鳳鳴居

营业中

休息中

竟然可以等到上水以外的鳳鳴居開分店幸好不用排隊 可以直接入座當然要試試招牌的醉雞湯米線理不上額角的汗珠 先喝上幾口金黃濃湯湯底酒香和濃郁雞肉甜味都很喜歡加上嗅起來頗重藥膳氣味 讓人想起黄酒雞湯了雞件不太嫩滑但都算可以合格的 雲耳大片爽脆少有地食到最後都覺得不錯的醉雞米線下次可以再試一下其他湯底和小食聽聞它的蟲草花雞湯和蜂巢春卷都是熱門選擇ᐧ༚̮ᐧ 𓏭𖤥 鳳鳴居旺角西洋菜南街138號地下2號舖༶ 醉香雞湯麵 ₅₂𓏭

喺朋友嘅極力推介下，終於嚟試，睇下佢有幾正🤣我嗌咗醉香雞米線🍜上餐速度都幾快，落單等咗5分鐘都冇就有得食😮一碗大概有五件雞，肉就唔算多😅骨多d，不過肉質係幾嫩滑👍🏻而聞落係有種中藥材嘅香味，食落有種甜味，都幾甜下😕應該係因為d酒？而米線係偏幼身，同平時食嗰啲有啲唔同。整體味道唔差，可以嚐一嚐。

次次經過都見排哂隊，今次要排隊我都要試！（結果真係排左半個鐘🫠🫠）唔理喇，良心店，仲要成班年青人一齊打拼咁熱血，要撐🫶🏻鳳鳴居，故名思義，係出名食🐔既［醉香雞湯米線］$52好多🐔！一路食一路話「點解食極都仲有」😂湯底酒香好濃喎！仲有用紅棗吊味🫶🏻雞件都算幾滑、好入味，仲可以點佢既甜辣醬油黎食。［蟲草花雞湯米線］$59味道相對無上面嗰碗咁濃郁，但反而清清地，仲令我想飲埋啲湯。蟲草花、雞件份量一樣好足。［醉雞腎］$25冷盤黎，份量比想中少左啲啲😂仲好爽口！好濃酒味！仲配粒醉話梅比我試，酸、甜、酒味有齊，好味喎。［凍菠蘿青檸蜜 及 凍菊花薑蜜］跟餐每杯只需$8❗️尤其推介前者，有埋菠蘿肉，好清爽；後者就清清地配合淡薑味 。兩者消暑都一流🤤

依間餐廳之前住新界區嘅朋友都極力推薦我去食 但九龍區嘅我成日都覺得路程遙遠都未肯去試😂終於等到佢喺九龍區開分店啦😍👏🏻呢間出名係經常大排長龍要拎飛仔等位嘅餐廳 今次終於有機會去試到佢哋招牌名菜醉香雞湯麵 佢有好多面選擇包括有 米線 油面 米粉 公仔麵 或者加錢轉稻庭烏冬或者出前一丁 米線愛好者既我當然揀咗食米線啦🤭另外再加左肥牛同埋芋絲係入邊 一上枱嘅時候已經成浸醉味飄入鼻 係有少少中藥材味 非常鮮甜 雖然係雞麵但係成個湯整體嚟講唔會好油 一啖米線配一啖湯簡直係絕配😝👍🏻

星期日既下午 想食春卷米線既時候 去到先知俾姐姐攻佔唯有搵其他野食 落到樓下見到有間新開既粉麵 主打雞湯麵 / 車仔麵 就入去試下 朋友有留意芫荽關注組成員話呢到芫荽雞湯麵夠多茜 佢諗到無諗就點呢個 要米線 我呢 見到有喇沙雞湯麵又係唔洗諗叫左米粉 等左一陣就黎啦黎到都幾大碗 雞有6-7 舊都算合理 我個喇沙湯都幾濃味 有少少辣 配米粉好岩 雞食落估唔到幾滑 啖啖肉好正呀 朋友個芫荽雞湯麵真係幾多茜😂舖滿左個碗 相對之下個湯係清甜 雞都一樣咁滑 見個個都叫醉雞 下次會想再黎試下醉雞湯麵 不過見個個叫醉雞湯都要等得比較耐 要預番時間先得

係好耐之前係上水食過既醉雞米線令人難以忘懷，而家係旺角都可以食到，好方便同朋友都叫左醉雞米線同一份春卷。湯底仍然好岩我口味，酒味重但又少少甜，唔會覺得好難入口，不過今次食既雞就偏鞋口，但朋友的就好嫩。值得一讚既係，雞既份量都多，至少有8至10舊。另外春卷就係炸到外皮脆，放多一陣都唔會太淋，可以再食

鳳鳴居成日聽住上水嘅朋友話好好食👍🏻👍🏻，亦都有人專程從市區去上水到食，依家終於旺角都有分店了，急不及待要食，睇下到底係咪真係講到咁好食先🤪🤪/第一次食梗係食佢嘅招牌菜 - 醉香雞湯麵，店員一放低完全感受到非常熱辣辣，食麵最緊要個湯夠熱😹😹，飲一啖你感受到非常足料，入口濃郁，有藥膳嘅味道，十分滿意👍🏻👍🏻，雞嘅份量亦都足夠，配上少少木耳，感覺又再健康一些，係會在到訪的餐廳🫶🏻😃

好，今日話說冷左出去太子附近睇中醫，未夠時間就決定去搵下食。一條友單丁，最好既就係食米線尼d 單人摺餐。.因為旺角lunch 時間，真係都要等下位，好彩一條冷既好處係，都容易zip 到位置。.今次我一條冷就order 左：*蟲草花雞米線 💲59.話得係回頭客，都係有佢吸引既地方先會返黎！首先黎到真心雞味香濃飄逸；蟲草花一堆係面，感覺豐富又有儀式感；重頭戲既雞肉係雞髀位置，夠滑嫩！配埋佢個辣椒豉油，鮮味提升又惹味(⁎⁍̴̛ᴗ⁍̴̛⁎).得閒經開，唔需要再係上水，旺角都幫到手止隱喇ʕ •ᴥ•ʔ

鳳鳴居嘅雞湯米線好出名，如果覺得上水總店太遠，旺角分店就方便好多，所以長期都見到好多人喺門口等位！呢到最出名係醉香雞湯麵，湯麵可以揀米線、米粉、油麵、河粉等等，另外仲有湯飯嘅選擇～•🥢 醉香雞湯麵 $52呢個揀咗米線，感覺係最夾😌 米線唔算好彈牙，但雞同湯底絕對會令我想再嚟食，湯底嘅酒味好香濃，加埋紅棗又甜甜地，食完又唔會好口渴👍🏻 雖然雞肉唔算好滑，但幾入味～•🥢 喇沙雞湯麵 $52喇沙湯米線都幾特別，有少少辣，但未至於好出色，相對下鍾意醉雞湯多啲😛 不過喇沙湯嘅雞件靚啲滑啲🙊 可能咁啱係雞脾位😍•🥢 自選蕃茄湯麵 $50 呢個蕃茄湯米線($23) 就揀咗手撕雞($10)、紫菜($7)同埋牛腩($10)～蕃茄湯底都幾清甜，唔係好重茄膏嗰種👍🏼 但就唔算非常有特色～ 手撕雞食落都算滑嘅，但份量唔算多；牛腩有2-3件，炆到好腍😋 紫菜其實吸到好多湯，都幾正㗎😝 另外要扣分嘅係啲米線煮到有啲太腍🥲

之前聽過不少人說旺角開了一間在新界頗有名氣、主打醉雞湯的餐廳，今日終於有機會可以一嚐究竟了。假期的下午茶時間到達，仍然需要等位，幸好大約過了15分鐘就可以入座了。第一次來就要點她們招牌的醉香雞湯麵($52)，我跟配了米線，亦可跟配米粉，旁邊亦跟上少辣的辣椒豉油，碟子可放雞骨幾貼心。醉雞湯香味撲鼻，可以見到湯面有層雞油，有濃郁的酒味跟雞香味，加入了紅棗味道偏甜，熱熱的飲下去很舒服，想必在冬天飲會很暖身的。這個湯底好像有種魔力的似，會令人一口接一口的飲，不知不覺就會飲到底，而這碗麵都配有不少雲耳，爽脆的質感增添了清新的感覺。米線的確沒有米粉那麼能夠吸湯，不過一邊食一邊用匙羹把米線跟湯一起吃仍然是很濃味的，米線的質地不會太淋保持少許口感。碗裡的雞件數目也不少，未必每件都滑但整體上肉質算淋，還吸收了香甜濃郁的湯底，啖啖都是滿足、暖胃的醉雞湯。餐廳環境整潔乾淨，可能是考慮到衛生因素而採用了即棄竹筷子，以裝潢和氣氛來說不是太合襯，也不是太環保。醉雞湯來說我覺得味道吸引，食完很滿足的感覺，特別是冬天我會特意來食的一間餐廳

上周末路經旺角，發現這間店有不粉人排隊，早前也聽聞過鳳鳴居的雞米線。頂著炎熱的天氣，也排隊一試：醉香雞湯米線一上桌時，醉雞味已飄出，帶有少許中藥材味，非常吸引。湯底偏甜，但很順口，沒有太多油，十分欣賞這點。雞件是連骨的，肉質實在，不是一般急凍貨色。雞肉也帶有雞汁，肉味幾香濃，主要是吃食材本身的味道。份量也是大大碗，身為男生的我也勉強才食得完，食量少的朋友可叫少米。凍菊花蜜有得免費轉配凍菊蜜，在炎炎夏日確是下火之選。不會太甜，帶有上菊花的清香，和米線挺相襯。

今晚係Candy時間線演唱會,本身一月改到今日.去睇show 前更要食飽飽先啦,約埋其他睇show 既朋友仔,一齊食鳳鳴居啦,等位果時又周圍望,上次食過醉香雞米線,已經念念不忘,又想食虫草花米線,但佢又唔可以兩樣加埋...真係好糾結...最後都係試虫左草花雞米線~~好多虫草呀哈哈哈~朋友仔既花膠雞米線,花膠大大塊 辣辣豉油鵝腸~爽口鵝腸,點辣豉豉油超正,送啤酒一流呀...後加左一份芫荽~醉雞腎~~醉香雞湯米~加芫荽後虫草花雞湯比起醉香雞湯冇咁濃味,虫草花好好食XDD 兩者相比我會比較喜醉香雞湯既濃郁,但同時又想食到虫草花,嗯,哩個問題似乎只有叫2碗都叫曬先解決到...

鳳鳴居平時經過成日見到有人係度排隊食，想試好耐，因為天氣好熱，唔想等所以就提前嗌左外賣。聽聞鳳鳴居嘅醉香雞湯飯好出名，雖然我唔太鍾意酒，但第一次無理由唔試下佢最出名嘅嘢😂所以當然要試一試佢。一開蓋就有一股超濃烈嘅酒香😂😂 湯頭嘅酒味超重，蓋過曬藥材味，不過佢有紅棗，所以湯都有少少甜味，不過我真係接受唔到酒味太重😂 雞分量都幾多，而且舊舊都好滑，點佢搭配嘅醬汁都幾好食！ 後尾因為接受唔到酒味太重，將醬汁倒曬落去，溝埋一齊令到酒味無咁濃烈😂

#小胖遊旺角🐠 —————————————————🔹醉香雞湯麵 $52配米線🍜生滾雞🐔本身無太重味，主要味道靠湯底，另配有醬油點雞件份量唔少，部位就randon俾，有雞翼、雞胸、雞髀都有🍗醉雞湯好香酒味🍶(怕酒味可以揀少酒)，因為加咗紅棗飲落甜甜地，感覺係好滋補藥膳湯，食完好暖幾舒服🥰米線份量大等於平時譚仔三哥少米線份量，男仔可能會覺得只有7成飽🤔🔹喇沙雞湯麵 $52配米粉+響鈴 $7 喇沙同米粉好夾，充滿椰奶同香料，少少辣🌶，十分香口惹味🧡重點係加響鈴吸收湯，真係勁邪惡又好食😈如果唔中意食雞，嗌其他餸應該都正，不過個湯真係重口味同肥，食完要飲多啲水🫣—————————————————🧜🏻口水度：🌕🌕🌕🌗🌑🤑性價比：🌕🌕🌕🌕🌘🧚🏻打卡值：🌕🌕🌖🌑🌑🥰舒適度：🌕🌕🌕🌑🌑🤤回頭率：🌕🌕🌕🌕🌑—————————————————🏝 鳳鳴居 旺角西洋菜南街138號地下2號舖上水馬會道154號地下.#小胖遊記🐠 #小胖麵🐠

鳳鳴居 - 又係啲成日都好多人排隊嘅舖頭！喇沙雞湯麵 $52👀呢個喇沙湯底啲色就好吸引，不過味道比較普通，唔算好辣，而啲雞真係唔錯，都幾滑同埋唔肥👍🏻。同埋都係有骨既雞件，冇骨嘅話會食得爽好多！！！🤣仲有果日食米線有啲過淋咗🥲總括🥄我覺得醉雞湯底應該會好食啲～可以一試啊！🫶🏻———————————————————————————📍旺角西洋菜南街138號地下2號鋪價錢：🎖🎖 🎖🎖食物：🎖🎖🎖*5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰🔍#是但求其旺角...#旺角美食 #旺角 #旺角cafe #旺角有咩食 #下午茶 #旺角下午茶 #旺角茶餐廳 #旺角冰室 #旺角茶記 #旺角 burger #旺角漢堡包 #旺角米線 #旺角醉雞