鳳鳴居

营业中

休息中

每次見到啲舖頭有賣醉雞米線，都總係會衝入去試試～而鳯鳴居嘅醉香雞湯米線可以話係食過入面數一數二好食😋先講佢上枱，已經熱辣辣，聞到啲雞湯味。先飲一啖湯，係好有雞味再加少少酒香，甜味為主，估計係來自湯入面嘅紅棗，飲完唔會覺得口渴，飲晒成碗冇難度😋而米線就爽口彈牙，口感好好。至於雞件佢嘅份量就好多，同埋啲雞唔會好柴，食落去都唔錯。其實佢會附上一碟仔辣椒豉油比你用黎點雞食，呢個配搭好夾！總括來講，醉香雞湯米線真係令我好滿足～～

第一二次都係上水分店食係上水朋友介紹一試已經愛上今日第一次食旺角分店11:45已經見門口有人排隊12:00 準時入場已經滿左客眼見全場都係香港人我地叫左最出名既醉雞米線再加一碟辣雞翼尖碗麵好大碗重點係一路食一路飲埋啲湯所以會更加飽冇聽錯用餐時間係70分鐘我地慢慢啜雞翼尖所以時間有啲趕😅下次想試蟲草花雞麵見到格離枱有一大堆蟲草花好吸引

每次去鳳鳴居基本上都見到人龍🙈呢日小編中午去到都等左一陣先入到！但真係好值得排隊食😆大家係度等時可以趁機望下餐牌先😹🍜 醉香雞湯米線 $54 + 生菜 $7 如果第一次黎建議大家可以試下佢地出名既醉雞系列！小編覺得佢地既醉香湯比較甜☺️飲下飲下最尾都差啲飲晒😂啲雞肉就唔算特別滑，但都浸到啲醉雞味🥰加左生菜都係索晒啲湯汁😛😛😛強烈建議一定要叫米線😝講真成碗超級大，食晒小編都超級飽了🤰🏻好滿足😍

叫咗碗醉香雞湯麵（$54）🐤🍜，麵底可以揀米線、米粉、油麵、河粉、公仔麵、烏冬、出前一丁同飯，總有款啱口味。除咗醉雞湯底，仲有其他選擇，芫荽湯、🌶️麻辣湯、姬松茸雞湯、蟲草花雞湯、喇沙湯、🍅蕃茄濃湯，價錢都平民～🍲唔食雞，想自由配搭其他配料，可以揀自選，好多選擇。醉香雞湯米線：雞件都有5-6舊，雞滑唔鞋口，加上少少鼓油，可以更加帶出雞嘅味道。湯底有少少甜，因為有紅棗，甜味中有酒香，唔太濃，好飲！食完唔會覺得口渴～ 配料有紅棗、蔥同雲耳。

旺角店，叫左一個蟲草花雞湯水線，一個喇沙湯底自選。先講湯底: 本身好期待蟲草花湯，但飲落得個甜字，而且係似落糖嘅甜，唔係雞湯熬出嗰一種。第一啖有甜味，後勁淡，所以並不似濃湯。最慘係，仲要有生水味。真·好失望。喇沙湯冇椰汁味，飲落似咖哩魚蛋汁，加左啲奶。第二個失望。米線: 中等。唔太冧，但亦唔彈牙。雞: 算係全部入面最好，有調味，有雞味，肉質滑。配辣椒豉油不錯。總結，覺得不值得排隊，亦不會回頭，因為湯底太重要而水準實在參差。

【鳳鳴居】出名醉雞米好好食，但每次經過都大排長龍🥶ʟᴜɴᴄʜᴛɪᴍᴇ時間好好彩嘅話，自私食一個人有機會等5-10分鐘就入得，但𝟸個人以上就有心理準備要等位了..🫠🍜醉香雞湯米線 $𝟻𝟺好香酒味，雞肉🍗好滑，配料有木耳同紅棗，好養生😌 另外仲會配一小碟辣椒豉油俾你用嚟點雞食，少少辣味令滑雞更惹味😋我試過加餸加蘿蔔，白蘿蔔超級甜，配埋酒香，好正!!!🤤下次要試埋花膠醉香雞米同麻辣醉香雞米先😍

鳳鳴居 stand for a place containing a screaming chicken. thats mean this serve a food of chicken.very long queue every day. they are focusing the chicken soup. with other variety combination, such as laska, wine, clear chicken soup.located in mk. price is fair. 54$ very expensive rent huh. i bet. we ordered wine chicken soup. insanely good. i almost feel faint. the hit soup keep evaporating the alcohol. very strong. soup base is sweet chicken soup very yum.❌❌6 piece of chicken meat is so lean. tast

同我媽咪行過兩次都係見勁多人排隊唔想去食嘅，點知之前《鳳鳴居》有上電視搞到我媽咪再行過嘅時候，心思思想入去試，想睇吓入面係點樣同埋嘢食好唔好食。淨係門口拎完飛都排咗超過一個鐘，旺角分店嗰個位置簡直俾大廈包圍，風都無乜，但係門口周圍滿晒人等位，大家都知道旺角街道周圍都人山人海，完全係被人包圍，熱到死，入到去原來唔係好大，坐得都幾逼吓，叫咗兩碗麵食，其實真係好普通冇咩特別好食或難食，所以都唔會再專登排隊入去食。

鳳鳴居 🐥🐥🐤 麻辣醉香雞湯麵 $64期待左食鳳鳴居好耐啦😍以前喺上水開嘅時候覺得好遠之後佢喺旺角開咗新分店 都唔得閒去食今次終於有時間食到一直on list 既醉雞湯麵忍唔住叫咗麻辣味但個陣酒味仍然都係咁出眾 聞落極香個湯底真係好出色而啲雞既髀位肉質係滑過其他位置但其他位置都唔算好鞋 仲好大件添配埋木耳同紅棗都好食 感覺好養生btw 加錢加左豬大腸 幾正欣賞佢地仲有碟豉油可以點下雞有埋個吉碟裝雞骨添極度推薦！

呢個喇沙湯底有impress到🤩，平價好食健康醉雞米👍・・・・・・・・・・・・・・・・・・・・🐤 喇沙雞湯米 HK$54・味道：淡淡椰香，香辣惹味喇沙湯底！味道啱啱好唔會食到好渴～不過雞件就一般囉，冇話好重雞味。・口感：雞件有鞋有嫩，米線偏粗有咬口幾加分！🫚 熱菊花薑蜜 HK$8・味道：3分甜淡淡甜味嘅薑蜜，怕薑味嘅波友都可以飲！・口感：好light，暖胃desu～・・・・・・・・・・・・・・・・・・・・🤰性價比：高～🤰9衝度：9衝～🤰結論： 唔使排隊先去一戰啦，要排就不了，未去到一定要食，因為食過觀塘兩間雞米真係回不去了🤭btw醉雞湯唔知點解好甜，以為飲緊甜酒🤡・・・・・・・・・・・・・・・・・・・・

夜晚時間見到好多人排隊，諗住晏晝去試吓，點知未夠12點已經要排隊攞飛🥶 建議想食又唔想等好耐真係自己就下時間😂叫咗一個藥膳醉雞飯，味道有驚喜！濃濃嘅酒香味，稍嫌去甜咗少少！雞件份量都算多同埋大件，記得都有五至六嚿，佢應該係生滾煮熟嘅雞，唔係平時執馬落去嘅白切雞，所以食落去都覺得幾滑！可惜小食全部都售罄😅晏晝12點就售罄，定係原本冇貨就唔知啦，不過價錢嚟講睇落去都幾抵食 $31 6件春卷，吸引不過12點都未夠全部都賣晒就有啲搞笑😅

每次去食都要排隊，但糾結完一番最後都係會乖乖地等🫣醉雞湯同蕃茄湯底都好出色！覺得佢哋嘅米粉好食過米線見到有唔少人嗌喇沙湯，下次再試(˶‾᷄ ⁻̫ ‾᷅˵)▫️醉香雞湯米線 | $54湯底酒味好濃郁，落咗唔少紅棗去熬煮係偏甜嘅甜酒湯底，好易入口雞件大隻多肉，唔嚡口不過食到中後場真係覺得太甜🤣▫️蕃茄濃湯雞米線 | $54個人更鍾意蕃茄湯！蕃茄湯底清甜，有唔少蕃茄蓉係唔會容易食厭嘅味道食完唔會口渴，唔想食太重口嘅可以叫呢個

鳳鳴居的醉雞米線也是在旺角工作常吃的午餐, 酒香清甜, 甘而不苦, 而雞肉爽彈也夠鮮味, 兩者味道配合得不錯, 反而麻辣和醉酒這兩個元素之結合, 在香港很少吃到, 所以也就本着勇於嘗試的精神試一下. 味道而言並不錯, 有一點像辣酒煮花螺的風味, 麻辣為主軸, 末段有點酒香, 甜味被削去了不少. 雞肉入味, 豬腩肉和豬大腸本身的滷水味和湯底結合起來, 反而甜味又再出現. 品嚐相對複雜的湯底, 食材的選擇也是一門學問呢!The drunken chicken rice noodles at Fung Ming House are a lunch I often eat when I work in Mong Kok. The wine flavor is clear and sweet, not bitter, and the chicken meat is tender and flavorful. The combination of the two tastes good. It's rare to find the combination of spicy and drunken

鳳鳴居最出名嘅就係雞湯米，成日經過旺角都見到好多人排隊; 之前我都食過兩次，個陣都覺得好好味，雞件除咗好大舊之外，仲好滑身，但係近期再去食，就覺得有少少失望。 今次同frd一齊叫咗3款米線，分別係蟲草花雞湯米、芫茜雞湯米、喇沙雞湯米。米線嘅口感無之前咁彈牙爽口，反而覺得今次米線淥得過稔。 1.蟲草花雞湯米對上一次食蟲草花雞湯米，湯底清甜有鮮味，味道好濃，但今次嘅味道淡咗好多，唯一不變嘅係蟲草花嘅份量都好多。 2.芫茜雞湯米芫茜雞湯米係我第一次食，一上枱就見到芫茜堆滿成碗米線，但因為太多芫茜加上雞湯偏淡，芫茜味蓋過咗雞湯嘅味道。 3.喇沙雞湯米之前我都食過一次，佢嘅味道同之前一樣都係咁香濃，鍾意重口味嘅人必叫; 不過我個人覺得椰香味如果可以更濃，會更加好。

Intro: 上水嘅鳳鳴居就出名食雞湯米線，聽講湯內每一件雞份量多而大件，而米線都好彈牙爽口；呢一日就黎到旺角分店嘗試喇沙雞湯米線，六點三就開始要等位，而到左七點就更加多人排隊～___________________🍽 喇沙雞湯米線💰 54 （+$8 配凍飲）⭐️8.5/10 ✍🏻 雞嘅份量多，每件好大舊，有鞋口同嫩口嘅部位，肉嘅比例都多；✍🏻 有啲雞比較多碎骨，一定要小心食；✍🏻 喇沙湯底味極濃，椰奶味香，又帶點辣；✍🏻 米線果然彈牙，好夾喇沙湯底味。___________________🏠 鳳鳴居📍 旺角西洋菜南街138號地下2號舖⭐️ 8.5/10___________________