光是眼看已經很興奮了！厚切三文魚永遠的主角！燒冬菇 非常推薦，超級惹味， 燒得乾身，但絕對不會乾爭爭！ 厚燒牛舌串 比薄切更有咬口，味道咸香！ 角切魚生沙律 魚生新鮮不在話下， 沙律菜淋上酸酸沙律汁後 依然保持了爽脆。 很fresh的開胃菜 明太子玉子 外型小巧而精緻， 微暖得玉子， 跟明太子是絕配的味道！ 炸物當然要趁熱食！ 芝麻雞翼 香脆的外皮薄得剛剛好， 雞肉很嫩滑， 咬一口充滿著肉汁！ 放題必食 芝士年糕，外脆內軟， 小心燙口！

「聽過你太多心事， 但已經不再重要眼見你快做新娘， 做密友的真想撒嬌」好朋友就快變成人妻啦， 做密友既梗係要見多啲啦因為有家庭， 大家都會變得更忙， 所以要好好珍惜見面既機會這天剛好是她生日的前夕，於是約了她吃午飯鍾音人吃放題的她指定話要吃這一間，原來這間是她每天上班都經過， 但就沒有時間吃， 這天放假，可以輕輕鬆鬆慢慢吃放題， 享受一個下午這個放題是點一個主菜， 壽司、刺身、飲品就任點 主菜我們點了三色丼（拖羅蓉、海膽、三文魚籽）賣相好吸引， 海膽新鮮而且都好多份量三文魚籽食落甘甜， 再將拖羅蓉拌勻食一齊食好好味帆立貝海膽丼帆立貝較為清甜而不膩，配海膽再吃， 口感豐富且鮮味任點刺身我們點了三文魚、油甘魚、甜蝦三文魚很肥美，輕輕蘸匙油都好夠味甜蝦新鮮大隻，吃完一次想再encore 串燒方面，厚燒牛舌一啲都唔韌用鹽去燒，食落好香，少少鹽已經可以帶出肉既味道另外再點左芝士年糕及芝麻雞翼兩者都好好味， 我跟朋友最鍾意這兩個雞翼外層炸到香脆， 肉質好稔， 啖啖肉，雖然係雞全翼， 但都唔會食到好狼狽芝士年糕咬開芝士流心，年糕好較身而且唔會痴牙， 好好味整體黎講，環境寬敞，魚生新鮮好味，特別係芝麻

又係到咗weekend出嚟relax下嘅時候~ 呢日打算同男友去郵輪碼頭行下，所以喺九龍灣揾嘢食 見到呢間日式餐廳有lunch semi-buffet 供應，因為平時見開嘅semi-buffet都係西式，覺得呢個幾特別。佢包括一個主菜，另外有任食刺身、壽司、小食、飲品。價錢ok，$188，唔太貴。餐廳好有空間感，枱同枱之前有一定距離，唔會有迫狹嘅感覺。而且張枱幾大，叫到成枱嘢食都唔會擺唔哂。主菜嘅選擇都唔少，有8款，我哋叫咗三色丼同安格斯牛肉眼排而任食嘅選擇當然唔及真正放題多，但唔算少，唔係求其hae俾幾款魚生壽司就話係任食三色丼，有海膽、魚籽同拖羅蓉。喺香港好少食海膽，因為好多時都會腥或者有怪味。之但係見到網友upload嘅相真係十分吸引，而且對佢有好多好評，所以就鎖要叫呢個丼。個丼冇令我失望，有3大片海膽，而且係好鮮甜！有呢d海膽我已經好滿足，仲要加埋三文魚籽同拖羅蓉...嗰個鮮味真係超滿足男友嘅係安格斯牛肉眼排，叫咗7成熟。燒得啱啱好，冇overcook。咬落去唔會靭，而且食到有油脂嘅香味，點下旁邊個芥末醬仲正！以下係值得推介嘅任食嘅食物:刺身，我哋試咗三文魚、甜蝦、鯛魚、油甘魚

近排好忙啊，情人節都要之後先有時間慶祝。朋友推介呢間日式餐廳嘅假日半自助式放題， 強調是「極高質又抵食」，人均消費約＄200，咁就一於拉埋男朋友來慶祝啦，12點準時到達，是第一台食客。餐廳位於一棟商業大廈內，離九龍灣站只不過是5至10分鐘路程，星期六日人流不多，更顯恬靜。餐廳樓底高，裝橫以木色為主調，外面就是空中花園，環境非常舒適。半自助式放題，每人可點一款主食， 而刺身、壽司或熱食則可任叫。我點了三色丼（拖羅蓉、 海膽、三文魚籽）三色丼賣相極為吸睛，色彩鮮艷的令人垂涎欲滴。😍值得大讚的是刺身極新鮮，海膽大隻又肥美，拖羅沒有魚腥味，三文魚籽新鮮脹卜卜的～男友點了安格斯肉眼扒， 有驚喜呢！肉眼充滿肉汁及牛肉味，配上適量的燒汁，更加帶出了牛肉的鮮味。旁邊有少許芥末醬，令整體更為惹味。到了「放題式食物」了！刺身都很新鮮，油甘魚爽甜，甜蝦大大隻亦沒有腥味,三文魚油脂豐富、入口即溶。男友特別推介劍魚腩壽司，入口即溶，味道微甜。廚師細心的在壽司上塗上少量芥末，很方便食客呢！胡麻豆腐沙律，是清新解膩之選。沙律菜新鮮爽脆， 毫不馬虎。熱食方面， 炸物都是即點即炸的，吉列蠔很juicy!特別推介～飲料點

以前响附近返工，都有响呢間日式餐廳食過數次 lunch set，俾我的感覺都係正面的。然而當知道呢度响周末有半自助餐提供，都抱有期待的心態去食吓~每次來到呢間餐廳，都感覺坐得好舒服，一來樓底超高，而且眺望落地玻璃就係一個花園平台，容易讓人心情平靜。呢個半自助餐包一個主食，而小食和飲品都係任點的，價錢亦都唔係貴，小朋友仲有半價。老公一見到菜單有 帆立貝海膽丼，雙眼經已發晒光。海膽丼唔駛等好耐就上枱，見到鋪响飯上的海膽同埋帆立貝色澤好鮮，佢淨係掛住食都冇咩點同我傾計，碗飯仲清到見底。而我的主食就係 安格斯牛肉眼扒，見到職員都對它是滿有信心的推介。呢個牛排上枱前經已切閧小件，外面有少少焦香而裡面煮得大約 7 成熟，所以好 JUICY 好容易入口。所以我們點了一大碟刺身、兩款壽司、一客蒸蛋、雞軟骨，仲有一串七味魷魚鬚，而食材都食得出刺身壽司係好鮮味，而其他的就好入味。飲品方面，無論係特色飲品或者汽水都點幾多杯都可以，而重點係職員的服務真係不得了，見我們飲完一杯便會主動走過來問我們是否需要再點，真係好細心，所以以呢個價格就有咁貼心的服務，推介喔~

星期日十二點到黎到，應該剛開門，人唔多，之後就愈來愈多人。假日既午餐只可以食半自助餐，無得散嗌。首先，每人可以叫一份主菜，其他刺身、炸物、壽司、飲品等寫紙嗌。主菜有A-H ，有鍋有魚生丼，有扒，有鍋，有炸物，都幾多選擇！我叫左三色丼，有三文魚籽，海膽，拖羅蓉。不得不說呢三樣野都好好好新鮮，一啲都唔腥，甜甜地，好好食！！份量都好多，送多過飯！正！！推介大家一定要試！見到啲海膽好新鮮，唔會融晒！另一個主菜叫左泡菜黑豚鍋湯底好有泡菜味，少少辣。豚肉薄薄一片片，一啲都唔韌，吸晒泡菜味。個鍋仲有好多好多既菜，清甜，有少少粉絲。刺身擺設整齊，新鮮，肥美個底有冰保持新鮮三文魚肥瘦配合得好好，無筋，林。蝦夠大只，清甜！肥牛烏冬，夠彈牙壽司細細件，料夠多！加洲卷入面係牛油果唔係青瓜，正！！好岩胃口，值得一讚！！左邊係炸芝士，右邊係炸蠔前者好多芝士，唔會成舊粉。後者好多肉汁，一咬流晒出黎！！！炸三文魚鰭燒冬菇蟹籽玉子呢個又係推介食品，一定要試！玉子甜甜地，好林，好軟。入面熱辣辣，上枱前外邊會燒一燒，好香口！！夾埋蟹子食，一流！我地encore 左兩次！！飲品相對上就失色啲，選擇唔多。不過都無物所謂，我地都

偶爾間都會跟朋友到這裏吃午餐,但平常都要一百幾十一個餐都幾貴，一個月食一兩次就夠，剛好見開飯有人寫有任飲任食90分鐘半自助放題HK$188/位，十分抵食，但可惜只限星期六日及公眾假期由於係平台，好有涼風送爽的感覺每人會有一個自選主食一款可選，當然要揀呢份重量級十足的帆立貝海膽丼果然好正！帆立貝同海膽都好新鮮鮮甜，特別海膽勁大片，口感軟軟滑滑，海膽香氣飄飄，如果可以無限encore就好了，其實鳴門的刺身一向好新鮮，因此食得安心又放心另一個主食係大蝦天婦羅，真係好大隻呀，外面炸到脆卜卜，入面仲熱烘烘，蝦肉好彈，好新鮮，極之好味~另外必點刺身，鮮甜又唔會過凍過熱，甜蝦肉甜鮮，橙色的厚切三文魚，無筋無渣，肥美八爪魚亦唔會韌，款款新鮮味美任飲有白桃乳酸特飲，酸酸甜甜好醒胃仲有麵豉湯都好好飲雖然係半自助，但跟外面的有所不同，不是細細碟，而係大大碟，份量好足，味道不錯，食物都好新鮮，感覺食物並唔會因為任食而令質素降低~

放假要對自己好啲，又係出動食好嘢嘅時候。因為朋友介紹，所以專程黎到九龍灣國際交易中心食返個悠閑嘅半自助午餐。呢間日式餐廳嘅半自助午餐，俾$188就可以任食刺身、壽司、串燒、小食、沙律，又可以任飲，仲可以自選一款主食，都算幾豐富，幾抵食！我同朋友12：30pm黎到餐廳，由於當時正值中午，陽光充沛，侍應特意安排我哋坐近落地玻璃嘅位置，柔和舒服嘅陽光穿透入餐廳，感覺relax!另外，餐廳樓底夠高，枱與枱之間空間寬敞，好岩慢慢享受美食加傾計吹水。我哋叫咗三文魚同甜蝦刺身，三文魚非常厚切，甜蝦就夠晒大隻同埋新鮮，鮮味十足。串燒方面，牛舌口感唔錯，一啲都唔韌，牛舌表面灑上黑椒粒，亦可以掩蓋咗酥味。另外我個人認為必食嘅一定係雞軟骨，雞軟骨燒到金黃色，灑上椒鹽，咬入口索索聲，脆口之餘又帶點鹹香味。主食我哋分別點左燒汁銀鱈魚同埋凡立貝海膽丼。先講銀鱈魚，魚皮煎到金黃香脆，入口口感好似食炸魚皮咁，脆卜卜，加上魚油油脂夠，魚肉又滑溜，配合燒汁甜甜地，味道一流。至於凡立貝海膽丼，份量超大碗，海膽更加係焦點所在，因為海膽大大片（我個人第一次食咁大片嘅海膽，size喺平常嘅兩、三倍），海水鹹味充足，夠鮮味，真心推

難得週末唔洗番工，訓醒去左嘆日本料理！週末半自助午餐，任食刺身、壽司、串燒、沙律+任飲+自選主食一款。埋單都係大約二百蚊，算抵食！地方頗寬敞，四邊都係落地大玻璃，透光度同空間感都非常高！好似置身高級餐廳食lunch唷！主食同朋友分別揀左吉列鹿兒島黑豚&帆立貝海膽丼！帆立具厚薄適中，冇藏味，幾新鮮！海膽鮮甜冇腥味，yummy!吉列鹿兒島黑豚肉炸得非常鬆脆，而且唔油膩！壽司同刺身水準都幾好!刺身夠厚夠鮮甜！壽司方面，舊壽司飯唔會好多，食多幾件都怕！胡麻豆腐沙律&角切魚生沙律份量非常多，各有特色，味道唔錯！串燒非常惹味！推介燒魷魚同冬菇串！魷魚爽口彈牙，加上辣汁，辣得好滋味！冬菇好juicy,水份冇因為經燒烤而流失，仲好濃菇味呀！小食芝麻雞翼皮脆肉嫩，雞翼唔會太細隻，好有肉！牛肉烏冬細細碗，合符食自助餐原則！牛肉肉味濃，烏冬入口有嚼勁，很好吃！日式蒸蛋好有驚喜，唔只蒸蛋咁簡單！蛋香滑嫩，內裡有冬菇、雞肉，令蒸蛋味道更豐富！

早前朋友介紹了一間在九龍灣的日式料理店是她公司吃團年飯的場合今天剛好母親放假 而她又十分愛吃三文魚便攜她來細味一番店舖開店時間為中午十二時我跟母親第二枱進店樓底挑高讓自然光投入 在大冬天中顯得異常溫暖與慵懶週末這裡只供應午餐semi-buffet我跟媽媽各點了一款主食然後其他再慢慢填在點餐紙上追加帆立貝海膽丼怕肚子太撐會吃不了其他 所以我特別要求少飯不過飯還是非．常．多！但海膽那色澤簡直沒話說應該是馬糞海膽吧很大一陀 非常鮮甜帆立貝也很滑溜 可惜切太薄了醋飯其實很好吃 但份量可再減少  讓客人有空位吃其他好東西吧安格斯牛肉眼扒點了七成熟 感覺還可以搭配的醬汁酸酸甜甜的 解掉肉類的膩份量也是頗多三文魚刺身看那油脂分佈均勻 入口軟糯 沒有雪藏味芝士年糕很大一顆 比外面的日式放題店大 餡料也很飽滿吉列蠔很juicy 小心燙喔冬菇這個好吃！很重口味 感覺吃了十朵濃縮冬菇雞軟骨這個也是我的愛 調料入味燒得很乾身不會很油 厚燒牛舌口感跟以往吃到的有點不一樣很鬆軟嗎？不太會形容 但味道很濃 明太子玉子明太子不會過鹹 撘配甜甜又軟稔的玉子實在很不錯芝麻雞翼味道可以 肉質很嫩最大敗筆是超級油 吃完喉嚨都

週末90分鐘任食半自助午餐只限星期六、日及公眾假期12-2pmVIP更有9折優惠任食刺身、壽司、小食、串燒、沙律 任飲日式特飲、瀏水多款自選定食（選一）成人$188、小童$98 （有加一）餐廳樓底高、地方寬敞，枱與枱之間有距離，甚有空間感，而且餐廳主要是落地玻璃，令室內光線充足，令人感到優閒舒適，十分適合週末的感覺。食物方面點左：A.三色丼B.帆立貝海膽丼D.安格斯牛肉眼朳《三色丼》有海膽、三文魚籽和拖羅蓉。整碗單看賣相已經覺得色澤新鮮，入口果然無失望。《帆立貝海膽丼》亦同樣用了鮮甜的帆立貝和海膽，壽司飯亦已用醋調味，所以整體味道不錯。《安格斯牛肉眼朳》點了半成熟，而師傅控制得剛好半成，亦燒得鎖住了水份。牛肉眼朳本身已有調味，再燒過後更入味，牛濃亦濃。此主菜不跟飯，正正適合為肚子留下空間吃任點款式。吃完主菜，胃子才正式開動！起初以為沙律份量只會是一小碗，所以一次過點了《胡麻豆腐沙律》及《角切魚生沙律》。甚料餐廳相當大方，沙律大碗之餘份量又多！串燒方面點了2串《厚燒牛舌》。牛舌厚肉並用了黑椒及海鹽調味，有嚼感及香口。小食點了滑溜的《日式蒸蛋》、肉多帶咸鹽味而不腥的《三文魚鰭》和芝士餡彼為

新年過後返工都感受到長假期後遺症，工作堆積如山，連星期六都要在公司全日工作，但點做都要食餐好既，午飯時間近近地去咗九龍灣國際交易中心既鳴門割烹料理食豐富既週末半自助午餐，成人($188+10%)，小童($98+10)。地方頗寬敞，玻璃門外仲有一個大平台，天氣和暖，坐係露天平台歎番杯日本啤酒真係爽YY. 週末半自助餐除了日式特飲和汽水和任食刺身(三文魚，鯛魚，油甘魚，甜蝦和八爪魚)，壽司，小食，串燒和沙律外，還有可選擇八款主食其中一款。主食我就揀咗帆立貝海膽丼，大大粒帆立貝加埋新鮮海膽跟飯一齊食，不到三分鐘，整碗帆立貝海膽丼就被我消化得無影無踪，太好味了。再叫多一客刺身，三文魚，鯛魚，油甘魚，甜蝦和八爪魚樣樣齊，通通唔放過。仲係意猷未盡，再叫三文魚m鰭、芝士年糕。再飲多杯白桃乳酸特飲，終於食飽飽，補充完精力，跟住返公司繼續搏殺。

地點處於Megabox旁邊既商業大廈底座商場， 交通方便，提供Megabox 餐廳以外選擇。六日公眾假期提供半放題套題， 先選一份主食，刺身壽司飲料小食一律任食。三色刺身飯， 配有三舊手指公咁大既既海膽，口感幼滑，旁邊的吞拿魚和三文魚籽，鮮甜味美。刺身包括三文魚八爪魚等基本選擇，用料新鮮， 味道清甜。小食選擇頗多類別，包括沙律，串燒炸物，詳細不說，重點是即叫即製，熱辣上床，非先烹煮後翻熱餸菜。飲料除了一般碳酸飲料如可樂雪碧，還提供橙汁和巨峰提子乳酸飲料，照顧不嗜甜人士。結帳每位207元，出面吃一碗魚生飯已一百元， 加一百元就可以任食，絕對超值之選。

喺九龍灣返工嘅朋友發現國際交易中心間日本餐廳新推出左半自助午餐，價錢仲幾抵，埋單都係＄200一個人，咁就一於去試吓。餐廳好闊落，樓底好高，好似港島區高級日本餐廳咁，最靚嘅係，喺中午時分，陽光係大玻璃投射入嚟，個feel好正。佢哋個自助午餐由12點到2點，我哋入到去好快揀咗兩個主菜，分別係安格斯牛肉眼扒，同銀鱈魚。朋友肉眼扒揀咗5成熟，本身我都有D擔心唔太熟，但係一嚟到嘅時候放入口，口感好正。個汁同牛肉好夾，牛肉外皮剛剛好熟，內裏仲有些少粉紅色，肉汁鎖係牛肉入邊，有入口即化嘅感覺，自助餐食到咁嘅水準真係非常有驚喜。銀鱈魚外皮煎到脆脆地，肉質仍然保持到嫩滑，熱辣辣配埋燒汁一齊食，感覺不錯。到任食嘅部份，選擇都不少，有刺身，串燒，小食。刺身整體不錯，解凍時間啱啱好，食落唔會太凍，最欣賞嘅係三文魚，真係好厚切架。油甘魚淡淡的魚味，好啱我胃口。串燒就全部試暈晒，首推雞軟骨，好鍾意佢好有咬口，加少少鹽落去，已經好夠味。冬菇都好有驚喜，配埋柴魚落去，食落好juice 。反而個七味魷魚鬚就辣左少少，食完要係咁飲橙汁。小食方面，雞翼略為炸得過火，明太子玉子好厚實，朋友竟然叫咗兩碗牛肉烏冬食，佢覺得烏冬夠

這鳴門割烹料理位於九龍灣Manhattan Place對面的國際交易中心二樓，即Mega Box旁，這邊是商業區，相信主要客戶群是星期一至五的打工仔。今天是週六，因此整個區也沒什麼人，相信是這樣的緣故，餐廳試圖於週末主打半自助放題套餐，午市$188，先選一個主菜，然後刺身，壽司，燒物，飲品等等任飲任食。十二時半只有數檯客人，也是意料中事，但一時許也有十多檯客人。汁燒銀鱈魚: 如想拌飯可自行要求，但放題不會吃一碗飯吧? 鱈魚皮脆肉嫩，加上香甜日式燒汁，相當香口惹味，質素甚佳，甚至有一刻鐘想要碗珍珠米來拌著吃!吉列鹿兒島黑豚: 吉列豬扒金黃色，賣相極佳。炸粉薄脆，豬扒新鮮炸起，熱是吃炸物的根本，豬扒富肉汁，蠻有肉香，是不錯的!! 但炸粉不太黏肉，還須注意。壽司選擇共有八款，其中劍魚腩鮮而不腥，魚味間帶出少許油脂香，讚! 壽司飯不多，吃多兩件也不飽。加州卷雖不特別，但卻很吸引，滿滿的蟹籽於口腔內爆發的感覺是多麼微妙? 厚切牛舌必點，吃牛舌像吃牛扒般，普通日式燒肉店也在賣最少$38/串，多吃兩串已回本。牛舌香口，調味主為鹽和黑椒，但已相當美味，可自行灑點七味粉。牛舌有點乾，建議店方以燒汁燒製牛