鳳鳴居

营业中

休息中

鳳鳴居在上水的人氣, 令它有足夠的能力能在旺角開分店, 在旺角中心隔離不愁客源, 無論是在附近診所的員工或病人, 又或是在旺角Shopping或工作的一般市民, 也令這裡人潮如湧, 就算是非Rash Hour也要等五張單人枱, 在這逆市也算是奇葩. 這𥚃主打的當然是醉雞米線, 也是這裡最多人點的單品.先說價錢, 五十多元一碗在這百物騰貴的香港已是中等午餐價錢, 碗大湯多米線也多. 米線口感偏腍, 也滲入湯底香味, 當然我更喜歡爽彈一點的口感. 湯頭酒香不是太濃烈, 味道甘甜, 比一般的再易入口一點. 雞件份量多, 肉多骨少, 雞肉嫩滑而雞皮爽彈, 湯頭味道柔和所以能吃得出雞件的鮮味. 整體來說還算不錯. 每次見到有鵝腸也要點, 除了自己是內臟控外, 也是因為處理鵝腸的食肆越來越少. 這裡的辣椒豉油鵝腸口感爽彈, 相當清潔沒異物及異味, 配以辣椒豉油完全沒有問題, 相當惹味, 也是佐酒小食, 可惜午餐不便飲啤酒, 以醉雞湯底代替就是.Feng Ming House is famous for her drunken chicken noodles. The soup is light i

11月嚟旺角時已經想試，今日再嚟終於食到😁未食之前朋友都推介過呢間醉雞米線🍜我哋叫咗醉雞湯油麵同蟲草花雞湯米線醉雞湯油麵湯底花雕酒味算係重手，不過男人飲開烈酒就覺得可以再濃啲。雞肉好滑。另加咗牛腩，普通不過不失，可唔特別試。蟲草花雞湯米線熱食嗰時個湯甜甜地，米線係偏幼細，雞肉都係滑。凍咗之後再試個湯就會有少少鹼水味/水喉水味。以價錢嚟講，對比平時食開嗰間養生米線，相對係平嘅，不過一分錢一貨。我哋覺得ok嘅，下次再嚟可以試其他嘢。

見到成日排哂長龍，於是同男朋友嚟試下。當是排咗大約20分鐘隊就入得，算可以啦～～叫咗一個蟲草花雞湯米線，一個喇沙雞湯米粉同一個黃金魚皮。先講蟲草花雞湯，第一啖飲落去個味怪怪地，好重鹼水味。啲雞都滑嘅，無咩問題，問題出在啲蟲草花上，一食落去勁重鹼水，我都唔明點解蟲草花會有鹼水味。喇沙雞湯比較好，本身味重，食唔到其他怪味，不過啲雞比起蟲草花嗰碗上嚟，比較嚡。不過🙈🙈係咁重味底下，仲聞到隻湯匙好大陣清潔劑味。最後，黃金魚皮。啲魚皮係3樣野入面最好嘅，如果佢唔係落味粉啲話。另外唔知係咪因為天氣凍，佢開行暖氣，令人入到去覺得有啲焗，而且啲位比較窄

我除咗係咖啡控，仲係一個米線控，之前已經聽聞上水呢間飯醉雞米好出名，見到旺角有開分店，拿拿臨排隊試下什麼名堂。 朋友仔就叫咗佢出名嘅醉雞米，我就心思思叫咗佢個蟲草花雞湯米線🍜。係食呢個米線之前，我偷試咗朋友仔嘅醉雞米，好香嘅酒味，但係湯底偏甜，搶曬雞味，唔係我預期嘅味道。我就回歸翻我碗蟲草花雞湯米線，蟲草花同雞嘅份量唔少，湯底都清甜有鮮味，食落肚仔好舒服，雞肉食落好滑唔會太肥同太柴，而且佢配埋鼓油碟，以防你重口味嫌雞肉淡，同埋俾埋碟仔裝雞骨，幾貼心。 不過米線部分就麻麻，啲米線比較爛，而且好易斷，口感一般，有啲減分。

🤑價錢約 $50-100 🪑坐位唔算闊落 weekend 去要拎飛排隊自己用QR Code 落單 方便👍🏻Ⓙ 醉香雞湯麵🍜$52試左佢嘅招牌麵 可選麵底 （米線/出前一丁/烏冬/米粉等）個醉雞湯好香濃 而且雞肉都好嫩滑佢仲會俾碟豉油黎沾雞肉算得上係平靚正😉

今晚經過旺中對面，見到有間米線舖好多人排隊，就去睇下咩料行到去朋友話呢間米線好出名，味道都唔差，咁就去試下啦！我地18:45左右拎飛，都要等接近成20張枱，等左30分鐘左右，都算快～坐低左之後係用qr code落單，我同朋友都叫左醉香雞湯米線($52)，另外我再加左水餃($8)，朋友加左腩肉($8)，不過加既配料都幾少，水餃得2粒，腩肉得3舊...不過啲雞份量就多既，有6-7舊，而且啲雞都好嫩滑啖啖肉好好食！個醉雞湯都唔差，食食下個身會feel到有啲熱熱地同臉紅先醒起個湯底係有酒，好正！但係食完之後都唔係太飽，份量有d少，男仔可能要加底先會食得飽

由上水擴展到旺區，一如既往地，富有濃郁酒香的嫰滑雞件，以及鮮甜雞湯傳來陣陣飄香。(1) 醉香雞湯麵材料有木耳、紅棗，加上雞湯非常適合乾燥又帶涼的天氣。醉雞塊絕對不會令人失望，保留原有味道。俗語有句話：「靚女有得食雞髀。」整碗湯麵誠意十足，唯湯底略帶甜。(2) 蜂巢春卷米網脆卷包裹條條芋絲，口感爽脆。另外，沾上喼汁更可解油膩感。米線方面，不似連鎖店舖般口感偏硬。輕易能掛上湯汁而不軟爛。整體來說，會期待在下一次凜冬嘗試花膠醉雞湯底。

今次黎到近排好出名既鳳鳴居食醉雞米線🍜當日星期五晚，等左成個鐘🥲醉香雞湯麵（$52）蕃茄濃湯雞麵（$52）冇影相🥲蜂巢春卷6條（$30）冇影相🥲醉雞麵既湯好好飲😍好有酒味又唔太濃會有小小清甜🍜好正 打打下又想再去食添😋雞好有雞味有好多舊雞🐤仲俾左個麻辣豉油點雞幾好味😋蕃茄湯麵就真係比下去🫠似係茄汁加茄膏個d混合出嚟相比起醉雞就差啲男朋友都話醉雞好食啲（佢好鐘意蕃茄湯既）之後到春卷，個餡係芋頭絲加d肉絲幾香口幾好食😋

首先想講d侍應無乜禮貌 見到客人唔識帶位 永遠企實係個門口度態度又唔友善 好似唔想撈咁 上菜唔識出聲先 粒聲唔出係後面隊碗野埋黎 好多細節都睇得出好唔專業 餐廳管理層係員工培訓方面可以做得好d都知道呢間餐廳係年青人做老闆可能餐廳管理方便仲係無乜經驗但既然做大左 開始開分店員工培訓方面就要做得認真少少食物方面 我覺得無想像中咁好食呢個係我問題😂😂因為其實我一向唔太好藥材味但我見好多人讚醉雞米線好食所以都叫左黎試試完我覺得唔啱我口味呢個係我口味問題 唔關餐廳事不過雞件就煮得熟左d 真係有d鞋無以前係上水食果時咁滑另外叫左炸魚皮呢個係超失望因為魚皮完全唔夠脆似擺過夜 受左潮果種質感同埋唔知點解聞落有少少類似咸魚既臭味淨係講炸魚皮 街邊d魚蛋粉檔好食好多😂其實呢間野我唔係第一次食果時佢得上水一間分店第一次食我印象係超級好員工好熱情 做野有幹勁雞件又夠滑同埋我上次係食喇沙米線叫啱d自己一向中意食既野所以上次係食得超滿意但今次第二次食黎旺角分店 感覺就無咁好了

記得上一次嚟己經係今年五月嘅事.今日再度回味婆婆家的醉香雞湯.今次我哋都係點返我哋鍾情婆婆的味道（醉香雞湯米缐及麻辣醉香雞湯公仔麵）兩個跟餐凍檸茶要加$8元落咗單大概等咗五分鐘左右.熱辣辣嘅醉雞湯米缐上枱喇.各位我唔客氣啦！趁熱飲番啖熱雞湯.湯底嘅酒味好濃.再回甘有啲藥材味.湯底好甜.雞件份量都多.食出喺用新鮮雞件.有濃郁雞味.點配枱上辣椒豉油.更帶出雞的層次感.米線口感唔錯.米線細滑掛湯。家人點的麻辣雞湯公仔麵.因家人比較喜歡麻辣的味道.據說雞件比同我講嘅一樣.只不過係麻辣湯底.大家都有唔同一樣嘅層次感.大家都結論.超讃👍😋😋😋📌 鳳鳴居 (旺角)旺角西洋菜南街138號地下2號舖

咁啱行過旺角 好彩6:00入座 叫做唔洗排隊我走嘅時候 6:30 已經排幾個人🥹梗係要試吓佢個醉雞米線$52 加$8有杯熱飲影相出嚟好似好油咁但係並唔係個湯有酒味 但係紅棗甜味都好勁成個湯出嚟就好好飲仲好暖身雞又夠嫩蔥油比例好好😋😋😋環境方面 乾淨企理 比一般茶記衛生如果大家行開旺角想簡單食少少野呢度十分推介

次次經過唔係大排長龍就係關咗門今次終於俾我排到了醉香雞湯麵 - $52個湯好夠酒味呀愈飲愈想飲雞件都好滑芫荽雞湯麵 - $56面頭個層荽厚到呢😂陣芫荽味真係好正個湯底清清哋感覺健康飲落都幾清甜蒜蓉辣辣雞翼尖 - $21食食吓發現個份量原來都幾多架喎愈食愈辣夠晒刺激呀辣豉油爽脆鵝腸 - $50鵝腸唔係好夠脆同埋都幾碎而且唔算好有味係食到尾點到多啲豉油先至食到多少少味凍菊花薑蜜 - $8薑味都幾濃同菊花蜜又幾夾--凍檸茶 - $8正常發揮

🔹旺角//鳳鳴居🔹人均約$65🔹▫️姬松茸雞湯米線 $59好大陣菇味成個湯比較淡同清🫣飲落去唔似係味精咸！健康啲😝重口味人士可以叫番另一款😋米線都好煙靭🥰▪️ 蟲草花雞米線 $59相比起另一個湯底，會再淡多少少，始終蟲草花比較難出重味，但係呢個湯會再清啲😋🔹好飽評語講返啲雞🐣🐣份量好多，大概有七至八件，個人覺得唔算好嫩滑，係接受得到🤣始終50幾蚊我覺得要求唔需要太高🤣點埋辣豉油又成件事升華咗😋令我驚喜嘅係湯底，我以為嗌兩隻雞湯只係上面既料有啲轉變🫣點知佢嘅菇同埋普通雞湯就飲得出有唔同濃度同埋唔同味道💁🏻‍♀️💁🏻‍♀️冇坊間就咁放啲餸就算😝🧠回頭指數：8️⃣🧏🏻‍♀️打卡港女：6️⃣🌬冷氣溫度：7️⃣🚽廁所評價：⏹🧾性價比呢：8️⃣

➿醉香雞湯米線 $52呢個湯底真係好正！！🤤未試過食完個米線飲咗半碗湯咁滯🫡😋個湯底好甜 甜得嚟帶有啲酒味🍷雞件嘅件量都好多 又滑唔多骨我個日6.30 去排 都排咗差唔多半個鐘先有得食但係真係好值得😚🙌🏽

呢間麵鋪主打醉雞湯麵🐥，每日都大排長龍🚶🏻🚶🏻‍♀️🚶🏻‍♂️，星期日夜晚去食都等咗差唔多一個鐘先有位，但係係值得嘅！佢嘅醉雞的確係十分出色😆！大家想食記住早啲去拎飛！🍜醉香雞湯麵 $52 湯底一飲落去就有濃濃嘅酒香🥃，味道清甜，係好味到可以就咁飲😍，仲可以揀多酒添。雞肉有六大舊，係雞脾位置🍗，肉質非常嫩滑💯，另外仲有辣椒豉油用嚟點雞，不過就咁食都已經好夠味😋。麵底方面可以揀米線、米粉、油麵、河粉、公仔麵、出前一丁或烏冬(要加錢)，揀咗公仔麵，唔會煮到淋哂。🍜喇沙雞湯麵 $52 (加豆卜$7)雖然最出名係醉雞，但係佢嘅喇沙亦都十分出色🤩！湯底十分惹味，適合重口味人士🤪。建議加豆卜就可以吸晒啲湯🤤，正！呢碗嘅雞就係雞翼同埋雞胸位置，同樣非常嫩滑😋！麵底方面揀左米線，幾彈牙，好食~🍹凍菠蘿青檸蜜 +$8除左一般奶茶咖啡嗰啲，佢仲有啲比較特別嘅飲品，一律加$8。本身擔心菠蘿青檸蜜浸味會唔會好假，點知飲落又覺得幾清新🤣。☕️熱洛神花 +$8飲落酸酸甜甜😙，味道都不錯。💸人均消費：$60