鳳鳴居

营业中

休息中

鳳鳴居呢個名 聽就聽得多我呢啲九龍人一年都唔知去唔去到一次上水😂見到佢喺旺角開分店就梗係要買番碗黎試下啦🙌🏽-佢淨係湯麵都有好多種選擇🤔我梗係揀佢地個最出名既醉香雞湯麵(米線)啦😏另外仲加左個蒜蓉辣辣雞翼尖做餸🤤-拎到番屋企第一件事梗係飲啖湯先啦😏嘩 個花雕味好香 加上紅棗既甜味 不得了 飲到停唔到口🤤湯𥚃面除咗紅棗 仲有好多件雞 仲有幾舊雲耳👍🏽之後再倒啲啲湯落個米線度 因為有蒜蓉辣辣雞翼尖既蒜蓉同埋辣椒 令到個湯有另一種呈現方式🤭另外雞翼尖煮得好入味👏🏼-個湯真係太過驚人 太好飲 肯定係不久嘅將來會食第二次🥢🙌🏽👏🏼👏🏼👏🏼

“醉香雞湯麵+秘製腩肉”($52+$8)“蘿蔔清湯腩飯”($52)之前一路都已經好想去呢間鳳鳴居但地點喺上水實在太遠😂最近餐廳喺旺角開咗分店終於可以去食啦😍入座後用qrcode落單十分方便當然要叫返碗最出名嘅醉香雞湯米線🐔一上枱已經聞到湯底好香嘅藥材味😍個湯飲落充滿酒香同紅棗嘅清甜,超正🤤雞件大大件而且夠嫩滑☺️另外+$8要咗秘製腩肉🐷腩肉一層膏一層肉肥瘦十分分明肉質柔軟,仲吸滿哂酒香超好食🤤男朋友就要咗個蘿蔔清湯腩飯個湯底都係十分清甜,不過牛腩就一般般蘿蔔就幾腍幾入味我諗嚟呢道都係叫返雞湯麵會好啲😝

「一碗由上水吃到旺角的雞麵💛」呢間店我每次去上水都會食，就算要等好耐我都會等💕以前我會介紹佢係小店，但係佢而家已經喺旺角開咗分店，唔再係一間「小」店，知道佢開咗分店我好開心，去咗旺角幾次都要食佢雞麵！佢嘅雞麵有多唔同種類，男朋友每次都會食麻辣雞麵（$52），如果食得辣真係非常惹味！唔好睇佢個湯咁紅，但係麻香更多過辣味，每次男朋友食完都無咗半碗湯😆我今次就試芫荽雞湯麵（$56），本身我就係一個芫荽怪，但都會驚出街食會洗唔乾淨，而我所見佢嘅芫荽係非常乾淨而且份量好多！食完都無肚痛呀～芫荽份量多到見唔到雞（右面張相有雞😗），食完成口芫荽味！正呀😏鳳鳴居嘅小食都好出色，蜂巢春卷（$30/6條）係即叫即整，又熱又脆口，我差唔多次次都會叫😋。呢段時間，大家都支持有💛嘅小店，一齊同度難關！💪🏻

之前食過佢醉雞米線幾好味,今次試下佢既喇沙雞油麪。旺角店環境裝修簡約企理，乾淨衛生。出餐速度都算快，坐低一陣就有得食。雞既份量有8件，份量足，而且肉質都算滑。不過湯底有d失望，只有咸味同少許辣味，椰香味明顯不足。下次再食都一定會揀返佢既醉雞米線

經過旺角 咁岩見到想試好耐嘅鳳鳴居 之前Bookmarked嘅時候佢只係得上水一間店 宜家係旺角開埋分店 唔試唔得啦🤩無奈無左晚市堂食 唔知外賣水準如何素聞佢嘅醉雞米線受到不少米線迷嘅追捧 咁今次Sa妹都點返個醉雞米線🍜醉雞湯米線飲完一啖佢個湯底 驚嘆左出聲 太岩我口味啦 醉雞湯非常濃郁 帶有陣陣酒香同紅棗嘅甜香 入面嘅紅棗 木耳份量都幾多 適合鍾意食養生湯渣嘅人 相較之下 佢嘅雞件就無湯底咁出色 酒香味並沒有滲入雞件入面 食落係普通雞嘅味道 不過勝在唔會Hai 同埋份量足夠 🫔蜂巢春卷外賣返屋企路程都10幾分鐘 但佢個春卷真係令Sa妹意外地驚喜 因為真係好酥脆 係每一舊都Ka Ka聲 點埋喼汁 食到停唔到口🦢辣豉油爽脆鵝腸鵝腸的確非常爽口 底下仲有一堆芽菜 不過略嫌唔夠入味 辣味都好少真心覺得佢嘅醉雞湯底好掂 肯定會再Encore🤤🤤

❤️依家天氣涼涼地，成日想食啲湯麵、湯飯暖下個身，一諗起湯麵就會想食呢間醉香雞湯麵🥘一坐底就梗係要招牌醉香雞湯麵，今次仲加咗個小食炸墨魚丸添🍜一上枱好香藥材味酒味😍一飲仲有紅棗既甜味，雞件大大件又滑，正👍🏻👍🏻👍🏻👍🏻今次叫咗米粉仲掛得多啲湯，就算飲哂啲湯都唔會口喝，證明真材實料，價錢又唔貴，真係好抵🌟🌟🌟🌟🌟🍢個炸墨魚丸，好香脆又熱辣辣，仲配埋泰式辣醬，正正正😋

本人勁中意雞湯，見到旺角新開了鳳嗚居😝也感到興奮，之前也聽過上水果間總店也很出色，平時也多人排隊。今天來試試，店內裝修新穎，坐位也不算太迫。我今次試了姬蟲茸雞湯米線，對於中意食蔥的人有福了，因為可能揀多蔥😍，雞湯米線再配以脆香鮮蔥，入口極為香，米線又滑，雞件熟得岩岩好，太絕了！老公叫了醉雞湯飯，我也試了一啖，酒香味極濃，太正了！另外叫了一個小食，炸魚片頭，食得出是即叫即炸的，魚片頭的邊是脆的，入面十分熱，掂埋酸辣醬，味道很配。此店值得推介，我的小朋友悸很喜歡食😚

我平時係超愛食Laksa~ Laksa~ Laksa~ 狂食各左種Laksa, 所以今日試下鳳鳴居既Laksa。 坦白講， 佢呢間店主打係雞湯麵， 而唔係Laksa, 所以都唔可以有大過份既要求 (唔係Laksa專門店)一食之下， 感覺味道都算幾好， 雞既質地係適中， 唔會韌， 估計係煮既温度都係恰當。麵質適中。 但唔好既地方就係湯麵既靈魂Laksa湯， 椰味唔夠， 偏味精， 食完有口喝感覺。下次有機會， 可以要試試佢其他湯底會好d

以前已經會特登去上水嗰度食呢一間醉雞米線🍜次次去嗰度都大排長龍🐲今次一於就開舖之前過咗嚟好彩唔駛等🥰質素仍然保持恭喜佢哋長做長有🥰-▪️醉香雞湯麵$52香甜帶有濃郁花雕味嘅醉雞米線實在係超級無敵出色🐔雞件嘅數量都超級無敵多，最犀利係可以做到個肉質鮮嫩得來又會入味！留意番呢度嘅湯底係比較偏甜少少🥰另外會配有辣椒豉油俾你可以拎黎掂個滑雞件🐔唔係講笑呢個辣椒豉油都好出色🌶️▪️瑞士雞翼$23/4隻呢度嘅瑞士雞翼同樣做得非常出色👍🏻香甜嘅瑞士汁緊密地包裹處整個煮到軟稔勁入味嘅雞翼🐔▪️卜卜脆炸魚皮$21呢個好脆炸魚皮做到脆而不膩👍🏻浸落去醉雞湯到非常出色，索晒成碗湯嘅精華真係好好味😚▪️雞絲粉皮$40呢度嘅粉皮爽脆輕薄！大量鮮嫩雞絲以及大量胡麻醬淋係咁皮上面超級開胃👍🏻

評分：🌕🌕🌕🌕🌗（4.5/5）總評：環境乾淨企理不過座位略嫌有少少迫食物質素唔錯👍價錢來講喺旺角區我覺得算係咁——————————————睇食評都見唔少人有推介佢嘅醉雞面男友叫左黎試個人食完都覺得的確係推介之選👍👍👍佢係屬於比較清甜嘅醉雞湯唔會話有好大浸藥材味嘅另外雞都好滑，份量亦都唔少😋係湯底略嫌有少少油同埋我個人唔係好鍾意佢嗰款米粉底入口有少少鞋口☹️我就叫咗個姬松茸雞米線呢度有個小插曲就係一開始我想試小食啦見到佢有得配面咁樣落單咁我都有問職員啲小食係會另上定係放喺個湯入邊職員都同我講到明話會幫我另上於是我就叫咗幾款配料亦都有同佢講話想另上點知最後就係好似圖中咁樣炒埋一碟🥲其實如果本身佢哋係唔接受另上咁其實我都唔介意自己另外叫個單點小食嘅但係應承咗之後溝埋一碟其實好影響我本身湯底嘅味道🤕🤕.的確一入口就係蒜蓉辣椒嗰種味道另外就係瑞士雞翼嘅甜味本身個湯應該有嘅菇菌味係完全消失晒😫咁我就同返職員反映好彩佢哋都肯另外上返個湯底俾我🥰發現佢本身個湯底真係好香如果係比其他小食配料嘅味掩蓋左真係好唔抵😆試完之後我自己就更加鍾意姬松茸湯多過醉雞湯始終市面上呢一類型嘅菇菌湯比較少見🥰🥰🥰.雖然今次有

表姐話呢間粉麵線喺上水好出名 不嬲都大排長龍而家旺角開咗分店啱曬我啦 所以即刻去咗試不過門釘都摸咗幾次 一次係大廈冇電 另一次係佢哋新開張要拜神😆 不過都冇阻我一定要去食到嘅決心 仲一個月內去咗兩次添醉香雞湯麵 可以揀米線，米粉或者河粉第二次嚟食嘅時候揀咗河粉我覺得最好食先試一啖湯 淡香嘅酒味而雞湯味香濃 每一碗都會跟辣豉油畀你點雞食另外再嗌咗個小食辣豉油鵝腸 份量都唔少架 甜甜地又辣辣地 鵝腸爽脆 油脂適中 呢間又可以成為我新一個食堂啦不過都幾多人排隊 未夠十二點開門已經見到人龍所以想食嘅話 可能要預番少少時間

一直聽到人地食醉雞湯麵,成日都好想食,終於有機會經過,鳳鳴居個名聽起黎仲以為係酒樓添XD有醉雞湯,虫草花湯,花膠湯,蕃茄湯,喇沙湯底都有.仲有自選配菜好似車仔麵咁,小食都好多選擇.叫左醉雞湯麵,店員仔仔問我要咩麵底,我呆左XD問佢D人食咩多,佢話多數人叫米線既,咁就米線啦,叫完乖乖出門口等,當然都周圍望下啦.嗯,我都好鍾意香港架,唔知香港鍾唔鍾意我呢XD裝修幾靚.門外電子化攞位,幾好呀.大約三分鐘左右就拎到外賣啦.預設分湯,一兜湯,一兜米線,一兜豉油,雞份量都多,仲有隻雞槌呀,配料有雲耳同紅棗.米線睇落幾焾身,倒返湯落去,咁就靚仔返曬啦,雞夠肥XD但淡身D,點豉油啱啱好,湯甜,唔太濃,唔會醉XD幾滿足!下次要試虫草花湯~

呢間鋪頭對我嚟講一啲都唔陌生㗎啦, 以前無論堂食定外賣都食過無數次🤩 不過總店喺上水, 對於唔係住附近嘅我, 根本好少再幫襯🙈 最興奮聽到佢喺旺角開咗分店😍 即刻要再拜訪下佢👍🏻 一入去鋪頭已經聞到好香醉雞湯味😋 醉香雞湯麵 唔洗講一上菜一定係飲咗個湯底先, 湯底加上有雲耳同紅棗熬湯飲落非常鮮甜❤️ (紅棗甜度係啱啱好👍🏻 唔會搶晒雞酒味) 完全係無令我失望嘅味道, 水準keep住同總店一樣, 雞件都好多🐥 而且肉質夠滑, 食完好滿足😆 成日覺得冬天好適合食佢🤭 飲品跟餐新開張期間飲品係免費㗎😃入親呢間鋪頭食野都好開心, 見到班員工真心對待每一個客人, 態度非常友善, 希望佢生意愈做愈大👍🏻

Lunch time 時間，過去旺角睇錶，就行過西洋菜街，見到有間醉雞米線，睇落幾企理清潔乾淨，又都多人排隊，就入去試試，醫下肚先！入到去有幾種選擇，見佢有「藥膳雞米線」有「醉雞花膠米線」湯飯等等既補湯底，咁就試一試佢個醉雞花膠湯飯～Around 3分鐘上到，第一啖試一試個湯底先，嘩！堅係正！比出面既醉雞湯係特別濃！花雕味濃！淆一淆湯底，好似有半隻雞咁多既份量，我估雞係鮮雞，因為幾滑！最後，我無飲曬個湯，因為份量好大講真，幾十蚊唔洗一舊水，咁大碗，做到咁既份量質素，真係算不錯！下次稅，我會試佢個藥膳湯底

家下夜晚禁堂食， 只好周圍行下睇下有咩外賣可以買返屋企食咯。 喺旺中對面見到有間舖頭大排長龍， 喺好奇心的驅使下就走咗過去睇下。 鳳鳴居主打係湯飯，車仔麵同其他麵食。 今次我試咗佢個醉雞麵，麵可以自行選擇油麵，米線等等唔同嘅麵類。 我今次要咗個米線， 米線唔會太淋黐埋一pack， 硬度適中。 湯底非常之好飲有雞味得黎，又帶有少少紅棗嘅甜味。 雞件幾嫩下， 值得一試。