鳳鳴居

营业中

休息中

勁難食！ 簡直係不知所謂， 啲雞肉非常鞋 ，啲沙薑醬就鹹個鹹水， 環境非常之擠迫 ，座位簡直係夾住嚟食， 可以起到這樣的座位嘅餐廳，都唔方係一間有良心嘅餐廳！ 58蚊一個餐（沒有飲品）， 根本係一放下筷子， 啲員工就即刻收起你啲碗筷， 簡直係難食兼夾 貼錢買難受 ， 播啲歌好嘈 ， 好難聽 ，簡直沒有值得我再去幫襯這間舖頭的理由

叫左個醉雞米線 +$10牛腩 (一個餸)黎到見到無葱一問之下完來係用晒 (夜晚7點左右)重點係加個個餸得兩舊牛腩 仲要有一舊係全肥膏已經唔係第一次 諗住比多次機會下次我一定唔會加餸Btw個雞米線係好食的

今日收下午同家人來試, 平時見到夜晚好多人, 對佢有d期待, 用QR code落單, 我叫左蟲草花雞湯米粉加生菜, 家人幫我走青, 加杯熱柑桔蜜, 家人叫花膠雞河粉加魚皮餃, 加杯凍菠蘿青檸蜜, 隔一陣先來飲品, 之後送上湯粉, 飲第一啖湯覺得好甜👍但我個人覺得佢唔夠熱😑, 食米粉都係微暖🤔, 雞好滑但唔係好有肉味, 蟲草花都比得幾多, 我最鍾意都係二棵生菜🤣, 每碗粉會配一点微辣的醬汁比你点雞, 見家人食的河粉勁碎濕濕😶, 我個人認為上水店好食d, 依度叫做試過就算, 唔需要去特登排隊食, 我自己反而有d失望😅😅

平時經過鳳鳴居見到人龍就無排，所以今日去開旺角，經過見到冇人排就一於試下☺️店內坐得唔算逼，中間啲四人枱隔離仲有張櫈擺野😲用qr code落單好方便，今次試蔥油雞飯，香蔥油提升嫩雞和香米的美味。雞肉賣相像白切雞，不過吃落雞肉其實有調味，輕輕的鹹度提昇了雞肉味道。火喉控制得好，雞肉不會煮得過長時間旺角地區，他們價錢不算太貴可以接受，職員服務態度也好香港人style😂下次有機會想試吓佢個花膠雞米線😊

一到天冷就爱往温暖明亮的小店里钻，大口嗦着热腾腾的粉面，再舒舒服服把汤喝完，任由一股暖流从唇边直抵上一秒还冰冷的脚尖，整个人都舒展开来，冬日里的生动有了最平实的具象。·上水名店凤鸣居的旺角分店，主打鸡汤粉面，独家「醉香鸡汤」堪称一绝！还没开门门口就已经排起了长队，不在饭点也要等位，这人气也是没谁了。·如果说鸡功坊的客家黄酒鸡汤是港岛平价食肆中最强（我说的），那么凤鸣居的药膳花雕酒鸡汤就是我心目中的九龙第一！·边喝边感叹，怎么会有酒香鸡汤这么神奇的发明啊，哪怕粉吃不完，汤也一定得喝完。·【醉香鸡河粉】【麻辣醉香鸡米线】粉面底可自选，肉和蔬菜等配料也能额外加，还能多酒少酒，有点定制版的意思。河粉和米线一个滑一个糯，入味又挂汤，都挺喜欢。·醉香鸡米线的灵魂不在鸡也不在米线，真正打动我的是这碗药膳花雕酒香鸡汤，有点不敢相信，这复杂深厚的滋味竟然只是一家小店的出品。·端上桌便散发出清甜浓厚的异香，还没喝一口就已经被迷住了。热气中冒出气势如虹的鲜甜，是鸡肉的鲜和红枣的甜，被醇厚有力的酒香支撑着。入口瞬间几种风味层次分明，却在咽下喉咙时自然流畅地融为一体。·麻辣醉鸡汤也相当有趣，看似麻辣咸甜鲜的大杂

手機落單時冇叫走蔥， 但點解冇蔥， 當係open rice 寫食評時望到人地圖片係有蔥，先知原來係我地冇蔥， 食就一般般， 冇個種 食過一定會再返來食既引誘， 有花調酒味， 食完面會紅， 所以如果對酒有反應既人， 就環注意啦，當日唔使點等位， 5分鐘度就入到去

期待已久嘅鳳鳴車一直都好想食，但係而家食落去就覺得好失望，竟然都要排隊食，排隊嘅時間都係排15分鐘左右花膠醉香雞湯麵($94+轉烏冬$10+腩肉$8)蟲草花雞湯麵($61)花膠醉香雞湯麵呢個價錢都會expect係打邊爐個種湯底，但係呢一款食落去完全唔似，飲落去比較似清雞湯嘅湯底；蟲草花雞湯完全冇咩味，淨係食到有少少甜味嘅湯底。面底正常，米線夠淋，烏冬夠煙韌點雞嘅汁比較鍾意油麻地長洲醉雞館嘅豉油，因為呢度嘅豉油唔夠味唔夠辣唔夠香，花膠食落去好腥，仲衰過魚肚扮花膠，蟲草花食落去雖然味道夠甜，但係完全未煮熟就上菜，腩肉有三舊，味道正正常常，切得都夠厚要比分嘅話，真係得3/10(10分滿分)，真係唔建議去🙅🏻‍♀️🙅🏻‍♀️🙅🏻‍♀️伏。

今日出到旺角好得閒,想話去搵間麵檔食,但佢冇開到😅所以去咗試呢一間。喺門外等咗大概20分鐘左右,叫咗款自選湯麵(蕃茄湯,牛腩及秘製腩肉)食完之後覺得唔錯可以返食價格合理,服務員的態度不錯。

旺角最強米線Yum Yum Yum😋好多好多選擇，除咗米線，仲有飯類及其他好多好多小食，真係可以三五知己成群去share好多嘢食。今次試咗醉雞拼盤，又有雞髀又有雞翼，個酒味認真唔錯，又唔會太勁。酒味加上甜甜地，幾好味喎👍🏻再加多一碗最強米線，搭上漢堡扒及豬大腸，簡直係大滿足，簡簡單單一餐，正。之前排隊好多人，今次只係排咗15分鐘到，就有得入食入去食，都好幸運。點菜係自助式，唔使麻煩侍應生，非常方便。👍🏻👍🏻👍🏻

假日下午一點令鐘人頭湧湧等左大約半個鐘就入座限時70分鐘 聽落有啲壓力但其實自助落單後都好快黎齊⍥ 醉香雞湯米粉湯底偏甜 完全零苦澀始終係雞湯 少不免都帶點油份但油而不濁 甜而不膩雞有髀位亦有雞胸位肉質有彈性 我諗唔係雪藏雞米粉掛晒汁 最後一條都無放過另附上辣椒豉油及裝骨碟⍥ 芫荽雞湯米線呢個雞湯比較清爽啲 同醉香果到唔同大量芫荽形成一座小山丘如果係荽人見到會好興奮雞件位都同醉香果碗差唔多⍥ 炸魚片頭我地叫左細份 熱焫焫 必須襯熱食炸得香口 幾有魚味附上泰式酸辣醬 味道唔錯不過冇驚喜

食醉香雞湯米線我通常會叫少酒，個湯頭甜甜地勁好飲，每次食都飲晒啲湯😂😂啲雞好新鮮嫩滑，而且會比雞髀肉，雞碎骨亦都唔多，食得算方便。食雞一定要點佢附送嗰個豉油，吊下鮮味又辣辣地好食👍🏻

經過幾次都排長龍～今次等咗兩枱就有位啦有四款湯底可以選擇～每碗兩餸起～自選餸由$7-10不等～秘製腩肉、豬紅蕃茄湯河粉～秘製腩肉肥瘦分明有3嚿～滷水汁炆得好淋又入味～豬紅有4嚿～冇咩味靠湯底～蕃茄湯底濃配蔥花、生菜手撕雞水煮嘅靠湯底味道～扎肉現成買返嚟有2片味道正常～配蔥花不過唔係好夾～仲有條生菜～喇沙湯底有油香又濃又好味份量唔算多～食完唔係好飽～不過喇沙湯底幾特別～唔係間間米線舖都有得揀～值得再食

旺角鬧市中，門口擠滿人群，便趁熱鬧試試這餐廳，一等呆等了半個小時。今次試吓個招牌菜，醉香雞湯米粉及三兄弟（爆漿丸，墨魚丸魚片頭）手機點餐後，很快已送上枱給享用。醉香雞湯米粉，湯底香甜洒味，雞件數目也適中，雞肉沒有雪藏味，很不錯，整體份量也不少，吃完一碗後全身很暖！三兄弟全是炸的，全是金黃色，魚片頭有口感也彈牙，墨魚丸有粒粒墨魚，反而爆漿豬肉丸味到一般，整體比較香口，還可以！

這天去開旺角順便係附近搵食，成條街見到只呢間有好多人排隊，攞咗飛即管周圍逛逛，巡了一round都係想食呢間，等咗大半個鐘就有位，揀了招牌醉香雞湯米線和人氣蟲草花雞湯米粉🍜🍜兩款都好味😋😋💕醉香雞湯米線 $54醉香雞係生滾雞，即叫即滾，又好多件雞夠嫩滑，湯底濃郁酒香、偏甜一點+響鈴 $7+凍好立克 $8💕蟲草花雞湯米粉 $61有超多蟲草花，雞件一樣夠多，湯底鮮甜，米粉夠爽彈正呀+通菜 $7+ 熱菊花薑蜜 $8🐣醉蛋 $18好濃花雕酒香好味

由上水只此一間食到喺旺角鬧市開分店，咁多年黎食鳳鳴居都冇覺得退步，只係覺得人越來越多同行三人都叫咗招牌醉香雞米線，朋友第一次食，本身對雞米線冇乜特別期望，但最後完全被驚艷到湯濃、酒香、雞滑，配料紅棗木耳大大嚿唔孤寒。作為忠實fans，基本上覺得係冇缺點，如果硬係要挑剔嘅話就係米線麵質唔算特別好食，不過湯底材料搭救，所以完全唔介意。辣豉油爽脆鵝腸我係鵝腸腔，不過呢度小食鵝腸冇乜特別，唔夠油香，只能講係合格，口痕可以食下。不過食飯時間二人或以上真係等好耐先可以入座，建議早啲嚟、遲啲嚟或者自私嚟