鳳鳴居

营业中

休息中

正所謂行過路過唔好錯過，行過鳳鳴居竟然無人排隊，我有無眼花呀？拎左張飛原來係要排一張枱，一張枱應該唔會等好耐，總比起之前話要排一個鐘慳返唔少時間，等左十分鐘左右就有位。餐廳唔大，座位有點迫，勝在冷氣夠涼，職員態度友善又貼心，餐廳內有陣陣的酒香味。入到餐廳職員問我哋想坐打直定打橫的二人枱，有位情況下可以比我地揀位真係貼心。餐廳人氣持續高企嘅醉香雞湯麵係必試，麵底可選米線、油麵、米粉、公仔麵、出前一丁加$6、讚歧烏冬加$10，除左麵可以揀飯。醉香雞湯米線$52店員拎嚟時會跟一碟辣椒豉油，雞嘅份量都多，我碗麵有6大件雞，雞好嫩滑，個湯底直情係個麵嘅靈魂。雞湯底有一陣藥材味，入口偏甜，淡淡酒香味。麵加$8可以有一杯凍/熱飲，我點了凍百香果，唔會太甜百香果味濃。

姬松茸雞湯米線 $59湯底雞味好夠，但係姬松茸方面，菇類甜味冇想像中咁重，如果重番些少，湯底會更鮮甜。以菇類+雞湯嘅湯底黎講，都係覺得湯雞嘅最鮮甜。雞肉方面係髀位，所以肉質好滑，雞味亦足夠，浸湯食或者點少少辣椒豉油食都唔錯，但想試下雞胸會唔會都係煮得好。相比起之前外賣食過嘅醉香雞湯米線嘅藥膳湯底，呢個湯底失色左少少，藥膳湯底藥材同雞湯嘅味道平衡應該係食過幾間雞湯米線黎講目前最好，再食應該會食番藥膳。

終於有機會嘗試到經常大排長龍的鳳鳴居了！今次試左佢超人氣的醉香雞湯米線！米線一到已經聞到超香酒味，會附送一碟豉油同碟放雞骨。首先飲一啖醉香雞湯！真係超濃郁嘅酒味，配搭新鮮嫩雞！好好味！米線亦都很掛湯，會不知不覺飲晒成碗湯！

我嘅朋友成日都吹噓鳳嗚居醉雞米幾好食，幾多人排隊，佢起碼一個月食3-4次，等我今次會一會佢睇吓係唔係咁好多先。*醉香雞湯米線 $52落完單好快就上菜啦，碗麵飄出淡淡酒香。飲啖雞湯好暖胃，雞湯味酒味平衡得啱啱好。我以為有酒會好濃好嗆，但飲落係好順口好香。雞件雖則係冰鮮貨，但冇雪味腥味，食落有雞味又嫩滑。米線滑又唔會太腍，索到啲湯，如果叫米粉一定會更索湯。蜂巢春卷 $306條春卷，炸得酥脆輕盈，入面包芋頭，感覺綿綿，口感十足。

👩🏻‍🌾👨🏻‍🎨之前已經知呢間出名，分店喺中心地帶，無理由唔去試！所以之前新開無耐就去咗食😗◾️蟲草花雞湯米線🐓另加蟹籽丸雞湯名不虛傳，一上枱就飄出陣陣雞湯味。湯香濃不膩且鮮甜，米線滑身。雞件份量多，好嫩滑，另外蟲草花份量都唔少架~雖然已經揀少麵，但係都食唔晒。😂◽️醉香雞湯米粉🍶另加肥牛｜牛腩|芝士丸|麵底湯底有濃厚的藥材味，酒味適中，味道偏淡，可能被藥材味蓋過。雞件嫩滑，想增加味道的話可配上特製豉油。其餘配料包括肥牛同芝士丸都正常， 反而牛腩有驚喜， 偏淋身，食落唔痴牙，脂肪分部均勻。✨重口味人士可以點下特製豉油，帶少少辣✨✨唔太食得辣都可以點啲啲過下癮✨✨本來想試芫茜湯架，可惜無哂，下次再食✨◾️細三兄弟🍢爆丸｜墨丸|魚片|各兩粒全部都有炸過，爆丸真係會爆汁，小心啲食。👩🏻‍🌾覺得最好食係魚片，彈牙爽口。環境方面，早到朋友仔可以拎飛等位，坐位空間少少逼，當日播住👨🏻‍🎨👩🏻‍🌾都好耐無聽嘅歌，當堂好有回憶🤣

係一間主打不含味精嘅雞湯米線➕小食，原本喺上水嘅地址一樣都係大排長龍，好受上水嘅街坊歡迎，身邊都有幾個朋友經常去食，而且去到人流都好多，可以自選湯麵或者選擇飯類，湯底好濃郁好足料，配料有成4️⃣0️⃣款可以選擇，但係佢哋嘅麻辣湯底都算偏辣但惹味😋下次會想繼續試吓其他嘅

終於試到大名鼎鼎嘅鳳鳴居😍一直都好想試！但上水對我黎講真係好遠！而家終於都係旺角有分店！應該方便左好多食客可以試到！估唔到平日夜晚九點去到都仲係全場爆滿！要出面等位入座！果然超受歡迎！好彩等左5分鐘就入咗！諗左一陣食邊款湯麵好，掙扎緊食醉雞定蟲草花雞湯麵(見依兩款比較受歡迎)最後都係揀左蟲草花配米線試下果然冇令我失望❤️啲雞件非常嫩雞而且有雞味！湯底清甜！飲湯都唔口渴！唔覺有味精😊下次我一定要再試埋醉雞湯先得！😎

朋友介紹 平日6點左右嚟到已經要拎飛等位 就睇下係咪咁好食！醉香雞湯米線粉$52 （跟餐飲品$8）第一啖飲落去酒味好濃 仲問朋友仔咁食落去會唔會醉🫠食下食下又發覺原來岩岩好😋重口味得嚟唔會好咸 食完冇口乾雞件有啲位相對鞋啲 但有啲位又幾滑🧐食得悶悶地 點啲佢比嘅豉油都好味喇沙雞湯油麵 $52朋友仔嗌呢個湯底 偷飲左幾啖喇沙湯底好濃郁好香😍唔會太辣 雞件冇試到但我諗口感都係差唔多但個人口味嚟講 下次我會揀呢個😎

諗住出開旺角就去食由上水開到出來的米線名店鳳鳴居，想試好耐😋星期六大約12點15分嚟到，可能一開鋪放晒第一輪啲人入去，我攞飛二人枱第二張飛，但最後都等咗半個鐘先入到去。不過發現我入去之後就好似唔使點等都入到🤦🏻‍♂️所以，如果大家嚟食可以試吓1245呢啲時間到都好快有位。我叫咗個招牌醉香雞湯米線，原來只係$52！另外再加$10加埋芥末沙律球。個湯好香勁有酒味，我差唔多飲晒啲湯，下次試吓加$8加酒再濃啲酒味先！米線份量就有啲少，女仔食應該啱啱好，男仔食就未必夠飽。啲雞都幾滑，不過有一半雞件都比較多骨，最驚係有少少碎骨，差啲哽親。至於個芥末沙律球就有啲失望，上到嚟先知之來係類似打邊爐芝心丸咁，味道正常唔難食嘅。另外，我叫咗個黃金魚皮。我就覺得$40嚟講都算幾香口幾好味，不過朋友就覺得油膱味好勁唔好食。整體來講鳳鳴居米線喺同類型藥膳米線之中性價比都好高，算比較抵食。值得一提的是呢度Keep住播廣東歌，仲播得幾大聲，最正係d staff會跟住大聲唱，勁high咁😂我就覺得呢個vibe好正！

下午過左最高峰既午飯時間去，但門口都係排哂隊，證明係幾多人認同佢既質素既拎左飛都要等大約25分鐘先入到座，但係期間一直都只係叫2人或以上既枱，一直叫到無啦，先撳1人飛，呢點係有d失望。入坐好自助落單，本身鍾意食喇沙，就試試佢色香味都有齊，雞既都6-8舊，都幾滑，但可能喇沙濃味，所以食落d雞無乜味，而且覺得麵底份量差少少，食得唔係好夠飽。連凍飲最後$60走人。可以一試，但如果再係最後先叫1人飛就免了。或者叫多啲人先去食。

鳳鳴居終於開到出旺角🥰唔使山長水遠去到上水先有得食🤣《醉香雞湯米線》$52上枱果時傳黎陣陣酒香～湯頭先甜加酒味濃郁 但我覺得佢嘅甜唔單單係雞嘅清甜 仲有啲人工甜味～但都唔算太差同行朋友叫左小酒但都好香酒味，唔❤️酒嘅我哋都覺得好濃😂 佢食完紅都面晒🤣🤣🤣但係雞件係香滑嘅❤️ 但係就比較淡味成個湯米線食落好暖胃好養生🥰正呀！《喇沙雞湯米》完全冇諗到呢間餐廳會有喇沙湯底食完之後 覺得下次都係唔好order喇沙湯底好啲😂 喇沙湯底唔似平時星馬餐廳果啲感覺 味道偏辣多啲 椰香唔算太香～雞髀滑滑的 但冇咩味，有d失色😣😣《清雞湯米線》$52清雞湯個湯頭真係雞湯嘅味道😂味道比較清淡但鮮甜 同醉雞嘅甜味非常唔同～口感清淡啲，有紅棗將甜味提升之餘都幾滋補😂

每次經過鳳鳴居都見到舖頭出面好多人等位，所以次次都打退堂鼓，今次6點半未夠就去，見到等候人數唔多，就嗱嗱臨攞飛，等咗大概10分鐘就入得。今次試咗最出名的醉香雞湯米線同蟲草花雞湯米線，另外叫咗辣豉油爽脆鵝腸、醉雞腎、醉蛋等小食。兩碗米線上枱時都非常夠熱，雞肉十分燙口入味，雞肉主要係帶骨雞件，啱晒中意噒骨嘅我，大部分雞肉嫩滑，只有厚肉的雞胸比較嚡口。湯底方面，兩款米線嘅湯底大有分別，蟲草花雞湯的湯底相對清淡，藥材味並不明顯，相反醉香雞湯藥材味非常濃郁，加上花雕酒香氣撲鼻，較適合重口味人士，不過湯底也比較甜口。如果想試醉雞湯底以外的湯麵，又想享有濃濃的花雕味，可加20蚊轉。米線方面，亦比較滑身。辣豉油爽脆鵝腸大部分肥膏都清除咗，加上有芽菜鋪底，罪惡感冇咁重，不過鵝腸本身調味不足，單靠豉油調味，比較單調。醉雞腎甜口，花雕味重，非常入味，口感夾脆。醉蛋火候控制非常好，完美嘅溏心蛋，酒香與蛋香相得益彰。非常滋補的一碗麵，冬天一定會再來，下次試吓芫茜雞湯麵，見到旁邊枱有叫，非常震撼。

呢個排左成個鐘先食到既雞湯麵到底有咩咁巴閉.🍜蟲草花雞湯米線 $59個湯底係痴線 好好飲 足料~好多好多蟲草花感覺到冇味精雞件夠多又夠滑 小編可以係飲清左呢個湯🤭愛上了.🍜喇沙雞湯米線 $70 (加了秘製腩肉 & 牛腩) 腩肉 & 牛腩都可以唔洗叫 好鞋😂乖乖地食雞就ok朋友想食辣 好在喇沙都唔錯 個味道唔會差.🐟黃金魚皮 $40咸蛋黃魚皮 💕推介 一定要食好食到停唔到口.📍鳳鳴居📌旺角西洋菜南街138號地下2號舖

🚩鳳鳴居（旺角西洋菜南街138號地下2號舖）💰人均： $80今次係平日收工時間 7:00 拎飛等左大概半個鐘，呢間長期都幾多人排隊🌟醉香雞湯米線 ＄52第一啖食落去驚為天人， 如果第一次嚟唔知食咩好， 建議叫呢個招牌試吓🤤🤤佢嘅湯底係偏藥膳味， 十分之甜， 可以見到有兩至三粒紅棗肉🍬會有大概三片雲耳配料， 軟林林嘅雲耳吸收埋湯底好好食但係唔知點解呢個湯底係受女仔歡迎啲， 男仔朋友覺得太甜所以如果你覺得自己唔鍾意藥膳味或者唔鍾意太甜 可以叫其他湯底例如蟲草花清湯🌟花膠醉香雞湯米線 $90 💸💸有兩至三件中size花膠片， 另外見到雞件都係比普通份量既明顯多原本見到覺得$90會太貴， 但係見到雞件份量有1.5倍我覺得都可以接受👌除咗花膠同雞件數量嘅唔一樣， 其他嘢都同$52嘅米線一樣🤝🌟瑞士雞翼（6隻）$32賣相非常吸引， 可能係落咗多啲個老抽 所以顏色上得十分之靚😋瑞士雞翼有分偏咸味同偏甜味, 而呢間既就係偏咸略嫌鹹咗少少如果配米線一齊食當餸都OK（雖然我咁講但我每次嚟食都忍唔住會叫🤣🤭）💰即炸醬爆肉丸 （6粒）$32第一次食呢個小食入邊既陷料唔係流質似豬肉碎mix埋油脂咬落juicy，

Intro: 上水嘅鳳鳴居就出名食醉雞米線，而旺角就開左分店，唔知質素有冇坊間所講嘅咁正！___________________🍽 醉香雞湯米線 ⭐️7.5/10💰 52✍🏻 雞嘅份量多，每件好大舊✍🏻 醉雞味唔濃，湯底偏淡✍🏻 雞好滑，但多醉骨要小心食✍🏻 雞可以點附送嘅醬，會有少少辣嘅感覺___________________🏠 鳳鳴居📍 旺角西洋菜南街138號地下2號舖⭐️ 7.5/10___________________